كل عاااااام وانتم جميعا بألف خير

Posted: السبت,13 نوفمبر, 2010 by ابكرون in إجتماعية

أجمل التهاني والتبريكات لجميع الإخوة والأخوات المدونين بسوداننا القدام والجدد وعابري السبيل

اعاد الله علينا وعليكم عيد الفداء ووطنا (باكمله او ما سيتبقي منه )  يرفل في حلل من الخير والبركااات وينعم بالاستقرار وبالعدل

والحياة الكريمة للجميع تحت قيادة رشيدة يبعثها الله  بقدرته من خلف هذا الكم الهائل من العنت  والركام والبؤس والشقاء رحمة بهذا الشعب الأبي الذي فاق صبره الحد …آمين يا رحيم وكل سنة والجميع طيبين …..

Advertisements
تعليقات
  1. عزت كتب:

    مع احرام المحرمين
    وتلبية الملبين وثبات المتقين وتضرع العاكفيين ودموع الواقفين
    وهدى المضحيين وعزة المخلصين ومغفرة رب رحيم .

    أهنئكم بعيد الحج العظيم ..

  2. خالد مدني كتب:

    الغالي ابكرون والعزيز عزت والسادة الكرام بدون فرز … لكم خالص التهاني بالعيد السعيد اعاده الله علينا وعليكم باليمن والبركات وعلى العباد البلاد بالسلام والوحدة الجاذبة او الانفصال السلمي … وعيد سعيد .

  3. كل عام والجميع بألف خير

  4. nono كتب:

    واسأل الله العلي القدير………….
    أن يتقبل منا ومنكم صالح الأعمال…………
    وأن يجعلنا إخوة متحابين متناصحين فيه،……………..
    و يتم نعمته علينا وعلى سائر إخواننا المسلمين………….
    في الدنيا والآخرة،يعده الله علينا وعليكم باليمن البركات…………….

  5. DAKEEN كتب:

    اعاده الله على الجميع بالخير واليمن والبركات
    امنين مطمئنين بفضل الله ورحمته

  6. عباس ركس كتب:

    عيد مبارك للجميع وربنا يحقق امانيكم كووووولها .

  7. الصادق ود البركة كتب:

    السلام عليكم ورحمة الله وبركاته
    الجميع دون فرز
    تقبل الله منا ومنكم صالح الأعمال ونسأل الله العظيم رب العرش الكريم أن يحقق للجميع الأماني
    الفكي وينك أتصلت عليك الأسبوع الماضي جوالك خارج الخدمة كنت مسافر ولا شنو……..

  8. ياسين شمباتى كتب:

    ابكرون والاحباب الاعزاء….سلامات كتارات..
    وكل عام وانت واهليكم بخير وصحة ومعافاة..وتقبل الله منا ومنك صالح العمل…

  9. التلب كتب:

    كل عام و الجميع بخير
    اعاده الله عليكم بالخير و الصحة و السعادة

  10. مُخير كتب:

    الحبيب أبكرون وأجميع الأحباب
    السلام عليكم ورحمة الله وبركاته،،،
    كل عام وأنتم رائعين وسالمين وتامين ولامين وأعاده الله عليكم بالصحة والسعادة وعلى وطننا بالسلام والوحدة والإستقرار وعلى أمتنا الإسلامية بالخير واليمن والبركات

  11. سماسم كتب:

    يا نغم بالشوق يغني…… جيت ابارك وجيت اهني …….. جيت أقول العيد مبارك بالتمني

    أعاده الله على كافة المسلمين باليمن والبركات

  12. الغبشة كتب:

    كل سنه تيبن تيبن

    ياعمنا سمعنا تحت تحت انك فى البد ؟؟ اشاعه ولا كيف؟؟

  13. ابكرون كتب:

    هههههههههههه
    يا بتنا اشاعة (مقرده)…..يا ريت كان كملنا الشواااءات والمرارات بام عتياااات
    متغدي اليوم مع عمك بشااار (بابي ظبت) والمساء الي قواعدنا (بالدوخة) سالمين
    وحاتصل بيك تلفونيا لنفي (المقردات) وانا عارف السجم البطلعا ….ههههه

