مناسبات كتيره لامن عجيبه
ود الخلا زعلان عشان ما كلموهو من بدري
و أولاد بحري الما عندهم سبب
و العوده الطوعيه لود الفتيح نهائي
و حكاية الشمباتي البقت زي الضل الوقف ما زاد
و جدو السلاوي السوا الدرب ساساقه
وسمسمه و حمودي و سرويه لأنو طولنا منهم
و ليبيا الفتحت و سوريا القفلت
أها المسائل دى محتاجه لمه
و اللمه محتاجه تجهيز
و التجهيز محتاج بوست
و دا البوست
ــــــــــــــــــــــــــــــــــــــــــ
بموجب السلطه المخوله لي من ناس ود الزبير و خالد المدني أصدر القرارات التاليه بوجوب النفاذ إعتبارن من التاريخ أدناه
القرار الأول (كانون رحلة السبت)
المكان (المنشيه) (حوالينا ما علينا)
الزمان السبت آخر يوم في العيد
الأعضاء
الحاضر يكلم الغايب
السلاوي، ود الفتيحاب، شمباتي ، البروف ، لطفى ، ود الخلا، عزت , البشاوي ،التركي ، قرانوف ، سهيل ، أفلي ،سترايكر ، أولاد المهدى ،المدني و الزبير ، زووووول ، عبدوش مشاكل نونو سماسم الغبشه
و السيدات و الأطفال بدون فرز
البرنامج
ود الخلا و البشاوي زاد المسير
لطفى و البروف عود
أفليقا برنامج خاص يعلن فى حينه
التجهيزات
1- 3 فراخ 3 كيلو
2- 3 فراخ 3 كيلو
3- 2 كيلو لحمه
4- 2 كيلو لحمه
5- 2 كيلو لحمه
6- 4 طلب سمك من عوضيه
7- 2 كيلو طماطم و سلطه و بصل وليمون و شطه
8- 3 كيلو باسطه و ركز علي الكنافه
9- 1 كيلو جبنه، دكوه ، تونه
10- 2 بتيخه و موز و برتكان
11- بارد
12- ثلج
13- مفارش
تجهيزات خاصه
ملوحه – أفليقا
فول السليم نعيميه -أم أحمد
قراصه بالباميه المفروكه- سماسم
إذن شكل الفطور
ملوحه – فول السليم – نعيميه -قراصه بالباميه المفروكه- سمك عوضيه و سلطات و شطط
و الغدا مشاوى و القطر قام و أى إجنهادات فرديه أخرى و حلويات و فواكه
بقية القرارت سترد تباعاً
سوداننا 
ماتنسوا الفحم وحاجات الشاي وحاجات تاني حامياني
شكرا يا صلاح يللا تعال معانا
اما عن الحاجات الحامياك عمك سين وود صاد عندهم ليك خلطه سريه مووووبالغه
انا جايي عشان مفروكة سماسم ونعيمية ام احمد
عزت والله انت زول عسل عديل كده ..
افليقا والعيال وامهم جايين من دغشا بدرى بس الملوحه دى الا من امبده من الحجه ..
البرنامج الخاص جاهز يا دوك
كل عام وانتم بخير والقابله تامين سالمين غانمين او الهى ار ترن اسكى ..
ان منلى ان ادمى مسونجى ..
يهووووووووووو,لمة ولا احلى..لكن ضلى قيسوهو يوم الرحلة !
العسل يا لأفلي هو أب أحمد صاحب البوست ويتبارك لجهوده في مساهمته في اللمة الحلوة…. علة أنا بصمت على الموضوع بالعشرة ففعلا أب أحمد ما قصر وورصد المهام تماما… يتبقى معرفة رأي المدونين
1. موقع الرحلة وهل في ذلك اليوم يمكن ان نجد تلك المزرعة الجميلة في المنشية…. هذه تحتاج الى ترتيب وتأكيد من ود المهدي.
