دعوة للنقاش فيما يختص حادثة الجلد

Posted: الإثنين,20 ديسمبر, 2010 by ياسين شمباتى in إجتماعية

من يستحق الجلد ؟

هى ؟؟

ام هم ؟؟

Advertisements
تعليقات
  1. ياسين شمباتى كتب:

    سلام يا احباب..
    بس عايز اعرف الشريعة دى كانت مطبقة فى الدولاب ولا مطبقة على الاعناق والايدى والرقاب !َ؟؟ وعلينا جاى..

  2. نيام كتب:

    د.شمباتي:
    يبدو انه رقص قانوني فانا اري عدد من الرتب و رجال القانون يصفقون طربا و انسجاما وانسجاما و انسجاما انسجاما انسجاما ..

  3. ياسين شمباتى كتب:

    نيام..سلام..
    عليك نووووووووووووووووووووووور,,تقول لى غمز ولمز؟؟اها دا عيانا بيانا,,ويلا يا ريس ورينا حكم الشريعة !!ههااااااااااااااااااااااااااو..

  4. ياسين شمباتى كتب:

    ولا هو ؟؟
    انا بررررررررررررررررررررررا…

    http://www.alrakoba.net/news-action-show-id-11832.htm

  5. التلب كتب:

    ودافع البشير عن رجال شرطة أظهرهم تسجيل على موقع «يوتيوب» على الإنترنت وهم يجلدون امرأة بطريقة قاسية وهي تصرخ. وانتقد إعلان الشرطة والسلطة القضائية التحقيق في التسجيل وطريقة تنفيذ العقوبة، قائلاً: «في هذه الأيام البعض يتحدث عن الفتاة التي جلدت وفق حد من حدود الله، والذين يقولون إنهم خجلوا من هذا، عليهم أن يغتسلوا ويصلوا ركعتين ويعودوا للإسلام».
    المصدر:
    http://alrakoba.net/news-action-show-offset-60-id-11750.htm

  6. ياسين شمباتى كتب:

    التلب..
    والله اسه كنت بقرا فى الموضوع دا فى الراكوبة,,واستغربت من تصريحاتو,,واوضحت لى انو هو ذااااتو ما بعرف شريعة خليك من تطبيقها !!

    لكن ياربى مبارك والقذافى ديل جايين مالهم!؟؟؟؟ الله يكضب الشينة..

  7. عزت كتب:

    يكونو جايين شان يوقفوا الدغمسة….

    لكين يا ركس بيكونوا شرحوها ليكم كيف…. !!

  8. ياسين شمباتى كتب:

    ههههههههههههههههههه,,لكن هى تانى بتقيف!!؟؟
    والله اموت واعرف السبب بتاع الزيارة دا !! دا شيتا كتر,,ياربى يكونوا كانوا عايزين يودوهو السعودية!!؟؟ احتمال برضو..

  9. يا خبر الليلة بفلوس بكرة ببلاش ( ماتــــور نفسك ساكت على قول الفكى ابكرون يا ولدنا )

  10. ياسين شمباتى كتب:

    يا يوم بكرة ما تسرع..تخفف لى نار وجدى!!

  11. زووووووول كتب:

    عمك شمباتى سلااام
    يا اخوى كان داير النصيحه الاتنين يستاهلو الجلد

  12. ياسين شمباتى كتب:

    الحبيب زوووووول..وعليكم السلام..
    عرفنا المقطع التانى كلهم يستاهلو الجلد,,لكن حدد لينا فى المقطع الاول البستاهل الجلد منو بالضبط!!
    كسرة: تابعت خطاب اوباما المباشر؟؟

  13. ابكرون كتب:

    انا ما قلته ليكم البت (رشا عوص) دي كلاما درر وبتريح شديييييييييد يديها العافية
    ————————————————–
    http://www.alrakoba.net/articles.php?action=show&id=3876

  14. ياسين شمباتى كتب:

    ابكرون..سلام..
    لكن ما سففتو الترابة !! طبعا دا اكبر جهلول ومنافق كمان..

  15. قرن شطة كتب:

    الاخوة الاشاوس
    انا غايتو شايف ناس السجن ديل مبدعين شديد والحفلة شرعية وقانونية تمت بمباركة الجهات (المسعولة) وكده…لكين الاخو القاعد ينافس فى الاخت ودخل معاها فى رقصة حامية الوطيس بالغ ، وكمان شايف عندو انصار ومشجعين جايز اكتر من الراقصة الرئيسية ذاتها!!! ده يكون من شنو؟ ياربى من السجن والجدران ولا من الموية ذى ماقال واحد صاحبى…مشاكل البلد دى كلها من الموية!!!!

