اخواني رفقاء درب ساخر سبيل منذ القمردينة الاولي الي اليوم مرورا بسوداننا وساخر سبيل
بكامل ارادتي ارغب في التوقف عن مداومة الاطلاع والكتابة … وحال مدونتنا معلوم للجميع لا يسعد حتي العدو ..خاصة وبكل اسف طالت ايام وشهور ركودها وهجرها من كثيرين من احبابها واحبابنا…وجف ما كان يجمعنا من نبع دافق دافئ او كاد …كلنا ملامون في ذلك فردا فردا من اخوان واخوات وابناء وبنياااات بالداخل والخارج ….لكل ظروفه ولا لوم علي احد معين …بيننا دروووب اخري للتواصل ان شاء الله ايميلاتكم وايميلاتي معكم وعم الفيس بوك …زي كراااع البقرة (جياب)……تاني …. لو في اي زعل او لوم العفو والعافية ونتلمي ان شاء المولى في ساعات الخير……
(واخيرا المخاطبة علي الاقل افضل من الذهاب والتوقف لا صوت لا خبر….!)
سوداننا 
يا قكقك بطل الحركات بتاعتك دى ياخ النهارده عيد الأم ما أول ابريل
سلام ابكرونا :
معقولة بس تسيبنا – في هذا المنعطف التاريخي الهام – ما ممكن – نوهائي – كدي عدٍي بينا يا ريس , عدٍي بينا لحدي ما الهواء يبقى كويس – والحاجات تبقى كويسة – وبعد داك ممكن نقول ليك كدي راجع نفسك .
الحبيب أبكرونا : ياخويا أنا أكان عفيت ليك انت بتعفى عن روحك وترضى انك تقاطعنا …. لالالا مابنقدر نسيبك مش كفاية الغيبة ديك ياغالى
يا ابكرون الحكاية ما تمت ليها أربعة سنين… ما شايف ناس “علي عبد الله صالح” والا أبو الهول بتاع ليبيا…..
كدي خليك لحدي 2013 …!!
بعدين احنا اتعودنا على سوداننا… أهو بنفتح الموقع كل يوم ومرات بنعلق ومرات بنقرأ وبنمشي الا وأن الموقع سيبقى الحوش الذي نفضفض فيه… قد جافاه البعض الا وأعتقد أن قلوبهم معنا.. فما زالوا يقرؤون وقد تنامى زوار الموقع ويكفي ارشيفه العامر الذي يحوي
– 1083 مقالا
– علق وتداخل عليها 26824 مداخلة
– مسجل في هذه المدونة 37 مدونا بباس وورد يمكنهم نشر المقالات مباشرة
– كان أكثرهم نشاطا (أفليقا) بما يفوق 210 مقالا
– وكان للعبد لله 197 مقالا (هريتكم)
– وتنوع نشاط المدونين ما بين حماسا في بعض المواضيع وفتورا في بعض المواسم
ولكنها الحياة ومشاغلها الكثيرة التي غلبت الناس ولكنها الارادة والرغبة في التواصل ومعرفة أخبار الناس ما يدفعنا لزيارة (سودانن) في كل سانحة نجد فيها كمبيوترا موصلا بالاسفير… ويكفي الدور الكبير الذي يقوده الاسفير وشبكات التواصل الاجتماعي في توحيد كلمة الشباب والكهول لحد سواء والفعايل التي كان نتاجها واضحا… فما السفريات التي تقوم بها (التونسية) الا ونتاج هذا التواصل..
أها محلة زي دي الناس بتسيبها…..
كسرة:
كان أحدهم يوصف في التلفون فقال لصاحبه… ياخ التلفون دا زي الكديس الضنبو في الخرطوم وراسو في واو… كان عفصت ضنبو يكورك في واو…. أها الكديس صار له عدة رؤوس مع عصر الانترنت تحكي نكته هنا يضحك لها اصدقائك في جميع أنحاء العالم…
أها يا المدونين… خلو بالكم من الكديس دا وشاغلوهو مرة مرة…!!
كسرة تانية:
تحياتي
الفكى ابكرونا .. أنا غايتو ما عافى ليك كان ترضى كان تابا..وحفى ما بخلى وحق الناس بقالع فيه..أنا شايف كدا إنك عملت ليك دريبات تانية وما عاوز حد يكشفك وعاوز تتخارج مننا زى زين العابدين..لاكين دى تلقاها عند الغافل ..
ولاكين كان اصريت على رايك……….. عندى معاك كلام كتييييييييييييير بقولوا ليك بيغادى فى الضفة الشرقية..وكان حيين بنتلاقا ..
ده ما سلامك …………………….ولا كلامك……………..
ولا الكلام الكان زمان
ولاّ يعنى نويت تسيبنا
في الخريف تحرم غمامك
__________________________________
شنوووو ياعمووو الفكفك
نهووووون عليك ………..
انت بس قوووول لقيت ليك دريييب تاني نااااس ……
حلويييييييييين ……..انحنا الشييييييييييينين ديل ما لاذمنك
يعني ………..تبيعنا بثمن بخس دراهم
سلام ياقبيلة،،
صديقي الحبيب أسد الخلا الورور، برغم أنني قررت مرارا” وتكرارا” البعد والأبعاد عن هذه الساحة، ولكنني كنت كما قال سديقي دوك عزت لا أستطيع الغياب عنها ولو لحظة وهي كما القهوة التي أن لم أرتشفها صباح كل يوم أصاب بالدوار، وأقول لك برغم الذي كان وكما قالت لك بنتنا النونو عود لديارك فنحن أن لم تعود فلن نعود أو حتي نتاوق تاني كما كنا نفعل وصدقني أكتب لك هذه الكلمات وتخنقني العبرات وفي الحلق غصة…..