2. هل الجميع موافقون على الرحلة وهذه تحتاج الى تأكيد كتابي بالمشاركة أو تمنيات المدون للرحلة بالتوفيق
3. عندما نحصل على تاكيدات المجموعة… ننسق بعدها بالتلفونات …. منو يجيب شنو؟
كسرة:
يا أب أحمد دحين الحاجات دي مادايرة شاي وقهوة يحبسوا بيها والا كفاية (الخلطة السحرية للسلاوي)… السلاوي جاهز…؟
ود أحمد والأخوة المدونون الدنيا نص نهار والله جعنا عديل كده
ياخ إن شاالله دايما ملمومين وزايدين ما ناقصين ووقطع شك لو كنا في بي هناك كا ن أول ناس تلقونا قدامكم
علا عندنا واحدا بزبط أبو نغازي مشكلة عديل كدا
لكن زمان الرحلات دي بكون فيها من ذوات الأربع شنو ياود أحمد أنتوا عاملين سمايةولا شنو
عموما
والمهم كل سنة وأنتو طيبين D
أب احمد ..ما قصرت تب ..
أبو عصمت .. جاهزين ..جاهزين .. وصاحب الخلطة السرية ( ودالفتيحاب ) موجووووووود..جهز المواد اللازمة ..
اب احمد .. درب شنو السويتو ساساقة دا .. ما ياهو برنامجنا السنوى من عشرة سنين ..غايتو لاكين جنس حسادة !!!
ان شاء الله ما ينفعك يا السلاوي
عزت..
هوووووووووووووووى الخلطة دى بهناك بس! آييييي..
ابكرون..
ينفعو وينفعو وينفعو ! شنو ليك؟
كل سنة تامين لامين والسلاوى الزى هلال العيد ماينقطع —- معليش ياعزت افليقا بقى احوص محتاج لعملية تعديل للبصر —
جاهزين معاكم للرحلة
أبكرونا.. يا حاسد …
وين وينوين تلقو زى دا ؟؟
وإن شاء الله تكون معيد براااااااااك فى الدوحة عشان تموت بالمغسة ..
والله العيد فى الخرتوم حلو حلا ….زى راجل المرا..
كل سنه وانتو طيبين
غايتو حالتكم بقت صعبه هسه الواحد ما عرف الرحله قائمه ولا ملغيه وهل تم حجز المزرعه وهل تم جمع الشيرنق وهل تم تحديده من الاصل
فعليه بالله لو المزرعه محجوزه يتم تحويل الرحله للجبل
والاكل سمك بس
يعني مافي زول يجيب حاجه
نشتري جاهز من الشارع
الفطور سلطه بالدكوه
الغداء سمك
وبارد وبس
وكل سنه وانتو طيبين
سلولو : يا عمو اجهز لجبل اولياء اهي فرصة لكب الزوغة
الحمد لله معيد ومتخندق بكامل قواتنا البرية والمحمولة جوا
أدناه رساله من عزت
ـــــــــــــــــــــــــــــــــــ
(( تمام بس يفتزض يكون في قليل من التنسيق عشان السبت ما يفاجئنا
حيث يبدأ من المزرعة, ربما بشكر احمد ابرسي وطلبها منه للاسبوع القادم والباقي كلو هين ويا ريت لو اتحددت اشتركات تقوم لجنة مننا بترثيب وشراء الاغراض
وكان بقت الجمعة الجاية يكون مية مية لتشمل الشغالين يوم السبث زي ناس سهيل وآخرين))
تجدثت مع السيد أحمد أبرسي (للإعتذار و التأجيل) ووافق مشكورا على الإستضافه يوم السبت القادم نسبة لإنشغال المكان يوم الجمعه
إذن السبت القادم فى المنشيه
عليه أرجو أن يكون دا تأكيد نهائى بخصوص المكان و الزمان
و نشوف باقى التفاصيل
lمية مية يا حبيب…
كل عام وانتم بالف خير
شكرن أب احمد على مجهوداتك للم الشمل ..وكلنا شوق للقاء الجمع الكريم ..