  16. نيام كتب:

    قرن شطة:
    تعرف يا قرنوف قصة الموية دي قصة و يمكن تكون هي اقرب الي التحليل العلمي من غيرها.. انا شايف في حاجات كتيرة بتنتقل عبر الموية ..مرة في ابوظبي واحد اخونا استشاري في علم النفس و صديق لسنكل ربط بين كضب السودانين والفشخرة الكضابة و الموية وعزا قصة الفشخرة دي للموية…اما حكاية الراقص المنافس فتعزي للموية والسجن معا…

  17. ياسين شمباتى كتب:

    قرن شطة..سلام..
    طبعا لازم يلقى تشجيع,لانو السجن (تأديب واصلاح وتهذيب) فى اصلاح اكتر من كدة؟؟ اسه فاخامة الرئيس ما بكون سمع بالفيديو دا ويورينا راى الشريعة فيهو شنو؟؟
    كسرة: موية يااااااا ويكا…ودا عنوان مقال شهير للبروف..تحياتى..

  18. نيام كتب:

    د.شمباتي:
    فعلا عنوان للبروف ويكا يا ويكا …وطبعا هذا العنوان يعبر عن الغبن اللي مابتقال …او لو قلتو تدفع تمنو…

  19. ياسين شمباتى كتب:

    نيام..
    صدقت,,لكن الرقيب الذى يسمع من غير ما كلام ويصله الدعاء من غير ما همهمة لقادر على ان يخسف بهم فى ليلة وضحاها..

  20. Mosab mohammed Elfadil كتب:

    شباب سلامات اين الشريعة الاسلامية اين ألدين الحنيف تجلد المرأة في وسط الجماهير وهي التي كرمها الاسلام الذي نعتنقهو ٠
    كسرة:
    هو الرئس فاضي من المعطة عفوآ الدورة المدرسية ولا فاضي من زيادة الاسعار والكلام الفاضي دة

  21. ياسين شمباتى كتب:

    مصععب..سلام..
    انت يا مصعب ما عارف الشريعة وين!؟؟ الشريعة ما مطبقة فى الدولاب !! 21 سنة مفتكرين اننا بلد اسلامى طلعنا بلد علمانى !! قاااااادر الله..
    مرحب بيك كتير وخليك قريب.

  22. monamie كتب:

    الاخ شمباتي
    والله انت دايما بتتحفنا بمواضيع روعه ورايعه وفي الوتر الحساس بس الزمن ده كلو نحن مربطين ولابسين الحجاب وقايلين في شريعه تراها خدعه سنمائيه ال21 سنه

  23. monamie كتب:

    شفت العساكر البصوروا في الغنايه مبسوطين قرش ونص كيف؟

  24. ودالخلا كتب:

    سلام ياقبيلة،،
    صديقي دوك شمباتي، دعوتك للنقاش في من يستحق الجلد هي، أم هم، أم كليهما؟؟؟؟
    من هم يا صديقي من يُفترض فيهم أن يكونوا طليعة لهذا المجتمع العفيف وعقله الرشيد ومشعله المضيئ في طريقه نحو النور والخلاص والأنعتاق من ربقة العبودية والخنوع والذل الذي يرسف فيه في القيود والأغلال الشيطانية ومن هم الذين يسايرونهم من رفقة السوء من الأنس ممن يدّعون الوعي وحماية الحقوق الأنسانية وهم أبعد الناس عن معرفة الحق وأصله –فمن هم ياصديقي الجديرون بقيادة هذا المجتمع وهدايته لسبل الهُدي والرشاد، من هم الأحق بهذا الاسم وهذه الأوصاف، (فقد سخر أحدهم من هذه الكلمات عندما ذكرت القيادة الرشيدة، وكأني به يتمني علي الناس أن يظلوا هكذا في دياجير الظلمات!!!!!)، من أين لنا أن نأتي بقادة يكونون قدوة حقيقية يقتدي بها المجتمع، فالقادة الراشدون هم أولئك الذين لا يفقدون حس النسبية، ولا يأخذون القرارات الحدية، (فنحن أمة الوسط- كما قال قرآننا الكريم، وكذلك جعلناكم أمة وسطا”)، ولكننا وللأسف لا نعرف الوسطية ولا الأعتدال في الأمور، فنحن نحب أو نكره بعنف ونصنف الناس كملائكة أو شياطين دون تروي، وبهذه الرؤية الحدية الضيقة نرى قضايانا ونحكم فيها بكل بساطة، وكل الحكام والأنظمة والشعوب ياصديقي ، ليسوا بملائكة ولا شياطين، بل بشر يصيبون ويخطئون، ودورنا المنوط بنا كراشدين حقا” هو النقد البناء للأخطاء وتشجيع القرارات والممارسات والتطبيقات الصحيحة، بأن نشيد بالمصيب وننقد المخطئ ليعدل خطأه، ففي كل نظام عالمي -مهما بلغت درجة تقدمه وتحضره- أخطاء، بل وجرائم أحياناً، فالجنة لم ولن توجد على الأرض أبدا”، أليس ذلك صحيحا” يا صديقي ؟؟؟؟؟
    ونأتي لهذه العقوبة التي طُبقت، فهي لم تُطبق هكذا جزافا” أو أعتباطا”، وأنما طُبقت كتعذير علي جُرم أرتُكب، أو مخالفة أقترفت، اومحارم أنتهكت، فعلينا أن نُحسن الظن بمن تولي مهمة الحُكم فينا أتفقنا أم أختلفنا عليه فهو من يحكمنا الآن ولا علينا الا الأنصياع لحكمه حتي يقضي الله أمرا” كان مفعولا!! وهذا الشخص الذي قام بتنفيذ العقوبة بهذه الطريقة لم يحالفه التوفيق في التقييد بمعايير الأعتدال في التنفيذ فقد أخطأ في التطبيق والتقدير وتجب محاسبته هو فقط علي ما اقترفت يداه، لا محاسبة القانون الذي يحمي المجتمع من براثن الفوضي والأنفلات.
    وأما عقوبة الجلد في حد ذاتها يا صديقي سواء أتفق الناس عليها أم اختلفوا، فهي من العقوبات الشرعية التي ألزمنا الحق جلا وعلا بتطبيقها في مواضع عقابية معينة ومحددة، وتسمي بجرائم الحدود، وتوسع المُشرع الأسلامي بالأخذ في تطبيقها تعذيرا” علي بعض الجرائم والأنتهاكات الأخري مما يجب فيه التعذير كعقوبة حسب الرأي الشرعي والفقهي الذي أتفق عليه العلماء الذين يجب علينا أحترامهم وتبجيلهم ووضعهم في مكانتهم التي يستحقونها فهم لا يستوون مع العامة كما نعلم، ولا ينبغي لأحد من الناس يدعي الإسلام أن يأنف عنها أو ينكرها، وموضوع الخطأ في تطبيق القانون علي المخطئ أمر عادي في كل الدنيا، الا عندنا فالناس هنا لا يرتضون تطبيق القوانين علي المذنبين والجناة تحت مظلة هذا النظام الحاكم، وخاصة” أذا كان الموضوع يتعلق بقوانين ما يُعرف بالنظام العام، وما يتتبعها من التعذير، وكان الأجدر بالناس أن يتحدثوا أو يناقشوا إساءة تطبيق القانون، أو التمييّز في تطبيقه بين الفئات، ولكنهم لم يفعلوا ولن يفعلوا، بل تحدثوا عن الجلد كعقوبة مهينة وبأن النساء مقهورات وكأني بهم يريدون أن تعم البلاد غاشية العذاب والعياذ بالله،،،،،،
    علينا التفريق يا أصدقاء بين نظام الحكم واشخاصه، وبين القوانين والتشريعات التي تضبط المجتمع وتنظم الحياة فيه…

  25. ابكرون كتب:

    سلاااام
    يا اخي ود الخلا اهي قلتها بعضمة لسانك :
    ( فعلينا أن نُحسن الظن بمن تولي مهمة الحُكم فينا أتفقنا أم أختلفنا عليه فهو من يحكمنا الآن ولا علينا الا الأنصياع لحكمه حتي يقضي الله أمرا” كان مفعولا!! )
    مشكلتنا كلها في هذا التولي…الشعب السوداني لم يولي جماعة الانقاذ الحكم ..! فهم استولوا عليه بالقوة غصبا عن اي واحد….وياليتهم صلحوا بعد ذلك خلال 22 سنة قادوا البلاد الي ما نحن فيه الآن من تمزق والسودان ينقص من أطرافه حلايب ، الفشقة الجنوب ولسه ، والفساد استمكن بدلا عن الدين والطهر والغفة والفقر المدقع بدلا عن الرخاء والظلم بدلا عن العدل والخوف بدلا عن الامن والشتات بدلا عن الإستقرار والإغتراب والمحسوبية والرشوة وسرقة المال العام ووووووو…الي متي علينا التفريق بين نظام الحكم واشخاصة كما تقول …! الاشخاص هم من يحبب الناس في نظام الحكم ، أما من تناقض افعاله ما يدعوا له فهو كاذب ومنافق …فهل ترضى ان تتبع المنافقون ؟.هؤلاء لا يحكمون بشرع الله ويادوب عايزين يفكروا بذلك …فماذا كانت فترة ال 22 سنه الماضية ؟هل تعلم ان اقل من هذه الفترة جعلت من دول نمور آسيا عمالقة إقتصاد وشفافية وطهر وهم مسلمون لكنهم نظيفي الايادي والسرائر همهم الاول والأخير بلادهم فقط وليس همهم الاول حزبهم وجماعتهم وابناءهم وزوجاتهم واهليهم فقط……ا!!!ا لفرق شاسع ……الي متي تودون من الشعب الجائع ان ينتظر لان تتنزل البركات عليه بايدي هؤلاء…؟
    يا اخي تلفت حولك وانت اعلم اين هم من الغدوة محمد (ص) واتباعه واين هم من هموم محمد احمد….ليس الامر قوانين او شريعة او دين ….الامر في هؤلاء فان ذهبوا غير مأسوف عليهم صلح كل شي ونبدا بناء الدولة والقيم كاننا في الاول من يناير 1956

