الثورة الامريكية ..

Posted: الإثنين,14 فبراير, 2011 by aflaiga in اخرى

طبعا فى زول حيجى ناطى يقول افليقا قاصد انو ثورة مصر امريكية !! وفى واحد تانى حيجى ناطى يقول امريكا شنو العاوزه ثوره دى من كترة الثوره لمن حاكما اسود بشبهات جذور اسلاميه !! لكن الموضوع حقيقة ما زى ما بيتقرى من العنوان امريكا فعلا محتاجه لثوره واقول ليكم كيف ؟؟
امريكا تضررت كثيرا من سيطرة اللوبى اليهودى عليها وتشويه ديمقراطيتها وحيادها وموقفها كراع للسلام والاستقرار فى العالم .
امريكا تضررت كثيرا من القبح الراسمالى الشنيع الذى الذى جعل المال هو دين الدوله مما اضر باخلاق الدوله .
امريكا هى التى تحتاج لثوره ثورة على السيطرة اليهوديه
ثوره على سيطرة راس المال
ثورة على سياسات الكيل بمكيالين تجاه الاخرين
ثورة على الغطرسه والانا المتعاليه
ثوره على النظام الاجتماعى المتفسخ الذى يفرز الجريمه والايدز والمخدرات والتفكك الاجتماعى .
ثوره على عدم الحياد والعدل فى قضايا العالم .
وبعد هذه الثوره لن نحتاج لثورات فى اى مكان فى العالم لانه ببساطه لن يكون هناك عملاء ولن يكون هناك تبع وامعات ..
يمكن يحصل يا شباب ؟؟؟

Advertisements
تعليقات
  1. والله فعلا محتاجين (نحن) لثورة أمريكا لو لم تتدمر أمريكا وتتفكك , لنبدأ ثورتنا الحقيقية بتدمير كل الاوثان والتماثيل التي أمامنا التي تحميها أمريكا بعنجهية ….

  2. ودالخلا كتب:

    سلام ياقبيلة،،
    أفليقا يا تفتيحة أنت واعي كلامك ده أم كنت في غيبوبة؟؟؟؟
    أمريكا شنو المحتاجة ثورة، يعني تثور ضد نفسها ولا كييف يعني، نحن بنفهم أن الثورة بتكون ضد الهيمنة والغطرسة والتعالي زي ما بتقول، والأمريكان ديل أصلا” همن ظلمة ومتغطرسين ومتعالين علي شعوب الدنيا، يعني يثوروا علي أنفسهم علشان ما يظلموا الأخرين أو يتغطرسوا ويتعالوا عليهم ولا كيف الكلام ده؟؟
    أنت يا أفليقا زي البتقول للشيطان بطل شغلك الوسخان ده وتعال توب!!!!!!!!!

  3. حنين كتب:

    أفليقا والاخوان .
    سلامات .
    والله يا أبو السره موضوعك ده بلف الراس زى حكايه سخلى سلخ سخلك .
    أمريكا دى فيها الحريه المطلقه وبعدين عاداتم النحن بنشوفا عيب ولا قلة أدب هم بعتبروها حرية شخصية بمعنى آخر ثورة أمريكا وثورة دول العالم العربى والاسلامى ماواحدة ولابيناتم قرابة .
    (نعلى ما صرجت )؟.

  4. aflaiga كتب:

    ود الخلا : راجيك يا نكااااااااش يا مبركت .
    والقال ليك منو دى امريكا كده امريكا هى شنو ذاتا ما خلاصة مهاجرى شعبى وشعبك وشعوب العالم كلها مشو قعدو عمل بلد على انقاض قومية مقهوره .
    الثوره التى اقصدها ثوره من الشعب الامريكى ضد النظام الامريكى
    واحسبا صاح تانى .

  5. عزت كتب:

    لكين يا أفليقا امكن نظامهم عاجبم….

    هو أصلو دنا عذابها خليهم كم سنة كدا امكن ناس البشير ينقلبو عليهم ويوروهم العجب

  6. قرن شطة كتب:

    السيد / أفليقا
    …فى الواقع امريكا و (حلاتها) وثورتها ده موضوع معقد شوية ، وعشان تتبسط الامور اقول كل الشعوب فيها شىء من أمريكا أو تود ذلك! اذا نحنا صححنا اوضاعنا الداخلية وتحصلنا على نوع من الديقراطية الحقيقية وواعية ، يبقى أمريكا لازم تتغير ضرورة…والتغيير فى أمريكا ليس بالصعب فهم شعوب معظم الاحيان يعرفون مايريدون ، وضمن مايريدون أن يعيشوا مرفهين ومرتاحين ولو على حساب الاغبياء والمهمشين! اذا غيرنا المعادلة من طرف واحد فقط لزم عليهم تغيير مايليهم من طرفها ولا ما كده؟ تحياتى ياحريف…

  7. طارق أب أحمد كتب:

    كل سته بتشوف حوالى 10 ثورات فى امريكا

    لكن الرتيس دايمن بينتصر
    على الشيوعيين أو الإيرانيين او حتى الحاجات الجايه من الفضاء

    لكن صورة الرئيس كل مره بتتغير

    مرات بكون جورج كلونى و مرات مايكل دوقلاس و معاهم ناس ويلى سميث و باقى الناس السمحين ديل
    بس ركز على إم بى سى و ماكس و بالذات أكشن

  8. البشاوى كتب:

    افليقا – هو لمن نحنا نتغير ونبقى ماتبع وامعات – امريكا حتتغطرس وتتعالى على منو ؟

  9. AFLAIGA كتب:

    تصديقا لتوقعاتى ها هى الثوره تبدا فى امريكا ومن داخل نيويورك بدات بثورة اقتصادية وستستمر فعلامات نهاية الكيان الصهيونى بدات فى العالم العربى وستستمر من داخل ام اسرائيل امريكا .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s