مطلوب الإتصال بالمذكوربن أدناه لتأكيد الحضور
ود الفتيحاب،
مطلوب الإتصال بالمذكوربن أدناه لتأكيد الحضور
ود الفتيحاب،
،التركي ،
قرانوف ،
أفلي
ودالمهدى ،
ود المدني
زووووول ،
عبدوش
مشاكل
نونو
سماسم
الغبشه
،التركي ،
قرانوف ،
أفلي
ودالمهدى ،
ود المدني
زووووول ،
عبدوش
مشاكل
نونو
سماسم
الغبشه
أرسلت الرسالة أدناه للمدونيين بال sms
قرارات رئاسية (سوداننا) ما يمشي فكركم لبعيد
الرحلة على شرف السلاوي وشنباتي وبمناسبة طولنا من اللمات اللحلوة
المكان: مزرعة أبرسي بالمنشية السبت 10 سبتمبر
تكوين لجنة من أب أحمد، خالد مدني وشخصي للتنسيق.
حالما تصلك الرسالة يرجى الرد بالموافقة أو الاعتذار
في حالة الموافقة يعني التزامك بالشير والمساهمة في انجاح الرحلة
——
بعد ارسال الرسالة بدقائق جاءتنا الموافقة من:
– الزووووووول
– الغبشه (شرطا تكون ما رجالية فقط فالتزمت لها على الأقل بأفراد أسرتي) في انتظار تأكيدات بقية الأعضاء
– التركي
– سهيل
– حاج السلاوي ووافق بالانجليزي
—–
وفي انتظار تأكيدات أعضاء اللجنة والا نقوم نعمل ليكم استيضاح
كما أرجو لمن يملك أرقام تلفونات لسماسم، نونو، عبدوش ومشاكل وود الفتيحاب أو أي خطيبة والا زوجة تانية نحن ما عارفينها فليتفضل بدعوتهم بس يلتزم لينا بي شير واحد على الأقل
لم تصل الرساله لكنى اؤكد الاستجابة السبت يوم 10
عندك كده افليقا وملتزم بالشير والجيه ومعاهو مدام نوسا ( مره كده ومره كده ) مش العدل مهم فى الحاجات دى ولا شنو ؟؟
ما استلمنا رسالة برضو – لكن كونفيرم من جانينا ايضا.
وتوالت الاعترافات بالمجلس الانتقالي (اوبسوري) بالرحلة وأكد حنين وسهيل وخالد مدني وشمباتي وبروف الفاتح جبرا وأسرته الكريمة ولطفي والعود… والبيشاوي قال آه وغير متأكد في اشارة الى الحال المايل الذي يلازم أمازونيا…. يا زول ما يهمك…. نقد ذاتو ضامن سنة تانية يا بيشاوي ….
فضل البيغني….. ما تجيب الكاشف يا أفلي..!!
الكاشف بنشوفو علا رايكم شنو فى الكيتا الجبناها فى الحنه كيتة فلاته على اصولا ولا الكاشف والكيتا عشان يكون يوم فلوكلور ميه ميه ؟؟
وعبدوش استلم الرسالة لكن زعلان لانو كموظف دوله مهم وكبير كان لا بد من دعوته قبل وقت كاف حتى يفضى نفسو – واكد عبدوش انو اى دعوه تانى لازم تصلو قبل اسبوع ومعاها رسوم دمغة والعصر برضو مهم .. هههههه
وللتاكيد مرة اخرى يا عزت بالعربى ..ومعانا عواطف ..بشرط باقى العواطفات يكونن موجودات برضو ..
إتصلت على الأخ ودالفتيحاب ..وابدى الموافقة بالحضور ..
عشان شمباتي بنجي …..لكن السلاوي شن طعمو……!
افليقا : يا عادل امام
السلاوى شن طعمه..؟؟؟خلاس تعال عشان شنباتى..نحنا برضو موافقين ..
أها تانى عندك شيتن تقولوا .. يا مسنوح..؟
حاضريين يوم السبت انساء الله – وكل عام وانتم بخير
قرارت اللجنه العليا المنبثقه من اللجنه المكلفه بتنفيذ توصيات اللجنه المنظِره
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قرار رقم 4
إجتماع هام
يدعو مقرر المنبثقه (لإجتماع هام محل ما يكون) لبحث تطورات الأوضاع فى منطقة المنشيه عقب تساقط عضوية الموقع زرافات و خرفانا لمودوووع الرحله
أفلى .. الكاشف وجوده ضرورى من الضروريات ..
نأمل ذلك ..