واسمع مني هذه الكلمات…
عشرة الأيام مابصح تنساها…..
ليه فجـأة دون أسباب ومن غير عتاب أو لوم أخترت غيرنا صحاب وأصبحت جافي ظلوم
هان ليك فراقنا خلاص ونحن برضو حولك نحوم
كان عهدنا بيك ترعانا وأجمل صلاتنا تدوم وغاية المحبة سلام!!
وبعدك أماني هوانا يا مجنيناه عدم ولا عرفنا طريق لقلوبنا غير الهم ( مش كدة يانونو؟؟؟)
كم غيرنا يشدو سعيد ونحن في هواك مضرمين ياسديقي…
ما أظننا في يوم ننساك ومن العذاب نسلم…
ما كان فراقنا المر في نيتي أو في أيدي
لكن ظروفك أبت وقست ظروفي عليّ
وأتلاشت الأحلام وين حسن ظنك بينا؟؟؟؟؟؟؟؟؟؟
ورينا أيه كان ضراك لوكان صبرت شوية عمر السنين أيام…
أبكرون عُد أو كما يقول لك قائد الطابور كما كت!!!
يا الخبير وماك فطير
يا الكبير وماك عوير
ليت لي ملكة النذير
كي أكسر تلج كسير
بس أضم صوتي للأحباب أعلاه وأناشدكم باعادة النظر في موقفكم الداعي لمقاطعتنا، ياخي ليه زعلان ماهو الناس كووولها بتغيب وترجع، وزي ما قالوا ناس ود الخلا وأبا عصمت وأب أحمد وأبا وضاح كبيرنا الذي علمنا الكبكبة، والصغيرة نونو وقبلهم ركس والتركي ما تغادر ، ونزيد أنت أحد الأقلام التي تُبث في نفوسنا الأمل وتطرد الإحباط ونستمتع كثيراً بمشاكساتك مع سديقك اللدود وملاكزاتك مع فردتك اللابد في الصفة الشرقية من البحر الأحمر، ياخي بل حبل الصبر، نحن نعلم يقيناً أنك مدمن قراءة وكتابة وأنك لم ولن تقف من الكتابة وأنت الكاتب الراتب في عدة صحف إلكترونية ومواقع كبيرة أشهر من دانقتنا الصغيرة المتواضعة لذا نلتمس منكم عدم الغياب ونرجوكم مواصلة الكتابة لنا في الفارغة والمقدودة.
كسرة بالتلج:
يغضب يجور… لحظات خصامو المرة تتمدد شهور،
صدقنا لو نغلط معاك نرجع نقول إنت الأصيل
وإنت الوفي وعن دانقتنا ما ممكن تميل
وبرضو غلطانين وبنتعذر … سامحنا غلطانين بنعتذر
الاخ الففكفك تحياتي
استقالتك وتنحيك مرفوض مرفوض وسوف لانقبل هذا التنحي و سنقوم بالبحث عنك موقع موقع وزنقة زنقة وحاره حاره حتي نعيدك الي ميدان ابو سوداننا معززا مكرما والشعب يريد عودة ابكرونا مع التحايا
النداء الأخير لسديقي أسد الخلا الورور ، وبس تنسي كيفنك ما ياك أنت الوحيد بالذات الكنا ذاكرنك… ولحن الحياة منك وما تقول نسينا الماضي وصرنا ناسينك ياسديقي…
الظاهر عليك أتخذت قرارك دون الرجوع أو الألتفات لرغبة المجموعة، ودون وضع أدني أعتبار مع سبق الأصرار والتكسير لخاطرهم، وخليك من خاطرنا نحن الأصلو مكسور ،،،،
أنهنأ وأنت بعيد… ما كنا ناسينك ياصديقي…ولو الحب عليك أزداد فلقد غمر القلوب دنّك، ولأجل الأغلبية الصامتة ياسديق أدعوك بأسمهم للعودة لأجل أولئك الصامتون البواكيا…..
يعني تاني ح نعاكس مين ونمغص مين ؟؟؟
الحبيب ابكرون..سلام..
انا ما عافى ! زى ابوى السلاوى دا,,ودا كلام مرفوض تماما,,كان تدينا مهلة لى يناير 2012 مثلا !
معقولة بس؟؟واضم صوتى لى ركسا لختييييير الاتحدث عن المنعطف التاريخى الهام دا !
