استيراد ازواج

Posted: الأحد,26 يونيو, 2011 by استرايكر in إجتماعية

بعدما دعت في وقت سابق إلى فتح مكاتب لـ”الجواري” لمنع الزنا والخيانة الزوجية، دعت الناشطة الكويتية سلوى المطيري إلى إصدار قانون جديد يتيح للكويتيات شراء “أزواج حلوين” من دول إسلامية، وبمواصفات خاصة.

وقالت المرشحة السابقة لانتخابات مجلس الأمة في حديث صحافي إنه لن يتم القضاء على العنوسة في البلاد إلا بتطبيق هذا المقترح، مشيرة إلى “أن الكويتيات مدللات وشخصياتهن قوية، ويفضلن أن يكنّ القائدات، لذلك يحدث الصدام مع الأزواج الكويتيين، ومن ثم يقع الطلاق، ولهذا فلا خروج من هذا المأزق الاجتماعي إلا بشراء أزواج حلوين وبمواصفات خاصة”.

 

واشترطت المطيري أن يكون الزوج “مهذباً ولبقاً ومتواضعاً وجميل الشكل وينفذ طلبات زوجته ويطيع أوامرها ويدللها، وبذلك تقضي معه أحلى أيام حياتها بعيداً عن الصدامات والشجار والمنازعات”، على حد تعبيرها.

واعتبرت أن هدفها من هذا الاقتراح “تحسين النسل في الكويت من خلال استقدام أزواج من ذوي البشرة البيضاء، فمثلما أفكّر في تلطيف الجو بالمنطاد والسحابة الصناعية وزراعة مليون شجرة أفكر أيضاً في تحسين النسل المقبل”.

وأضافت في حديثها لصحيفة “السياسة”: “مادامت الكويتية قادرة على شراء زوج جميل ومهذب وحبوب فلماذا لا تشتري زوجاً وتقضي على شبح العنوسة”، مبدية استعدادها للقيام بهذه المهمة إذا حصلت على الترخيص القانوني، وأنها ستزور البلدان الأوروبية والآسيوية التي تعيش فيها جاليات إسلامية كبيرة لاستقدام أزواج بمواصفات ترضي طالبات الزواج.

وعن آلية تنفيذ اقتراحها قالت: “يتم استقدام الأزواج من خلال مكاتب في الدول الإسلامية وروسيا، وتنشر الإعلانات عن طلب لكويتيات شرط أن يكون الزوج مسلماً، أو أن يعلن إسلامه قبل عقد زواجه، ثم تختار الراغبة في الزواج شريك حياتها من خلال ألبوم صور وتتعرف إلى مواصفاته ليتم استقدامه إلى البلاد لتعقد قرانها عليه، ويعيش معها في منزلها بعد أن يدفع لها مهراً رمزياً حتى لو كان خاتما من حديد، أسوة بالسلف الصالح”.

Advertisements
تعليقات
  1. ومن يانس فى نفسه الكفاءة التقديم وينتظر المعاينات – لعل – وعسى !

    بالنسبة لاعمامنا وناس الشدر الفيهو السمغ 🙂 فعندهم تقديمات خاصة – لانهم مطلوبين وبصورة خاصة من بعض اصحاب العمل لايمانهم ان الخبرة والثبات هو الاهم من الشباب الغر. لووووووووووووووووووووووووول.

    والنشوف اخرتها شنو.

  2. والـــلـــه عــشنـا وشــفـنــا يــــاااااا نســـــاء الكويــت

    اعتقد بدلا من الاتجاه لاستقدام ازواج اســيـويــيـن

    فالافضل ان يكونو- عربــــا – فهم اولى ببنات جنسهم

    وببلاش بدون دفع فلوس …. ففي اليمن على سبيل المثال

    طابور طوويل من الشباب العا زب الذين لا يجدون مهر العروس الباهظ

    فهنا يكون الحل للطرفين … ما رأي اخـتـنـا – الدكتووورة سلوى المطيــري –

  3. – فترة الخصوبة لدى المراة من البلوغ إلى سن 40 .
    – في الاعم الغالب يتوفى والدي المراة قبلها وينشغل أخوانها بزوجاتهم وابنائهم .
    – تفقد المراة بعد سنة الاربعين جمالها وجاذبيتها.
    – أغلب النساء لا يحسن التوفير.
    – علاقة المراة باصدقائها النساء هش جدا .
    – ترتفع نسبة اصابة المراة باورام خبيثة كلما تقدمت بالسن وكذلك الرجل.
    – الوحده اشد ايلاماً للمراة من الرجل.

    فيس بوك / عمر السويدي

  4. زووووووول كتب:

    بات بامكان المواطن الكويتى المتزوج والحاصل على قرض الزواج الحصول عليه مرة ثانيه بمبلغه الجديد 6000 دينار (فقط سته الف دينار كويتى ولا عزاء للسودانيين….. وما بين القوسين من عندى )) بشرط الزواج من اخرى ولكن بشروط اوضحها مصدر فى بنك الادخار والتسليف لصحيفة الوطن بان تكون الزوجه الثانيه مواطنه كويتيه بكرا او مواطنه كويتيه ارمله او مطلقه بشرط عدم حصول زوجها السابق على قرض من البنك المذكور وكذلك اذا كانت الزوجه مواطنه كويتيه مطلقه او ارمله لزوج غير كويتى .
    المصدر : جريدة الوطن الكويتيه الصادره بتاريخ 26/5/2011
    كسره : الكوايته ديل ال حاصل عليهم شنو ؟؟؟؟؟؟؟؟؟؟

  5. طارق أب أحمد كتب:

    فى حديثها عن إستيراد رقيق قالت أنهم يجب أن يكونوا بيض اللون و جميلات و غير مسلمات (ْْXXXXXXX) مثلا رقيق روسيات لأنهم بيض الوحات و (حيحسنوا النسل ) و لأنوا مافى عبيد بالمواصفات دى ((يعنى غير مسلمين)) فقامت فكرت فى العرسان المستوردين أنا رأيي غايتو الزوله دى ما سمعت بى زولنا القال ((يعنى مهدئات ))

  6. طارق أب أحمد كتب:

    1. فى حديثها عن إستيراد رقيق جوارى لأن العربى يحب التغييير قالت أنهم يجب أن يكونوا بيض اللون و جميلات و غير مسلمات مثلا رقيق روسيات من الشيشان (حيحسنوا النسل ) أما بالنسبه للمرأه لأنوا مافى عبيد بالمواصفات دى ((يعنى غير مسلمين)) فقامت فكرت فى العرسان المستوردين
    2. أنا رأيي غايتو الزوله دى ما سمعت بى زولنا القال ((يعنى مهدئات ))

  7. زووووووول كتب:

    يا سترايكر واب احمد والزبيرى مسعولين من الخير … الدينار الكويتى بعمل كم مقابل الجنيه السودانى وكم تعادل هذه السلفيه بجنيهنا الموقر ؟؟؟؟؟؟؟؟؟؟؟