وأحيى فيك روح العدل والمساواة ( بس بالك لا يروح بعيد … ).وعقبال المساواة تكون رباعية…
الحلوين
سلام ومحبة وإحترام
لكن العيد ما عندكم !، لا تدعوا فرصة إلا كي تثبتوا أنكم من الزمن الجميل، زمن جوز الحمام خمسة ومدة الفُراش أسبوع قابل للتجديد فور وصول أحد أبناء/أخوة المرحوم/المرحومة أما أفراح العرس طبعن ناقص القيدومات ممكن أن تمتد إلى أسبوعين وهكذا العيد برحلاتو وبهجاتو وأفراحو برضو يحتمل الجرجرة إلى أسبوعين، لكن ما بختك يا كبيرنا السلاوي الذي علمنا السحر، غايتو أنا شخصياً عافي ليك فأنت خير ما يُمثل دانقوست الخارج جميعاً سواء في الشرق الأوسط أو خارجه التحية لك وأنت تستمتع باللمات ولا عزاء لأبكرون غير أنك وللأسف نباتي وما ليك في أم فتت والمرارة وربما الشيات معقولة يا حاج ههههه
ثاني هام أملاً في نجاح الرحلة التي تؤمن ديمومة الحميمية الدانقوستية أنتهز (آي يا شنباتي أنتهز يعني أنا برآي الإنتهازي) هذه السانحة كي أُحي وأُشيد بالروح العملية للكوماندور طارق أب أحمد وأعلن عن تأييدي غير المشوط للجنته المنشقة عفواً المنبثقة ههههههه
وأخيرن (ومن غير خجلة) أزف باقات من التهاني العطرة وأهدي أولاها إلى عميدنا وحبيبنا الأستاذ أبو ناجي، وإلى جميع حداة الركب وحدياته من غير فرز
سلام ياقبيلة،،
العيد مبارك عليكم،،،،
الشيرنق كم ويسلم لي منو؟؟؟؟
عندي ليكم مفاجاءه الرحلة – تعلن في حينها – سلام
بالمناسبة الباقات القبيل حقات التهاني كانن بمناسبة العيد إذ فطنت إلى أنني لم أتقدم بتهنئتي إليكم عبر الدانقا دي لأنها غير الإيميل والفيسبوك والإسمسات وبالتالي أعرب عن عميق أعتذاري لكم، وإن شاء الله العيد الجاي … ولا أقول ليكم الرحلة الجاية معكم، لأنو ممكن تكون من غير عيد لأنو شايف موضوع اللمات ده ولله الحمد بقى عادي، القصة دايرة ليها اقتراح من عزت ولا افلايقا على تثنية من استرايكر ولا أب أحمد، على احتجاج وهرشة من خالد مدني أو البشاوي على مباركة وموافقة من ناس سماسم والغبشة ويجوا طوالي ناس ود الخلا ود الزبير يطلبوا التفاصيل ويجي يتم الناقصة الفاتح جبرا ذاتو، وديك يا الرحلة الزي العجب، غايتو على قول الشنباتي ما بسألكم هههههههههههههههههههههه
وكمان يقوم شيخنا ود المهدي يحرر سوق الرحلة بإعلان عن مفاجعات عشان الشمار يحرك الناس الكسلانين زي الشمار العمل الزحمة في مسجد سيدة سنهوري وكاد أن يجيب ليهو الغمة ويفسد عليه روعة الشهر وقداستو هههههههههههههههه
يا أخوانا أعفو لينا الليلي قام بينا ما ممكن الواحد يجي ناطي وبالكاد ما يلاقي إلا أبوعصمت المرطب جنب صراف آلي في شارع الصناعات وبالصدفة يعني يا دوبك يلاقي نفر ولا اثنين بالتلفون ويقول يمشي الغرب ويجي راجع عشان يسعد بلقيا باقي الناس الطيبين وتقوم ما تتسهل لغاية ما الطيارة تقوم من مطار الخرتوم وناس كبيرة وخبرة بتعرف تجي متين وكيف وتلقى الجو زي ماهي عاوزة واللمات الما خمج، عمومن لا إعتراض على حكم الله ولا مجال للإعتراض أو الإحتجاح فأنا لست بأحسن من بقية أفراد الشعب الفضل من حيث الحرمان من لمة الأخوان والمعاناة والكبد في بلد اللقافة والنكد واللهم لا حسد
ابكرون..
