دعوة من النادى السودانى الاسبانى

Posted: الأربعاء,23 مارس, 2011 by استرايكر in إعلان

الاخوة الزملاء المدونجية السلام عليكم ورحمة الله وبركاته… خاطبنى الزميل العزيز د اسامة ( قرن شطة ) بان النادى السودانى الاسبانى وهو بالمناسبة رئيسه – بانهم بصدد اقامة اسبوع الفيلم الاسبانى بالتضامن مع السفارة الاسبانية بالخرطوم وان الدعوة عامة لجميع الاخوة المدونون وسوف بكون الزمان من السبت الموافق 26 والى 31 مارس من الساعة السابعة مساء بكلية السلام الجامعية للغات غرب عمارة سكر كنانة وجوار طرمبة النيل.

ولمزيد من الاستفسارات يمكن الاتصال بدكتور اسامة مباشرة على رقم الهاتف : 0912481376

Advertisements
تعليقات
  1. عزت كتب:

    شكرا يا دكتور
    والله فرصة الواحد يشوف ليهو ناس نضاف وسمحين في دار الخيالة بدل ما ناس العقيد وعلي عبد الله صالح ما عملوا لينا وجع وش…
    معاك من سبعة مساء… وما ضروري زاتو كان مافي ترجمة…

  2. ابكرون كتب:

    عزت بالله عاين لي معاك للون النحاسي الضارباهو (الشمش) …وسال من شعرها الذهب وتدلى وما اندفق…المتاوقه (وقف تأمل) دي الحاجه الوحيدة الما عايزه ليها لغة….مش ؟

  3. طارق أب أحمد كتب:

    يا عزت بللاى هى إسمها الخياله
    زمان أستاذ العربى كان بقول لينا إسمها (السوء نما)

    قرنوف
    الترجمه كيف إسبانيولى مافى

  4. Dakeen كتب:

    منتظرين ، كاميرة الحاوي توثق ،،،

  5. قرن شطة كتب:

    الاخوة الكرام
    سلام…
    مرحب بيكم وان شاء الله تجدوا ما يعجبكم من سلسلة الافلام والتى تعرض لمدة ستة أيام ، وعلى كل توجد ترجمة على الشريط بالإنجليزى ونعمل على ان توجد فى المستقبل ترجمة بالعربى وجايز حتى بالعامية السودانية او الرندوق …تخيلوا فيلم إسبانى يتكلم (محنكاً) بالسودانى!!! مرحب بكم مرة اخرى..

  6. مُخير كتب:

    العزيز د. قرنوف
    سلام ومحبة واحترام
    ياخي نحي جهود النادي ونبارك لكم الأنشطة الثقافية المتميزة، وياخي نسابتك ديل ليهم معزة وبني وطني أحوج ما يكونوا للتعرف على ما هو أكثر من البارشا والريال، فثقافتهم حقاً ثرية وأدبهم راقي وفنهم رفيع، وبالجد ما سائلين في جيرانهم سواء فرنسيين أو إنجليز أو ألمان، نتمنى أن يعكس لنا أبوعصمت وبقية الحبان إنطباعاتهم ، ولو الله أحيانا ورجعنا كاراكوبيا قطعاً سنسعد بحضور هكذا برامج

  7. قرن شطة كتب:

    الاخ العزيز / مخير
    سلام..
    كنا نتمنى حضورك لهذا الاسبوع السينمائى ولكن للامور مساراتها….سوف تكون لنا نشاطات مستمرة إن شاء الله وعلى مدى العام..نراك فى مرة من المرات ونجدد لك الدعوة..

  8. عزت كتب:

    كانت أمسية استثنائية شاهدنا فيها فنا راقيا لم نحظى بمشاهدته مسبقا… فالفيلم الذي شهدناه في افتتاح أسبوع الفيلم الاسباني ما خلانا قدرنا (نغمض عيوننا) خلال تتابع أحداثه السلسة التي جسدها ممثلون مقتدرون وسط موسيقى متفردة، حيث تناول قصة جريح وجد فاقدا ذاكرته أثناء الحرب العالمية الثانية وتبين لنا بعد 40 عاما بأنه كان عازف بيانو ومؤلف مسرحيات
    reported missing أثناء تلك الحرب…

    شهد تلك تلك الأمسية الرائعة بجانب الضيوف الأخ (البيشاوي)…
    ولكم أن تلحقوا فيلما أيها الأعزاء خلال هذا الأسبوع…..

    شكرا (قرن شطة)

  9. قرن شطة كتب:

    الاخ د.عزت
    الشكر ليك انتا والاخ البشاوى فقد شرفتمونا بحضوركم ، ونتمنى ان يزورنا خلال الاسبوع باقى الاخوة ومرحباً بكم فانتم أهل بيت ومننا وفينا….

  10. حاج أحمد السلاوى كتب:

    اخونا قرن شطة ..فى رواية أخرى اسامة ..
    كنا نود أن نكون حضوراً معاكم ولكن شاءت الأقدار ان يكون موقعنا الجغرافى حاجزاً بيننا وبينكم ..لاكين زى ما قالوا فى المثل الجايات اكتر من الرايحات..
    بالمناسبة الدخول بالملابس الرسمية ولا عنقالة ساكت ..؟
    غايتو نتمنى إنو ابوعصمت يكون شاف لروحو وشاف لينا معاهو المناظر الجميلة والناس الحلوين..
    وأمنياتنا ليكم بقضاء أوقات جميلة مع أهلنا الإسبان الراقين فى كل حاجة .

  11. قرن شطة كتب:

    الاخ / حاج السلاوى
    سلام..
    كنا نتمنى تكون بيننا ولكن للظروف احكام…وزى ما قلت الجايات اكتر من الرايحات وان شاء الله فى الإجازة الجاية تلقانا فى منشط آخر وتشاركنا..
    تحياتى لك وللاسرة ودمت

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s