قرب تعال,,ما تبتعد…
ارجوووووووووووووووووووك…
فاجأنا الاخ بشار و من بعده حاج السلاوي واليوم حضرت لاجد ابكرون يودع و خاتي شنطو في الباب عموما يا ابكرون اسمع دي وتقرر:
نقر بابنا قلم مجبول علي قول الحديث الحر
كما طعم الدواء الشافي
شافي و مر
قول موجز
حديث مجهز
كلام دغري و ما مرمز
لا يخاصم و لا يجافي
يقول ليك الحديث الجد
ولو درت الهزار تسعد
حروفو تشكل الابعاد
اذا درت حديث في الفن
ترا ابكرون
ولو درت كلام الجن
ترا ابكرون
و اذا ملت علي الساسة
بيعرف عقدتها و ناسا
ونق نيمو فكي ابكرون
اذا درت الضحك ينساب
ترا ابكرون
ولو درت حوار انخاب
ترا ابكرون
ولا بقدح و لا بشطح ولا بتعاب
تحليلو حول الكم
و تشريحو لكلمة كيف
تتكيف و نتكيف و يتكيف هواء التكييف
وفي ايجاز من الاخر
اذا حتسيبنا وتغادر
تلملم مننا تسافر
اقول ليك الكلام الجد
ومن الاخر
وداعا دانقتي الحرة
و من باكر
الاخوة الاعزاء
اسمعوا كلمتى من قارئة لكم تغيب وتعود
كلنا نغيب بسبب الظروف …لكن حقيقة هل اصبحنا نمل كل شىء
هل حالتنا النفسية ا صبحت تجعلنا نقل كلمات الوداع هكذا بكل ……
حقيقة انا مصدومة ان اكن العدد قد بلغ الثلاثة اشخاص من سوداننا
حقيقة كنت لديكم زائرة لما يقرب السنتين من اليوم لم املكم يوما بل
اتمنى ان اكون هنا دوما وتعلمت منكم الكثير واخذت منكم الاكثر والافضل
ولكنى اقحكمت نفسى لاكون بينكم كعهد لم تطلبوه منى وقد لايعرفنى احد
ولكنه عهد لما تلمسته منكم من اشياء كثيرة
فلا تغادروا واعتبروها سحابة صيف
كل الحاصل يؤدى لاى ذلك
الفاضل
ابكرون
دا كلام شنو
وينك
حقيقة ما صدقت اناه تجى منك…
وعلى لاعهد باقية
اختكم
هههههههههه لكن والله جرستوني ياخ بس انا عايز اشوف عندي جماهير لقيت نفسي زي هيثم مصطفي اقصد العجب (عشان زوووووووول ب7 واوات ما يزعل)
لكن يا نيام (كسرتني عديل كده) …والله بس قصيده عمر الحاج موسي….ومخير حالتو قال ما عندو ملكة نياااام هههههههه (دي حالتو) ….البركه في جيبة ود الخلا من قرونه ….بكينا ليهو كان عصي الدمع شيمته الزعل ما عبرنا بس مساخة نافع والمحوص مندور…
البركة في غزل وغنى نونو (كيتن في ود الخلا)….وكسير لمى هلول هههههههه ياما كسرونا وقطعوا قلبنا ناس سعدابي زمااااان يا لمي.. والعدد ما 3 العدد 13
ركس : تاني ما تغيبوا ولم (الحاجات تبقي كويسه ) قول لي…..
نيام : ياها قدرتك علي (اسد علي) ما تجيب سنكل وبشار بس حاقر بي انا
الشكر للبوس عزت والتركي وكبيرنا سلولو والهميم طارق والشبل شمباتي والعزيزة موني (قرضة السياسة المرة)
سلام ياقبيلة،،،،
أيوااااااااااااااااه…. يعني الحكاية كانت جس نبض وكدة، يعني نقول دي نظام بروفة وتيست لما يمكن أن تسفر عنه نتيجة الثورة (أووب سوري) أقصد الأنتخابات القادمة اذا ما نويت ترشيح نفسك وكدة، وطبعا” ده بعد نجاح ثورة (الفياّسة ) ودي كيتن في شمباتي كمان .. وفي ناس تانين غابوا وعادوا ومافي زول جاب ليهم خبر يعني زي قلتهم كده واحدة، ليه بس كده يا ناس لمي هلول والنونو ؟؟؟؟
وقلت لي يا أبكرون كيتن فيني، وتختني مع ناس منو ومنو، طيّب يا سديقي العزيز بس حتشوف براك وأنا خايف أنساك والدنيا تصيبك… وترجع تتندم ما تلقي صديقك!!!
بعد كدة ممكن الواحد يمشي يأكل ليهو حاجة بي نفس كدة، كان ناسك الجبت لينا سيرتهم ديل خلو لينا نفس… ههههههه…
الحبيب نيام..سلام..
واقف لك بكل ادب واحترام..
تجلة وتقديرا وفهما وثناءا لا نقدر على ايفاءه الحق..
اجريت دمعى البسيل رقراق..واصاى حنين وقلبى رهيف..بااااااالغتا..
الحبيب ابكرون..سلام..
تانى بتعمل كدة!؟؟ جيب اضانك دى..
عندى ليك شمار حاااااااااااااااااااااااااار تلقاهو فى صفحة سلولو الفيسبوكية..هيا الى المناهل هيا الى الشماااااااااااااااااااااار..
الحبيب ود الخلا..سلام..
والله الثورة دى تنجح الا اجيكم بى نقارتى وطارى ! يااااااااااااااااااااااارب..
ابكرون حمدالله علي عودتك باسلامه و نورت اللمه .
سلام ياقبيلة،،
العزيز دوك شمباتي أنت متين نقارتك وقفتها ولا طارك دسيته، ما من ما عرفناك شايل نوبتك وطارك وحايم بيهم التقول مداح!!!
ياسديقي نحن مع التغيير بس شرطا” يكون للأفضل، يعني ما دايرين نرجع تاني لديناصورات القرون الماضية كفاية الشفناهو منهم وهو أكتر من ببكي!!