  8. AFLAIGA كتب:

    ستريكر : الرجل السودانى البكاى كسير الجناج المارق من تجارب محزنه طبعا بيكون انسب خيار للقصه دى لانو بتكون مشاعرو جياشة والجيش نقلو فتاشة وب على انا ههههههههههه
    غايتو بعد ده لمن زول يقول ليك مغترب فى الكويت طوالى تعرف انو الفيزا بتاعاتو بى تيس … بى تيس دى بالعربى ما زول يوقم يقراها بى تى اس هههههههههه

  9. نيام كتب:

    اب احمد:
    بالتاكيد ما سمعت بيهو زولك دا…
    افليقا:
    في الحقيقة موش ب ت س …
    حتكون مكتوب في الجواز
    الاقامة : الكويت
    المهنة : زوج لطيف

  10. لوووووووووووووووووووووول

    قوية يا نيام

  11. AFLAIGA كتب:

    نيااام : زوج لطيف ولا نخليها تاصيلية اسلامية ونقول ( زوج بهيج ) ..
    شتريكر : قوية شنو انت شفت حاجه خلى ناس بشار وابكرون وسنكل يخشو حتسمع درر مشانت قلت الافضلية للشدر الكبار ههههههههههه يلا ارجى الراجيك ..

  12. ياسين شمباتى كتب:

    اسمر ما ممكن!؟؟
    غايتو انا لطيف وبهيج! ومطيع ووديع! وبقدس الحياة الزوجية! يااااااااى..

  13. AFLAIGA كتب:

    شمباتى : ايه رايك انو ناس السعوديه من الاجانب مرغوبين لانو بيكونو اتخلجو واقرب ناس للتعود بس بتكون عندهم مشكلة انهم ما جايين ( سخن من نارو ) ههههههههه اسى انت شمباتى بتاع السعودية وبتاع جبره واحد ؟؟؟ وتيب ههههه

  14. AFLAIGA كتب:

    اقتراح :
    يا حبذا لو الحكومه عملت الخدمه الوطنيه فى الكويت
    يعنى تجى المعسكر وتتصنف طبيا ويدوك خدمتك تقضيها كزوج بهيج لطيف ودود ويدوك اخر صرفيه فى الكويت باعتبارك بتادى فى واجب وطنى يعنى زى نظام ناس الهدف ياجروك للكوايته بالنفر ويدو مرتبك لى اهلك هنا بالجنيه السودانى ..
    بالله مش فكره غايتو عم جبرا مفروض يعمل بوست الجمعه تحت عنوان :
    شركة تباهون للاستثمار والتنمية
    تحت شعار فانى مباه بكم الامم يوم القيامه
    نحن نعمل على استقدام شباب زى الورد لتادية الواجب الوطنى

  15. هههههههههههههههههه
    يا شنباتى – مطيع دى امسك فيها قوى – ده المطلوب بهناك – اها لما ترجع وتمشى للمغتربين – المهنة شنو ؟؟؟ وضرايبا كم – وزكاتا كم – وفيها رسوم قناة فضائية ولا لا – وممكن يعملو ليها دمغة جديدة وصف براهو !!!!!!!

  16. يا ولدنا – والله صحى لووووووووووووول

    اسمع اسا علماء السودان يدوك فيها فتوى زى الليل – تحت شعار ومن ( فرج عن مؤمن كربة) .

  17. AFLAIGA كتب:

    ما تنسى الخصم بتاع الاهلاك
    زمان كان المغتربين بيودو للنسوان عدة الشغل من طلح وشاف وخلافه اسى نودى لا ولادنا المجاهدين فى الكويت ام جنقر ولا باكمبا ولا ( العسل الملكى ) …!!!!!

  18. وتانى عمك بتاع السمؤال بتاع الكباسين خ يمشى يفتح فرع هناك وتانى تلقى المطار مليان ( بالله شيل لى معاك العسل وديهو لولدنا فى الكويت)
    وتانى ح يكون فى مكاتب عمالة وعقودات عمل ( زواج ) وح يكون فى فحص للبضاعة ( مش الخرفان بجسوها قبل الشراء ) اها كمان ده عرس عديل – لازم يجيب شهادة لياقة طبية و ح تكتر بعد كده الشهادات الضاربة ويقوم المزوراتية بعملهم على اكمل وجه – والله عندى شهادة بتخليك تعرس اربعة بس باربعة مليون – الراس بمليون.

  19. حاج أحمد السلاوى كتب:

    يا جماعة الخير شايفك مشيتو بعييييد فىى الموضوع ..والولية الكويتية دى قالت إنهم عاوزين يحسنوا النسل ..( “تحسين النسل في الكويت من خلال استقدام أزواج من ذوي البشرة البيضاء، فمثلما أفكّر في تلطيف الجو بالمنطاد والسحابة الصناعية وزراعة مليون شجرة أفكر أيضاً في تحسين النسل المقبل”. ) فنحن أصحاب البشرة السمراء ما أظن يكون لينا سوق مع الكويتيات ديل إلا إذا نظرت للموضوع من ناحية تانية ..ما بقدر اقلبها بيجاى ..يعنى يا ابكرونا ومن لف لفه لا تتعبوا روحكم ساكت .وخليك مع أم المؤمنين المعاك هدية ورضية ومالك ومال الشغلة الما معروف أصلها من فصلها ..
    الكوايتة ديل ناس مِحن وما عندهم سالفة ..

  20. AFLAIGA كتب:

    السلاوى ثرو كل الناس المقدمين وخايفين :
    ان كنت ذا راى فكن ذا عزيمة فان فساد الراى ان تترددا .
    وعشان نكون بيان بالعمل :
    افليقا – سودانى – 37 سنه – كان زوج مهيض الجناح – يرغب فى التحرر مع كويتية او العبودية ما فارقه – يبحث عن حياه سعيده – يقدس اى حاجه وخاصة الحياه الزوجية الترطيبيه هو اذا كان حياتنا ديك قدسناها طيب حياتكم كيف – مستعد لاى تنازلات بدون اى سقوف بس انت ترضى يا جميل – لا يمانع فى السكن معها وجواها ذاتو – ولا مانع لديه فى حال انتهاء العقد انو لو انتهت العلاقه يا جبايبى وين تدوم بيننا الصداقه السودانيه الكويتيه – عندو شوية شروط كلها ماديه بحته ولا علاقه لها بالمعنويات اهمها :
    فيزا لحمودى – قبول دراسى لسرويه – عقد عمل لعبودى – عدد 7 حجات لسمسمه وامها برضو عشان ما نخش فى شيطان التفاصيل – تاسيس منزل مريح لسمسمه ومصدر دخل من حقوق ما بعد الخدمه بتاعة افليقا — وبس …
    لا بالله احسن تانى فى حاجه ؟؟؟ انت قايل نفسك افليقا ولا ميسى ولا رونالدو يعنى فوق كم قروشك الفى البنك ولا بنزينك الفى التنكى ؟؟؟؟؟ هوووى فتحنا ليهو مد كراعو ….. غايتو جنس غايتو ….

