فلق الصباح صورة وصوت..

Posted: الخميس,4 نوفمبر, 2010 by aflaiga in اخرى


لا تعليق ..

Advertisements
تعليقات
  1. ابكرون كتب:

    افليقيا :
    آفو في الصين ولا شنو؟؟؟؟؟؟
    لكن باااالغته فوكا دي جرسه غير قانونية بتودي الناااار اولا وبتبوظ الخمايس تانيا……!
    ————————

    نصيحة : خلي شعارك السري : ما بقدر ابوح
    ما قادر اصرح يمكن قول يفوح والناس ما بتريح

  2. عزت كتب:

    نظم القصيدة الشاعر خليل فرح وقيلت هذه القصيدة فى مدح الوطن فى عام 1930م. حيث كان خليل حينذاك فى مصر وسط الحسان لكن مشاعره كانت مع الوطن فمثله بفلق الصباح، الذى يلوح
    نوره ويفوح نداه عطراً من جنان رضوان….. فهو لا يرى جميلاً مثله فى الكون. و يغازل الوطن الذي تلوح على خديه حمرة زاهية، ثم تتحوّل إلى صفرة فاقعة اللون من تأثير الخجل الذى ينتابه…..
    لكين يا جماعة الخير غايتو أنا ما متأكد أصلو ما معقول جنس الوصف دا يكون قاصد بيهو الوطن….. يا خليل..!!

    عموما نداء نهيب به الوطن ليرجع زي زمان و يزهل لينا العدو بدل قاعد كدا و كل مرة يشيلوا من جسمو حتة……!!

    و الهبرة الكبيرة جاية لو ما تدراكها شعبه…!!

    فلـق الصبـاح

    فَلَق الصباح قـول لى
    أهـو نورك لاح خِلِّى
    يا خفيــف الــروح
    هــو هـــذا نـداك
    أم نــدى الأزهــار
    من جنان رضـوان أصلك
    لـذا كـل ربيع فصلك
    اتـنـفــس فــوح
    تتـنـفــس نـــاس
    وريـــاض وبحـــار
    ما ألذّ نسيـم وصلــك
    مـا رأيت يا جميل مثلك
    يـا بليــل السُّــوح
    هــو هـــذا نــداك
    أم هـوى الأسحــار
    أنت روضة وليك زهرة
    وله كوكب وليك بهرة
    ضمخــوك للجبيــــر
    زعفران وعبيـــر
    إنتَ نـار فـى بهــار
    صَبّـغْ الخـدين حُمرة
    بعد ساعة بتشوف صفرة
    الاصفـرار ده كتيـر
    أخجلـوك يـا أميـر
    ولّــه نُمّــت نهـار
    صبح البُستـان شايل
    شجـر الرمـان مايل

    السُــلافْ فى الدِنـــان
    والكنـــار فى حنـــان
    والهِــزار فى هِــــزار
    إنتَ كالطـاووس خــائـل
    كبرياءك وفيـك خــايل
    انـزل انـــت كمـــان
    غـّن قـول يـا زمـــان
    ويـــن حبـيـبــى آذار
    مــا عرفنا عدوك زاهــل
    ولَّـه لِسَّـه غُـــلام جاهل
    مُتَهـــلل صيـــــف
    شِتـــا عنــدك كيـــف
    فــى اللـــعب بالنــار
    فـى لهيبــك أشـوف ساحل
    كالفــراشة أجيــك راحل
    أنــا خــــايف كيـــف
    يــا لطيـــف الطيـف
    أهــوى وابقــى فـى نــار
    فلــق الصبــاح نّـــوَّر
    لــى نحــور الغِيــد صَـوَّر
    جميعَـــنْ فـى الـــدور
    مِــن خــدود وبـــــدور
    صَــدَفَـــه و مُحَّـــارْ
    عَـزَّة شُـوفى الحــوش نوَّر
    بــى نجــوم الليـــل غَـوَّر
    يـــا صبــاح النــــور
    علـــى العيـــون الحـــورْ
    والخـــديـــد الحــــار
    عَــزَّة قـومى كفـاك نـومك
    وكفــانــا دلال يـــــومكْ
    إنـت يــا الكبـــرتــوك
    البنـــات فــاتــــــوكْ
    فــى القطــار الطـــار
    عــزَّة شُـــوفى شبــاب قــومكْ
    سبقـــوك علـــى كــومك
    بـــت رجـــــال ولــــدوكْ
    للقبيــــلة هـــــــدوكْ
    إنـــت عِـــزْ وبَطَــار
    الجمـــالْ فـى كمــــال وصفك
    أدبِــك وجمـــال خِلْفــــك
    الضميــــــــر كالعــــــودْ
    والعيـــــون السُّـــــــود
    فى البطـــانة كُتـــــار
    منزلــك عُنْـــــوان ظــــرفك
    نــوريـــة يَصــون إلفــــك
    زَعَلِــــكْ يــا أم خــــــدود
    سَــــوِّى ليــــه حــــدود
    مِنُــــه يــا سَتَّــــار

  3. عزت كتب:

    أفليقا سلام
    قلت لي كيف…. تمام التمام…
    غايتو أنا من قبيل بعاين في المغنية لكين لا القلم لا العمة ما شايفهم

  4. سحر كتب:

    دى كزبه ابريل ولا شنو؟؟؟

  5. الصادق ود البركة كتب:

    السلام عليكم ورحمة الله وبركاته
    السيد اقليقيا والسمار الكرام المدونجية
    لو كان هذا في غير هذا لكان أنفع وأجدى
    هسي قول لي عندنا كم غناي وغناية وكم كورنجي وكم عازف والغريبة شايف عازفات …………….
    ولكن عندنا كم نابغة في الدين أو العلوم الطبيعية أو الطب داخل أمازونيا ……………..خارج أمازونيا ممكن في كتير والله المستعان

  6. الصادق ود البركة كتب:

    السلام عليكم ورحمة الله وبركاته
    السيد أفليقيا والسمار الكرام المدونجية
    لو كان هذا في غير هذا لكان أنفع وأجدى
    هسي قول لي عندنا كم غناي وغناية وكم كورنجي وكم عازف والغريبة شايف عازفات …………….
    ولكن عندنا كم نابغة في الدين أو العلوم الطبيعية أو الطب داخل أمازونيا ……………..خارج أمازونيا ممكن في كتير والله المستعان

  7. aflaiga كتب:

    كلمات مدهشه ولحن اكثر ادهاشا واداء مباااااااااااالغه وتوزيع موسيقى رائع – البت عفوا المره البتغنى دى اسما منو يا جماعه ؟؟ اول مره اسمعا تتخيلو ؟؟

  8. نيام كتب:

    افلي:
    يا حليلك يا خليل كنت عارف الاحسبون جايين
    عــزَّة شُـــوفى شبــاب قــومكْ
    سبقـــوك علـــى كــومك
    عزت المرطب:
    ياخوي شوف قلمك وين انا عمتي مسكوها مني للعيد وبس…اوع يكون جماعتك جمعوا الاقلام…

  9. ابكرون كتب:

    ههههههههههه
    لكن يا افليقا عالم جباااانات
    قايلك اسدا شجاع وهصور
    وقايلك وردا اذا زأر ورد الشقلة زئيره والنيلا
    طلعته هتااااي ساكت
    كلو كوم اعمل حسابك من الصادق ود البركه ده جلابيتو شبر بس فوق الركبة هههههههههه
    —————————–
    فعلا دي فنانه اي كلام صاعده اسمها (ام شرينا السنوسى)

  10. aflaiga كتب:

    ابكرون : شبر فوق الركبه دى انت بتخوف بيها ناسنى ولا بتخوفنى انا ؟؟؟ هههههههههههه ايه رايك انا وسمسمه بنحب نانسى سوا ؟؟ شفت الشراكه الذكية دى ؟؟
    نيام : عمتك برضو ؟؟ كان ما الغيار الشايلو البشاوى فى العربيه كان ما رجعت مدنى لى اسى !!! هو بالمناسبه كان شايل غيار ليه اصلا ؟؟
    ود البركه : كدى الاف الغنايين خليهم دى رايك فيها شنو ؟؟

  11. الصادق ود البركة كتب:

    السلام عليكم ومساء الخيرات على الجميع
    الحبيب أفليقيا العائد إلينا من جديد
    سماع الغناء ده طلقناهو من زمان بعد معرفة الرأي الفقهي فيهو وآخر العهد به كان سماع أبواللمين .
    ولمان نرجع البلد في الإجازة ونركب المواصلات العامة نسمع غصباً عننا أنواع وأشكال من الفنانين الغير معروف أسماءهم بالنسبة إلي عشان كده الرأي أنو لوكان هذا في غير هذا لكان أحسن

  12. ودالخلا كتب:

    سلام ياقبيلة،،،،
    ودالبركة الشيخ البركة أين أنت يارجل، وين أراضيك ياصديقي، وأراك عصي الدمع شيمتك الصبر، أنت داير تجادل أفليقا وأبكرون، ياخوي أعمل حسابك ديل حايقعدوا ليك واحد بي هنا وواحد بيهنا، ده يجدع وداك بيجيب الحجار ولا أقول ليك واحد (يدق والتاني يخلف)، من أدبيات أهلك الجعليين في الدلوكة والطرب….
    كدي ياشيخنا ودالبركة زي ما قال ليك العفريت أفليقا أنت رأيك شنو؟؟؟
    كسرة/
    ياسديقي اللدود أسد الخلا الورور كدي أحكي لي ودالبركة ده قصة صاحبك الشاعر الرقيق (العسكري) عوض أحمد خليفة، لمن كان صاحبه كل ما يجيهو للزيارة في البيت يقولوا ليهو مشي الجامع ،ولا أحكيها ليهو أنا؟؟!!!!!

  13. مشاكل كتب:

    سلامز

    أحكيها يا ود الخلا

  14. الصادق ود البركة كتب:

    السلام عليكم ورحمة الله
    صباح الخير على الجميع
    أحكيها يا ود الخلا
    وبعدين الرأي الفقهي في الغناء هو الفيصل مش رأيي أنا المهم
    أما رأيي في الزولة دي خلوهو ( في فمي ماء)
    أحكيها يا ود الخلا في الانتظار

  15. خالد مدني كتب:

    يكفي يا افليقا انك مرقت لينا الكواشف ديل من جحورم … غايتو انا واخوي ود الزبير ما داسينها … والزارعنا غير الله اتليجي ويقلعنا … ياخي ده الكلام وده الغنا .
    المعجزة خليل فرح والاعجاز ام شرينا السنوسي … الكلام كمل .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s