تسلم لى انتا,,وسيبك من الجافل خليك مع الواقف ! امممممممم..
سلولو..
هيييييييييييييييييييييييييي,,خبارك مع جنابو دا ؟؟
مخير ….
طيب مااااااا تجى؟؟
السمار الكرام … سلااااام وحب شديد
للتسهيل وكده كل واحد يجي شايل شيرنقو في يدو … ونؤيد المفاجاااااات العينية .
بالنسبة للجنة الممنظمة اقترح ان نجتمع غدا الاربعاء السابعة والنصف مساء عندي في البيت او في هابي تايم ود الزبير باقي انا وود الزبير راسين في طاقية .
يللا يا شباب وكواشف شدوا الهمة … بس ما تنقطع .
انا عندي اقتراح بخصوص الغداء : ممكن نعمل مشويات وسلطات : يعني
20 كيلو مشويات شيش طاووق فراخ وكباب شامي في حدود 460 جنية
فيها حوالي 400 سيخة المقاس الصغير (ود الزبير اشرح) ومعاها سلطات
وشوية فواكة – بطيخ ومور وخلاص مع الفحم والشواية يعني الموضوع كلة ما
ح يفوت ال650 جنية سوداني وخليك سوداني- نكون ظبطنا الغداء وباقي الزمن للبهجة
ود الزبير عندي ليك – شغل تمام بعد الرحلة- الفطور طبعا حسب العدد
الفول الما خمج والقراصة والطعمية و….. الخ
رايكم شنو يا لجنة الطعام ؟
انت يا ود الزبير فتيت اللعب لي ود المهدي وللا شنو ؟؟؟
خالد مدني
انا ما فتيت حاجه لود المهدي يا زوول انا لمن اتخلعت لمن قريت كلام ودالمهدي ده قلت خالد مدني ده بقي يسرب اجتماعتنا لويكليس ولا شنو
اها تصدق يا ودالمهدي الموضوع ده نقشناهو انا وخالك واتفقنا على كل التفاصيل القلتها انت وانتهينا من الموضوع ده تماما
البلد دي بقي مافيها اسرار عديل كده
مخير..
علييييك الله تعال! دا انت ممكون خالص خالص..
يا سلام يا أحباب
الظاهر ان اقتراح ود المهدي كان يدور بخلدنا كوووولنا وتسرب عبر (وكيليكس) الى الجميع…ما القلوب شواهد…
ففي اجتماع صباحي أمنا على الموددددوع والفطور ح يجي جاهز قراصة ونعيمية من هنا وفول وفلافل من هناك ومش والذي منه من هناك برضو بالاضافة الى السلطات… أما الغداء فسوف يكون فيهو اجتهادات عشان نسيب الكسل وبه مفاجئات يعلن عنها في حينها..
فللتسهيل كما قال (ود المدني) تستلم اللجنة المنظمة الشير في حينه وهو (خمسون جنيها لاغير) للفرد أو الأسرة…. ونؤيد المفاجئااات العينية برضو…
اذن تعال ومعك آخرون…. فالرحلة تجمع للأسر والاطفال والكواشف وكل لمة حلوة والجميع بخير….!!
التاسعة- عشرة بالكتير صباح السبت نلتقي وأعتقد أن المكان معروف للكل….والبيضهب التلفونات في
انتو مرفوع عنكم الستوووووووووووووووووووت
الستوت خليناهو ليك إنت .. إن شاء الله تسويهم تسعة أيام ..
وموتوا بغيظكم .. كيتن فيك …
يا أبكرون مش بيقولوا السبت يوم صوم اليهود، أها نحن دايرين نخالفهم رأيك شنو، وبعدين انت مالك ياخي، نستت ولا نسبتت كيتن فيك، أنت مالك ومالنا،،،،،
دي أيه دي، عالم حاقدة بشكل!!!!!!!!!!!!!!!
