أحرجتونا مع الأجانب

Posted: الأربعاء,19 أكتوبر, 2011 by عزت in اخرى

أستغرش (أي أستغرب واندهش) نيكولاس كاي السفير البريطاني في السودان بأن يحتفل في السودان بيوم الغذاء العالمي (16 أكتوبر من كل عام) هذه السنة والبلد فيها ما يكفيها فقال:

كيف يمكنك الإحتفال بيوم الغذاء العالمي في بلد يهدد الجوع أنحائه ؟ في السودان، شهد الشهر الماضي دخول نصف مليون شخص إضافي إلى دائرة إنعدام الأمن الغذائي. يهدف المجتمع الدولي ، بما في ذلك المملكة المتحدة، الى إطعام 5.2 مليون سوداني هذه السنة.إن مشاكل نقص الغذاء هي نتاج عوامل طبيعية – ضعف معدل الإمطار- وعوامل من صنع الإنسان – مثل النزاعات. الرفض المستمر من قبل الحكومة للسماح بوصول المساعدات الدولية الى النيل الأزرق وجنوب كرد فان الولايتين المتأثرتين بالنزاعات جعل الأمر أكثر سوءً بالنسبة للمدنيين. تستمر الحروب هناك بلا نهاية تلوح في الأفق. يعاني المدنييون بينما القادة يتركون بالأرواح تضيع بدلاً من الجلوس حول طاولة الحوار. سوء التقدير، الإعتزاز المفرط بالنفس وإحساس القوة المبالغ فيه يجلب المعاناة الى عشرات الآلاف. في نفس الولايتين التي كان من المفترض أن تزرع وتنتج الغذاء لمعظم أهل السودان وجنوب السودان- تجد الحقول مهجورة. البذور المرة للجوع القادم تمت زراعتها الآن.

لا تحتاج الى السفر الى أطراف السودان لتتعرف على الجوع، فالحياة اليومية في الخرطوم صارت على نحو متزايد من الصعوبة. فمنذ أن غادرت السودان في اجازتي في نهاية أغسطس الماضي، ارتفعت أسعار المواد الغذائية بشكل حاد جدا؛ فزيت الطعام ذو الثلاث ليترات قد ارتفع سعره من 25 جنيها الى 33 وزاد كيلو الدجاج من 14 جنيه إلى 18 جنيه، والأرز من 7 إلى 9 جنيهات الكيلو جنيه؛ والخبز كذلك. فأنا لست اقتصاديا ولكن يبدو أن الأسعار ارتفعت من 20 الى 25% في شهر واحد… الجيد أن الخرطوم قد شهدت بعض الاحتجاجات في الأسبوع الماضي، والجيد أن الحكومة قد أبدت قلقها لقضايا المعيشة كما أشار الرئيس البشير في البرلمان الاسبوع الماضي.

على هذه الخلفية من ارتفاع الأسعار، وتراجع الجنيه السوداني والحرب في (الجنوب الجديد) في السودان، كانت الآمال معلقة على القمة الثنائية الاولى بين الرئيسين البشير وكير في نهاية الأسبوع الماضي.  يبدو أنه تم إحراز بعض التقدم كما أعرب الرئيسان بوضوح التزامهما بالسلام وعدم الاعتداء، وتسوية الخلافات الاقتصادية كأولوية، كما أبدوا اهتمامهم بالمصاعب التي تعترض  الطلاب والتجار على جانبي الحدود الجديدة. فالأمل أن يأخذ الساسة والدبلوماسيين ويحاولوا تحويل هذه الكلمات إلى اتفاقات فعلية، ويسعوا في تنفيذها. فالجميع مهتمون بما فيهم الرئيس (أمبيكي) والمبعوث الخاص للأمين العام للأمم المتحدة و المملكة المتحدة التي تسعى بجد معتمدين في ذلك على رغبات الطرفين.

الآن وبعد أسبوع من استئنافي العمل في الخرطوم، لا زلت أصارع لفهم الأحداث وتقديم تقريرا الى لندن، فالشاهد أنه لم يحدث تعييرا سوى ارتفاع الأسعار وانتشار النزاع في ولاية النيل الأزرق. لا تقدم بشأن أبيي فالاتفاق المؤقت لم يتم الوفاء به ولم تنسحب القوات السودانية على الرغم من نشر القوات الاثيوبية، لم يتم تشكيل حكومة ذات قاعدة عريضة في الخرطوم، وهناك عدم وضوح في الكيفية التي سوف ينقح بها الدستور. ففي تأخر ذلك صار الدبلوماسيين يبنون استنتاجاتهم مما يحدث أمامهم: المزيد من القيود على الصحافة، بما في ذلك إغلاق الصحف، ومواصلة احتجاز المدافعين عن حقوق الإنسان، والزيارة التي قام بها الرئيس الإيراني … الى آخره.