ولا زلنا عند موقفنا داك يا سديقي الفيهو سيرة البحر المابينها الجماعة الحرودين ، يعني بالواضح المفتشر كدة كيفما تكونوا يولي عليكم ، كان رضيتو ولا زعلتو ولا شلتو شنطكم وحردتو لينا الدانقا….
بعد ماطفشته الحراير….. ناااااااااس طفشاته مرجانه برتقاله هلم جرة
بي رتنزاتك….. و عرووووق ….محبتك ….. المضروبه ده؟؟؟؟؟
قال شنووو؟؟؟
بكامل ارادتي قواااااي العقلية الشنو مابعرف دااااك ارغب في التوقف عن مداومة الاطلاع والكتابة؟
ده اسمه مخارجه ؟
لكييين مافييي كلام من النوع ده لانوووو الحراير ديل اجتمعوا ماشيييت يقدمووو عريضه لية مجلس الامن
اهااااا لو عندك كلام بعد الزنقه زتقه ده قولوووو ؟؟
نونو …بس انت الوحيده الما قدرته اطفشا …..ورتينزاتي ومحاياتي نفعت معااااك….. إندك قول تاني ؟
الحبيب ابكرون اولن اشكرك للاستجابة و هنا اسجل لك معزتك لقومك و تقديرك لاهل الدانقا و في الحقيقة هذه المدونة كل روادها اركان مهمة وامل ان يكون في استجابتك استجابة لعودة بشار و سنكل و ودالمهدي و كل العقد الفريد و في هذه اللحظات التاريخية المهمة وجودكم مهم جدا لكم تحياتي
افو يا الفكي ،،كويس انو الحيران لحقوك ، تخلي ضيوفك وتهرب وين ،، انا آرف هركاتك دي ،، دي ما هركة تأملها ،، وانتو كان مشيتو الضيوف بيجو لي منو …
العزيز ود الخلا..
ههههههههههههه,,واصلى ما بختهن الا الفى مرادى يتحقق,,وكلنا مع التغيير للافضل,وكلو بى يومو والصبر واجب..
وسلملى على الثورة !
دوك شمباتي ان شاء الله تلقي مرادك ويتم ليك مناك ونفرح معاك كووولنا ونمشي معاك الثورات بالنص والشنقيطي وكمان بالوادي لحدت هنااااااااك لوحبيت، مش خلاس الحكاية قربت ولا أنا شايت برة الخشبات ههههههههههههه…
صدقني يا حبيب لمن تكون الحكاية جادة وتكون هنالك قيادة راشدة ورشيدة مش زي ناس أبو منو وناس منو ديل سارقي الثورات ومجهودات الغير ، وعندما تخرج المسيرات من المساجد كما حدث في تونس ومصر واليمن تهتف بسيرة الكرام ومجد العرب، وتروي الحقب عن سفر الكفاح الذي كان عندما كان هنالك الأقوياء الأمناء ستجدنا هناك نحمي حماها ونفتديها بالروح والدم أليست هي أرضي وبناء جدودي ومأوي أبي.. ياصديقي كلنا نهواها ونتنسم شذاها ولا نرضي لأنفسنا الذل ولا لأهلنا المذلة…
فيا أخوتي لنمضي الي النور في ثورة نحطم قيد الليالي العصي!!!!!
فنحن الفداء جنود الردي نعيش عليها ونحيا لها ونحمي حماها ومشعلها،،،،
أنها بلادي أنا…….
غايتو جنس غايتو يا ود الخلا !!
خلاص كدة وصلنا لمنطقة وسطى,وهى اندلاع الثورات من المساجد..حلو جدا..
لكن ماااا جبت طارى لى ليبيا !؟؟ امممممممممم
سلام ياقبيلة،،
دوك شمباتي مش في مقولة شهيرة وطريفة تتحدث عن أنهم ( أولئك اللذين)، منهم وبارئ منهم نادوا الناس أن هلموا وتعالوا ألينا وقاموا بادخالهم المساجد في حين ذهبوا هم للسوق، أها الناس الدخلوا المساجد ديل همن الأحق والأجدر بقدح الشرارة وأشعالها وسيكون قلبي مع هذا الذي سيقدح الشرارة ثم لن يلاقي مصرعه الا في سبيل الله شهيدا بأذنه تعالي….
أنت يا دوك قايلنا جايين من وين ولا نحن قاعدين وين، ما نحن شايفين كوووول حاجة وعارفين ومنتظرين شرارة الأصلاح والتغيير من الداخل طبعا” ههههههه
(الكلام ده بيطمم نفوس ناس كتيرين بيعاينو بالطوالة ودايرين ينضموا لكن عزت نفسهم مش صديقي دوك عزت هي المابية عليهم وشنو كدا ما عارف)…
الحبيب أبكرون
الحبان في كل مكان
سلام ومحبة واحترام
تعرف يا جنابك هركتك جبانة، لكن حركت المياه الركدة وكشفت ليك إن الدانقوست لسة بخير مع المشاعر السالت جداول، بس أروع ما فيها ما يلي:
1) حدوث تطور نوعي في الموقف المتكلس لحبيبنا ود الخلا، ويا شمباتي خليك بعيد منو، هسة تقوم تطفشوا لينا ويقوم يرجع لمربع واحد هههههههه
2) بالرغم من تلميح أب أحمد بأن الموضوع لا يعدو أن يكون جلكسة في شكل نكسة، لكن جابت دخل وورت شعبية الخبير وأهم ما فيها أن رجعت الحرائر عبر مندوبتين إحداهما من داخل كاراكوبيا والأخرى من الخارج بس الشاهد أنهن أكملن النصاب.
