الغباء العاطفى ما هو ؟

Posted: الخميس,4 نوفمبر, 2010 by moshahidah in إجتماعية
الوسوم:

سؤال للجميع سابدأ باجابات خطرت لى الان

– ان تقول و تفعل ما تشعره دون تفكير في عواقب ذلك
– ان لا تقول ولا تفعل ما تشعره خوفا من امور لا تخيف حقا
– ان تظن ان الكون يتبع منطقك
– ان تحاسب الاخرين وفق معايرك انت الخاصة
– ان لا تتكيف ..لا تتنازل ..لا تتأقلم .. ولا تحاول حتى فعل اى من ذلك
– ان تعيش حياتك دون ادراك لوجود اشخاص لهم مشاعر حولك

Advertisements
تعليقات
  1. عزت كتب:

    مشاهدة سلام

    غايتو يا ستي أنا رأي في القضية أنو الغباء العاطفي هو عكس الذكاء العاطفي بالظبط….

    و كل عام و كلكم بخير

  2. حاج أحمد السلاوى كتب:

    د. عزت المرطب ثرو مشاهدة .. سلام مربع ..
    ذكرتنى يا أبو عصمت بالمرحوم الدكتور جعفر محمد على بخيت وزير الحكم المحلى أبان العهد المايوى .. حينما سأله احد أعضاء الإتحاد الإشتراكى آنذاك عن المقصود بكلمة الشمولية ( من تعبير ومصطلحات جعفر محمد على بخيت ) فوقف د. جعفر وقال ليهو الشمولية تعنى اللانمطية .. العضو المحترم رد وقال شكراً سيدى الوزير وجلس … خوفاً لأنو ما عرف معنى الكلمة الأولى يقوم جعفر يديهو واحدة اصعب من الأولى .
    بس يا مشاهدة .. يطرشنى أول مرة أسمع بالغباء العاطفى دا .. يمكن عشان ما عندنا عاطفة وكدا ( عاطفة وحنان .. يا ناس ) ..لاكين يتخيل لى لامن الزول يفكر بعاطفته بس ويدى عقله إجازة مفتوحة ممكن يصاب بالغباء العاطفى وأظننا نحنا ( غالبية شعوب المنطقة العربية ) مصابون بالمرض وأفتكر إنو مرض معدى شديد ..ويا هو دا المغتس حجرنا لهسه ..
    وخلونا النشوف آخرتا شنو !!!

    • moshahidah كتب:

      حاج احمد السلاوى ..

      اذن هو حسب تعريفك :
      – لامن الزول يفكر بعاطفته بس و يدي عقله اجازة مفتوحه …

      اتفق معك ..

      يلا مافي تعريفات تانيه ..شكلوا النوع دا من الغباء دا ما مسبب للناس ازمه ..مع انو ابو الازمات

  3. الغباء العاطفى هو مفردة من مفردات الاستعباط و الاستهجان الممرحل ومن المفردات الاخرى الخم العاطفى و ……. و…..الخ.
    و بالمناسبة هى من اخطر الاساليب.

  4. قرن شطة كتب:

    العزيزه / مشاهده
    سلام وكل عام وانتم بخير
    اتفق معك فى البند الاخير…ان تعيش حياتك ولو امكن دون الحوجة للاخرين على الاقل كثيرا، اما مسالة عندهم مشاعر! طيب ومالو ؟ كل زول يحتفظ بمشاعرو وربنا يسهل على الجميع ولاشنو؟ المهم فى القضية يبدو لى (الصلات الطيبة) وعدم التعدى وكده..دمتى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s