على ضوء ذلك يمكن رسم صورة كاريكتورية للسودان لا ألوان فيها لتصوير التقدم لدولة واثقة من قدراتها، الا أنني ما زلت أعتقد أن السودان وقادته في السياسة، والأكاديميين ورجال الدين والجيش والاقتصاد لقادرين على رسم مسار تقدم حقيقي لثالث أكبر بلد في أفريقيا. وآمل أن يكون يوم الغذاء العالمي العام القادم احتفاليا في السودان وليس رثاء كما كان هذا العام.

تعليقات
  1. عزت قال:

    طبعا دا الكلام القالوا (كاي) والذي أثار وزارة الخارجية السودانية وقاموا نادوهو و(جضموهو) على هذا الكلام الغير دقيق كما وصفه الناطق باسم الخارجية… هو من ناحية دقيق… دقيق خالس الا بيوجع…. ما استلمتو السودان مليون ميل مربع شرمتوهو بي هنا واديتونا الجوع…..

  2. ابكرون قال:

    هم في الحقيقة جضموا روحهم باستدعائه للوزارة فالرجل لم يقل الحقيقة كماله فهي اقتم من كدا……عالم ما تختشيش ……..!

  3. ودالخلا قال:

    سلام ياقبيلة،،،،
    كان يادوك عزت تكمل لينا الجميل الذي راح وتتم لينا كلام سيادة الحاكم العام البريطاني عن زيارة الرئيس الأيراني علشان نعرف كلامه القالو عن الموضوع ده، بعد ما عرفنا كلامه عن حالنا المائل ده،،،،
    أبكرون الصورة فعلا” أقتم وأسوأ وأضل وما دايرة يرفعوا ليها ضو من بريطاني ولاغيرو، بس الناس دي ترفع أيديها عنا ويخلونا النشوف لينا حل لمصائبنا الوقعنا فيها دي وهي بالتأكيد الما فيهو شك أبدا” تعود لكسب أيدينا،،،،،
    (وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ)

  4. الحبيب عزت..سلام…
    جضيم شنو,,دا فض مجالس ساى,,والله يكتروا يقللوا الا يمرقوا ليهم فزاعة اوكامبو !
    ديل عالم وسخة جدا..

  5. قرن شطة قال:

    العزيز عزت
    سلام…
    وهو الماعارفنو شنو؟ ونحنا المدسوس علينا شنو؟ على كل الموضوع ده ، يعنى موضوع بلدنا بقى يعمل لينا (حالة نفسية) ومافى طريقة غير نغير الوضع ده بايدينا…أو كما يقول صديقنا ود الخلا نصم خشمنا ونقول بخنوع (إنه من عمل إيدينا) عليك الله ده كلام! هو نحنا هسع قادرين نتنفس عشان نعمل معاصى أو ذنوب؟ ونعملها بى شنو؟ وكيف؟

  6. ودالخلا قال:

    سديقي الأستاذ قرن شطة سلام،،،
    نعم نقولها بخنوع أنها من عمل أيدينا ولكن لله رب العالمين وحده.
    وأقول ليك الذنوب والمعاصي عملناها وزدنا عليها ولو أنت فعلا” ماعارف عملناها كيف وبي شنو ، أنا أوضحها لسعادتك وهي اول الذنوب وأكبر المعاصي ان نسكت علي الظلم ونتغاضي عن نصرة المسكين ونتغابي العرفة في الدين وأن يكذب الناس ويتعاملون بالربا واكل اموال الناس بالباطل، وهذا قليل من كثير ونهايتو أقول ليك الساكت عن الحق شيطان أخرس وهل هنالك معصية أكبر من أن يكون الأنسان شيطانا”؟؟؟؟؟؟؟؟؟؟!!!!!!!!!!!!

  7. ياسين شمباتى قال:

    غايتو يا ود الخلا مونس رقبتك شديد خلاس !