    • نيام كتب:

      ودالخلا:
      دخل وفد من العراق علي الامام مالك و هو في المسجد في المدينة و كان الامام مادا رجليه متكئا علي رواق..فلما رأهم لمّا رجليه و صافحهم فجلسوا اليه و قال كبيرهم ياامام قد جئناك في مسألة قال ما هي قالو مارائك في من قتل ذبابة في الشهر الحرام..
      قال من اين انتم قالو من كربلاء..فتبسم مادا رجليه قائلا عجبا لكم اتقتلون الحسين بن علي في الشهر الحرام وتسألون عن قتل ذبابة؟
      الان و قد قتل شعب باكمله و سلبت ثروته و امتهنت كرامته و انتقص وطنه و استبيحت اعراضه و زهقت ارواح طاهرة …تحدثنا عن ان اصاب الحاكم و اخطاء من نفذ الحكم…هل تري في شوارعنا و جامعاتنا و مكاتبنا الا السفور و الدعوة الي المحظور…اذن كيف يستقيم ذلك فانك تري علية القوم يمارسون المحظور من زنا و سرقة و نهب و سلب فتغض الطرف عنهم ثم تري الحفاة العراة فتقيم فيهم الحد؟ماذا قال الرسول الكريم لابنته فاطمة؟الم يقل “والله لو سرقت فاطمة بنت محمد لقطعت يدها”…
      ابكرون:
      “ليس الامر قوانين او شريعة او دين ….الامر في هؤلاء فان ذهبوا غير مأسوف عليهم صلح كل شي ونبدا بناء الدولة والقيم كاننا في الاول من يناير 1956″…من المستحيل اعادة صياغة هذه الامة و حتي لو ذهب هؤلاء فان اعادة المجتمع لما كان عليه انذاك من سابع المستحيلات لقد افسدو كل شئ حتي الاخلاق و الذمم و القناعات و التفكير و المفاهيم فاصبحت السرقة ذكاء و المكر دهاء و الخبث حنكة يا ابكرون نحن نحتاج لاجيال قادمة تتم تربيتهم في حضانات off season او بيوت زجاجية تفرخ بعد عشرات السنين لنكون علي الصفر المطلق الذي يمكن الانطلاق منه…

  26. abushagrod2 كتب:

    الأخ شمباتي يا رائع لك التحية
    كأني بالرئيس البشير يريد ان يقول لكل من ساند أو وقف أو تعاطف مع أهلنا في الجنوب في حقهم وحريتهم في إتخاذ ما يرونه مناسبا لهم كاني به يقول لهم لقد حكمناكم وجلدناكم وسمناكم العذاب واحد وعشرين سنة بقانون الأمن العام المتسربل بعبائة الشريعة وإذا حصل الإنفصال ( وأحسن ليكم ما يحصل ) حنلبسكم العباية عديل كدا
    قوانين الشريعة التي ذكرها البشير هي كعصا موسى : يتوكأ عليها ويهش بها على شعبه وله فيها مآرب أخرى

  27. ودالخلا كتب:

    سلام ياقبيلة،،،
    الأصدقاء الكرام أبكرون ونيام،،،،
    ليس هنالك رجل رشيد اوحر نزيه أوشريف كريم يقبل بأمتهان كرامة الأمة وأذلالها بأي طريقة كانت أوتحت أي مسمي مهما كانت الدوافع والملابسات والأسباب، ولم اقل أن يقبل الناس بنظام حكم هم له كارهون، (فلا تصح صلاة أمام أمّ أناس وهم له كارهون)، الأمر كله يدور حول من هو الرشيد الأمين الذي يقبله الناس ليتولي أمرهم بالحسني ويقيم فيهم الدين والشرع حقا” ويبسط عليهم العدل ويطوي عنهم صحائف الظلم وصفحاته السوداء تحت هذه الظروف المهلكة، فالساحة السياسية المكشوفة أمامنا جميعا” خالية تماما”، ونعرف كل الشخوص والأشباح التي تعرض أمامنا علي المسرح، أقول ذلك ونحن الآن في مهب الريح، وتتقاذفنا المصائب وسفينتنا بين لجج الأمواج، والسماء معتمة فلا ضوء يستنار به ولا نجوم يُستهدي بها، وأتساءل معكم من لنا بربان حكيم يقود سفينتنا لبر الأمان في مثل هذه الظروف الحالكة، ألا يمكننا تأجيل الحساب وتوقيع العقاب حتي ترسو الفلك علي الجودي كما تقول ياسديقي!!!!!
    أبكرون ياصديقي، أنت رجل قيادي ذو خلفية ومرجعية عسكرية ضاربة في المعرفة والعلوم، تعلم تمام العلم أنه يستحيل عزل القائد الميداني في لب المعركة، ولا بد من أرجاء مثل هذا القرار الحاسم والخطير حتي ينكشف مثار النقع من فوق الرؤوس، وتنحسر حدة الألتحام ويتبين الناس مواطئ أقدامهم ويحصرون خسائرهم ونجاحاتهم أو أنتصاراتهم، ونحن الآن مقبلون علي معركة تقرير المصير وتحديد مصير الوطن ومآلات الأمة (بغض النظر عن من وضعنا في هذا الوضع او كيف وجدنا أنفسا فيه فساعة الحساب حتما” قادمة وكل فرد تورط في هذه المسرحية عليه أن يعد نفسه ودفوعاته لينجو من الهلكة )، وكل الناس تقريبا” يتفقون علي أن هناك أخطاء وقعت وفساد أستشري وخراب ذمم عم البوادي والحضر والكثير المثير، والسؤال هو كيف النجاة من هذه الأهوال والأخطار المحدقة بالوطن، وكيفية الأصلاح؟؟؟
    انا هنا لا أدافع عن نظام أو أبحث عن تبريرات، فكل الناس تقريبا”مشتركون سواء بسواء في الذي نراه يحث أمامنا بطريقة أو بأخري الا ما رحم ربي…..
    وأخيرا” يا أصدقائي لا أستطيع ألا أن أقول بأن الأمر لله من قبل ومن بعد، ونسأله أن يولي من يصلح، وأن يجنبنا وبلادنا الفتن والمحن ما ظهر منها وما بطن….
    ولا غالب ألا الله…  

  28. ودالخلا كتب:

    فاتني ياصديقي في لجة المعمعة وفي قلب تلك المعارك (وهي بالطبع واحدة من معاركنا في الحرب الضروس التي تدور رحاها بيننا والصهيونية) أن أشير لأمكانية حدوث تلك المفاجآة التي نتوقعها، فالكون له خالق يديره ويدبره حسب مشيئته هو، لا حسب هوي ورغبة الصهيونية أو الصليبية التي تريد بنا مكرا” وخديعة،،،،،

  29. monamie كتب:

    يعني بعد انفصال الجنوب عاوز استفرد بينا واورينا نجوم الضهر والعصر بس الشريعه عنده زى البعاتي البخوف بيه الاطفال

  30. ابكرون كتب:

    يا صديقي :
    ليت الامر انفصال الجنوب وحده ..! السودان الشمالي يعاني الامرين من السياسات الخرقاء والشعب لا يجد قوت يومه بينما امامه اولي الامر يرفلون هم وحاشيتهم في حلل النعيم..اما انفصال الجنوب وهو حتمي (الا اذا نفخ في الصور ) /وبرضو منتظرين المفاجأة التي سبق وان اعلنت عنها ….! /لكن مسئولية الانفصال تقع علي عاتق المؤتمر الوطني اولا وهو الذي اعطي الحركة الشعبية حق تقرير المصير (وهي القشة التي قصمت ظهر السودان) والحركة وجدت كنز ثمين من المؤتمر فهما وحدهما الشريكان وهما المتفقان وهما اللذان اقتسما السلطة والثروة واستبعدا البقية …رغم ما طلب منهما ان يشركا الجميع فرفض المؤتمر واشرك أحزاب ظل لا وزن لها وهي تلك التي انسلخت عن اصلها من اجل حفنة من دولارات ومناصب باهتة زائلة …وطلب من المؤتمر حكومة قومية تسع الجميع فرفض ايضا …فلا مجال لتحميل الا للمؤتمر والتاريخ لا يرحم …..

