الزول المخرف

Posted: الأربعاء,22 ديسمبر, 2010 by طارق أب أحمد in اخرى

وعادة ما تطلق على الشخص عندما يأتى بحديث من (بره راسو) أو عندما يبلغ من العمر عتيا و يخف عقله حتى لا يمكنه أن يفرق بيت الألف و كوز الدره
لست صدد الكتابه عن أى زول مخرف فهذا ما يجيده صديقى قرنوف و حتما سيكتب عنه و لكننى بصدد الكتابه عن الساسه المخرفين الذين إبتلانا بهم الله عز و جل ليحـ (ك) طمونا فى أمازونيا السرور و سائر بلاد المسلمين


يحكى عن حبيب ألبى حسنى فى شمال الوادى أنه و هو على فراش الموت أن سألته سوزان
😦 الشعب المصرى بره عايز يودعك 
🙂 ليه هو رايح فين 

🙂 فى إحتفال عام قبل بضعة أيام وقف رئيس الدوله الأمازونى الذى طش عقله قبل سنين عددا جراء التفكير المتواصل فى كيفية الهروب من قاضى عدالة الأرض و أيضا بسبب العد المتواصل لأمواله المنهوبه التى كثرت حتى صار قارون بجواره متسولا, ناهيك عن أرق عدالة السماء لو كان فى قلبه ذرة أيمان
وقف الرئيس و (هدد و توعد ) رعيته بأنه سيعلن الشريعه فى أمازونيا حال أنفصال الجنوب
يعنى الشريعه بقت بعبع و الشى المن تلاته و تمانين قوانين لا تسوى الحبر الذى كتبت به
البنات إنجلدن جعليه ولا رجاله و حمرة عين
و شهداؤنا ماتوا ف###يس
طيب لو ما حصل إنفصال حتعلن الما شريعه كيف ؟؟؟؟؟؟
تانين هدد سيادتو بإنو حيعلن اللغه العربيه هى اللغه الرسميه للبلاد Now I know why we are so good in English
و لماذا حولنا الدراسه فى جامعاتنا من العربيه للإنجليزيه رغم أن كل المراجع عربيه

وأيضا ( البت أنجلدت تطبيقا لحد من حدود شرع الله)
( لا حول الله , ربنا يستر علينا من رئيس لا يعرف كيفية تطبيق الحدود)
هذا ملخص الخبركما نقلته قناة الجزيره فى النشره الرئيسه و لا ادرى هل كانت هناك كشفة حال كالتى دائما ما يختم بها لقاءاته مع الجماهير التى إعتادت أن تبرر ذهابها ب ((ماشين نحضر رقٍـيص العروس))

Advertisements
تعليقات
  1. ابكرون كتب:

    عارف يا ابو احمد
    متلازمة الخرف الاستفتائي دي حتزيد كلما اقتربنا من الرقم 9 ومن سنة الانقاذ الكبيسة 2011
    وياما حنسمع جنس هترشات من نوع نغمساااات وجنس هضربه وهووووووهوه

  2. عزت كتب:

    وين يا أب أحمد
    سلام… وبركة بالطلة…

    والله فعلا المخرفين حكاية…
    ناس فرنسا عملوا اضراب ومشاكل عشان دايرين يزيدو ليهم سن المعاش من ستين لي اتنين وستين… فالحكومة ترى أن سن الستين بدري على التقاعد بينما هم يريدون أن يتفكوا من الحكومة قائلين يعني عمرنا كلو نخدم في الحكومة….

    فالشاهد أن لكل عمر متطلبات وما ممكن الزول ياخد حقو وحق التانين… علة ناسنا أبين قفاطين وجلاليب أنصارية لا يريدوا أن يعتقونا فهم رؤساء للأحزاب مدى الحياة.. شان كدا الرئيس لمن يجي من برة البيتين ما بفكها بالساهل ومافي دورة و لا كلام بتاع ديمقراطية وكدا….

    وطبعا ليهم حق ما المنطقة العربية كوووولها من جنس دا اشمعنا هم…

  3. نيام كتب:

    اب احمد:
    آآآآي يا اب احمد تاني انقليسيكم دا تشربوه موية و اي كولا ما مكتوبة كيتي كولا و مشكلة بالفتحة الظاهرةفي القزازة تنسحب من الاسواق و العجب اليافطات الكتيرة المالية الشوارع دي كوووولها تنشال و تنكتب بالعربية…وكوووول سفارة تخت ليها بروف عربي في خشم بابها للترجمة اصلو ما نحتكلم مع زوووول غير عربي …الاخوة الجنوبيين يحسنو عربي جوبا شوية و نديهم خمسة سنين انتقالية و بعديها لازم يجودو الاعراب و ناس افليقا وابكرون ديل كمان اديناهم فرصة كافية بعدي كده خلاص طوالي يجرو الاستعارة او يجرو بلدهم…

  4. monamie كتب:

    يا اخوانا الزمن ده كلو الجماعه الغير طيبين هارننا شعارات بان الغرب والامريكان بحاربونا وبكيدوا لنا عشان تطبيق الشريعه الاسلاميه ! والشريعه الجديده العاوز اطبقها البشير دي شنو؟والقديمه كانت شريعه شنو؟والله لخبطونا الله الخبط غزلهم

  5. التركــــى كتب:

    ياخوانا نحن ليه لما الواحد فينا يبقى رئيس بعتقد انو البلد بقت ملكه وممكن يطبق العايزو ويغيرو حتى فى أخلاقيات الشعب من غير حسيب ولا رقيب ؟؟؟؟ …. مرة اتنزلت عن حقنا فى البترول ومرة ح أحكمكم بالشريعة ومرات لغتنا الأصلية ستكون العربية (يكون عايزين ينشئو وزارة اللغة العربية) …. الله فى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s