  21. سماسم كتب:

    شايفة الموضوع عجبكم أوي أوي أووووووووووووووووووووووووووووووووووووووووووووي

  22. AFLAIGA كتب:

    سماسم : عجبنا وسر بالنا وريحنا فى حناننا انتى ضد توطيد العلاقات السودانيه الكويتية ؟ شكلك من انصار صدام حسين ههههه غايتو ناس لا بتحب الخير للناس ولا شيئ خلو روحكم رياضية يعنى نحنا و ( سعيد سماسم ) لمن نمشى نغترب فى الكويت انتو قايلين عشان منو ؟؟ ما عشانكم انتو وناس سمسه والشفع ده بدل ما تجهزو غازيا وتكونو كمن غزا ؟؟؟ بعدين اسمعى منى النصيحه دى وهى مقتبسه من حديث شريف :
    دخلت امراة النار فى هرة حبستها فلاهى اطعمتها ولا تركتها تاكل من خشاش الكويت

  23. AFLAIGA كتب:

    سماسم : بالمناسبه خشاش الكويت ده خيرو بيعم الكل مش اخير من ياكل من خشاش الحله ولا خشاش بنات اهلو ويمغس ونبقى فى ما رضانا وما درنا ليك ويبقى ليهو بمبى وانشاء الله ما تنفعو ؟؟؟ ههههههههههه
    للذين لا يعلمون ( ما رضانا ) دى صيغة التعاطف الانثوية مع من تزوج زوجها فوقها يعنى زى البركه فيكم كده او اسحن الله عزاءكم ( اسحن ) يا اب احمد ما احسن هههههههه

  24. سماسم كتب:

    انتو لكن من زمان خشاش الأرض دا ماكنتو بتعرفوه يادوب بعد طلب الكويتيات دا حتى جا على بالكم؟؟؟؟؟؟؟؟ من زمان كنتوا حابسنهم ليه

  25. AFLAIGA كتب:

    سماسم : الكان حابس التانى منو ؟؟؟ نحنا ولا انتو ؟؟ انت زعلتى ولا شنو ؟؟خلاس نكلم سعيدكم يبطل التفكير فى الهجره ولا زعلانه لى صحبتك ؟؟

  26. سماسم كتب:

    أنا زعلانة غلى عدم العُشرة

  27. AFLAIGA كتب:

    سماسم : الكان حابس التانى منو ؟؟؟ نحنا ولا انتو ؟؟ انت زعلتى ولا شنو ؟؟خلاس نكلم سعيدكم يبطل التفكير فى الهجره ولا زعلانه لى صحبتك ؟؟من عواطف وسعيد
    مشية الكويت بتخلى سعيد يجى فى الاجازة مشتاق وكده
    مشية الكويت بترفع عن العواطفات حرج انو سعيد بيوريكم انو بيضحى عانكم ودى برستيجيا احلى من عرس ليهو وحده مرطبه فى الخرطوم 3 .
    بعدين عليك الله بينى وبينك نحنا نسايين عشره ؟؟؟ ياخى نحنا مفروض يدونا وسام العشرة الطويله الممتازه من الدرجه الاولى ونخش الجنه بدون حساب معقوله الواحد يتحاسب مرتين ؟؟؟؟

  28. AFLAIGA كتب:

    تنبيه هام :
    فى ظل التطورات الخطيره التى بدات تشهدها المدونه مؤخرا ومن منطلق حرصى التام على امن وسلامة اراضينا وما عليها من رعايا متمثلين فى الشفع والرجال ادعو من هنا ومن واقع المسئولية التاريخية التى لن ترحمنا جميع محافل العواطفات حول العالم ان نحن فرطنا فيها الى اجتماع هام وعاجل لكل عواطفات المدونه لمناقشة التهديدات الخطيره بعد التراشقات الاعلاميه التى ابداها السعيدون بالمدونه والتى ان دلت على شيئ انما تدل على نمو وتنامى روح العداء لعواطف والتى نتوقع بعدها تحركات عمليه فى الميدان على كل الجبهات ربما تهدد الامن العواطفى عليه نرجو من كل العواطفات الحضور للاجتماع الخاص والسرى الذى سيتم تحديد زمانه ومكانه لاحقا .
    الرفيقه / سماسم – الامين العام لمجس التحرير العواطفى رئيس جهاز امن الدوله العواطفيه
    صوره للرفيقه سمسمه رئيس وفد السودان بالصين
    صوره للرفيقه ام احمد وزير الاعلام الناطق الرسمى باسم المجلس
    صوره للرفيقه الغبشه – الرفيقه نونو – ( صديقات المجلس والمرشحات للعضوية )
    صوره لاى عواطف ممغوسه من عمايل ستريكر دى
    قال كويت قال تكاكو لامن تصبح عليكم الواطه شوف نكارين النعمه ديل ..ههههههههه

  29. soobi12 كتب:

    هى يا ناس بلا خشاش كويت بلا خشاش ليبيا بلا سجم …… اكلو خشاش بلدكم دا بس واتلهو

  30. اكل نارك براك يا ولدنا.

  31. سماسم كتب:

    ههههههه

    كدي خلو رئس الوفد يرجع بعد داك نحدد الإجتماع دا لو الصينين ما يقولو عاوزين زوجات من السودان

  32. ودالخلا كتب:

    سلام ياقبيلة،،
    بس يا أفليقا ما صدقت لقيت ليك فرقة، وقعدت تضري في هواك تضرب جاي، وتخبت جاي وفاتح نار في كل الأتجاهات تفلق وتداوي، أنت كنت منشن وين لمن كاتم نفسك للدرجة دي؟؟
    خلاس ماعندكم مشكلة أنت وصاحبك الولع النيران ولبد داك قول ليهو البولع النار بتدفا بيها!!!
    أصلكم ناس مش وش نعمة أبدا” ونكارين جميل وجحودين هسه الواحد فيكم كان مشي الكويت للموضوع ده حا يجيب ليهو موديل تسعين ولا دفار سبعة طن أصلكم من زمان دي طبيعتكم تحبون الموديلات القديمة قال تايوتا 78 أحسن من الفين وحداشر!
    دي عالم شنو دي؟؟؟؟؟

  33. طارق أب أحمد كتب:

    1. soobi12 يقول :

    هى يا ناس بلا خشاش كويت بلا خشاش ليبيا بلا سجم …… اكلو خشاش بلدكم دا بس واتلهو
    رد
    هوى يا سوبى زمان غشيتونا و قلتو لينا غتو قداحتكم ، غتو قداحتكم لامن فتنا أبو القدح ذاتو
    أها هسى جات ينا فرصة عريس مستورد ولا أرنب ، خيل طلوقه ود أبرق، سميها زى ما تسميها المهم هسى نرحع عرسان لا من الكيزان لا حفر دخان
    تقول لى جو مكوه فى السخانه دى
    و لا فول
    مندى يا معلم

  34. سماسم كتب:

    الله ينصر دينك ياود الخلا كلام في الملايان

  35. soobi12 كتب:

    طارق اب احمد : ولا غشيناكم ولا حاجة كوركنا لمن فترنا ولمن انتو فتو ابو القدح ونحن فتنا ابو السريع

    طبعا انا بسميهو ود ابرق مستورد

    استرايكر يقول
    اكل نارك براك يا ولدنا.
    استرايكر : انا سوبى بت …..والله بت وكمان كنت بفتش ليك لى زمن اولا انا عايزة اكون عضوة محترمة وثانيا عايزة اكتب موضوع فى المدونة كيف ؟؟؟؟ وبعد ما ترد على حا اوريك المفروض ياكل النار ال فوق ديك منو !!!!!!!!