    موني آمي(غايتو الاسم حقك) : سلامات ومرحبا بك خميرة عكننه ايام الانتخابات والاستفتاء

  31. ودالخلا كتب:

    ياسديقي للحديث معك نكهة خاصة كنكهة ذلك المشروب التي تبقي وتدوم مع الزمن كما يقول صديقي ود الزبير الله يطراه بالخير، فأنت كباحث وخبير أستراتيجي تهتم بالبعد الأستراتيجي للأنفصال تعي وتفهم مآلات المخاطر والتداعيات التي ستنجم عن ذلك، وقد سبقت أشارتك لها بما هو متوقع حدوثه لأجزاء أخري من الوطن، ولا أوافقك الرأي بأن المؤتمر الوطني يرفض منح الآخرين الفرصة بالمشاركة في تحديد المصير، ولكنهم هم الذين يرفضون المشاركة في الوقت الحاضر بحجة أنهم لم يُشركوا منذ البداية وعليه هم غير معنيين بما سيحدث، ولعمري هذا هو عين العجز والهروب من تحمل المسئولية، فنحن أمام اخطر عمل مصيري يحدد هوية الأمة وأستمراريتها وتجنيبها المزيد من التشقق والفرقة والأنقسام، ولكنهم يتقاعسون عن الأضطلاع بدورهم، ويحملون المؤتمر وحده وزر الذي يحدث!!!!!
    فأذا أسلمنا جدلا” بخطأ وخطل ما أرتكبه المؤتمر الوطني فهل نعاقب كل الوطن بجريرة المؤتمر الوطني، ام نتلاقي علي حد أدني يحفظ للبلاد وحدتها وكيانها، وبعدها لكل مقام مقال ولكل حدث حديث!!
    نعم التاريخ لن يرحم ولكن ماذا يفيد الدمع وقد تشظي الوطن، وكان من الممكن صيانته عن ما هو متوقع، ونتمني أن لا تحدث تلك السيناريوهات التي يخطط لها الأعداء….
    الكلام في هذا الموضوع لا يحتمل الولوج أو الدخول في بعض الدهاليز والأنفاق، وانت الأدري والأفهم لما أقول، ولذلك هنالك بارقة أمل في تحدث أشياء تُغيير من مجريات الأحداث المتوقعة مع توقعات بكلفة عالية لذلك فالطقس المتوقع ليس صحوا” علي الدوام….
    أظن أنك تفهم ما أقول وليس كل الذي يُعرف يُقال ياسديقي، أليس كذلك؟؟!!!!

  32. نيام كتب:

    ود الخلا :
    يبدو أنكم تبحثون عن بيوت خبرة لإنقاذ السودان في الزمن الضائع و يبدو ايضا انكم مازلتم تتعللون بالاماني الحلوة الكامنة في خيالي و حلمي بكرة و بكرة يتحقق محالي …ويبدو انكم مازلتم تصرون علي تحميل الاخرين نصيبا من الوزر التاريخي لكن الجودي غادر اليابسة وترك كل عمل غير صالح…
    اما التبعات التي مازالت تتوالي فالامر في ايديكم بعد… ان شئتم اشركتم الاخرين و لو دقيتو سدركم و شلتو الباقي كمان تكونوا ريحتو و ارحتو…
    اما قولك بان الاخرين يتملصون من المسؤلية وانها “غرقانة وطالعين ليها في كتفها” فهو قول مجافي للحقيقة لانهم الان و الحال هكذا و الرؤيا ضبابية يسألونكم اشراكهم في عملية إنقاذ الإنقاذ من رجال الإنقاذ وانتم مازلتم تمنون انفسكم و تمنون الوطن بالمعجزات وتعلمون ان زمن المعجزات قد ولي…
    وحقيقة ان الوطن مسؤلية الجميع و لكنه الان في ايديكم انتم فماذا تنتظرون…فلو افترضنا جدلا بانكم ماغلطانين وان كل ماحدث هو عبارة عن ” هذا جناه ابي عليا و ما جنيت علي احد” بس نعتبركم ورطانين ونحنا ورطانين معاكم فما هو الحل؟هل ستستمعون لرأينا…أتسمعونه؟الاجابة حسب علمي لا لا لا و لا 404 مرة…اذن هذا نقاش بيزنطة هل البيضة من الدجاجة ام الدجاجة من البيضة!!!!وانت اعلم بما حدث في بيزنطة…
    ابكرون:
    “وبرضو منتظرين المفاجأة التي سبق وان اعلنت عنها ….!”فات فات تررم تررم فات فات تررم تررم فات الاوان والانكتب في جبينا الليلة بان…