    • الغبشة كتب:

      وكت هى مقرده اتصل من ابوظبت عشان تنفيها فعلاً ((بعدين قصدك تقول تتصل بى بالماسنجر داير البنات ديل يزعلن منى يقولن فى هواتف بينا واكوش على السحالى تبعك ويطلعن بلا حمص من مولدك))

  14. ابكرون كتب:

    تبأن يا بتنا الاتسال بالكاسنجر
    بس يا فهم بالكاسنجر تأرفي عمك بابي ظبت ولا امدرمان ولا الدوخة كيف ….؟ هههههه
    برضو جهزي جراده حوصا ونمله بتمتم وجداده بتعوعي …وخلي الحسااااد يموتن

    • الغبشة كتب:

      جاهزين جاهزين,,,,,,,,, وتانى كمان جاهزين جاهزين ,,,,,,,,بالاضافه للطلبتهم عندى عنكبوته عرجه كمان هواده كده كيف ههههههههههه
      امانه سلام مربع لعمنا بشار

  15. طفشانة كتب:

    كل سنة وانتو طيبييييييييييييييين وربنا احقق امانيكم واخليكم لاولادكم واهلكم

  16. عزت كتب:

    طفشانة سلام و كل سنة و انت طيبة و انشاء السنة الجاية قعونجات الغبشة وابكرون ديل يلحقنك معاهم ويتمم ليك كان بقي في مبتدأ و الا خبر

  17. طفشانة كتب:

    د. عزت كل سنة وانت طيب ويارب تتحقق امانيك
    مبتدا خبر فاعل اى شى .. طبعا لازم هذه القعونجات تلحقنى … بس المشكلة فى الشيخ ؟ لانى مسكينة وطيبة ما شغالة بى نهائى وقال البياض مالو ما عارفة !!! المهم ادعو لينا فى الايام الطيبة دى وربنا بستجيب انشا الله

  18. ودالخلا كتب:

    سلاااااااااااااااام ياقبيلة،،
    كل عام وأنتم بألف خير، وربنا يحقق ليكم أمانيكم كوووولكم ، ويديكم اللفي مرادكم أجمعين،،
    طفشانة وبنات القبيلة سلام وكل عام وأنتن بكل خير، وما تسمعي كلام دوك عزت ياطفشانة، أنتي ما مسكينة ولكنك طيبة وما تفتكري ناسينك، ما انتي بـــت رجـــــال ولــــدوكْ وللقبيــــلة هـــــــدوكْ، وزَعَلِــــكْ يــا أم خــــــدود سَــــوِّى ليــــه حــــدود،،،،
    تحياتي لك ولصويحباتك الغائبات من بنات القبيلة ربات الخدور المختفيات……..
    صديقي اسد الخلا الوروار ، كل عام وانت بكل خير، وربنا يجمعنا بكم أجمعين في وطن سالم غانم تُعاد فيه الحقوق لأهله ولا يُظلم فيه أحد …
    تحياتي ودمتم في حفظ الله ورعايته.

    رد

  19. ابكرون كتب:

    دابي رنده كل عام وانت بالف خير وربنا يحقق الاماني ما ظهر منها وما بطن

  20. ودالخلا كتب:

    آآآآآآآآآمين ياصديقي العزيز، والله ليك وحشة لا يكابدها ألا من عايشها، وعودتنا غيابك فعودنا قربك يوم، ورغم العذاب واللوم في اللحظة ديك تغمرنا سعادة المحروم ونطرب لألفاظك، ونتهني بعتابك مادام بيجيبك لينا ريد عتابك يوم ولا مش كدة يا….
    ونحن في أنتظار أن يحط طائركم الميمون يوما”

  21. قرن شطة كتب:

    ابكرون
    كل عام وانت بخير وربنا يحقق الامانى..