  36. طارق أب أحمد كتب:

    قبل فتره ما بعيده كان فى مؤتمر فى الكويت حول ((سوء التغذيه)) سوء التغذيه بالنسخه الكويتيه يا شنباتى ))
    تقول لى دفار 7 طن يا ود الخلا ياخى قول جامبو 25 طن (ما بالنسخه الكويتيه)

    سوبى نيابه عن أسرة المدونه أرحب بيك و شكلك كدا بت لكن بستين راجل و راجين مواضيعك بفارغ الصبر
    ( يعنى ،،،،،،،،واليلا حنشوف فيك يوم يا أفليقا)

  37. soobi12 كتب:

    ههههههههههههههههههههههههههههههههههههههههههههههه
    شكرا على الترحيب لكن انا قديييييييييمة اسال منى ابكرون الفكى وحاج احمد السلاوى والزهراء ونونو والغبشة ( طفشانة سابقا )

    قلت لى 60 راجل عديل كدا …… اسكت ساى والعجب كان شفت الخلقة بعاتى بس وجاكم …..

  38. AFLAIGA كتب:

    السلاوى : الفيك اتعرفت بالله انت السلاوى ولا السلامى ؟؟؟
    سوبى 12 : فعلا انتى قدييييييمه بس طولتى لمن نسيناك مرحب بيك تانى .
    اب احمد : تشوف فينى يوم انتا ولا هم بالوكاله عبرك – انت يا زةل ما كنت كويس ومعانا الوداك للخيانا شنو ؟؟ بعدين الليله يادوب الاحد يعنى الخميس لسه عليهو كتير هههههههههههه
    شباب : عليكم الله لمن الراجل يضحى ويقوم يمشى الكويت عشان البيت كلو يرتاح مفروض يكشكروه ولا ينبذوه ؟؟؟ غايتو ناس ما بتفكر باستراتيجيات كلو كلو بس رزق اليوم والايام التاليه … وده البودينا الكويت عشان المستقبل وكده

    • حاج أحمد السلاوى كتب:

      أبو الأفاليق .. الولية الفنجرية الكويتية قالت عاوزين يحسنوا النسل ..
      الحكاية دى ذكرتنى طرفة قدييييمة ..والعهدة على الراوى .. الكابتن سبت دودو ( حارس مرمى الهلال والسودان سابقاً .. لمن فاتهم الإستماع )متزوج من شمال الوادى وأنجب صبية مليحة ذات حسن وبها وخاتفة لونين ( زى أخونا عزت ..) وبلغت سن التزاوج ( فى فرق بين الزواج والتزاوج ..للمتاهلين فقط ) تقدم لها بن عمها صاحب اللون الواحد يطلب يدها الكابتن سبت دودو ..عمو قال ليهو روح كدا ولا كدا نحنا نصلح وانتا جاى تخرب تانى …
      عشان كدا خلونا مطرح ما نحنا قاعدين ..وبنحب وبنتزوج من بلدنا ما من برة البلد .. لو كنا عاوزين الحاجات دى كنا جبنا عواطف معانا من ألمانيا ( لتحسين النسل ) والمثل العندنا جنن تعرفو أحسن ليك من جنن ما بتعرفو ..ولا ما كدا يا سماسم ( جاية مسخنة بعد الغيبة الطويلة ..ولا الموضوع المسخن ؟ ) .

  39. AFLAIGA كتب:

    اب احمد : الوشين الضاحكين ديل انتا ومنو ؟؟ ولا الوشين حقينك انتا براك ؟؟!!!

  40. ياسين شمباتى كتب:

    افليقا..
    واااااااااااااااااحد! اسلى بس..

    استرايكر..
    (الكباسين) ديل شنو كمان !؟؟ بعدين ضرايب شنو؟مفروض يدفعوا لينا ويدونا تاشيرات مجان وكدة,انحنا (بنرفع) راس الوطن وكدة! ولا كيف؟

  41. ياسين شمباتى كتب:

    اب احمد..
    ما براحة لكن !

  42. AFLAIGA كتب:

    شمباتى : البيفهم ليك حتة ( راس ) الوطن من ( قعرو ) دى منو زمننا ده كلو بنرفع ومافى تقدير لا من ( حوه ) لا من ( بره ) اها لمن ربنا جاب ناس بيقدرو وعاوزين ( يرفعو ) وطنم مضايقيننا الناس فى رزقنا الجانا ؟؟؟ دى مش حساده عليك الله ؟؟
    بعدين انت اب احمد ده مالو خاشى بى ستايل اخو السره !!! ما يخش بى استايل اخو عبدو شويه ولا عاوز عبدو يزعل منو ؟؟
    بالنسبه للحسبه بتاعة الكباسين فنحنا وبحمد من الله لسه ما احتجنا للحاجات دى لسه ومنسترين بالفول والطعميه شوف ولدنا بيوريك ليها … ههههه
    راجع الميل ..

  43. AFLAIGA كتب:

    حاج السلاوى : ( كان جبناها من المانيا ) دى استدلال ولا حسره ؟؟!!ههههههه اسى عليك الله مش كنت بقيت وكيل المرسيدس فى السودان واى زول مننا ( خش ليهو فى بى امايه ولا مرسيدسايه ) من حقات توكيلك .. اها المرسيدس فيهو كلام كمان ؟؟؟ ولا انتو من عشاق البرنسات ؟؟هههههه
    سماسم جايه مسخنه ولقت الموضوع مسخن قامت شخنت علينا الواطه اصلهن كده ما بخلن الجو يبرد كلو كلو هههه

  44. سماسم كتب:

    أنا ما مسخنة بس وجعتني افتراس الفرصةالسريع …….ما صدقتوا ……….يمكن هم بهظروا هسة

  45. AFLAIGA كتب:

    سماسم : لكن بالغتى فى التعبير بتاع ( افتراس الفرصه السريع ) تعرفى ذكرتينى الامام الصادق صاحب اروع التعبيرات لكل قضية – يعنى نستنى لحدى ما عرسان الدول التانيه يخمو السمنه وما يخلو لينا الا الحصحاص فى اخر البليله – نحنا كشعب مبادر لازم نكون فى الطليعه لاننا شعب رسالى لا نبالى ولا شنو ؟؟
    الوفاء اختى سماسم قيمه نسبيه تتارجح بين التربيه على الوفاء وما يقدمه الطرف الاخر من وفاء مقابل – يعنى اسى انا مثلا وفائى لسمسمه بالضبط كده زى وفائى للبلد دى فيهو جزء تربيه وجزء مكتسب بتبادل العطاء يعنى ممكن اقرف من البلد لكن ما بخونا يعنى ممكن اكون امريكى من اصل سودانى وده ما بينقص من حق سمسمه اقصد البلد فى شيئ ولا شنو ؟ اسى يعنى ابو العيال لو لقى جنسية بريطانيه حيخلى الجنسية السودانيه ولا حيكره السودان برغم الفيهو ؟؟!!!

