سقوط هرم خوفو

Posted: الأحد,27 فبراير, 2011 by طارق أب أحمد in اخرى

شوفو يا ناس حلاوة الدنيا بس شوفو
في البركل وقع خوفو
بعد سنوات طرد خوفو
وقعد في بركلو وروفو
مع شيرين نفرتيتي
ولد تاريخو من طقطق و لي تيتي
مؤصل من اصول بيتي
سنجك ولد سنجك
نفش ريشو و اتحمبك
نفض كيسو و اتمبك
لفا سنين وفي الاخر وقع في الجك
مع شيرين بنية المك
ــــــــــــــــــــــــ
نيام
ـــــــــــــــــــــــــ

🙂 تبدأ اليوم مراسم االإحتفال بإنهيار الهرم الإكبر

مراسم الإحتفالات

🙂 فطور العريس و الحنه (عشاء) اليوم الاتنين الموافق 28/02/2011 بالمنزل بالديوم الشرقيه الخرطوم

🙂 العقد ياناس عزت يوم الاربعاء الموافق 2/3/2011 بعد صلاة العصر في امدرمان الثوره الحاره العشرين

🙂 العرس ( الزفاف) و البهجه و الطرب يا حلوين يوم الخميس 3/3/2011 ( عشاء) بصالة الحضري بالحديقه الدوليه غرب صالة كزام

🙂 نتمنى رؤيتكم و يشرفنا حضوركم .. ((دا انا آخر طلقه من قروب (B)-))

خوفو و على يساره خفرع و يبدو فى خلفية الصوره بقية الإهرامات ناس عزت و أفلى و نيام و ود الخلا و بقية العقد الفريد

بوست مفتوح للجميع لتوثيق و بث مجريات أحداث هذا الحدث التاريخى الكبير على الهواء مباشرتن
مع صادق الامنيات لخفرع و منقرع للحاق بالركب الميمون

Advertisements
تعليقات
  1. طارق أب أحمد كتب:

    شباب و ديناصورات

    رأيكم شنو نتلاقى هناك الساعه عشره و نص

    تلفونات

    • عزت كتب:

      يعني يا أب أحمد داير توديني الحارة العشرين وتودي الحلوين للحضري…. كويس

      ما مشكلة حأجي أتزود من فطور العريس في الحادية عشر…. ومبرووووك يا عريس

  2. مشاكل كتب:

    سلامز

    قبل ما نقول الف مليون مليار مبروك … عايز أسأل : منقرع مقصود بيه منووووو ؟؟؟

  3. مشاكل كتب:

    سلامز مربع

    التهاني للحبيب الباشيمونهدز سهيل بمناسبة دخوله ( السجن ) الذهبي .. و ربنا يتمم ليك على خير يا صحبي و يجعلو بيت مال و عيال .. تغلبها بالمال و تغلبك بالعيال

    يلا يا خفرع .. شد حيلك

  4. طفشانة كتب:

    السلام عليكم
    والله يامشاكل انا خوفو ذاتو ما عرفتو على كل حال مليون مبروووووووك ودا حا يكون حدث خطييييييييييييييير لانو حا يلم شمل العقد الفريد وانشا الله بيت مال وعيال

  5. طارق أب أحمد كتب:

    طفشانه
    خوفو دا العرريس سهيل

    منقرع
    سلامز

  6. التركــــى كتب:

    أجمل التبريكات وأغلى الأمنيات للعروسين وعقبال الحارين والمنتظرين …. أها قولو واااااااااحد

  7. التركــــى كتب:

    يااب أحمد يوم التلاتاء يكون استراحة محارب يعنى ؟؟ ربنا يقدرنا على المشاركة ويقدرو على الراجيهو …. آمين

  8. عزت كتب:

    ياخ خوفو دا سعيد الاتزامن سقوطه مع اهرامات تونس ومصر…….
    الف مبروووووك

  9. طارق أب أحمد كتب:

    ((ياخ خوفو دا سعيد الاتزامن سقوطه مع اهرامات تونس ومصر…….
    الف مبروووووك))

    عزت
    دى فويه شديييييد
    عقبال أبو الهول بتاعنا

  10. نيام كتب:

    شوفو يا ناس حلاوة الدنيا بس شوفو
    في البركل وقع خوفو
    بعد سنوات طرد خوفو
    وقعد في بركلو وروفو
    مع شيرين نفرتيتي
    ولد تاريخو من طقطق و لي تيتي
    مؤصل من اصول بيتي
    سنجك ولد سنجك
    نفش ريشو و اتحمبك
    نفض كيسو و اتمبك
    لفا سنين وفي الاخر وقع في الجك
    مع شيرين بنية المك

  11. ابكرون كتب:

    مبروووك……. يا خوفي خُوفو من خَوفو يقوم صوفو
    وعقبال منقرع يبرع وما يبقى أرع
    اما الود خفرع بتاع ضواحي جده خلوه شويه (يبرطع)
    مبرووووك يا سهيل ده اليوم الدايرنو ليك مبروك عليك

  12. طارق أب أحمد كتب:

    .

