فطور … سهيل

Posted: الثلاثاء,1 مارس, 2011 by ودالزبير in إجتماعية

على وزن خطوبه سهير نحدث اليوم عن فطور سهيل وتلفون بالأمس في الثامنه والنص مساء يأتينا من الحبيب سترايكر ..

يا زول إنت وين؟؟

ماشي على السوق الشعبي !!

آها وسهيل كيف ؟؟

سهيل مالوا إنشاء الله خير ؟؟

يازول إنت ما سمعت بالخبر ؟؟

أوع يكون حصل ليهو حادث …. أصلاً سهيل ببكوسيه الكبير ده لازم يكون عمل حادث كالعاده

لا .. لا المره دي الموضوع أصعب من الحادث .. سهيل بيتجوز

يا زول قول كلام غير ده … آخر مره شفته فيها كان كويس وماعنده أفكار متهوره بالطريقه دي

والله .. وهسه حنته .. وأنا ماشي عليهو

يازول كان كده … بلاش منه السوق الشعبي .. نتقابل جنب جامع القادريه

آها يا مؤمن مشينا لحنه سهيل

إتلفت بحثاً عن الأصدقاء القدامي

لا ود الخلا لا د بقاريتش لا أب أحمد لا زووووووووول لا خالد مدني لا التركي لا البيشاوي لا أفليقا

قمت عملت رسائل للامه دي قلت يكون ما عندهم خبر

ويالهول الرد الذي جأئني من المدعو زوووووووول

قال زوووووووووول قدس الله سره

إنو سعادتو بصحبه دابي الخلا ود عزت وطارق والبيشاوي كانوا حضوراً في فطور العريس

وأنا بقرأ في الرساله دخلت علينا الأخت الغبشه

فتحيرت وقلت الأمور دي إتقلبت ولا كيف

الشباب يمشوا فطور سهيل والشابات يجوا الحنه

ولا يمكن أكون ما مواكب

لكن يطرشني من مجامله فطور العريس دي

ولو لاحظت قارئ الكريم إن اليوم يوم دوام عادي والمذكورون أعلاه يعملون بدوام ينتهي عند الرابعه عصراً

المهم يا شباب

عمليتكم ما ظريفه وحركتكم جبانه

وكل سنه والجميع بخير

Advertisements
تعليقات
  1. عزت كتب:

    ههههههه هههههه
    ياخ انت من زمن دوام عادي…. أصلو الحكاية وما فيها أنو فطور العريس دا فرصة كانت الواحد يفطر مجاننا (طبعن لحد أمبارح المواهي ما نزلت) فضلا على بالله شفت ليك مدير قاعد يتقيد بالدوام…. وانت قايل المدير لمن السكرتيرة تقول ليك المدير في اجتماع والا في زيارة ميدانية… ما الزيارة الميدانية دي هي فطور عريس والا حاجة زي دي…..

    طبعن يا حبيب تكون لاحظت انو الجو فطور العريس هم المواكبين لدخول سوداننا والتعليق شان كدا ياخ خليها عادة كل اسبوع ادينا شبال وكل مرة انشاء الله حتلقى أكتر من مناسبة…..

    وعقبال الوليدات كلهم لي حدهم يجيبو ليهم فطور عريس والبنات ببتاعيننا يشيلونا فطور العريس وحنوديهو أي حتة……

    يعني يا حبيب الحكاية ما عقودات بس…..!! وخليك قريب… نتقابل باذن الله في الزفاف وأهو فرصة..!!

  2. ودالزبير كتب:

    عزت المرطب

    ظهرتوها عماله… كان فيها شنو لو كان شيدتو لي سلك … ما كان لحقت الفطور ده … لكن برضو اللوم وأقع على العبد لله لعدم التواصل والبركه في الحبيب سترايكر .. المهم اللمه في يوم الخميس بكامل آهالينا في عرس الصديق سهيل..

  3. ودالزبير كتب:

    كامل تضامننا مع سهيل في محنته

  4. التركــــى كتب:

    نحن بنجى مع الزفة ….. ياخ الواحد كان يتمنى يكون معاكم بس ظروف الشغل … مرات الواحد بتمنى يكون مرطب ومدير عشان يكون عنده زيارات ميدانية يادكتور …. عقابل المال والعيال ياسهيل

  5. الغبشة كتب:

    ماشفتوا سهيل امس يتكلم معاك مامعاك نفس الوقت كيف اسالوا منها ود الزبير واسترايكر شهود عيان ومجرب كمان………………………
    لكم وحشه والله متشعلقون ومشتاقون وحاجات وحاجات
    السمااااااااااااااااااااااااااااااااح يا ناس السمااااااااااااااااااااااااااااااااااح
    والى لقااااااااااااااااااااااءءءءءءءءءءءءءءء

  6. مشاكل كتب:

    سلامز

    و الما مدير يا دكتور عزت ؟؟؟

    غايتو نشوفكم يوم الخميس إن شاء الله

    و بالجد الزيارات الميدانية ماااااااااا عندكم

  7. ودالزبير كتب:

    آها يا شباب

    كويتو البناطيلين وغسلتو القمصان للحفله ولا لسه …. بكره الخميس صفقه ورقيص

    أرقصوا … أمرحوا ….. غنوا في الشوارع والساحات

    يجازي محنك يا القذافي

  8. ياسين شمباتى كتب:

    الحبيب سهيل والاحباب الكرام..
    مبارك وربنا يعمر ويسعد وعقبالك يا مشاكل وساتنتود وعبدوش وعبدوز..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s