  46. البشاوى كتب:

    انتو كدى اشبعو من الجداد الكويتى يعدين شوفو العروص التانية —
    استرايكر مممممممممممممممممممم
    حقو اليومين ديل تغير اسم افليقا الى ممنوع الاقتراي او التصوير —— او قابل للاشتعال – عشان اب احمد مايهدد الامن الاجتماعى –

  47. حنين كتب:

    شباب كيفكم.
    بالله أنا بى غادى فى ساحات الفداءو الرئيس فى الصين وإنتو بى جاى رابنها..
    ماتكلمونا من بدرى ياجماعه ولا مابدورولينا الخير .
    أها الوصية بالمهلة وفى الزمة لو التقديم فتح أدونا خبر قبال مايقفل .
    ونحن بنقدس الحياة الكويتية للميتين .
    وجاهزين بالدم وبالروح .
    مالك ياخ …

  48. AFLAIGA كتب:

    حنين الحنين : بالله انت ساك الرئيس وهم ساكين العريس شفت الاهتمامات كيف ؟؟ انت ساكى الاخره وهم ساكين الدنيا ياخى جزاك الله خير وثبت اجرك وكتبا فى ميزان حسناتك – اها خلصت من الجهاد الاكبر تعال شوف معانا الجهاد الاصغر ..

  49. wdelzper كتب:

    يا جماعه انا الكويت دي ما بمشيها لو ما لقيت ضمانات ان الجنس التالت ما راح يتعرض لي

  50. wdelzper كتب:

    بعدين مهم الحاجات تكون واضحه ومحدده في العقد يعني الشغله تكون معروفه يوميه ولا مقطوعيه ولا بالانتاج وزمن الدوام من كم لكم وفي اجازات ولا مافاي مالازم الفحل يعرف البيهو والعليهو

  51. حنين كتب:

    ود الزبير .والله بالغت .
    هى طبعا الحاجات دى كلها موضحة فى العقد .(العليقة وأوقات النوم والراحة والاجازات ) لكن ياود الزبير قالو عندهم معاينات صعبة قالو ترفع الابريق مليان من الواطة …

  52. AFLAIGA كتب:

    حنين : اها شفت كيف ما تميت ليك خمسه دقايق فى لابوست بقيت تتكلم فى التفاصيل الدقيقه ورفع الابريق بياتو طريقه ؟؟!!!!ههههههههه

    • حاج أحمد السلاوى كتب:

      سؤالك تعسفى شديييييييييييييييييد ..؟
      خليك حنين على اخونا حنين دا ..ولا تثقل كاهله بأكثر مما هو عليهو ..

  53. طارق أب أحمد كتب:

    “مادامت الكويتية قادرة على شراء ((زوج جميل ومهذب وحبوب))
    فلماذا لا ((تشتري زوجاً ))
    وأنها ستزور البلدان ((الأوروبية والآسيوية))
    حنين و شكسبير
    حارقين رزكم فوق شنو
    بإختصار المره دى دايره راجل تشترى سمح و حبوب هندى إيرانى يونانى علا لا مصرى لا سودانى

  54. طارق أب أحمد كتب:

    من زمان لامن أسمع كلمة بعل بتجينى صورة بغل
    أها يادوبك عرفت السبب

  55. wdelzper كتب:

    يا حنين وافليقا نحن كمان بيخوفونا بالمعاينات ما سمعتوا بقصه التجربه العلميه الكان فيها مصري وسوداني وخواجه والكانت بقصد التعرف عن ما ينتج عن تزواج البني ادم مع القرود اها باقب القصه دي الا اتمو لبكم بالتلفون
    لوووووول زاتو

  56. ارمى فى الايميل يا ود الزبير وبالعدم ميس كووووووووووووووووول

  57. لو كترتا تانى يا حنين – البوست ده بمشى الخوووووووووووووووووووور

  58. AFLAIGA كتب:

    ستريمر : خلى الناس تفك شويه هو غير هنا بيفكو وين ؟؟ طيب لو كان العروس فرنسية ولاموريتانية كان بتسوو شنو ؟؟

  59. wdelzper كتب:

    استرايكر
    تدفع كم في النكته دي
    افليقا
    موريتانيه بمواصفات وزيره الخارجيه الكتبوا فيها دبلوماسيينا الاشعار

  60. سماسم كتب:

    أقطع الخط ياشكر الله …… قصدي يا استرايكر

  61. سهيل كتب:

    ياساتر — شايف القصه جابت ليها اباريق

    يا حنين فضحتنا – هي الكويت فيها اباريق ؟؟؟ ولا كل زول يجيب ابريقو معاهو ؟؟

  62. سهيل كتب:

    والله يا البشاوي صاحبك افليقا اليومين ديل خطر عدييييييييل كده .. كان غطسوهو في البحر بيقول تششششششششششششش و يكمل غلينا المويه ..

    كسره : ما جانا شي في الايميل لغاية هسي … احسن ليكم … هسي بودي البوست دا الخور

  63. سهيل كتب:

    استرايكر لما الناس بالبوست و حنين شتتهم بالإبريق – اتاري يافليقا اخوان السره ديل كتار خلاص

  64. AFLAIGA كتب:

    باب : من افليقا الى كل سره واخو سره بالجد واخو سره من اجل المسره :
    افيدكم بالاتى :
    السره نصنا من خلق رب العباد حوا
    السره زوجنا من ضلع غاتس هناك جوه
    السره بتنا من رفث دم خلقة اللا اله غير هو
    السره اختنا انعم بيها من خوه
    السره بكرما كل كريم ما بهينا غير منزوع مروه
    ومن منطلق الاعزاز والاكرام للسره بنقول :
    اكرم الله كل سره اكرمت زوج سره
    والسره الما بتكرم زوج سره اريتا بالضره
    من الاخر كده يا اخوان السره ….

