توسنامي الحب ؟!

Posted: الأحد,17 أبريل, 2011 by abumeed in إجتماعية

سنحت لي الفرصة –مرات عدة لنشر ما اكتب في مواقع اخري- لكن لم استسغ فكرة عرض ما بداخلي ؟ لانه عالمي الحميم فراقت لي الفكرة مرة اخري..لعلي اجد صدي حقيقا لمشاعري ممن لم اتلقي بهم ابدا ولا يعرفون عني شيئا لكن ستقرؤن لي اصدق مافئّ – بلا تزيف او مقدمات في تواصل صادق للقلب ……
اضطرب الفؤاد كالبركان ثائرا متردا علي ماكان عليه.. فصاح نبضه داخلي ؛ وايقنت انه الحب ؟ ان الهزات العاطفية قدر مكتوب علينا وان الفؤاد من غير حب كاجسد من غير روح …….انا بحديثي هذا اطلب من الناس ان يفسحوا مجالا لعوطفهم ان يمنحوا انفسهم حقها ان يبذروا بذرة الحب في قلوبم لتزيل القتامة …..تنير الغمة القابعة في قلوبنا لو سؤلنا عن ما هو الحب ؟او كيف التمنع والصمود في والمقاومة عند السقوط في فخ اول قشعريرة حب ؟ لم نستطيع ان ان ناتي باجابة شافية . لان كل انسان يري الحب بمنظورة الخاص .

فالحب في نظري اشتياق ..تعود..غيرة…تضحية…وفاء..امن .. استقرار ..طمانينة ..حماية ..دفاع ..ايثار..واهم مافيه ان تكون عاطفتة سامية ..تشمل في معناها عواطف اخري ؟ هو شئ تترجمه مشاعرنا واحاسيسنا ولاتستطيع ان تترجمه اقلامنا .. كالماء تماما لانعرف له..طعما..لا لونا.. ولا رائحة ….ولكننا ندرك اننا لانستطيع من دونه …وهو كالهواء نتنفسه ونحيا به ..والحب الذي نشعر به في الحياة نتزوق طعمه.وهو كالزلزال او اعصار يكون في يده حتفنا وهلاكنا ؟؟ وهو موجود …ولكن شروطه تغيرت وظروفه تغيرت لم يعد ايقاع الذمن المتسارع يسمح ان يجلس المحب ليكتب قصيدة في محبوبته او يكتب لها ثلاثين سطرا يصف حبة !!
الحب الان بالمحمول… والفاكس.. والانترنت.. انه حب (تكنولوجي ) والحب الان يحارب سباق الفضاء وسرعة الصواريخ في الماضي في (زمننا )كان الحب يسير بخطوات الابل او .ايقاع القطار هذه السرعه لم تعد تناسب هذا الجيل !!!
زمان كان التعرف الي فتاة او فتي يستغرق شهرا وربما سنوات ….الان مكالمه تلفونية تكفي …نحن يجب ان نتمرن علي سرعة ايقاع الزمن … الحب موجود ولكنه يلهث ونحن نلهث معه وتغير الزمن وتغيرت الظروف فتغير الحب؟؟

Advertisements
تعليقات
  1. هشام صالح كتب:

    الزمن هو الزمن لم يتغير منه شئ ولكن التغير الحاصل هو في نفوس الناس .زمان كان البنات ليست كثيرات عشان كده كان البحث صعب ولكن اليومين ديل البنات على قفى من شيل وكلهم خائفيات من البورة ..
    وأخيراً من علامات آخر الزمان كثرت النساء.

  2. التركي كتب:

    الأخ أبوميد ألف مرحب بيك فى بيتك
    قلتى لى الحــــــــــــــــب ايييييييييييييه دنيا … شفت ليك زولا يمرض ويتمنى انو مايشفى من علته أها دا الحب ذاتو …. متعك الله بالصحة والعافية

  3. ودالخلا كتب:

    سلام ياقبيلة،،،
    إيه ده يا مرسي؟؟؟
    إنجليزي ده ولا عربي جوبا ولا شنو ده؟؟؟
    ما هكذا تورد الأبل يا أدمن!!!!

  4. سهيل كتب:

    سلامات يا ناس يا طيبين

    مرحب بيك ابو ميد في المدونه و كالعاده نتمنى لك وجودآ طيبآ بيننا

    يا ود الخلا هدي اللعب و خليك حبوب .. الراجل إتوسم فينا الخير وفتح لينا قلبو ضلفتين .. نرحب بيهو بالأول و بعد داك نحتويهو و نرغبو في زمالتنا و نسكنو في رواكيبنا و اوضنا ..