ابكرون
لحدي السبت الستوت بتكون انتهت يا مان
المهم
انت انتظر الصور
وبمناسبه الصور يا حليل فنجان وساره ومعجبه
الحلوين سلام
وإن شاء الله كوولو في السليم
طبعن تاني نحن ما حنآكل من إنفعالات ناس أب أحمد الذين يكبون لنا الإحتجاجات والجرسلين في صيغة بوستات وتعليقات وتقول يا مؤمن يا مُصدق الناس دي خلاص روحها مرقت من الضيق ونشاف الريق، بالله عليك تجي يوم السبت تلقاهم مدورين رحلات وإنبراجات ومسائل إنصرافية إن دلت على شيء فإنما تدل على اللذاذة والطعامة على حد تعبير أفليقا.
ثم إنو إنتو ماشين وين ؟؟؟؟ ما ظنيت مزرعة أمير عبد الله خليل ؟؟؟ ولا نادي الضباط يا ود الخلا ؟؟؟؟ ولا مزرعة سيدة سنوهوي في المنشية يا ود المهدي ؟؟؟ طيب يكون وين ؟؟
كسرة على الريق:
قلت ليه يا أبكرون الستوت ستون يوم ههههههههههه غايتو المتأكد منه إنو السبت يوم اليهود في الأسبوع وهو الجمعة أبوها
مالها ولا تكون رحلات العائلات بالجمعة والدانقوية بالسبت غايتو النصيحة لله قدروا معاناة مأساة الـ ” مائة عام من العُزلة ” هههههه
لا حول لله بعد كتبت كلام فنجان وساره ومعجبه جاني خاطر احسب عدد السنوات لقيت الكلام ده قديم شديد من الفين وسبعه وهسه نحن داخلين على الفين واتناشر يعني زي خمسه سنوات
الواحد بقي عنده ماضي اسفيري عديل كده
يا شباب (وكيليكس) بتاع شنو ؟ الواحد عندو خبرة زي 40 سنة رحلات
تقول لي وكيليكس – ولا شنو يا دفعة؟ بعدينن زي ما قال عزت القلوب شواهج
وعاوزين اكبر زمن يكون للبرنامج – وانا عندي زول جاهز للمشويات – وكمان قريب
في شارع الستين واسعارو لا تنافس -علي الصعيد التجار والشخصي
وانشاء الله يعجبكم وتكونو زباين بعد الرحلة مباشرة – والمفاجاءات تتوالي
ولا رايك شنو يا ود الزبير؟
\سلام
يؤسفنى جدا ان انقل لكم تعذر حضورى بسبب سفرى يوم الغد لشرقنا الحبيب فى مامورية تمتد حتى الاحد
قلوبنا معكم ونتمنى ان تكون رحلة تعيد ايام الرحلات الاولى تحياتى للجميع .
أفليى
يؤسفنى جدا ان انقل لكم تعذر حضورى بسبب سفرى يوم الغد)) ))
وللاى يا فلقه البلد دى سافرنا فيها بلد بلد، حله حله ، زقاق زقاق
لكن لى الليلى سفر يوم خميس ما شفنا غايتو بس نقول شنو غير ألله يكون فى عونك و من على البعد أهديك أغنية ما قلنا ليك
شوف كم زمن ما شلتا هم
ولا عشت يا قلبى العذاب
ما قلنا ليك الحب صعيب
ما رضيت كلامنا و جيت براك
أهو دا العذاب إتحملو
إتحملوووووووووووووووووو
اب احمد :
كان لى عذاب الشغل متعودين عليهو لكن كان قاصد عزاب تانى ما بعرفو !!! ههههه
حتى الان لم يحضر الاجانب الذين سيسافرون معنا لمامورية طبعا مامورية بدون اجانب زى الحله بدون بصل لانو البلد دى ما يحترموك الا تكون اجنبى ولا معاك اجنبى انشاء الله سواقو هههههههه
تحياتى وربنا يقرب البعيد
ود الخلا والله بالجد جنس حساااااده لمن مدفقه …بالله سلمو لي علي غزلان المزرعة بتاعة الجريف يا ود المهدي…غزال غزال وشجره شجره
غايتو بنسال مفتي السلطان (عبد الحلة) …اقصد الفريق ….اقصد الحي هل تجوز الرحلات والزول لسه ما قفل الستوت …انتو ما تجو صايمين وتعملوها افطار …..هههههههههههههه
عاد يا أسد اخلا الورور ما بالغت عدييل كدا، جنس بيكمون وجرسلين غايتو ماعارف نقول فيهو شنو، غايتو ليك علي أسلّم ليك علي عذاري الحي، أوووب سوري أقصد غزلان المزرعة وتقبيل ثغرها المتبسم، وأشوف ليك عيونها ديك الفيها الفتنة وفيها وفيها…
أنت يااخ ماتختف رجلك هواوي كدا وتجي تسلم علي أسراب الظباء تلك بنفسك وأهو منها زيارة للاهل ومعايدة للأحبة…
ونظرة نظرة يالسمحة أم عجن!!!
