بيت ملك وعربيه كلك

Posted: الثلاثاء,1 مارس, 2011 by ودالزبير in إجتماعية

البوست برعايه الغبشه وسترايكر
المعني في بطن الشاعر

قال ليك البنات الأيام دي عندهم قول ماثور في مواصفات بعل المستقبل ولخصنو في قولهن ( بيت ملك وعربيه كلك )

آها لو الزول سايق آتوس ما بينفع ولا سايق أمجاد كيف ولا ما سايق كلو كلو كيف ؟؟ ولو عنده بيت في الثوره الحاره مائتين وعشرين ولا في الجغيص ولا في عشوائي قاموا كتلوا ..!!ولو ما عنده بيت من أساسوا كيف ؟؟ أسئله ليست للإجابه في زمن العرس الصعب

Advertisements
تعليقات
  1. عزت كتب:

    يعني يا ود الزبير كلام ناس (زكي عبد الكريم) دا الشباب يخللوهو…..

    أميرة الشباب يا السمحة أنا جايك عريس
    بي كتب الكتاب يا الملكة مهرك مو رخيص

    عارفك جميله وزايده في البنوت حلا
    المال عليك يا غالية أبداً ما غِلا
    لكن ظروفنا القاسية كيف بنبدلا
    فاضل وحاتك بس نفوس مدللا

    من قلبي دايرك ليّ شريكه وأم عيال
    لكنو قربك ليّ بعيد صعب المنال
    يعجبني فيك لو قلتي أنا ما دايره مال
    وأصلو العرس بالفاتحة يا ناس ما حلال

    بت المدن يا الواعية يا الدارسة الكتاب
    غلا المهور حاربيهو ما تخليلو باب
    إتمنى خت الحنة وأعرض في السحاب
    وأرقّص بنات حلتنا دايرات الشباب

    عايش وحيد بلدي فيها الحور بنات
    عاشق جمال بنوتنا سمحات الصفات
    قولوا خير باركوا العرس يا الأمهات
    على الشباب خايف يفوت فيهو الفوات
    ________________
    كسرة:
    على فكرة تصادف حضوري لزفاف بنت المغني (زكي) على واحد من أهل زوجتي ورأينا فيهو أكثر من الفاتحة….. ههههه ههههههه

  2. ودالزبير كتب:

    يا عزت

    الفاتحه ما كعبه لكن كمان لازم تساعدها بالكلك والكاش البيقلل النقاش

  3. الغبشة كتب:

    الكليك عندك والبيت الملك عاد الناقصك شنو؟ راجى شنو؟

  4. ودالخلا كتب:

    راجي ثورة التغيير التي يقودها الشباب طبعا”،،
    فقد مضي أمسه، ويرنو لتلك الثورات بأمل أن تشتعل في ضرام، فهو من غير الحكومة حطااااااام!!!!!

  5. ودالزبير كتب:

    ياتو حكومه يا ود الخلا

    أفرز ؟؟

    الغبشه

    راجي عبدالعاطي

  6. حنين كتب:

    ود الزبير والباقيين .
    سلامات .
    زمان الامانى دى الزول بيكتما فى قلبو لكن مع ثورة الانفتاح صار الناس يجهرون بأمانيهم (طاحونة ومرة مجنونة ). يعنى كانت الطاحونة أمان من الفقر بل وأكثر من زلك فهى مصدر ثراء سريع فى زمن الكسرة .أما المرة المجنونة مقصود بيها المرة المرحة المشوطنة وليست ذات المرض النفسى .فهذة قمة أمانى الشباب زمن النجمة أم ضنب

    بيت ملك وعربية كلك تبرز فيها معانات الشباب فى الحصول على مأوى ولو بالايجار والعربية لزوم البكش .
    مالك يااااااخ…

  7. ودالزبير كتب:

    حنين يا حنين قلت لي طاحونه ومره مجنونه

    آها رأيك شنو في يسكنك الصافيه ويديك مره دافيه ( ما عارف دي مرا ولا بوتجاز )

  8. ههههههههههههه
    دى فرن وبوتجاز وسخان كمان يا ولدنا.

  9. ودالخلا كتب:

    بالله يا حنين أنت من زمن النجمة أم ضنب، وعمك دااااك من زمن السيدة لا فايتانا وين مستعجلا، كانت أياااااااااااام يا ولدنا!!!!!!!!!!!!

  10. انت ياستاذ مسمعت قصة الغنماية دى جنت ولاشنو..؟
    البنات ديل كانوا قبل شويه كانوا بقولوا راجل مره وتتطور الامر تعال تعال ابوى بملابسك ..
    اسع ديرين كلك وبيت ملك .. حرم بعد شويه ضل راجل ماحيلقوا ..
    فى العادة تجار الجملة عندما يكون لديهم كساد فى سلعة ما بقدموا تنازلات عفوا تخفيضات قد تصل الى 50% من قيمة البضاعة دا اذا ماكسروها.؟
    دحين البنات ديل قدموا ليهن النصيحه كان اوعن حبه.
    وربنا يكضب الشينه.!!!

  11. طارق أب أحمد كتب:

    شكسبير

    يرتفع سقف المواصفات المطلوبه فى البعل إلى حد كلك وبيت ملك ثم يتهاوى إلى أى حاجه فيها شعر و ريحتها سجاير

    كسره
    بمناسبة ظهورك الميمون نسأل الله أن يرد غربة السلاوى (للموقع بس)

  12. ابوالمنذر كتب:

    ودالزبير والمجوعه
    الف تحيه وسلام
    وين ناس الكريسدا السمحه وسمح سيدا
    ويامغترب وياود غرب (بس ما يكون من الفصائل اياها)
    الكورى حل محل اليابانى واتغيرت الامانى

  13. Dakeen كتب:

    سلام …

    هوووووووووووي ،،، الكلام ده قولوهو لي زيو ما إندو هديده .
    الكلام بكتبوهو في القسيمة ولا كلام
    بس سقف المطالب للشباب غير كده …
    البكر – االعاقل – الرشيد ووووووووووووو
    العرس بالفاتحة يا ناس ما حلال حلللللللللللللللليل

    • الغبشة كتب:

      نسيت حاجه فى مطالب الشباب
      اهم شي تكون ذات مصدر دخل شغل ورثه اى شى يرقع حالتو وما يشيل الحمل براه ………………..الله يعنيهم الاتنيت,………………..

  14. قرن شطة كتب:

    سلام
    اذا سادت هذه الثقافة المطلبية سوف يبورن البنات ، لانو انا شايف العندو بيت ملك وعربية كلك من الشباب مابيعرس! مالو ومال كده ، انا بى كلكى وجنى كلكلى وبيننا محادثات آخر الليل الملح

  15. طيب يا اخوانا انا عندي بيت ملك و جيتز ما بنفع؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s