  8. ودالخلا قال:

    أها يا دوك أنا مونس رقبتي براي ومقتنع بي ونستي دي ، أنتو البقنعكم شنو تتونسو سوا سوا!!
    ا

  9. ياسين شمباتى قال:

    هههههههههههههههههههه,,,
    سوا سوا نسووا سلام نبنى بلدنا لى قدااااااام..
    او كما قال /صلاح مصطفى..
    والله يا عزيزى كلنا نبغى مصلحة الوطن,لكن فلنطعن فى الفيل مباشرة !!

  10. حنين قال:

    د.عزت والسمار .
    سلامات .
    والله ياجماعه الخير البلد بقى حالا مايل وأكعب حاجة فى الحاصل دة كلو إنك تصل لى درجه ماتكون عارف الصاح وين والاعوج وين . زى الزول السكران يتخبط ولا يحس بتخبطه ولا يعرف أى جهه يتجه .
    الله فى …

  11. عباس ركس قال:

    دا كلو منك يا ندى القلعة !!!!!!!!!!!!

  12. قرن شطة قال:

    صديقى العنيد ودالخلا
    صباح الخير..
    غايتو ياصاحبى حيرتنى بالجد…فكرة وحيدة وكلام منضوم ولاشىء آخر ونحنا ذى ما نحنا ، تعساء وبائسون! قال المغنى : لا لقيناك وفرحنا ولا نسيناك وإسترحنا! اللهم لاشماتة…
    غايتو أودى وأجيب وما لقيت ليك حلل ، غايتو فلنكن أصدقاء (فى الله ساكت) ماشايف لى حلل سلمى تانى…
    دمت ياباشمهندس
    تحياتى..

  13. طارق أب أحمد قال:

    ياخ ديل أحرجو ناسم مع نسابتم ذانو
    لكن أديك الإكيده

    حسب المنحنى التاريخى

    زين العابدين هرب
    مبارك سجن
    معمر قتل

    إذن

    صالح سهرب
    بشار سيسجن
    XXX ســـ ؟؟؟؟؟

  14. اليشاوى قال:

    توبو الى بارئكم يرحمكم ويتوب عليكم ويعدل ليكم حالكم ويصلح ليكم ناس الانقاذ ( الاحكاية تغيير ليكم مافى ) حسب رأى السيد ود الخلا رغم الحاصل والحيحصل
    انتو؛؛؛؛؛؛؛؛
    تشوفو بعيد بعد نجمى
    ونحنا ؛؛؛؛؛؛
    بشوفو قريب قرب نضمى
    ________________
    طارق أب أحمد يقول :
    الجمعة,21 أكتوبر, 2011 عند 3:23 م
    ياخ ديل أحرجو ناسم مع نسابتم ذانو
    لكن أديك الإكيده

    حسب المنحنى التاريخى

    زين العابدين هرب
    مبارك سجن
    معمر قتل

    إذن

    صالح سهرب
    بشار سيسجن
    XXX ســـ ؟؟؟؟؟

    رد

    رد

  15. ودالخلا قال:

    سلام ياقبيلة،،،
    يقول صديقي العلاّمة الدكتور قرن شطة ( فكرة وحيدة وكلام منضوم ولاشىء آخر ونحنا ذى ما نحنا)،،،،،
    الفكرة الوحيدة والكلام المنضوم ده يا سديقي لأنكم وبأعتراف سيادتك (أنتو زي ما انتو) لم تتغيروا وبالتالي فلن تتغيروا وهذا من البديهيات يا صديقي…
    كسرة/
    يحكي عن أحدهم وكان من المشاهير في ذلك الزمان (الغابر) أنه كان يُغني في حفل عُرس، واختلف الناس المضيفين حوله هل يتعاطي هذا الفنان (الخمر والذي منه) أم أنه غير ذلك، وحاروا في أمره وأحتارو ولم يجدوا من يفتيهم، فلما عاد الفنان بعد أدائه لوصلته الغنائية جاؤه بالشاي!!!!
    فخرج بعد شربه لمشروبه (الشاي) ليؤدي وصلة غنائية جديدة، فقام بترديد نفس الوصلة الأولي، وعاد وتكرر نفس السيناريو (الشاي) فكرر نفس الوصلة الغنائية، فصاح فيه أحدهم غاضبا” شنو يا ….. ما تغيير لينا شوية ده شنو البسوي فيهو ده؟؟؟
    فرد عليه الفنان بصوته الجهوري الذي عُرف به طيب أنتو ما تغيرو كمان ، شابكننا شاي وكمان بي لقيمات تقول انا في حوليةا!!!!!!!!!
    وزي ما قال ليك قريبك بيشاوي (تغيير ليكم مافي) وختاها ليكم علي الأطلاق كده من غير تحديد، وعلي لساني كمان شفت كيف؟؟
    وأنا لم أقل بمثل هذا الكلام (علي الأطلاق) يعني يا بيشاوي لا بد من محددات وملابسات لا بد من توفيرها ليتم الأحلال والأبدال ولا التغيير المنشود زاتو!!!!
    وغايتو يا دكتور تجدني أكثر الناس سعادة بمروقك مني بي صداقة، ما دام مالقيت ليك حل آخر ودمت أخي صديقا” وفيا”،،،،
    ويحلنا نحن الحلّ بلة من القيد والمذلة!!!

