يعني أكان ما جينا كان بقى كم

Posted: الخميس,29 سبتمبر, 2011 by عزت in اخرى

بدووووووووون تعليق


تعليقات
  1. AFLAIGA قال:

    عزت : صباح الخير
    يا جماعة والله الانقاذ دى حسدوها وادوها عين فى قصة الدولار لانو حسب المنحنى التاريخى ( بتاع طارق ) مفروض يكون بقى الدولار بى سته ونص تعالا بص مش كتر خيرم الوقفوهو بعد عشرين سنه فى اربعه ونص ؟؟؟ لانو حسب المنحنى التاريخى بتاع طارق مفروض فى العشرين سنه التانيه اللى هى بدت فعلا للما عارفين !! مفروض يكون بى سته ونص تعلا بص . عشان كده نحن بنحمد الله حمدا كتيرا طيبا مباركا على ما انعم به علينا ومفروض نحتسب الذياده دى فى ميزان حسناتنا الذى تحول من ميزان الى ( طرناطه ) بتعرفو الطرناطه ؟؟

  2. سهيل قال:

    سلامات ..

    طرناطه حته واحده ؟؟؟

    ياحليل جنيهنا القديم

  3. AFLAIGA قال:

    سهيل : اتاريك بتاع طرناطات قديم حليلو ؟؟ حليو ساى ؟؟
    بتذكر يا دكتور عزت كنت زمان وانا طفل بستنى ابوى الله يرحمو يجى من الشغل ويشيلو هدومو للغسيل اول ما يغيرم ( شفت النسوان ذاتم كانو كيف ) وفى سبت الغسيل 0 اناء مؤقت لحفظ الملابس المتسخه توطئة لغسلها واله قال بى قولك تخت هدومك بره السبت ) بهبش الجيب على الاقل بلقى لى كم حته كده فكه حديد بتكفينى الاسبوع كلو لبن وباسطه وكيك من مرطبات تحفه بامتداد الدرجه التالته جنب سوق العشرة – عليك امان الله اسى الواحد بشيل من حمودى الخمسميات الحديد للتمباك والمواصلات والفطور !!!! مش حليلو ريالنا ذاتو مش جنيهنا ؟؟

  4. انتو ما سمعتوا بالازمه الماليه العالميه بعدين لحدي امبارح الدولار باربعه جنيه ونص وبس وهذا من استهداف قوي البغي والعدوان التي تحيك المؤامرات تجاه مشروعنا الحضاري ولكن سنخرج منصورين من هذه المحنه وسيخرج معنا من بقي من شعبنا اما البقيه فنحسب انهم شهداء بحول الله

  5. ودالخلا قال:

    سلام ياقبيلة،،،
    ود الزبير الواقف كالسيف وحده منافحا” عن مشروع حضاري عالمي تم أغتياله غيلة وغدرا” بواسطة المندسين والمتسلقين والمرتزقة، وما أرتفاع الدولار وما يتبعه من أرتفاع في الأسعار الا واحدة من المؤامرات العديدة التي حيكت ولا تزال تُحاك ضد شعب السودان الأبي،،،،
    أبشرك يا صديقي بأكتمال دحر قوي البغي والعدوان بالنيل الأزرق بعد أن تجمعت من كل حدب وصوب بتلك البقاع وتم دحرها وسحقها ولا زالت هنالك بعض الجيوب والفلول الهاربة لا تتعدي نسبتها 7% من مجموع قوات تقدر بقرابة الأربعة ألوية بكل قضها وغضيضها،،،،،
    صدقني ياصديقي لن تؤتي هذه البلاد ألا من سلوكيات البعض التي يجب أن تؤخذ بالحسم والشدة مهما كان وضع هؤلاء البعض الذين ينسبون للنظام!!!

  6. قرن شطة قال:

    الاخوة الاشاوس
    سلام
    انا لمن طلعتا من السودان الجنيه كان بيساوى قريب التلاتة دولار ويساوى ايضا ثلاثة عشر ريالاً سعودياً ، وهذا تم وكان بدون مشروع حضارى ودحر للفلول المعادية والكفار واحزابهم!! غايتو أنتو براكم دورا القصة دى فى عقولكم ويمكن تصلوا الى نتيجة!
    تحياتى

  7. طارق أب أحمد قال:

    وللاى يا عزت و أفلى المنحنى التاريخى ذاتو إتجرس
    نهاية شهر يوليو قدمت فى مناقصه تنفذ فى نوفمبر بسعر الدولار 3.8 قام المدير المالى رسل
    عريضه حول ما هى الأسس التى إعتمدت عليها فى تحديد هذا السعر العالى
    عملت ليبتون يومين تلاته لكن هسى أنا ذاتى بقيت فاغر الفحشه منجهش البتاعات ,,محوقل

  8. طارق أب أحمد قال:

    صباح اليوم كنت فى سوف السمك (( نظام مقاطع اللحه وكدا))
    سيد السمك فال لى الكيلو بى خمستاشر جنيه بس ,
    , قلت ليهو هى ما خمستاشر جنيه بس هى خمستاشر ألف جنيه …
    بى جنيه واحد منهم قبل الإنقاذ كنا بنشترى صير يعشى قعده كامله من المحل داك (كورنر سوق المورده))

  9. عبدالرحمن أحمد قال:

    أها يا جماعة الساقية دي نهايتها وين؟

  10. شباب وحبيبنا ود الخلا الذي يري شجرا يسير
    نبشركم بانخفاض كبير جدا في اسعار الطماطم حيث بلغ الكيلو تلاته جنيه فقط واليوم في اجتماع مهم بين تجار العمله وجهاز الامن للوصول لحلول للارتفاع غير المبرر للدولار

  11. AFLAIGA قال:

    ود الزبير : واجتماعكم بتجار العمله ضرورى تورينا وصل لى شنو ؟؟؟ هههههههههههههههههههه صعبتها جدا جدا يا مان ..
    ود الخلا : الشعب يريد قفة الملاح بدون اى مشروع حضارى هو الشعب ده مش مسلم ولا دى حروب الرده ؟؟
    طارق : والله انا خايف تكون انت الذايد الدولار عشان توقعاتك تصدق وخلاس هههههههه
    عبد الرحمن : الساقية لافه عكس مش بتلف دغرى للنهاية وترجع تلف عكس بعدين تقيف ؟؟ ده حسن قانون السواقى التحت مقروءا مع قانون المترات الفوق !!

  12. ياسين شمباتى قال:

    طارق…سلام..
    اهى (قعداتكم) دى الضيعت البلد ! وى…

    ود الزبير..سلام..
    تجار العملة مع رجال الامن !!!!! امممممممممم

  13. طارق أب أحمد قال:

    نزول سعر الدولار إلى 4.1

    هل السبب وصول مشجعى الترجى وبالتالى إغتنم التجار الفرصه لتحقيق مكاسب أكير
    أم السبب وصول دعم قوى من قطر لتثبيت النظام
    أو ربما ما أشيع حول زيارة نجاتى و أحتمال شراء صواريخ مهربه من ليبيا

  14. حنين قال:

    د. عزت المرطب والسمار .
    سلامات .
    مشكله الدولار مشكلة لكن الكلام الحبش .(باقى أنا جديد فى إستجلاب الكمريرا)*

  15. عزت قال:

    سلام يا شباب
    بالله نزل…. كويس استجاب لي نداء العقل
    فعلا يا حنين مشكلته مشكلة فقد ظل يقاوم بالرغم من المشروع الحضارى ودحر الفلول المعادية والكفار واحزابهم…

    عليك أمان الله مساكين الكمريرات (الحبش) بالكثير الواحدة تحول ليها مية دولار لي أهلا كل شهر…. كعب الصينيين وما شايعهم من العمالة الوافدة… الجريوات كملوها لينا خلي الدولار

  16. ود المهدي قال:

    ذيا اخوانا بالمنطق كدا اذا الملح الهين دا سعرو ارتفع فمابالك بالدولار سيد شباب العملات الحرة ؟
    يا اخوانا القصة دي ظاهرة وما دايرا ليها شطارة – البغلة في الابريق من زمان لكن – منو البقدر يقول بت المك عزباء
    وامنكن خلاص استحكمت حلقاتنا عشان تفرج- قولوا امين

  17. smukhayer قال:

    الحلوين

    ليكم وحشة ولكم مني سلام ومحبة واحترام

    أبوعصمت/أب أحمد: إنتو قصتكم شنو يا ناس بي كم ؟، مافي رجوع لي أيامكم اللي راحو … وبالله حاولوا أنسوا الماضي وجراحو… ثم لا تسألوا عن أشياء إن تبدو لكم تسؤكم، ياخوانا حيرتوا ناس ود الزبير وود الخلا يعني هم يلقوها من فلول عقار ولا ناس دارفور ولا ناس دينق ألور ولا من تجار الدورار كدي أدوها صنة يمكن يلقوا ليها ولا لينا حل !!! هههههههه

    أفليقا: الله يرحم الوالد والماضي التالد … قلت لي الفكة كانت تلبي إحتياجاتك الصغيرة والآن تلجأ إلى فكة الصغار ناس حمودي وسروية لتوفير ما يُخفف ضغوطات الحياة الكثيرة والكبيرة … كان الله في عونك والشعب الفضل.

  18. لا زال الدولار يواصل هبوطه السريع في السوق الموازي هذا الهبوط ادي لخسائر فادحه في اوساط التجار الجشعيين والذين اشتروا بسعر فوق الاربع جنيهات على امل ان يصل السعر لمافوق الخمسه لكن جعل الله كيدهم في نحرهم وعاد الدولار لسعره المعتاد قبل الازمه المفتعله
    الله اكبر ولله الحمد
    كما نحب ان نشير الى انخفاض كثير من اسعار السلع حيث بلغ كيلو العجالي اربعه عشر جنيه وكيلو الفراخ ثلاثه عشر ونص وكيلو السمك البلطي ثمانيه جنيهات وكيلو الطماطم ثلاثه جنيهات ووصلت البلاد كميات هائله من الفول المصري مما سيؤدى الى هبوط اسعار حبيب الشعب الى ادني مستوى لها
    للنشره الاقتصاديه كان معكم من السوق المركزي مراسلكم ودالزبير

  19. طارق أب أحمد قال:

    ود الزبير
    ما دام طلعت زول سوق عايزك تدينا معدل إنخفاض أو أرتفاع المبيعات خلال الأشهر الثلاثه الماضيه
    ما شرط تكون بالقروش ممكن تكون بالنسب المئويه أو عدد الوحدات أو المستهلكين

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s