3) أما الإضاءة الأكثر إشراقاً والمكسب أبيات أطيبنا وأبو طيبنا “نيام نيام” الذي ما قصر معاك وحرك ليك واحد “قفا نبك” لمن آمنت ظاتك، تخيل إكتشفت ليك فجأتن أنو نحن السودانيين ديل فينا شوية عروببة والشعر بجهجه حنانونا، شوف جنس بشكة الشنباتي دي، عليك الله يا أبكرون تأمل:
يقول ليك الحديث الجد
ولو درت الهزار تسعد
حروفو تشكل الابعاد
هسة كان الأبيات دي نظمت في مجلس الأمير كان قال “أمرنا له بمائتي ألف درهم عفواً دينار) ومع إنو قريض نيام “priceless” ولا يُقدر بثمن لفرط نفاسته لكن فيك الخير طلع حاجة من بياض كاس العالم ورسلها عشان كان نيام حردة الشفوت يلعبوا الرادة هههههههههههه
4) صدقت لمى هلول في حتة الإحباط والملل لكن الداتقا إحدى وسائل العلاج لهكذا نوبات.
وإن شاء الله الكوابيس يزحوا ونجوا عايدين … من غير مدرعة ومكسيم
سلام للقبيلة،،،
الي صديقي ودملوك القبيلة الأمير مُخير، لقد أضحكتني كلماتك في زمن عزّ وعصت فيه الضحكات وغابت فيه البسمات عن الشفاه، فلازلت يا صديقي قريبا” جدا” من واقعنا المُر المرير ولم أبتعد عنه قيد أنملة، وماكنت يوما” متكلسا” أو متحجرا ، ولكنني كنت أركن للهدوء وأنزوي في ركن قصي نحو حالة من السكون، أفكر وأقدر وأُراجع فيها النفس وأنهيها عن الهوي، وأحاسبها علي مافات منها وأنقضي، وهالني ما وصلت اليه حالنا ونحن في غفلة من الزمان، نتبع الهوي ونغازل السلطان، نتصيد الأخطاء والسقطات من خلال مجتمعنا ونسخر من حالنا وما آل اليه مصيرنا ومآلنا، ولا أري في الأفق من بريق للأمل أو فجر للضياء وتمر الساعات والأيام كالماضي يُغشّيها الذُّبولُ كالغدِ المجهولِ لا ندري أفجرٌ الخلاص أم هو الأصيلُ ومن بعده ظُلمة الليل البهيم!!
ياصديقي أليس هناك من رجل رشيد ينشد الأصلاح ويرأب صدع هذا الجرف المنهار ، وأسألك بربك فخبرني بصدق هل هنالك من فائدة تُرجي من حرثنا في هذا البحر الخضم اللجوج، وهل نحن فعلا” نمضي علي طريق الحق والنور بصدق وأخلاص؟؟ وهل هنالك أمل في الأصلاح والمواساة؟؟؟
هل ياصديقي نحن أمة واحدة ندعو للاصلاح والاعمار وكرائم الأخلاق وفضائلها، أم أننا متآمرون؟ نتبع الهوي وأصنام الضلال في الدنيا ومسمياتها الفانية وزخرفها المائل الزائل…
وآهِ ياصديقي لو نحنُ عُدنا حيثُ كنا قبلَ أن نَفترق بين تلك الدروب والسُبل والمحطات البعيدة ولم نزل!! وكلنا أصبحنا غرباء في بيادر الجفوة والغلظة..
ومازلتُ ياصديقي العزيز وبرغم اليأسِ أعرفكم وتعرفونني وأحمل في جوانحي عتابْ، ولو خانت الدنيا وخان الناسُ وابتعد الصحابْ ، فسوداننا أرضٌ لا تخونْ، ويظل سوداننا موطني القديمْ، ألقي عليه متاعب الأسفار في زمنٍ عقيمْ ، وإن غدت أيامي ليلاً يطاردُ في ضياء،ْ ستظل سوداننا شيءٌ من رجاءْ أن يرجع الإنسانٌ إنساناً يُغطي العُرى يغسل نفسه يوماً ويرجع للنقاءْ ، فسوداننا موطني القديمُ، وإن غدوت كالضياعِ بلا وطن، ففيه عشقت العمر أحزاناً وأفراحاً ضياعاً أو سكن، سوداننا في كتابي خلودٌ يعبرُ الآفاقَ .. يعصفُ بالزمنْ سوداننا عندي بالزمانِ وقد غدوتُ .. بلا زمنْ….