ابكرون السلام ح يوصل لكل اركان المزرعة شبر شبر وجدول جدول وكمان
ح تخليك علي اتصال عشان تشوف المفاجاءت والباربي كيو الما خمج
ولازم تورينا جاي متين عشان ترتب ليك واحده احسن من دي – وزي ما
بيقولوا الجايات اكتر من الرايحات
يا اب احمد مفروض تهدي لافبيقا أغنية:
سفر الخميس الفات الفرق الحبان
وافليقيا يا حليلو خلاني للاهات
ساعت القطر صفر وانا دمعي بتقطر
………………
طبعا دا غنا زمان زمن السفر كان بالقطر واللوري
واسألوا ناس حاج احمد وابكرون وعزت والكواشف
…..يا عزت واب احمد التوثيق للرحلة لازم يكون صورة وصوت عشان
الناس الما حضروا يكونو معانا في الصورة وكمان للارشيف
سلام
ود المهدى :
وانا بهدى ليك ولى اب احمد :
يا المصيرك تنجرح ..هههههه
كيتا فيكم المامورية مجهجههههه لى الليلى ..
يا عبدو والله كان داير نجر ليك السبحة ممكن نلكم ابكرون والسلاوي وناس
تانيين ما بنجيب اسمهم وليك علي المامورية تتاجل لحين اشعار اخر
وتغني قلنا ما ممكن تسافر – وسيب السفر سيبو ودا القاسي تعذيبو
والا ح نغني ليك القطر القطر نويت السفر هيجت حنيني ودمعي انهمر
وتبقي زي ناس ابكرون ومخير
ود المهدى الحبيب :
شايفك خاشى فى ايام لها ايقاع من امبارح وشكلك بتحب القديم شديد ( شديد دى للحب ما للقديم ) – لكن بينى وبينك القديم بيتحب !!!! ولو بقى حبه !!!
حتى الان لا يوجد ارهاصات امل بالسفر عليه ما حيكون فى فراق اهل ما دام مافى سفر ولا شنو ؟؟
اها كمان المفاجاة التانيه انو الرحله دى بالذات لانها فى اول حته اتلاقينا فيها حتكون لى ناس حمودى .
يا ودود – كل املنا انك تكون معانا وكمان ناس حمودي عشان يتذكروا قبل
ه سنين كانوا هنا ويعيدوا الماضي الاول –
والسفر ملحوق – يعني شنوا يومين تاخير في السودان – الفيهو حبل المهلة
يربط ويفضل وكمان ممكن نناول منو للجيران – لو لا ذلك لكان تتونسنا او
تمصرنا او كدنا نكون ليبيا
ولا شنو؟
اقول ليك حاجة – حتي لو سافرت انت ناس حمودي لازم يمثلوا
معليش يا شباب الحجب دا مفروض ينزل للتعليق الما نزل فى البوست المجاور
–
–
حد فاهم حاجه ؟؟؟؟؟
سترايكر
Edit update function is diabled
ده شنو يا طارق
خلعتنا
السلام عليكم وكل عام وانتم بخير
ليه مافى زول عزمنى ؟؟؟؟؟؟؟؟ دايما منسية والحمد لله لكن برضو حا احاول اجى
طفشو
و إنتى بألف صحه و سلامه
آخر رحله خليناك فى مدنى إنشالله تكونى معانا المره دى
افليقا ان شاء الله بركة الله المامورية تكون قائمة ……ياخ العمل اهم من اللهو البرئ ………!
ود الخلا :
إن يحسدوني على موتي, فوا أسفي………………..حتى على الموت لا أخلو من الحسد
هههههههههههههههههههههههه
ما تنسوا التلج والشيشة (ثمح ) ؟؟؟؟؟؟؟؟؟؟؟0