    زمان يا ود الخلا كان جانا ضيف .. ما بنسألو هو منو و لا عاوز شنو إلا ينضم هو براهو .. إنشا الله يقعد شهر .. برد نفسك يا فرده …

    بعدين نحن ذاااااتنا في المدونه محتاجين لدماء جديده تحرك مائها الراكد و تعيد لها شبابها ..

    كسره : هي المدونه طلع فيها بترول و انا ما عارف ؟؟؟

  5. سهيل كتب:

    ياناس مشيتو وين ؟؟؟

    انا عامل جائزه للبيرد علي في خلال ساعه بديهو مليون .

    اها الساعه هسي 9:49 دقيقه

  6. ابو حميد كتب:

    السلام عليكم ياناس ياطيبين اولا اشكر الاخ د\ عزت الاخ استريكر لاضافتكم لي لهذة الكوكبه بس معليش الواحد اتخر في الرد عليكم اخوكم في الله ابوحميد بس username نزل ابو ميد الاخوة هاشم صالح التركي ودالخلا وسهيل اشكركم علي المرور . انشالله الواحد يواصل معاكم علي طول

  7. سهيل كتب:

    ربح البيع ابا يحيا .. وعاد مليوني سالمآ إلي قواعده .. يادي الكسوف ..

  8. ابو حميد كتب:

    سهيل بااين اتاخرت شويه راحت علينا المليون_______________ اشكرك تاني علي الترحيب

    البترول لو طلع 50% _______50% انا انت ماكلم زول

  9. ابو حميد كتب:

    الاخ ود الخلا/ ماهكذا الضيافه والترحاااب
    أوردها سعد وسعد مشتمل ** ما هكذا يا سعد تورد الإبل
    وسعد هذا، هو سعد بن زيد مناة أخو مالك بن زيد مناة . ومالك هذا هو سبط تميم بن مرة. وكان يحمق، ثم إنه تزوج وبنى بامرأته ، فأورد الإبلَ أخوه سعد ولم يحسن القيام عليها والرفق بها فقال مالك :
    أوردها سعد وسعد مشتمل ** ما هكذا يا سعد تورد الإبل
    ويروى. يا سعد لا تروى بهذاك الإبل. فقال سعد مجيباً له :
    يظل يوم وردها مزعفراً ** وهي حناظيل تجوس الخضرا

  10. مُخير كتب:

    الحبان في كل مكان

    سلام ومحبة واحترم

    الأخ أبو حميد: مرحب بيك والبيت بيتك حبابك عشرة بلا كشرة، وكلام الريد ده بجهجه، قال الشاعر:
    لا يعرف الشوق إلا من يكابده *** ولا الصبابة إلا من يعانيها
    فضفض والأمر من قبل ومن بعد لله

    وجه الحبيب: قلنا بعد عقد الجلاد وعرس الزين ممكن تعمل رواق السنارية والهادي آدم وكدة، لكن شكلك يا زايد شلاقة ولا زايد شلاقة هههههههههه

    ود الخلا: الإبن أبو حميد طالب حق لجوء عاطفي وإحتمى بحمى الدانقا فرجاء دثروه وهدءوا روعه ولا تطفشوه

    كسرة بالتلج:
    الحُب هو الشيء الوحيد الذي لا يحتاج إلى لغات وتتودد إليه كل اللغات واللهجات

  11. ابكرون كتب:

    ابوحميد يا بتاع الحقيبة يا الرياد وبكااااي وهنااااااي …..
    إزيك ….كيفنك (سلامااااتك) ان شاء الله شفيت من الوجد…..؟
    ياخ بالله خلينا من الجدية دي ….وكب لينا شوية دموع وبكي حقبنجية
    الترحيب ده شنو يا رااااجل يا قديم من زمن ناس لا لا ولالا………كبيت الزوغة لكن عودا حميد يا بو حميد مستطاااااب ….

  12. قرن شطة كتب:

    الاخ / ابو حميد
    سلام ومرحب بيك والبيت بيتك..طبعا لازم يطلع ليك زول يعكر الموية شوية ، نحنا فى كاراكوبيا الإنتحادية ياصديقى ثم نعود لموضوع الحب وكده ، وهو موضوع لوتعلمون خطير وداير ليهو تنظير وحفر بير وكده…فى النهاية الحب ضرورى وبطعم الحياة شوية أو كتير على حسب القسمة، ومشاكلو أكتر من فوائده احياناً…يعنى الخلا ولا الرفيق الفسل…فزول مايشاركك القصة ويعيش معاك الموضوع بتفاصيله احسن تختاهو بالمرة واسالوا اهل التجربة والخبرة..ومع ذلك يظل البحث عنه مستمراً وحثيثاً
    مرحب بيك تانى ولاتنقطع…

  13. dakeen كتب:

    سلام للحبان ،، الفرحان والزعلان ، المفتون والولهان والمستغرش والسرحان
    وسلام خاص لراعي الحنيطير الغائب واهل الدانقا عموم

  14. ابو حميد كتب:

    الاخوة الكرام / معليش انا جديد في الشغلة ده الواحد المفروض يكون مرابط
    الاخ مخير اشكرك علي الترحيب انا من زمن عرس الزين
    الاخ ابكرون باين انا البكاييييي ابو حميد بس حق العجايز ليه ركايز قلنا نخش براحه عليكم بعدبن الواحد ينداح قول ليه انت لسع مااندحته ….
    قرن شطة انا معجب بي كتاباتك بس انا متلوم معاكم ………الواحد لازم يلقي المكايد ربنا يقدرنا نواصل معاكم.

    دكييييين مالك عليه كان تشوف لينا حاجه خارج النص اشكرك بس جرسنيي

  15. dakeen كتب:

    ان النص يفرض نفسه ،،، فالحب والعاطفة معني كبير ، وقليل منا من يمارسه ،،، فهو لا ينحصر في العشف والهوي والمرأة فحب الخير وحب الاهل وحب الدنيا وحب الاخرة فكل هذا حب ولكن الانسان ضعيق بطبعه ينظر الى الاشياء التي ولت ولا يتفاءل فان ضاع حب المحبوبة فهناك حب اخر وطال ما ان القلب تقبل الحب فلابد ان يتقبله بكل اصنافه .
    ولا ننسي النقيض من المعادلة ،، فكما يوجد الحب توجد الكراهية .

  16. الاخ ابو حميد اولا ارحب بيك بالانابة عن شابات هذه المدونه طبعا هم عملين ليهم حظر جوي
    حقيقة الواحد بدا يكشتفك_______ انت انسان رومانسي وشفاف من الدرجة الاول اسلوبك في نوع من الشفافية انا بحي فيك الروح الشبابية و انت ماخليت للحب جنبه يرقد عليها ؟؟؟ لكين كونك تصفه كالزلزال او اعصار يكون في يده حتفنا وهلاكنا ؟؟ فانا مامعاك في الحته ده لانه اي حاجه مقدرة الانسان لازم يؤمن بي كده
    زمنكم زمن سمح كان في شعرا في قمر ونيل في وقت( للحب) كان الحبيب يترقب مرور حبيبته ……………او ياخد لية نظرة من قصاد الطاقه مش مسنجر كاميرا اسكاي بي فيس بيك ده كلوا حكي فاضي
    حاامر عليك مرة تانية …………………لازم تلقي زول يشد من ازرك

  17. ابكرون كتب:

    عارفه يا تاجوج يا كسلاوية في زول واجد بس ممكن يشد ما ازر ابوحميد ده لكن بيتداغل …قام يتع
    زز الليمون

  18. عزت كتب:

    والله يا ابكرون كتار بجهجهم المودوووووع دا…. علة زولك انشاء بيجي اصلو ما كان في فرقة في المواضيع السابقة… دماء وفساد وشنو ما بعرفو…

    مرحب بيك يا أبو حميد…. وصلت تب

  19. ابو حميد كتب:

    الاخت الملكه تاجوج اشكرك كتير معليش اتاخرت في الرد انتو الخبر (البركه)

    زمنكم سريع بس عصر العولمه عصر سريع مابيعقد الامور بس لو كان الطرفين متفاهمين صادقين في مشاعرهم لانه التلاعب بي مشاعر الاخريين ده شي مامحمود حقو الشباب يفهمو كده رينا يقدم الخير عارفك ماتقصري…

    الاخ ابكرون انت شبكتك سوداني وله زين__ وله ده تبع الشغل يافكي انت خوفتني عديل اجيك بالدرب

    د/ عزت اخيرا ظهرت شكرا ليك كتير

  20. ياسين شمباتى كتب:

    الحبيب ابوحميد..سلام…
    مرحب بيك كتير وخليك قريب ومواصل,,ما تدى فرصة يا حنين للفواصل..تحياتى…

  21. ابو حميد كتب:

    العزيز دك /شمباتي اقامة طيبة بيين الاهل والاحباب ….

    اشكرك كتير علي الترحاب الاضافه في الحله التانية …….

    انشالله نلتقي …

    الواحد يوعدكم بالمواصلة معاكم في داركم العامرة……. بتنويع المواضيع عشان ماتقولو اتجاهي واحد ؟؟

    ظلمونى الاحبة في شرع المحبة
    الاحباب تجنّوا في الاحكام وجاروا
    في قيود المحبة ملكونى وتواروا
    لعينيّ أبكوا ظلموني وتشكّوا
    وفي إخلاصي شكّوا
    إخلاص قلبي ظاهر للحرموه حبة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s