سوداننا تكرم البروف جبرا

Posted: الأربعاء,27 أبريل, 2011 by زووووووول in اخرى

ندعوكم لحضور حفل تكريم الاستاذ / الفاتح يوسف جبرا بمناسبة اصدارته الثالثه (جبايه فى حكايه )وذلك فى تمام الساعه السابعه والنصف مساء يوم الاحد الموافق 1/5/2011 والذى سيقام بحدائق نادى الضباط بالخرطوم ………
والدعوه عامه وحضوركم يشرفنا ويعلى هاماتنا
زووووووول بامر الجمعيه العموميه لمنتديات سوداننا

Advertisements
تعليقات
  1. ودالزبير كتب:

    يشتمل حفل التكريم على عدد من الفقرات من بينها فاصل موسيقي لعازف الفلوت الشهير اسامه بيكلو كما يعطر الأمسيه بالشدو الجميل الفنان الرائع الطيب مدثر … وستكرم سوداننا الأستاذ الفاتح جبرا تكريماً يليق بعطائه الثر وبقدر ما ساهم في تكوين هذا الجمع الكريم … ننتظر حضوركم برفقه أسركم الكريمه حتى يخرج التكريم في أبهى صوره .

  2. عزت كتب:

    تمام والله… أكيد سوف يكون الحفل بهيجا بحضور الأحباب والأصدقاء وفرصة كمان شان تاخد معاك نسختك من كتاب جبرا الجديد (جباية في حكاية)…. مبرووووك يا جبرا بالمولود الثالث (كدا بقيت نقيب)….. تعال ومعك آخرون

  3. التركي كتب:

    فرصة حلوة للقاء الذى طال وان شاء الله فاتحة خير … حسب الأتفاق كان يجب أن يكون هناك لقاء وتنظيم أتمنى أن يكون قد تم حتى من غير علمنا …. مع التقدير

  4. زووووووول كتب:

    امال فين التانين يا عم

  5. Dakeen كتب:

    هي لله – هي لله
    لا للسطلة ولا للجاه
    – هي ويني الطمام وويني السطلة ،،،، مازمان عملوها صلصة وكاتشوب ومايونيز وفنادق 7 نجوم

  6. ودالزبير كتب:

    تسير خطوات الحفل على قدم وساق وبحمد الله وبتعاون الجميع تم الإنتهاء من 90% من العمل وباقي ال10% بتكون بحضور الناس بكره في نادي الضباط

  7. نيام كتب:

    لما كتبنا نهني العيد
    جاتنا جباية
    لما ولادنا قالو نشيد
    جاتنا جباية
    لما عزمنا كتمنا حزنا
    جاتنا جباية
    لما صبرنا ضحك في محنا
    جاتنا جباية
    و خايف افرح بكتاباتكم
    يجيني جنابو بالف جباية

  8. ياسين شمباتى كتب:

    خبر سعيد جدا والاسعد انى باذن الله راح احضر….
    والبروف يستاهل كل خير..
    وموعدنا غدا…

  9. حمدلله على سلامة ولدنا شنباتى . 🙂

  10. عباس ركس كتب:

    تمثلنا يا شمباتي وعبٍ لنا من الفرح المبذول في سوح بروفنا – ألف مبرووووك يا بروف ونطالب ب ( نانسي ) – فهل في ذلك عار ؟؟؟؟؟؟

  11. عبدالرحيم حامد كتب:

    سعدت جداُ بحضور هذا الحفل الجميل .. بمناسبة تدشين الكتاب الثالث للأخ والصديق أستاذ الفاتح جبرا .. مجهودكم .. وتنسيقكم الرائع للحفل .. يستحق الثناء ..
    شكراُ لكم ..

  12. لمى هلول كتب:

    الف مبروك للكاتب …
    ويا بختكم اتاريكم اليوم قاعدين ومبسوطين
    الله لينا جمب مدنى القطينة…
    جعل الله ايامكم كلها فرحة وابداع

    اختكم لمى هلول من غربة الغربة..

  13. نيام كتب:

    التهنئة لهذا العمل الرائع و الف مبروك يا بروف و عقبال الرابعة…

  14. ياسين شمباتى كتب:

    استرايكر الحبيب..سلام..
    الله يسلمك وربنا يكتر الافراح..وخليك قريب..

    ركس العجيب..سلام…
    هى جنس تعبية,,لكن نانسى لا والف لا,امس كانت ضكورية جد! وجنس سحالى وبطيخ! هههههههههههههههه

  15. عزت كتب:

    العزيز طارق
    توثيق تمام عكس فعاليات التكريم المختلفة… فالفاتح جبرا جدير بالتكريم ففي تكريمه تتويج للعلائق المتميزة التي نمت بين المدونين…. تحياتي

    كسرة:
    انت شنو القدر دا القاعد توصفوا لي شمباتي؟

  16. زووووووول كتب:

    تلقيت قبل قليل اتصال هاتفى من اخينا ود الزبير افادنى بان جريدة الجريده قامت بتغطية الحدث (تكريم جبرا ) وهو منشور فى عددها الصادر هذا الصباح

  17. قرن شطة كتب:

    ابعث بتحياتى والتهانى للاخ الفاتح وامنياتى له بالتقدم ومزيد من الابداع…لم نستطع حضور الحفل البهى لظروف العمل ولكننا نعرف ان الزملاء والاخوان قد شاركوا استاذنا الفرحة والبهجة كما يجب…

  18. عزت كتب:

    تمام وللطيور المهاجرة والماعندهم حق الجريدة… عملنا اسكاننق لصفحة التكريم في الفيس بوك وفي انتظار الأخ طارق لينزلها لكم هنا… مبروك جبرا موقعك في قلوب المدونين

  19. نيام كتب:

    تحية مرة اخري لجبرا …
    عزت:
    ياخ دي ما واضحة اب احمد قال لي شمباتي مالك بقيت قدر دا وما داير تقطع الكبري…

  20. ياسين شمباتى كتب:

    الحبيب طارق….سلام..
    مبدع من يومك,,لكن على قول عزت شيتك البتوصف فيهو دا كبيييير وما بنقدر عليهو,آيييييي!!