    فطور العريس
    العريس سهيل ، عزت ، ود الخلا و الزووووووول

    • عزت كتب:

      طبعا الصورة (في انتظار فطور العريس) اذ في هذه اللحظات دخلت الى باحة المنزل مع أبواق موسيقى القرب صواني مزركشة وحلل مدغمسة وجرادل منفخة فابتدأ الضحك والفرفشة على أنغام الصحانا المزركشة….
      غايتو الايام دي كلنا نيام

      مبرووووك يا سهيل وأترك الميكرفون لي واحد حضر حنة العريس ليصورها لكم اذ تغيبت عنها لظرف طارئ….
      عسى أن نلتحق بهم في الزفاف باذن الله

  13. طارق أب أحمد كتب:


    .
    أب أحمد ،سهيل ، عزت ، ود الخلا

  14. عباس ركس كتب:

    مبروووووووووك يا ولدنا , اخيرا دخلت الميس – صاحبك داك اديهو تحية !!!!!
    العزيز عزت : عااااارفك مجهز البطاقة وكمان الكاميرا لزوم التوثيق والحندقة لي زولا هناك زايغ !!

  15. علي سنكل كتب:

    ألف مبروك يا سهيل و بيت مال وعيال.
    أيوه كدا عشان تشجع الناس الخايفين ، كتلوك و لا جوك . . جوك.

  16. ودالزبير كتب:

    بالله أنا قيال البوست سياسي بيتكلم عن سقوط البشير يقوم يطلع عن سقوط سهيل

    العقبي لخفرع ( شمباتي ) رغم إنه لا زال في عز شبابه

  17. نيام كتب:

    طبعا يا ولدنا يا سهيل ….
    اب احمد دا قاعد يقول ليك انا فهمتك فهمتك…اما عزت بقول ليك واقول لشباب وطني انني انصحهم بالاسراع حتي نقطع الطريق امام المسوفين اما ود الخلا بقول ليك “مالكم كيف تحكمون” تزوجو فقراء يغنيكم الله…
    علي سنكل:
    تقصد منو بكتلوك و لا جوك جوك …هسع شمباتي دا بجي دايس ابنص و بقطع الكبري و يخلي العجاجة وراهو…

  18. نيام كتب:

    ابكرون:
    انتا خفرع دا موش ولد خوفو…طيب مالكم مستعجلين..المحطة الجاية الدايات..
    ودالزبير:
    ياخ بركة الوقع خوفو اقلاها شفناكم في اللمة…ان شاء نشوفك في لمة الجمعة…

  19. ودالزبير كتب:

    جمعه شنو يا عمك

    قالوا الأربعاء العقد والزفاف الخميس … الجمعه دي مافي زول جاب حبرها .. أصح يا بريش

  20. نيام كتب:

    اصحا و صحصح

  21. ودالزبير كتب:

    آها

    قلتي لي شنو بالنسبه لثوره الفيس بوك

  22. حنين كتب:

    الاخوان سلامات.
    أم بارح طبعا مشينا حضرنا حنة العريس والهجيج كانت ماشاء الله حاجة روعة وكنا دايرين نشيل العريس على الاعناق لكن لقيناهو لابس بدلة وكرفتة خفنا على الاعناق …

  23. ودالزبير كتب:

    يا حنين

    قول الحقيقه العريس محتاج كرين عشان يتشال….. الزول يأكل ويأكل ما بيعمل حساب لليوم ده ؟؟؟ علي يالطلاق البيشيل سهيل ده إلا من الحفل يمشي طوالي لقسم العظام .. لإصابته بخلع في الكتف وإرتجاج في المخ وتصلب في القدمين مع عمى ليلي وفقدان للسمع

  24. طارق أب أحمد كتب:

    انتو مركزين مع خوفو و خفرع لكن الهرم الأصغر منقرع ما فى زول طاريهو ليه (سلامز)

    ألله يستر علينا ما نبقى منهرب

    نيام
    وللاى انا اخشى الناس يوم الجمعه تكون خايفه ((تقَوْت برتامج الرياضه))

    حنين
    بالغت فوكا طيب ما كان تستلفوا الفوركلفت

  25. ياسين شمباتى كتب:

    هلا وغلا..
    لقيتو الدار خلا وبرطعتو فيها !
    مبورك للحبيب سهيل وربنا يرزقهو الخير ويصرف عنو كل شر…
    اما عن الخفرعية والمنقرعية فخلونا فى الجهجهية دى احسن..

    ودالزبير..
    والله كتلتو,,انا فعلا كنت بفكر الحيشيلو منو!؟؟ كرين ما يجى برضو!
    مشاكل..
    بل راسك بعد دا ! كع..

    اب احمد..
    عملتها وقعدت ؟؟مشاكل شال حالى فى الفيسبوك ! شكيت محنو الحاسد….

    نيام..
    يسمع منك رب الانام اللا نام ولا اكل الطعام..

  26. طارق أب أحمد كتب:


    .

    .

  27. نيام كتب:

    ونقول يا ربنا يا ربنا يا قادر
    تحفظ سهيل وليد الطاهر
    من عين الحسود و الفاجر

  28. Dakeen كتب:

    انشاء الله بالرفاء والهناء والعاقبة إند كل الأزابة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s