  65. حاج أحمد السلاوى كتب:

    غايتو يا ناس شباب الدانقة قصتكم عجيبة خلاس ..بس ما يجيبوا ليكم سيرة العرس والنسوان إلا تلاقى كل الجماعة قعدوا ينفجطوا والكان نايم صحا والكان راقد صنقر ونفض التراب من الكيبورد ..دا شنو دا ؟.
    الغريبة إنو الكواشف لحد حسه ما ظهروا ناس الفكى ابكرونا وبشار بن البرد وسنكل وابو عصمت .. الحاصل شنو ؟ ولا خلاس البطاريات نزلت والمكنة بقت شغالة بربع الكفاءة أو يكونوا إكتفوا بأمهات المؤمنين المعاهم وخلوا الكويتيات للشباب .
    كنا عاوزين نعرف اباريق أخونا حنين دى مصنعة من البلاستك ولا الحديد المجلفن ؟…ولا النحاس التقيل زى اباريق جدودنا زمااااااااااان – الله يرحمهم جميعن – لأنو المقدرة على رفع الأباريق بيتوقف على كل نوع ..
    أفليقا دا ومنذ ظهوره العلنى المرة الأخيرة دى جايى هايج وسمه فاير شدييييييد .. الحاصل شنو ؟ شوفوا ليهو حبوب مهدئة زى ما قال الفلاتى لامن وصف الحبة الزرقاء وصنفها من ضمن الحبوب المهدئة ..
    الأخت سماسم الوحيدة من أخواتنا الحرائر اللى الموضوع دا عمل ليها إمتعاض فى العصب الأؤورناؤطى ةبقت المعارضة الوحيدة فى الساحة وواقفة ضد الشباب فى توجهاتهم العدائية تجاه حرائر أمازونيا العظمى وبدا الإنزلاق الفكرى والإنجراف وراء الدعوات الإنحرافية القادمة من خارج الحدود ..ز
    نحنا غايتو مع الطيور .. اقصد مع امهات المؤمنين حقاتنا ..وما عندنا أى نوايا عدوانية ..لا من بعيد ..لامن قريب ..
    وزى ما تقولوا قوا .. كسير تلج كسير تلج..غرامة غرامة .. زنقة زنقة .. وجنن تعرفو احسن ليك من جنن يا دوبك ماشى تشوف دربه ..

  66. قرن شطة كتب:

    الاخوان الاشاوس
    تحية طيبة
    مريت الليلة بالصدفة وقريت موضوع الكويتيات وكده…غايتو حكاية عجيبة قدر مانقول مافى أجنا مننا نلقى واحدين فايتننا بى غادى؟ وبعدين ضحكنى موضوع الابريق ده!!! والاباريق بتن فى إطراق كما قال احد الشعراء المنتكسين (المحبطين) والله المودوع فيهو ثمرة جيدة واهو فرص لشبابنا بس شايف موضوع المواصفات وتحسين النسل وكده وبى هنا بنطلع منها…وإتخيل لى ومع كده الناس بتكون قدمت عسى ولعل…يرفعوا إبريق يرفعوا برميل ذاتو!
    تحياتى ياظرفاء وبالاخس استرايكر وأفليقا المنضجد

  67. سهيل كتب:

    لكن يا جدو سلاوي صعبتها عديييييل – قلتا لي نحاس تقيييييل – والله ناسنا البتخوججو من امباترح ديل ما يرفعو ليك ابريق فاضي خليك من مليان .. وكان لي ناس عزت و بشار سيرت الاباريق ساي ما قادرين عليها خليك من البيان بالرفع .. قصدي العمل .. قال جنآ تعرفوا ولا ماعارف شنو داك .. دي مكنتك يا جدو .. بالللللاي

  68. ياسين شمباتى كتب:

    سلولو..
    ما رديت على سؤالى بتاع البناء !؟؟ ولا عامل فيها حميل؟؟هيييييييييييييييييييييي…

  69. حاج أحمد السلاوى كتب:

    شمباتى ..سؤال شنو وبتاع شنو ؟ السؤال دا رسلتو متين ولمنو ؟ يعمينى ما سمعتو ..ويطرشنى ما شفتو ..
    إنتا يا ولدى مما جابو سيرة العرس الما قادر عليهو دا.. راح ليك الدرب فى الموية ..ولا شنو ؟ بس قاعد تزف فى أصحابك شمال ويمين وإنت تعرض برة الحلقة .. دا مترو بكم ؟

  70. سهيل كتب:

    جاوب الراجل ياجدو خلي اللولوه – قال مويه قال –
    حنين : رايك شنو في فتيل القطره ؟؟؟

  71. طارق أب أحمد كتب:

    شنباتى
    مالك بتلخبت فى الكيمان كلام البنا دا مدور فى الضفه االغربيه

    سهيل
    أنتا مصر تودى البوست الخور

  72. حنين كتب:

    ياجماعه أنا أخير أسكت …
    الواحد أصلو مايبصر الجماعه؟؟؟

  73. طارق أب أحمد كتب:

    زاوية حادة

    سلوى البلوى

    جعفر عباس

    كانت سلوى المطيري مرشحة في الانتخابات البرلمانية الأخيرة في الكويت، ولم تفز بأصوات تؤهلها حتى للحصول على مقعد في منصة الجمهور، رغم أنها تصف نفسها بأنها «ناشطة»!! ناشطة في ماذا؟ تعالوا نشوف: طالبت سلوى قبل أشهر قليلة السلطات الكويتية بالسماح بجلب الجواري بنفس طريقة جلب الخادمات، أي منح تراخيص لجهات معينة لاستقدام فتيات أجنبيات تتراوح أعمارهن بين «15 و 25» سنة ليتسنى لكل مقتدر شراء واحدة أو عشر، فتصبح الجارية ملك يمين من يشتريها ويعاشرها معاشرة الأزواج وبالطبع يستطيع صاحب الجارية ان يبيعها للآخرين أو يقدمها هدية لمن يرغب، ومثل كل أصحاب البدع تعاملت سلوى مع النص القرآني بانتقائية «والذين هم لفروجهم حافظون، إلا على أزواجهم أو ما ملكت أيمانهم فإنهم غير ملومين».. تعالوا نفكر سويا في الطريقة التي يمكن لسلوى أن تجلب بها الجواري في الوقت الراهن: هناك ثلاث طرق، الأولى أن تقوم بغزو اسرائيل وهزيمتها وسبي نسائها ليتسنى لها بيعهن كجوارِ، والثانية هي خطف الفتيات من هذا البلد أو ذاك، وهذه طريقة مأمونة خاصة وأنها تريد لجارياتها أن يكن في سن الـ«15»، ويسهل التغرير بفتيات في مثل تلك السن كما يفعل تجار اللحوم البيضاء في أوروبا حيث يخطفون فتيات لهلوبات من بلدان فقيرة مثل لاتفيا ومولدافيا واستونيا، والثالثة هي «الشراء».. في لبنان تم القبض قبل نحو عام على امرأة وزوجها بعد أن ثبت أنها أنجبت وباعت ستة من أطفالها بمساعدة طبيب، بواقع «300» دولار للطفل، أي بواقع «33» دولاراً عن كل شهر من أشهر الحمل التسعة ولا تقبل عاهرة مبلغا كذلك نظير بيع جسدها لنصف ساعة.
    والشاهد هنا هو أن في الدول الفقيرة من لا يمانعون في بيع بناتهم نظير التسعيرة التي حددتها سلوى المطيري وهي «2000» دينار للجارية الواحدة!! مبلغ مهول في نظر فقراء آسيا الذين يبيع بعضهم طفله بنحو «50» دولارا!! ولكن ست سلوى ليست من «الغباء» بحيث تضع تسعيرة عالية لفتيات فقيرات، فالمبلغ هذا سيدخل جيب تاجر الجواري أما الجارية فنصيبها «2000» دينار.. مش بطال؟ بطال ونص، حتى بمقاييس هذه التجارة الباطلة، فهذه الدنانير يودعها مالك الجارية في حسابها بشرط ألا تلمس منها فلسا واحدا إلا بعد مرور خمس سنوات على «تجريرها» وتجريبها.. يعني التاجر يعطي المشتري فترة «ضمان» خمس سنوات (وهذا ضمان لا تقدمه حتى شركة بوينغ لمن يشتري منها طائرة واحدة بمليار دولار) ومعنى هذا أيضا ان مالك الجارية يستطيع ان يعيدها لتاجر الجواري بعد «4» سنوات ونصف السنة وهو يقول: مش نافعة.. يا تعطوني بدل يا تردوا لي فلوسي بعد خصم قيمة «الاستخدام»
    وفي أواخر الأسبوع الماضي خرجت سلوى باقتراح فحواه: الكويتيات مدللات وشخصياتهن قوية وبالتالي تفشل زيجاتهن برجال كويتيين!! والحل؟ ماكو حل غير السماح لهن بشراء أزواج أجانب حلوين ومهذبين ومطيعين.. هي استخدمت كلمة «شراء»، وقالت انها مستعدة للقيام بتلك المهمة إذا منحوها الترخيص اللازم.. وأضافت: يجب أن يكون الزوج الذي تشتريه الكويتية من الخارج مطيعا ينفذ كل أوامرها.. عندي لك اسم يا سلوى للشركة التي ستستجلب أزواجا بتلك المواصفات: «شركة الهيافة للزوج القفة القيافة».. وتقول سلوى إنها ستجد بضاعتها من الرجال المسلمين في أوروبا وآسيا وبالتالي لا معنى لأن نغضب منها نحن السودانيين.. بل هي تقول بالحرف الواحد إنها تتكلم عن شراء رجال بيض البشرة لأنه من المهم «تحسين النسل».. هي لا تسيء إلينا نحن سمر وسود أفريقيا بقدر ما هي تسيء إلى مئات الآلاف من الكويتيين والكويتيات ذوي البشرة السمراء، وما لا تعرفه سلوى البلوى هو أنها سمراء في نظر الرجال البيض الذين تريد أن تتاجر فيهم (قبل سنوات ترشحت للبرلمان الألماني فتاة غلاف أي النوع الذي يظهر في المطبوعات وهي لابسة من غير هدوم وكان برنامجها الانتخابي يتضمن أن تكون أقصى مدة للزواج سبع سنوات يقرر بعدها الزوجان تجديد العقد لآجال محددة أو كل حي يروح لحالو).

  74. طارق أب أحمد كتب:

    ((ياجماعه أنا أخير أسكت …
    الواحد أصلو ما يبصر الجماعه؟؟؟))

    حنين
    خلاس يا البصيره أم حمد قطعت راس البقره و كسرت (الإبريق)

  75. عزت كتب:

    انتو المرة دي جنت والا كيف…. كمان دايرة تكيف الكويتين بعد ما يجيبوا ليهم الجواري شان ما يتلوموا معاهم…
    فأنظر ماذا قالت:
    (استمرارا لمحاولتها إيجاد أرض وسط بين “متع الغرب” و”قيم الإسلام والشرق العربي” أعلنت الناشطة الكويتية المثيرة للجدل سلوى المطيري عن سعيها لتخليق مشروبات روحية “ويسكي” و”سيجارة” حلال.

    وتأتي الدعوة الجديدة بعدما جذبت المطيري الكثير من الاهتمام الإعلامي وأثارت جدلا مجتمعيا بدعوتها الأخيرة لفتح مكاتب للجوارى في الكويت للحد من زنا الرجال، لشراء سبايا الحرب الروسيات من الشيشانيين، والدعوة لإصدار قانون يتيح للكويتيات شراء (أزواج حلوين) من دول إسلامية، وبمواصفات خاصة بهدف تحسين النسل والقضاء على العنوسة في الكويت.

    وكشفت المطيري عن مشروعاتها الجديدة في حوارها مع صحيفة “السياسة” بطرح “الويسكي الحلال” و”سيجارة السعادة”، وتقديم اعتذار عن “الجواري” و”العبيد”.

    وتهدف المطيري لإنتاج “ويسكي حلال” تقول “هو شراب طبيعي يمنحك الشعور بالبهجة ويجدد طاقتك”، أما مكوناته فهي من خلطة أعشاب طبيعية مثل نعناع ودارسين ومرمية ويانسون وأعشاب أخرى مهدئة للأعصاب ولذيذة الطعم “تشرب منه كأسا فتشعر بالسعادة والهدوء”.

    وقد أخذت المطيري عينة إلى مختبر وزارة البلدية بانتظار النتيجة وصدور الموافقة كي تبدأ العمل وطرح هذا المنتج في الأسواق.

    أما “سيجارة السعادة” فتتكون من خلطة أعشاب طبيعية ولها رائحة عطرة كالبخور “تدخن سيجارة فتشعر بالمرح والتفاؤل وتتعطر رائحة فمك على عكس ما تفعله السيجارة العادية”.)

  76. AFLAIGA كتب:

    عزت : ياخى المرا دى ميه ميه بتذكرنى المرا الفجاة اتنقبت وبقت تدى دروس فى بيوت البكا والاعراس وفجاة برضو قالت تعمل زى الصحابيات زمان اشترت ليها جمل وبقت تمشى بيت العرس تربط الجمل بره الباب وتخش تدى الندوه وفى يوم لقت واحد مسطول فى بيت بكا قامت ربطت جنبو الجمل ووصتو يخلى بالو منو وخشت تدى الدرس الجمل زهج قام فرتق الحبل واتخارج المهم بتنا جات مارقه لقت الجمل مافى قامت سالت المسطول :
    بتنا : يا اخا الاسلام هل رايت جملى ؟؟؟
    اتخيلو المسطول قال ليها شنو ؟؟؟
    الاجابه فى الميل للداير ….
    تعرف يا عزت البت دى بعد شويه حتقدم بدائل اسلاميه للربا يمكن كمان تقول ممكن الزول يرتد فى الاجازه خميس وجمعه بشرط انو يرجع الاسلام قبل صبيحة السبت ..
    كانما هذه الاشياء رغبة شعبيه منتظره التقنين ؟؟؟

  77. عباس ركس كتب:

    سلام يا شباب واعتذار عن الغيبة وان كنا متواصلين مع شباب كتاب الوش .
    قال القائل : ( ورمدان يا مهمد سالح !!! ) – أهو جانا تووووووش !!
    ونتسائل بدورنا : ( والغلمان يا سلوى !!!!) – رأيك شنو يا شمباتي في الحتة دي ؟؟؟؟؟
    غايتو ما قصرت معانا مرقتنا من 9 يوليو وجنوب كردفان وطيري يا طيارة !!!!