  22. ابكرون كتب:

    بالله طالعوا كلام دابي رنده الاخيرده
    كلام اديب اريب مش وحاتكم …؟

  23. نيام كتب:

    اهل الدانقا اهل المودة و الظرف اهلين و مغتربين عمتكم السعادة و الصحة و العافية و جمعنا و اياكم الخير و الفرح لكم جميعا امنياتي الصادقة النبيلة …خالد مدني يخيل لي انفسال جاذب…

  24. ودالخلا كتب:

    سلام ياقبيلة،،
    صديقي أسد الخلا الورور، مش كدة بالله ما قالوا مابتدي حريف، وشايفك ما في زوول هبب ليك كلامك داك ، يا ربي يكون ده من شنو؟؟ يكون الناس ديل غيرانين ولا خايفين علي وجناتك؟؟ ونحن طرفنا مسهد نراه قريب ونتنهد، وهو أو هي كأنه/ها ولا هنا!!!! ولا اكون الناس ديل بيقروا ساكت وهم مطلشين من العليهم ولا قاعدبن يبصبصوا في المدونة وهم لا يبصرون ، الغريبة دايما” ماتجد عدد المتواجدين حاليا” في كاونتر المدونة أكثر من واحد، وتجد التعليقات صفر، مما يوحي بأن المتواجدين ديل عاشقين يهيمون بحب المدونة دون التفوه ببنت شفة، ألم يقل جميل بثينة في أمر لقاءه بمحبوبته : يموت الهوى مني اذا ما لقيتها ويحيا اذا فارقتها فيعود ، وأهلنا ديل تموت الكلمات والتعليقات في كيبورداتهم أذا مالقيونا وتحيا عندهم الكلمات والتعليقات الصارخة أذا فارقونا فتعود، ولا مش كده ياناس ياهو ؟؟ وأين صديقنا البيشاوي….؟؟؟

  25. ابكرون كتب:

    ههههههههههههههه
    والله صدقت الناس دي في الشاااات يا سديقي
    هو انت ما عارف استرايكر سوي شااااات في المدونه يا حليلك

  26. ودالخلا كتب:

    سلام ياصديقي الأغر بين أصدقائي الميامين، وهو بالله أسترايكر سوي ليهم شياة بيناتم في مدونتنا دي يطرشني ما سمعت بيهو ألا هسي من عندك، وما دام الحكاية جابت ليها شياتااات وشنو مابعرف داك فالخير يا عشانا تودونا لي أهلنا بسألوكم مننا ، باقي أخوك ثقافة الجاتات والفيسات والأيي شنو كدا ماعارف دي بعيد منها لأعتبارات كثيرة أقلها أنها صنعت لأجيال تلينا لا نستطيع مجاراتهم فيها، والمثل القديم ساير ( أم جركم ما بتاكل خريفين ياصديقي) وفتناكم بي عافية النمشي نكمل نومة أهل الكهف أو نعوود للماضي البعيد الذي لا يعود كما تقول رواية المبدع الراحل محمد عبدالحليم عبدالله..
    تحياتي ياصديقي!!

  27. عزت كتب:

    سلام يا أعزاء….

    فعلا يا ود الخلا ما بتاكل خريفين لكين نعمل شنو مع ناس الانقاذ ديل علمونا… طوالي مطبقين و مجددين… غايتو بقينا نجاريهم بس مافي كولو بس في التجديد و الشات و الذي منه… لدي حساب بالفيس بوك منذ زمن …. تركتو لمن لقيتو بتاع شباب عله رجعت تاني بعد ما عملنا صفحة لجمعية البيئيين و صرت أتابعه… لقيت ليك العالمين كووولهم بي هناك و شوية شوية جرجرونا معاهم… وصار معظم المشاهير بي هناك بل البرامج التلفزيونية و الجرايد و الصحف و المجلات… عالم كبير ممتد…

    نعمل ايه يا ود الخلا وكت ماقدرنا نجاريهم بالطبيق النبقى علي دا

    كسرة:
    ربنا يعيد المدونين بعدما صهينو من الجمعية ومن التداخل و من الرحلات و الغنا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s