لك كل التحية والتجلة والأحترام ولصديقي العزيز جاري وصاحبي بالجنب أب احمد، أين انت يارجل؟؟؟
ود المخير
ياخ ابو النذر ده ختير
اسع عليك الله دي ما انشودة الجن ذاتادي لو قالا لهرون الرشيد كان كتب ليه شيك بزبيدة :
—————-
و تشريحو لكلمة كيف
تتكيف و نتكيف و يتكيف هواء التكييف
—————–
اما
صديقك وصديقي اللدود دابي رنده بحب الدانقا وعايز الصلاح للبلد لكن جماعتوا خزلوه
اما العودة يا ود المخير اصبحت حتمية مهما كان الداخل طارد
هسع انا يادووووووب وقع ليه كلامك ده؟؟؟
في فكيييي كارب قال ليه في واحد اخونا يعني (فكي ) لكين الفكيييي ده (اعارة خارج السودان) عامل ليك (اعل) يعني
كجووووووووور العياذ بالله
تقول ليه ورتينزاتك ومحاياتك نفعت معااااييي….. ؟؟
كسرة:\
(كيتن ده……. بت عم كيدهن)….
نونو يا بنيتي: نفي النفي شنو ؟ (الأرب) قالوا إثبات !!!! غايتو في زول يا نونو دي الا يقوقلا
الاحبة امير الشرق البعيد مخير و فكي ابكرونا والسديك الودود دابي الخلا ظرفكم مجبول و لطيف كالنسائم بعد مطر صيفي في بلادنا الحبيبة …واهو يا ابكرونا حدثك مخير وقطعت جهيزة قول كل خطيب ومتنازل ليك عن الجارية بطوع و ارادة عواطفنا…
اتمني للدانقا استعادة رونقها و بهاءها و الحقيقة كل اهل الدانقا
كذا البدر محتوم عليه إذا انتهى … إلى غايةٍ في الحسن صار هلالا
سلام ياقبيلة،،
سديقي نيام شاعر الدانقا ولسانها الزرب ،أتمني معك ومن كل قلبي أن تعود للدانقا بهاءها وأهلها الذين هجروها من غير عتاب أو لوم، وملعون أبوها السياسة وألعابها القذرة حيثما حلت وأين ما ولّت فلم تجلب لنا سوي التفرقة والشتات، وصرنا نتقاتل بالعداوة والبغضاء وكأننا نحن من نحملها فوق رؤوسنا!!!!
وفي الحقيقة يا صديقي الهلال أشد جمالا” وحسنا”وبهاء وهو يختفي رويدا” رويدا” كالحسناء في خدرها عندما تكون في مثل عمره ثلاثينيات يا فردة!!!
ابكرونا ..
المشتهى الحنيطير … يطير..
مش عاوز تبطل حركات الجيش بتاعتك دى ..
والله قربت أحرش عليك ناس الرياض .. اصحاب شمباتى..الزمان كانوا بيجونا وبيسألو علينا وحسه حاربونا.. أكيد انت عملت ليهم عمل.
الله يجازيك ويجازى محنك … يا فقرى.
دا شنو دا ؟
كدى النشوف آخرتا معاك شنو .!!
سلو لو : والله مشتهي لي حنيطير لكن بخاااااف من ( راجمات اجدابيا)..دي بت خالة (فاتكات أهدابيا)….!
————————–
انت خليك باكي شاكي قلبك العجوز ده لمن تلحقو امات طه …..هههههه اسه لو عملنا ليه عملية جراحية نطلع منه مضغة مكتوب فيها :
ومن هناك قمت للرياض (اقصد الجفيل)
ذات الهشاب النضر الجميل
السلام عليكم ربنا يجمع شملكم طوالي ……..
ذي ماانا جيت الدار ده بي دعوه من نونو حاسي اني ذي بعرفكم كلكم من كبيركم الذي علمكم السحر(جبرا ) الي كل فرد……فرد……و انا من علي البعد بمر كل مرة علي الموقع لكي اتقفدكم حسيت انو الناس ديل ذي الحاصل شي لكين هو شنو ماعارفة ……بالصدفة وانا بفتتح الموقع اجد التنحي بالتاثير معا الرؤساء العرب من الفكي (ابكرون) فاكهة المدونة باين ياعمو الفكي (نونو ) نامت بي البياض حقي الرسلتو ليك في حسابها…………
نطالب بي شيخ يقرا للمدوانه باين في عين اصابتها ….
سلام خاص لعمو السلاوي ….
كسلاوية : لو عارف التنحي بجيبك كان حصل مع تنحي عبد الناصر زماااان قبل ما يلدوك….بعدين البت نونو دي طلعت جاحده نامت بالرتينزات ….! فعلا المدونة اصابتا عين …عيني الفوق دي وعيون بروفايل الزبيدية ديك الزمان…..السلام الخاص ده بكتل عمك سلولو ده براحه عليهو….