  78. عباس ركس كتب:

    افليقا : سلام يا حبيب , خليك على كدة طوالي وفي كل الجبهات – عجاجتك قايمة –
    غايتو انا اليومين ديل شغال تقشير بشرة وتلميع ساطع – امكن تضرب

  79. AFLAIGA كتب:

    ركس يا معلييييييييييييييم : شغال تقشير ونظافه يمكن تضرب ياتا ؟؟ للعرسان ولا للطلب الاخير بتاع الغلمان هههههههههايا …
    هم قالو دايرين ولا انت براك مشتهى ؟؟ غايتو زى ماقالو فى اللفات الصعبه بتظهر الفرسه الاصيله هههههههايا ..
    قلت لى عجاجتى قايمه ؟؟؟ نسوى شنو يا ركس يا حبيب زمننا ده كلو نرش قبل نقش زى ما كانت سعاد بتسوى فى الابتدائى وما حصل شيئ قلنا نقش بدون رش قامت العجاجه قامت نسوى شنو الذوق ما نفع !!!!!!

  80. سهيل كتب:

    افليقا : مستنيك بيغادي

    د.عزت : إنتا المرا الكويتيه دي ماعندها نص فوقاني ولا شنو ؟؟ فهمها كلو اندر الحزام وكده ..

  81. سهيل كتب:

    ركس : رسل لينا حبه كريمات يمكن تضرب بيجاي كمان

  82. سهيل كتب:

    افليقا يا قشااااااااااااااااااااااااااااااااااااااااااااااااش

  83. سهيل كتب:

    اهلييييين سديقي – نفسه دي مني ؟؟؟؟ سريع لأنو شمباتي الشمار كاتلو

  84. سهيل كتب:

    تصحيح ( نفيسه)

  85. ودالخلا كتب:

    نفيسة…. نفيسة ياراااااااااااجل!!!!
    عاد كان ماعرفتها ياسهيل تكون بوووولغتا عدييييل كدا، وأسأل عنها طيور الروابي…

  86. عباس ركس كتب:

    سلام فلايقو : وهو نحن كان بننفع للطلب التاني دا ما بختنا معناها الأول مضمون !!!
    قالوا : كثرة المال مفسدة للمرء – زي ما شايفين كدة , على ما أظن !!! – طيب عدمه البسويه هين ؟؟؟؟؟

  87. حنين كتب:

    ياجماعه نخش ولا فى كلام …
    أفليقا والله المسطول دة لو وقف عاين ليها ساكت بدون مايرد أنا بفقع الضحكة ….
    ود الخلاء . إنت فى …

  88. عباس ركس كتب:

    سلام الحبيب سهيل : الكريمات في الطريق – لكن دحين انت ما كفراتك لسع وكالة , ما تنتظر شوية , ادي ناس الخدمة طويلة الاجل ديل معاك فرقة !!!!!

  89. سهيل كتب:

    ن في الخليج بعمري و عمر شمباتي … ولااااااا عملوا حاجه في موضوع رفع راسنا وكده …..

    اب احمد : رايك شنو في بزنس ترب للأراضي الكويتيه … قالو التقديم من الداخل اسهل

  90. ودالخلا كتب:

    سلام ياقبيلة،،
    لا ح تطولو عنب الشام ولا بلح اليمن ياسادتي الأفاضل وخليكم في حالكم !!

  91. ودالخلا كتب:

    فيا أصدقائي الميامين طارق أب أحمد وسهيل ما هكذا تورد الأبل، فلقد سبقكم بها الشاعر الطيب العباسي فلم ينل منهن غير الصد والهجران كما ذكر في رائعته (يافتاتي) التي يشدو بها الرائع الطيب عبدالله، والتي أظنها وبعض الظن أثم أنها كانت في أحدي هذه الجواري التي تهرولون ناحيتهن وهن يهرولن نحو الأبيض الفتان وما أدراك ماللون الأبيض الذي يبهر الأبصار ويخلب العقول والألباب ولكنه وآه من لكن هذه فقد قال فيه أرسطو وتلميذه ما قال، وبرغم ذلك تجدهن ييمن شطره، ونصيحتي ليكم يا أسدقائي أن تنظروا تحت كرعيكم وقدروا قبل الخطو موضعها لكي لا تنزلقوا كما أنزلق الذين من قبلكم، ومالو ياجماعة الخير الملاك الأسمر ده اللابس ثوب الحياء، ففي حسنه الملون كم من سحر مكون، أُعجبنا بيهو وشدونا بحسنه ونظمنا فيهو الأغاني، فهذا الأسمر ذو الخدود السادة والما داير ليهو أي زيادة ده مالو ، عيبوهو ليّ، فهذه طبيعته وخلقة ربك ما ديرة ليها أي زيادة فهذا اللون الأسمر وورد الخدود الأحمر بدون أي بدرة فألوان محسانه هي ألوان الضياء الخمرية،،،،،
    هييييييييييع من لي بهؤلاء حتي أجندلهم وأتركهم صرعي كما الغيد والقوارير اللائي بتن في أطراق!!!

  92. ودالخلا كتب:

    تصحيح فألوان محاسنه هي المقصودة وليس كما ورد في الخبر!!

  93. ياسين شمباتى كتب:

    سلولو..
    ياخوى ما تلف وتدور وجاوب بس! قال بنا قال..انا الاسد الحرس غابتو الضرية..

    طارق..
    والله ما بلخبت لكن ما بحب الزول يفرنب بى جهة ويلبد بى جهة,لازم يكون اتجاه واحد فى الحاجات دى!

    سهيل..ايوة اعصر معاى وخليك دافر شديييييييد…

  94. ياسين شمباتى كتب:

    ركس..
    هوى ياخوى ما تجيب لينا النضمى! انحنا فى بلد الله! اممممممم,والناس بقت تضاير,,آييييي..

    افليقا..
    اها بل راسك وما يمكنك وابقى مارق! كع..

    سهيل…
    ما بتعرف نفيسة الجوا شنو كدة لقوها ما عارف مالها ! وروروووووووك..

  95. kaseeer كتب:

    مساكين نحنا السودانيين شينين وخشنين ولونا اسمر ما هاندخل ضمن قائمه الرقيق نعمل شنو يعني ؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s