    عزت…سلام..
    كتر خيرك بالذات للناس الما عندهم حق الجريدة ديل! تسلم يا حبيب…

  21. ياسين شمباتى كتب:

    الحبيب نيام..سلام..
    امانة ما اتلومت ! انا خسيت وبقيت قدر منو,,مافى ولا واحد من المدونين رشيق وخفيف! وكان قلت قدر البشاوى بكون بالغت ! كع

  22. طارق أب أحمد كتب:

    Izat
    Done

  23. نيام كتب:

    البروف:
    جيت مرة تانية اهني البروف و الروعة المهابة
    بحروفك ضحكنا و فهمنا الكتابة
    وايه يعني شخص و ايه الغلابة
    حكاية في جباية في سؤال في اجابة
    وحكاية البلاد في جيب العصابة
    و حكاية العصابة العجيبة العجابة
    وايه يعني حق و ايه يعني غابة
    حقوقنا جناية و مالنا جباية و صوتنا الرقابة
    حكاويك هي عزانا و ضل السحابة

    شمباتي:
    طب لما انت كدا ما تقطع بينا الكبري الجديد دا

  24. ابكرون كتب:

    اهل الدانقا ما اروعكم وانتم تكرمون جبرا العملاق
    تمنيت ان اكون وسطكم لكني ما زلت مساسقا بين الجزيرة وكوستي في ما تبقي من سويعات فارجو المعذرة ومزيدا من العطاء لاهل العطاء……..

  25. مُخير كتب:

    الحلوين حبان جبرا وأهل الدانقا
    السلام عليكم ولكم الشوق أشده والشكر أعمقه والعرفان أوفاه،

    لفتة بارعة منكم في حق أستاذنا الكبير وحبيب الكُل أبو ناجي، والتكريم صفحة ناصعة في سجل إخاءنا النبيل والله أسأل أن يجزيكم خير الجزاء وأن يمد في عمر الأخ الفاتح ويمتعه بالصحة والعافية ليواصل مشوار إبداعه الجميل.

    الشنباتي شكيتك وخليتك عملتها هوب وتلب في الجل هنيئاً لك لقيا الأحبة الفاتح وصحبه

    عزت وطارق والزوووول وإسترايكر وود الزبير وكل القمردينين فرداً فرد شكراً لكم وما قصرتم

    حبيبنا نيام ما أروع أبيات وما أبلغها على قلتها متعك الله بالصحة والعافية ،،،

    أبكرون الناس بتهاجر للعرس الملكي وإنت ما يمنعك إلا الشديد القوي من حضور تكريم جبرا

    السلاوي وطيور الخلا نرجع البلد وتاني نكرمو ما يستاهل جبرا التكريم مرات ومرات بس من هسة شوف قصة الفنانة قلت إسمها منو ههههههه ياخي أي زول إن شاء الله عزت ذاتو يغني والفاتح يعزف لقياكم واللمة معاكم في حد ذاتها حفل

  26. ياسين شمباتى كتب:

    نيام..
    بتمشوا معاى؟؟باقى ناسى هنا حارنين!

    ابكرون..
    بطل شغل الملكية دا,,انت من قيدومة لى حنة لى طربانة,خبرك جاااااانا…

    مخير..
    تسلم يا حبيب واهو قلنا كم حركة فى شكل موزة كدة,,وبالجد مكانك شاغر,وفى انتظارك فى ارض الحرمين يا امير..تحياتى..

  27. نيام كتب:

    شمباتي:
    هيع !!!الحقني علي الكبري…كان ما لقيتني تلقاني في بيت العقد…
    مخير:
    مايقول ليك شمباتي حركة في شكل موزة و لا لووووب…جا منطط عويناتو و في الكبري عرباتو واقفة لسيراتو…الحروم يزغردن و الجنون يبشرو وهو لسه في شكل موزة…دي موزة برازيلية دي…
    ابكرون:
    مابالغتا فوكها…عموما مبروووووك ياجدو…

  28. حنين كتب:

    الاخوة فى الدانقة .
    نبارك لأبو الوليدات ابنة الثالث( جباية فى حكاية ) وإنشاءالله تحضر جديدو وتزفو لى بيت عديلو وعقبال الابن المية ويتربو فى عزك وعز القمردينة والحوش الكبير .
    مع تمنياتنا لك بموفور الصحة والعافية ودمت للكرب مفرجا وللهموم مبددا وللدبرسة ناسفا…

  29. ياسين شمباتى كتب:

    نيام..
    ما بتقصر يا الكلس,لكن نفسى ارعف الزغاريد دى وين!؟؟ يسمع منك ربنا..

  30. ودالزبير كتب:

    الأحباء سلام

    كلمات شكر لا بد من إن نزجيها لكل من أسهم في هذا التكريم المتواضع سواء بالمال أو الفكر أو الحضور والمشاركه وخوفي من إن إنسي إسم يمنعني من ذكر من كان وراء هذا العمل البسيط الذي لا يوفي أستاذنا جبرا حقه …………….. عموماً شكراً لكم جميعاً وإنشاء الله دائماً ملمومين في الخير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s