  33. ابكرون كتب:

    نيااام كيفك يا صديقي يا هندسة
    دايما كلامك يوزن بالالماس …ونظرتك ثاقبة وسديدة وليتهم ناس صديقي ود الخلا يقتنعون انهم أضاعوا دولة بحجم قارة…..وبعد ده كلو عايزين من يتحمل معهم وزر ما صنعته اياديهم…..ياخ انتم مهمشين الجميع 17 سنه ولمن كوعت تقولوا ليهم تعالوا ووفق رؤآكم وحدكم وبعد خراب سوبا ؟ اكيد حيمدوا ليك لسانهم ….ويقولوا ليكم فات فات وفي ديلو سبعه لفات….. وبلاش مكابره اعترفوا ان اتفاقية نيفاشا كانت خطأ وان خطئها الاكبر تقرير المصير….وان الانفراد بالحكم (الفول فولي وسآكله وحدي) كان الطامة ….والاعتراف بالذنب مو عيب…….

  34. ودالخلا كتب:

    سلام ياقبيلة،،
    شوف ياصديقي نيام، نحن لم نتورط أبدا”، والورطة ياسديقي هي ورطتهم هم، ورطة المطالبة بتقرير المصير وهي أشبه بقصة ذلك المرفعين الذي طارد الخروف حتي وقع في الطين، وهو من وراءه دون أن يشعر غرز في الطين أيضا”، وجاء الثعلب ورأي المرفعين علي تلك الحالة، وطلب المرفعين من الثعلب أن يساعده علي المخارجة من تلك الورطة فقال له الثعلب قولته المشهورة: الورطة ياخوي بعدين بعد ما يجي سيد الخروف ويلقاك غارز في الطين………
    الآن يا سديقي شوف الورطة الحقيقية حقت منو، وصاحبك أبكرون عارف البئر وغطاها، وعارف المتورط أكثر من التاني منو؟ وأين هي الورطة الحقيقية، وما تجرجرنا في الكلام، ولحدت هنا كفاية ياسديق!!!

  35. نيام كتب:

    ابكرون:
    في كوكادام لا تقرير مصير و لا استفتاء و لا بترول ولا امريكا و لا اسرائيل قالو ابطال الشريعة في الجنوب حرام و الان ابطلوها في كل البلد و ما اجدت فتيلا…في اسمرا لا تقرير مصير لا استفتاء لا بترول و لا اسرائيل و لا امريكا قالو الخرطوم عاصمة علمانية دا حرام …جات نيفاشا و نفشو ريشهم و عملوا تقرير المصير و الاستفتاء علي الانفصال و البلد كووووولو علماني و معاهم يونيميد و موني ميد و جوني ميد و العازر و بن يسار كمان و في النهاية قالو المسعولية مسعولية الاحزاب …
    القاه في اليم مكتوفا و قال له —- اياك اياك ان تبتل بالماء..

  36. نيام كتب:

    ودالخلا:
    ياخوي بعد ما البلد ينفصل و يبقا بلدين شمال و جنوب تاني نحنا ورطتهم مالنا عليها…وبعدين معطيات دولة الجنوب تبدو واضحة و المطلوب اوضح ..و العمل متروك لهم هذا شأنهم اما النتيجة فهي باي حال من الاحوال لا تهمنا بعد ذلك…اما نحن فالمتوالية هندسية…و نحن لا نجرجر احد فمن شاء فليرد اما اذا ضاق صدره بنا فيمكنه ان يمتنع عن الرد…وقد عهدناك واسع الصدر فصيح اللسان قوي الشكيمة هماز سروج الخيل مرنا مو نشيط ان غشاك الليل…

  37. ياسين شمباتى كتب:

    مون..سلام..
    والله صدقت كلام صاحبى اللى قال (الشريعة كانت مطبقة ومختوتة فى الدولاب)!! معقولة بس؟

    ود الخلا..سلام..
    انا اصلا ما اعترضت ولا يحق لى الاعتراض على امر ربانى,,حتى سبب الجلد لم اكترث له,,فالحكم والقضاء ما فى زول عارفهم,,لكن طريقة التطبيق العجيبة!! وليست الاولى ولا الاخيرة فى ظل هذا النظام الغاشم الظالم..بل غيرها الكثير الكثير,,ولولا الحياء لملات البوست بالممارسات الخاطئة للشرطة,,لكن اكتفينا بهذين المثاليين كانموذجين لسوء التطبيق ومعاملة الشعب..
    بعدين يا صديقى انت ما سمعت كلام الرئيس؟؟قال انو سبب الجلد والتطبيق اصلا ما موضوع تحقيق او نقاش!! عليك الله فى ولى امر بقول جنس الكلام المنجورت دا !!؟؟