الحلوين وحالياً منتعشين
سلام وربنا يديم المحبة والاحترام
أبكرون: أبو وضاح أطلع منو ؟ عرفت ليك سر الإنشكاح طلع غرقان في العواطف لشوشته وأم وضاح شرفت الساحل الشرقي للبحر الأحمر وربيع الثاني أضحى ربيع بس ورمضان والعيد ظاتو ههههههههه
دابي رندة كا يحلو لسديقه أو سايونارا كما سيحلو له لاحقاً، أحي دفق البوح المفعم بحرارة الصدق لخواطرك الحرة الحُرة وأتفق معك أخي أن مصير الوطن بات في كف عفريت، أما عن الرجل الرشيد فما أكثرهم في بلادي وربما أنت واحد منهم لكن من يسمع ؟؟؟ غير أنني لا أشاركك الرأي في أن “ما من فائدة تُرجي من حرثنا في هذا البحر الخضم اللجوج، وهل نحن فعلا” نمضي علي طريق الحق والنور بصدق وأخلاص؟؟ وهل هنالك أمل في الأصلاح والمواساة؟؟؟” بلى أخي السلبية والركون إلى الصمت هما ما أوضلانا إلى هذه الحافة، نحن سواسية في المسئولية وفي الواجبات قبل الحقوق وبالتالي علينا أن ندعو كل بطريقته ووفق منظوره حتى يستقيم الإعوجاج، وما أظن أن من بيننا من يساق وراء الهوي و”أصنام الضلال في الدنيا ومسمياتها الفانية وزخرفها المائل الزائل…” لكن نسعى بأضعف أيماننا أن نقول ما تمليه علينا ضمائرنا ولا ندعي إمتلاك الحقيقة أو كل الصواب، وأستوقفني كثيراً ما خطه يراعك عند قولك ” آهِ لو عُدنا حيثُ كنا قبلَ أن نَفترق بين تلك الدروب والسُبل والمحطات البعيدة ولم نزل!! وكلنا أصبحنا غرباء في بيادر الجفوة والغلظة..” هذا لن يحدث طالما ما بيننا حبل ود قوامه الصدق والتجرد ومبتغاه وجه الله لا عرض الدنيا الزائل ونسأل جل في عليائه أن يحشرنا في زمرة الرجال الذين سيهنئوا في ظله الكريم في فئة “تعارفوا في حبه وإفترقوا عليه. وأختم بإرسترجاع عباراتك (برغم اليأسِ أعرفكم وتعرفونني وأحمل في جوانحي عتابْ، ولو خانت الدنيا وخان الناسُ وابتعد الصحابْ ، فسوداننا أرضٌ لا تخونْ، ويظل سوداننا موطني القديمْ، ألقي عليه متاعب الأسفار في زمنٍ عقيمْ ، وإن غدت أيامي ليلاً يطاردُ في ضياء،ْ ستظل سوداننا شيءٌ من رجاءْ أن يرجع الإنسانٌ إنساناً يُغطي العُرى يغسل نفسه يوماً ويرجع للنقاءْ ، فسوداننا موطني القديمُ، وإن غدوت كالضياعِ بلا وطن، ففيه عشقت العمر أحزاناً وأفراحاً ضياعاً أو سكن، سوداننا في كتابي خلودٌ يعبرُ الآفاقَ .. يعصفُ بالزمنْ سوداننا عندي بالزمانِ وقد غدوتُ .. بلا زمنْ….” ولك الود أصدقه والعرفان أوفاه
صناجتنا الرائع نيام: أدامك الله وأدام للدانقا قريضك الما خمج.
الصغيرة نونو الدانقا: الشُكر لك على إهداء كسلاوية بدرجة تاجوج للدانقا أهو المزيد من الحرائر سيحررن سوق الدانقا ويرجعن الشاردين وعلى عكس قولهم في الأيام الخوالي “الواقفات خلهن وأنده الشاردات”
تاجوج .. الله يسلمك ويعافيك ..وشكرن ليك كتير إنك متذكرانا فى ناحية سغيروووووونة فى الذاكرة .. بس طولتى الغيبة شدييييد ..
وسيبك من الحاسدين والراصدين القاعدين فى الضفة الغربية ..وخاصة الشيوخ الطلعوا فشنك وأكلو البياض والصفار …كمان ..دا شنو دا ؟
على أى حال نحنا موجودين بكميات وفيرة ..كراتين وعلب وشوالات ..فى كل المنتديات وكتاب الوش..
بس انتو المسجلين غياب شديد اللهجة .. حتى نونو برضو عافصة لينا شدييد..
والتنحى دا حركات من الفكفك عاوز يجس النبض .. بس انا قلت ليهو المشتهى الحنيطير يطير ..
الأمير مخير .. مالك علينا … ما باقى إلا ترسل الخبر لقناة الجزيرة..
سلولو : في بخور اسمه (تطش مي) ألمسني تلقاه في جده في اي عطاره اتبخر بيهو مرتين ونص في اليوم….. بنفع مع الرياح الموسمية الهندية ….. ! الله يهدي سرك ده شنو ده ؟ انت من اهالي كبكابية ؟
سديقي أسد الخلا الورور شفتة سديقك سلوهو خلو الناس تجيهو ده لاجيّ كيفن، التقول شايلو موج تسونامي ؟؟ ضرب جاي وضرب جاي وخبت كع هناك ووقع دُج بي جاي، وقام فرّ!!!!
قال متوفر شوالات وشنو ماعارف دااك، علي النعمة انت متوفر ….لكن… فتااااااايل بس!!!!
غايتو جنس هضربة عليك ياسلولو ، أنت ميرود ولا قاع تجيك حمي ؟؟
الحمي البلمسوها بالعود….
سلولو ،، الحنيطير ده ،، ما كان بهناك ،،، انشاءالله اركب الحنطور واتحنطر ……………….
راقتني الكلمات والمناكفات ومابين اندلاق المداد على اوراق المدونة التي تلالات بالقفشات والممازحات والالغاز ، وتكشفت اسارير الجميع وانداحوا في البوح الخفي منه والصريح وتللذت معهم رغم غياب المعاني . فهذا سوداننا ،، الذي عرفناه ،، قد تختلف الافكار ولكن الهدف واحد ،، قد تمل النفوس وفي ساعة ما تجدها في ابهي بهجتها ،، ما بين السياسة والثقافة والعلم والادب تيكتمل العقد الفريد وتتجاذب رؤاً وتتنافر اخرى ،، فلا عدمناكم .