  16. نيام قال:

    اب احمد ثرو البشاوي:
    ما تكملوا المعادلة…عندما س= œ
    ودالخلا:
    “فخرج بعد شربه لمشروبه (الشاي) ليؤدي وصلة غنائية جديدة، فقام بترديد نفس الوصلة الأولي، وعاد وتكرر نفس السيناريو (الشاي) فكرر نفس الوصلة الغنائية، فصاح فيه أحدهم غاضبا” شنو يا ….. ما تغيير لينا شوية ده شنو البسوي فيهو ده؟؟؟”
    نفهم من كدا انك بتشرب من نفس الثرمس!!!!

  17. kinanay قال:

    الاخوة المدونون
    السلام عليكم
    الدكتور شمباتي ، الدكتور قرن شطة ، الم تعلم اننا قد جعلناها صداقة في الله منذ الثلاثين من يونيو سنة عييييييك والباشمهندس بيستاهل الصداقة ولا تحاول الاقناع وزي ما قال شمباتي ودالخلا مونس رقبتو شديد
    ودمتم

  18. ياسين شمباتى قال:

    كنانى سبب جنانى!!
    سلام..
    انت وين ياخ؟عبرنا ولو بى رسالة !ّ
    اشواق وتحايا الى حد ما..

  19. ودالخلا قال:

    الكناني حبابك وحباب اليوم الجابك يا أخي، وانا لو كنت عارف صداقة دوك شطة دي بتمرقك زي ده كنت بذلتها له من زمان طويل،،،،
    الكناني ليك وحشة، وشنو ياخي خليتونا لافين صينية أنت وصاحبك الدكتور شيخ صالح، ولا ني قادر تاني أرجع ولا مشاعركم راضية تسمع!!
    تحياتي عبركم للأخ العزيز الشيخ دكتور محمد الأمين صالح رد الله غربته..

  20. kinanay قال:

    شمباتي
    نقبل التحيات وان كانت الي حد ما
    الباشمهندس ودالخلا
    ما تشوف وحش يا عزيز لا عاش من يخليك تلف اي حاجة مش صينية ، يوصل سلامك باذن الله ادعوا لنا ربنا يسهل ونلتي مع الدكتور في رحاب مكة المكرمة حاجين باذن الواحد الفعال
    تحياتي عبرك الي اخونا الكريم زووووول
    ودمتم

  21. الكناني ثرو شيخ صالح ربنا يتقبل منكم ويتتم لكما حجكما لكما وحشه
    اها زياره نجاد السفير قال عنها شنو شايف جاء ماشي فيها فوووو
    اخر خبر الاتحادي الاصل يوافق على المشاركه في الحكومه القادمه بمنصب مساعد رئيس وسته وزراء شويه مناصب في الولايات وبكده تبقي حزب الامه الذي له خياران اما التوحد مع اهل القبله والمشاركه او متابعه فلول اليسارين والعلمانيين والارتماء في احضان الحركه الشعبيه فهل يختار الصادق متابعه اراء بناته او يستمع لصوت العقل

  22. ياسين شمباتى قال:

    يعنى المع الحكومة من اهل القبلة والما معاها من اهل العلمانية واليسار !!
    امممممممممممممممممممممممممممممممم

  23. ود الزبير
    لك الود اخي اخبارك ( شفنا صورك مع بنت عجاج) واطمئن عليك مرسالنا مسعول من الخير اخونا عبدو اخباره شنو ؟
    السفير الما بخليه يمشي فيها فوووو شنو؟ القصة كله بقت جري ومشي فوووووو…

  24. الكناني قال:

    ود الزبير ان الاسم الفوق دا حصل كيف ( بالعربي جاب ليه تمتمه)

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s