  38. ياسين شمباتى كتب:

    ابكرون..سلام..
    كفيت ووفيت,,والجا بالغصب يروح بالدرب,,غير مأسوف عليه..وفعلا الانقاذ او المؤتمر الوطنى يقع عليه وزر الانفصال,,وليت الامر يقف هنا,,فهاهما مناوى وخليل قد توحدا واكييييد ح يلقوا البيرعاهم زى الحركة الشعبية ويبقوا هم كمان مشروع انفصال قادم!! حسبى الله على اللى كان السبب..

    نيام..سلام..
    الآن آن لمالك ان يمد رجليه !! وهذا اوان ان يمد الجنوبيون ارجلهم وكذلك امريكا ,,اما ناس قريعتى راحت الما بعرفوا شئ فى السياسة فليتقوقعوا زيادة وليبكوا على ما سكبوه من حليب الوحدة وذهب نهر النيل !! قال شيل البترول كلو !! لا تخ!!

  39. ياسين شمباتى كتب:

    الحبيب ابوشقرود..سلام..
    اريتو كان بقت على اللبس بس!! شفت العصاية البتوكا عليها وقلت عندو فيها مآرب اخرى,,ممكن تنغرز فى محلات عجيبة!! جدا!!
    ووالله انو مكانو بدى (قدو قدو) صلاحية انو يجلد اى مسئول يبشع بيهو او يدغمس الكلام,,يعنى الرئيس يقول مافى تعدد اديان,,يجى شيخ على ووزير الاوقاف وسلفاكير يقولوا : لا,,فى تعدد اديان!! اسه دا يقولوا عليهو شنو!؟ استغفر الله..

    نيام..سلام..
    بمناسبة كوكادام ذكرتنى المثل (تاباها مملحة تكوسها قروض)!! بس ياها البقت على ناسنا ديل…ويا سهارة تعالوا شوفوا البى..الدغمسة الظلمها جننى !!!

  40. ابكرون كتب:

    يا سلام يا د. سعاد ابراهيم عيسي
    وفيتي وكفيت …لكن لمن تقولين….؟
    ————————————
    http://www.alrakoba.net/news.php?action=show&id=12343

  41. ياسين شمباتى كتب:

    ابكرون..
    د.سعاد دى انا معجب يبها من زمااان وبتاريخا التعليمى وما قدمته لجامعة الخرطوم..والله عيب على نافع وغازى انهم يسكتوا فيما تقول هى الحق,,لكنها امراة دوما ما تصدع بالحق ولا ترضى الخرس او البكم..سلم يراعها..

  42. moshahidah كتب:

    اخ اخ و الف اخ انا الموضوع دا اتكلمت فيه و فترت و قلبي اتورم …و ما قادره استحمل…و كل ما انسي اتذكر ..و احسن انى بتذكر دا اضعف مقاومه ..انك ما تنسي

    و كتبت فيه الاتى مع انو قليل لانو بالجد اكبر من الكلام

    http://moshahidah.wordpress.com/2010/12/18/%D9%85%D8%B4%D8%A7%D9%87%D8%AF%D8%A9-%D9%88%D9%84%D9%83%D9%86-%D9%84%D8%A7-%D8%A7%D8%B1%D9%8A%D8%AF-%D8%A7%D9%86-%D8%A7%D8%B4%D8%A7%D9%87%D8%AF/

  43. ياسين شمباتى كتب:

    الاخت مشاهدة..سلام..
    وبركة بالطلة,حقيقة كفيتى ووفيتى,,لكن السمع منو؟؟حسبى الله عليهم..

  44. omer كتب:

    الناقصصصصصصصصصصصصصصصص المشاهدا الاكشن والخيال كان قلتا مامصدق مافى زول بصدق صصصصصصصصصصصصصصصصصصدقووووووووووووووا

  45. ياسين شمباتى كتب:

    عمر..سلام..
    مرحب بيك وابقى داخل لا جوة..

  46. التركــــى كتب:

    دكتور شمباتى والأحبة الأعزاء
    فى الحقيقة البستحق الجلد نحن اللى ادينا فرصة لحاجات زى دى تحصل وماعملنا شئ غير الاستنكار والتنظير ….. محل ماتلقى الناس تعبر عن استيائها للوضع يقولو ليك زمان كنا وزمان كان …. لايغير الله مابقوم حتى يغيرو مابأنفسهم ….. اللهم لا اعتراض على حكمك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s