وابشر يا الفكي ابكرون رتينزتك المرة قوية ،، وكثر من المحايات والبخرات ،، وما تنسي تتطقطق الجماعة ما ينوموا بالبياض ،، واقترح انه يكون 10 مواديع لكل واحد.
ود دكين ماحلي كلامك وما اروعه …تسلم يا امير ….وجاهزين بكل الرتينزات والطلاسم بس يغيبوا ويفزوا لكن يرجعوا تاني….تاني ….تاني للهوى الاول…..
ابكرون :
تسافر كيف تخلينا شوقنا وذكرى ماضينا .
شباب : اها عشان ابكرون رجع انا كمان رجعت .. مشتاقييييييييييييييييين .
افليقا : وينك يا بعيد
غيب وتعال تلفانه نحن يا نحن
لا بدلتنا الظروف لا هدتنا محنه
والله شوق كما شوق الارض للمطر ….خففوا البعاد والغياب شويه وعليكم بالمتاوقة الموجبة وبالريد
——————
تذكر صاحبنا جيم الرياااد ( سين بذكرنا استاذ الرياضيات) البكاي وهو بحاول يلفت نظر (حنانو) له قام قال ليها في بكائية يستحق عليها وسام الريد من الدرجة الاولي :
(الموضووووووع الانت عايزاهو مني انا عملته ليك فيهو شنو … ؟ )
يا حليل حكاويناااااا
ابكرونا سلااام
يا زول انت تايرا ليك ولا شنوووو ؟ بأدين تروه وين تخلينا .. الى التلاق بالتلاته ما نخليك تزه جاى ولا جاى .
واشان تآمن اندنا ليك ديك ابيد واتنين كيلو دااان .
بصراحه المدونه نشاطها ليس كما كانت لكن تبقى ملاذنا الامن حين تدلهم خطوبنا وتتقطع بنا السبل وبفضلها عرفنا اخيارا واكارم ولاد اكارم كما يقول شيخنا صالح . وقد تبعدنا المشغوليات عنها احيانا كثيره لكن حبها يظل فى سويداء قلوبنا وتبقى بيتنا فى هذا الفضاء الاسفيرى الكبير وتبقى زيارتنا للفيس والراكوبه وسودانيز وغيرها من المواقع مجرد زيارات وواجب الكترونى (على وزن اجتماعى ) .
ولهذا طار قلبى حينما قرأت على ايميلى ان محمد ابراهيم قد نشر موضوعا بعنوان عليكم الله العفو والعافيه ودعتكم الله .
كسره : قررررررب تعال ماااااااااااا تبتعد يا فكينا ابكرون وما تاخد فى خاترك يا عمك ياااااااااا
ود الخلا ..
يارييييت,,وكل ما يهمنا مصلحة البلاد والعباد…
الحبيب مخير…سلام..
طلتك روعة وبس…
ابكرون..
اسه الجاب سيرة الارب هنا شنو!؟؟ امممممممممممممم..
بعدين عمنا سلولو دا ماااا رقدتو سلطة تب !عفيت منك آب زرد..
سلولو..
امووووت انا فى الجفيل وهشابها دا ! وى
أفندم
جنابك
سجلنا مرور اليوم
سلام وحبة واحترام
بس حنتخارج لأنو في مبارة كركت “حياة أو موت” أدعو لناسنا بالنصر المؤزر، إتخيل الأئمة في الجوامع بيدعو للمنتخب الوطني بالنصر، وقالوا لو الجماعة التانين بيستعينو بالسحر الأسود الملائكة حتلعب معاهم ديشك الشيوخ علموها معركة بدر، والشغلانة دُنيا للطيش وفيها قابلن كمان الله يكضب الشينة سلام
عمنا ابكرون والعم السلاوي يديكم العافية
كنت كتبت تلك الغفشات بس باين اللادمستريتر ما عرف يصنفا من الافراح والله الاطراح وله الاجتماعيات عشان كدة ده مانزلت ممكن تقروها بي هناك
http://jj555.wordpress.com/2010/12
/11/%d8%a3%d9%85-%d8%a7%d9%84%d8%b9%d9%80%d9%80%d9%80%d9%80%d9%80%d9%80%d9%80%d9%80%d9%80%d9%8a%d8%a7%d9%84/
تاجوج : في اغنية مرات بتجيبها احدي محطاتنا (يا كباااار القوم الا ست الشاي )
قولي لبطلة قصتك الممتعة (كلو شي الا ام العيال)…. هي الوداها لراجل سكندهاند شنو ؟ تشارك فيه ست الحق ما لنزوة الا من جانب الشريك… (سرعان ما يمل اللعبة الجديده ) وحسابات ربح او خسارة من جانب الشريكة – صاحبتك – مغلفة بغريزة الاستحواذ المعطون بغيرة غير مستحقة(خاصة في ليلة الاخري) والعمل علي طرد (جدادة البيت) من عشها….انها النفس البشرية الامارة بالسوء…………
(عارف في ناس ما حيعجبا الكلام ده)
لكن اهي كريت واهو القرض واهو جلدا ………!
زوووووول : يا زول يا زول انت وين ماشي انا ماشي ال…..انت وين ماشي
شكرا يا صديقي علي كلماتك الطيبات وخليك احمر طوالي مولع