بريئة ونحنا ظالمينك – ام ظلومه ونحنا عارفينك ؟؟

Posted: الأربعاء,21 سبتمبر, 2011 by aflaiga in اخرى

قبل ايام وعلى صفحات هذا المنتدى ثار نقاش مع اخ كريم حول الانقاذ وهل هذا المنبر يكره الانقاذ ام لا ؟؟ ولان الكثير من الكتاب فى منابر اخرى كتبوا يستفسرون عن (هل تكره الانقاذ) (ولماذا) ؟؟ ها نحن هنا نكتب عن هذا الموضوع لنستطلع الاراء ويا حبذا لو اضاف الادمن للموضوع لنك تصويت. دعونا هنا نناقش هل هى بريئة ونحنا ظالمينها ولا ظلومه ونحنا جاهلنها ؟؟
وياحبذا لو تعمقنا فى التفاصيل على شاكلة :
بريئة ومجبوره على البتعمل فيهو ؟؟
بريئة وشوهو سمعتا ساى ؟؟
ظلومه وربنا ينتقم منها ؟؟
ظلومه وربنا يسامحا ؟؟
بريئة والله يهديها ؟؟
بريئة والله يهدها ساى كده ؟؟
وعشان الناس ما تصوت ساى نرجو انو البيصوت يورينا فى نبذة قصيرة كده ومختصرة بنى تصويتو على شنو وممكن ده يكون قياس لمدى شعبية الانقاذ وخاصة الايامات دى اللمكن نسميها بلسان المعارضه :
ايام الظلم والجور ونهايات الانقاذ
وممكن نسميها بلسان الانقاذ :
ايام الابتلاء والاستهداف
يلا نصوت ونقول راينا ..

تعليقات
  1. قرن شطة قال:

    انتا يا افليقا رجعتا للجماعة ديل تانى؟ الناس فى شنو وانتا وإنقاذك فى شنو؟ من ماذا انقذتنا ؟ ومن الذى اعطاها حق الانقاذ اصلاً؟ وهى جات كيف؟ وناسا منو؟ وسوو شنو؟ والمشروع ياتو؟ والكذب والنفاق واللهف ده حدو وين؟ ولا ماعندو حدود؟
    على كل وانا اسف جداً يخيل موضوعك ده شكلو (امنى) وممكن حتى يكون مريب مع انو ماعندى شك فيك ياسيد!
    اتقى الله وخلينا فى همومنا ومرضنا ومغصنا حتى يقضى الله امراً كان مفعولا…

  2. حنين قال:

    الاخ أفليقا والمعاهو والمختلفين معاهو .
    سلامات .
    الله لاجاب الاختلاف بين الناس والراجل دة هدد بأن يترك المدونه . والله الموضوع دة لو بيفرتق الناس خشمنا دة مانفتحو فيهو لكن لو موضوع نقاش وإختلاف آراء ممكن نقول راينا .
    نحن لمن نلقى زول من دولة تانيه داير يهدد أمن بلدنا ولا زول مننا حمل السلاح على أهلو وأراد بيهم سؤ والله نحن بنقيف مع حكومتنا ومع بلدنا نامن نموت لكن الموضوع لمن يبقى داخلى بينا وبين حكومتنا والله حكومتنا عففففففففففنة وكعععععععبة .
    الليلة اليوم الغلاء دة سببو الحكومه وسياساتها الرعنا وهى جملة من السياسات الارتجالية الغير مدروسة أوردتنا المهالك .

  3. حاج أحمد السلاوى قال:

    جونا وقالوا ثورة إنقاذ …إستبشرنا خيراً وساندناهم لاكين إكتشفنا إنها كذبة من البداية..إكتشفنا إنو حزب من الأحزاب العقائدية الكانت موجودة فى الساحة وكانت جزء كبير من الفساد السياسى الكان حاصل آنذاك قام بمساعدة بعض الضباط المنضوين ليهم دبروا الإستيلاء على السلطة بالقوة ..ودا كووووول بإعترافهم لاحقاً على لسان عرابهم الكبير الذى علمعهم السحر وعلى لسان الرئيس نفسه..ودا تنطبق عليهو مقولة ما بُنى على باطل فهو باطل .. لأنو إنت ما ممكن تكون زول جايى بإسم الدين ةمن البداية تكذب على الناس …أنت إلى القصر رئيساً وأنا إلى السجن حبيساً .. تمثيلية بائسة الإخراج وتفتقر إلى الحبكة.
    طيب .. تعالوا نشوف نحنا كنا وين وبقينا وين ؟؟ إنقاذ شنو الحصل ..حالنا قبل الإنقاذ مش احسن من اليوم .. هل بنقدر نرجع تانى لوضعنا الأول قبل الإنقاذ ؟؟من يملك الأموال والشركات والقصور والفلل ؟ من هو المستفيد من الوضع الحالى ..
    من المسئول عن كل الحصل ؟؟ المسئول هو الرئيس عمر البشير .. وعليه أن يتحمل كل التبعات وكل الأخطاء ما دام أنه إرتضى ان يكون قائد الإنقاذ وهو مسئول أمام الله أولاً وأخيراً..
    الغلاء اسبابه الجبايات والضرائب المفروضة على الشعب المسكين الغلبان ..
    ولنا عودة كان الله مدّ فى الآجال …

  4. سكارنو قال:

    يا اخوان …. 2000 سلام

    ( وللتنويه ومنعا لاى التباس ما قصدى الكيزان )
    اذا اعتبرنا ثورة الانقاذ مسرحية , قدمت عروضها المستمره عبر كل تلك السنوات العجاف , ببطل واحد , وممثلين عدة يتناوبون الادوار , ومخرج غير مبدع ,استخدم الاطار الدينى بعد ان افرغه من محتواه الحقيقى , وشوهه , ليعرض باسمه كل الانماط المسرحيه , امام الشعب السودانى الصابر , المصلوب انتظارا , تتدابر وتتعاقب عليه السنوات بفصولها الاربعة , والمسرح مفتوح , وهو يشاهد فى فصول المسرحية الطويلة , والتى ابتداءت بمشهد حشدت به كل المؤثرات العقائديه , واقوى الطقوس الدينية , فصفق الشعب , وصدق ان بطل المسرحية سيآتى بامر عجبا .
    فعرف الشعب عبر مسرحية الانقاذ كل انواع الصبر والاحتمال , ومورست عليه كل انواع الكذب والاحتيال , وكل انواع المسرح منذ نشاءته
    / الاستعراضى الراقص , وقد استحق البطل الاوسكار لادائه لهذه النوعية من الادوار , وقد ذهب ناقدون ان به مس من ( اولاد ماما ) يعينه فى اتقان ( الفابريشن ) .
    / الارتجالى , وقد اجاد البطل اطلاق الافكار الغير مدروسه سابقا وغير مدونه . والهوجاء بنكهة الحماقة ,التى اعيت من يداويها
    / التجريبى , وقد جرب البطل بجمهوره الإيهام , والتضليل , وحمرة العين , والعصا , و(الكوراك) , وجلد البطانه , والترهيب , والترغيب , والتجويع , والسجن , والتنكيل الخ الخ .
    / الكوميدى , ولم يضحك البطل شعبه ولا مرة طيلة عرضه , انما اضحك جميع العالم عليه .
    / التراجيدى , وهنا نقل البطل هذه الحاله لكل شعبه . مع سبق الاصرار والترصد , والتكرار , حاره حاره , وبيت بيت .
    / العبثى , وقد عبث البطل بشعبه حد اصابتهم بانعدام الثقة فى الاخر , وانعزالهم وفرديتهم .
    / الهزلى , وهذا هو الدور الحقيقى للبطل , يلعبه بكل ابداع واقتدار امام شعبه , الذى يجلس مصلوبا منذ مجىء الانقاذ ويتابع مسرحيته الاستثنائيه التى خرقت صورة المسرح التقليدى ( بداية ووسط ونهاية ) بالغائها وضع نهاية لهذا الهزل الجائر .
    فثورة الانقاذ وقائدها وحاشيته , اثبتوا انهم ثورة إتعاس للشعب بكل معنى للكلمة , فكيف يحبها الشعب ؟؟

  5. neiam قال:

    افلي:
    ياخ الانقاذ دي بُربُرة

  6. افليقا
    شنو يا مان نسيت اسمي شنو اخ كريم وابن اخا كريم مصطفى والمكنى بودالزبير
    بعدين يافرده ما ممكن تمشي للقرضاوي تقول ليهو اديني رايك في هيفاء وهبي هسه نحن من الفين وسبعه ومن زمن القمردينه الناس دي بتلعن في سنسفيل ام الحكومه تجي يا افليقا تقول لي تصويت اسمح لي اعدل ليك البوست ده بعد اذنك يعني
    حقو التصويت يكون المصبر الشعب على الظلم ده شنو وليه اخر مظاهره طلع فيها نفد براهو
    ومن ثم نعرج للبدائل المطروحه للانقاذ او طريقه ترقيعها بسيدي الصادق وسيدي الميرغني

  7. AFLAIGA قال:

    ود الزبير : قبلنا التعديل .
    وانا اول من يصوت على التعديل :
    من حسن حظ الانقاذ ومن سوء حظ شعبنا ان وقع الاثنان تحت معادلة ايه الجابرك على المر قال الامر منو !!

  8. AFLAIGA قال:

    ود الزبير : الشعب عندو يد بتوجعو وهى ( الامن ) الذى ينعكس طبيعيا على الحياه يمكنه ان يصبر على الجوع ولكنه لا يصبر على الخوف .
    حركات الهامش ادركت هذه المعادلة وتسعى الان لنقل الخوف للخرطوم حتى لا يصبح للشعب يد ملوية ويذوق الشعب طعم الخوف فينتفض فلم يعد يملك ما يتعلق به .
    الانقاذ ايضا ادركت هذه المعادلة وصارت تهتم بالامن الداخلى بقدر يحقق للمواطن الاستقرار الذى يمكن الدوله من نهبه بنعومه فى شكل جبايات وضرائب وخدمات فالشعب ان لم يستقر لا يدفع ولا يسعى لخدمات ودوما تحصيل ايرادات الخدمات لا يتم الا فى ظل الامن فالحكومه مجبرة على توفير الامن لعدة اسباب :
    حماية النظام
    حماية مكتسبات النظام الحزبيه
    حماية المواطن الواقع تحت دائرة صلاحية النظام ( المناطق الامنه ) لانه يشكل الشعب المحكوم الواجب حمايته
    وفى ظل هذا تمارس الدوله دورها فى تكريس السياده عبر حمياة الحدود وغيره
    عليه المواطن مستفيد من سعى الدوله لحمايته ومن ثم استقراره
    بعدين يا ود الزبير اثبتت كل الدراسات التى اجريت على الشعب وسبب تمسكه بالحكومه الاتى :
    90 % من الشعب اصبح يمارس رزق اليوم باليوم والذى يتطلب استقرارا يوميا حتى من اى مظاهره عادية .
    اغلب الشعب صار يعتمد على الديمومه اليوميه للخروج للشارع لتوفير قوته ومهو ما يجعله بالضرورة مسالما
    اغلب الشعب فقد الثقه فى قيادات الاحزاب التقليدية
    اغلب الشعب يتخوف من بعض اجندات الحركات العنصرية التى تهدد استقرار نسيجه الاجتماعى
    اغلب الشعب ادرك تماما بعد انكشاف مطامع الغرب ان البلد مستهدف للتفكيك لثرواته وتحييده فى القضية الفلسطينية
    عشان كده يا ود الزبير الشعب صابر لا حبا فى الانقاذ ميه ميه ولا كرها فى البديل ميه ميه

  9. AFLAIGA قال:

    بالمناسيه حتة اخ كريم دى لانك فعلا اخ كريم ولانو ما عاوزين نرجع تانى للمحطه ديك – انت اخ دى زعلتك ولا شنو ؟ ههههه

  10. gemelos قال:

    مارست الانقاذ ابشع الجرائم في حق الشعب السوداني واستخدمت كافة الوسائل من اذلال انسان السودان وطبقت الميكافيلية بصورة اكثر من ميكافيل نفسه وهي اسوء نظام مر على السودان نظام عصابة الانقاذ الانقلابية حكم اقلية اخطبوطية سطت على السلطة ومارست الظلم والجبروت والدكتاتورية والشمولية على كل شعب السودان بفتحها لبيوت الاشباح لردع الخصوم وصادرت الممتلكات واعتلقت كل الشرفاء من ابناء الوطن من اقصى اليمين الى اقصى اليسار.
    ولعل اسوء ما فعلته عصابة الانقاذ الاجرامية هواستغلالها للدين الاسلامي الحنيف من اجل تطبيق برنامجها السياسي فاستطاعت ان تخدع عدد كبير وكثير من جماهير الشعب السوداني بشعاراتها البراقة واستغلت ماكينة الدولة الاعلامية من اجل التبشير ببرنامج حزبها الذي عجز عن العيش في اجواء الحرية والديمقراطية فاعلنت الجهاد وتطبيق الشريعة الاسلامية مخاتلة ولم تطبق منها حرفا واحدا وظلت تناور وتتمحور حول نفسها معتبرة نفسها الوحيدة المالكة لامر هذا البلد فحولت حوارها مع الاخرين الى حوار طرشان .
    يتبع

  11. افليقا

    طيب ما انت كويس وتعدديك للنقاط سابقه الذكر بيوضح اننا كشعب متخوفين من المستقبل المجهول والصومله او حتى المصرنه القريبه دي فمصر الثوره لا تعجب عدو ولا حبيب لمن يا افليقا نقول نحن ان ناس الهامش بيهددونا بخطاب عنصري ما بتتفقوا معانا وبتشبكني تعريف الهامش شنو وتعريف المركز والسودان عربي ولا افريقي وهلمجر ا ولمن تكتبوا بتقولوا الكلام ده براكم اها هسه شفت كيف مشيت وجيت لكلامي الزمان ابيتو احسن نتصارع مع ناس الانقاذ دي نقع ونقوم ولا نجيب الامريكان وعرمان وعقار يحكمونا ويطلعوا ما تبقي من زيتنا
    بالرجوع لاخ كريم بس استغربت يعني للفكره ما عادي كان ممكن تكتب اختلفت مع ودالزبير قلت خلي بالك افلي ده بقي يتحسس من اسمي
    جمعه مباركه

  12. طارق أب أحمد قال:

    ((بريئة ومجبوره على البتعمل فيهو ؟؟
    بريئة وشوهو سمعتا ساى ؟؟
    ظلومه وربنا ينتقم منها ؟؟
    ظلومه وربنا يسامحا ؟؟
    بريئة والله يهديها ؟؟
    بريئة والله يهدها ساى كده ؟؟))

    عليك أمان الله يا أفلى دى حكومه ولا ست شاى

  13. neiam قال:

    جيا جيا
    عصلجية
    جبهجية
    امنجية
    مصلحجية
    ارزقجية
    نن سنس جية
    الكل يفالح
    يكوس مصالح
    و ناسي ياما
    يوم القيامة
    ذنوبو كوم كوم
    زي القمامة
    كتاب مفصل مزرود تماما
    براك تحسّب مع السلامة

  14. طارق

    كامل تضامننا مع ستات الشاي(نستثني الحبشيات)

  15. ود المهدي قال:

    حماية المواطن الواقع تحت دائرة صلاحية النظام ( المناطق الامنه ) لانه يشكل الشعب المحكوم الواجب حمايته
    وفى ظل هذا تمارس الدوله دورها فى تكريس السياده عبر حمياة الحدود وغيره
    عليه المواطن مستفيد من سعى الدوله لحمايته ومن ثم استقراره
    يا عبدو – اين هذا الامن الذي تتحدث عنه – واين الحماية والطيارات تدخل وتضرب وتطلع ويا حياة امن تنادي
    خليل يصل لامدرمان ويهرب – سواحل البحر الاحمر سايبة لكل من هب ودب
    دارفور ممكن تدخل وتمرق وتخلي الباب فاتح صلفتين
    من مصر ممكن اي زول يهرب اي حاجة من شلاتين وحلابب ومن السعودية
    من اثيوبيا وارتريا الشارع فاتح والدليل لو رفعت حجر تلقي تجتو حبشي
    من الجنوب حدث ولا حرج
    تاني فضل شنو ؟ الا الموضوع يصل القصر ولا شنو؟
    الموضوع ما عاوز لية كتابة ولا تصويت – وربنا في الاية قدم الاطعام علي الامن
    وربنا يخلصنا والسلام

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s