مارأيت فى الكون يا … افسد منك ..

Posted: الثلاثاء,24 يناير, 2012 by aflaiga in اخرى

مارايت فى الكون يا ….. افسد منك ..
س 1 : املا المساحه الفارغه مكان النقط بالجمله او الكلمه المناسبة .
س 2 : هل تملك ادله على اجابتك ؟؟
س 3 : ما هو تقييمك للسبب الذى ادى لحدوث هذا الفساد ؟؟
س 4 : هل يمكنك تشخيص اى وصفه للحل ؟؟
ملحوظة : على كل طالب ان يجيب على السؤال موضحا ( زولو ) الخاص والاسباب والادله والتشخيص .
يجب الا يقل عدد كلمات الاجابه عن خمسين كلمه ويمنع الاختصار والرموز .
ترسل الاجابات مجتمعه للهيئة الشعبية لمكافحة الفساد
يمنع منعا باتا وضع اسم الهيئة فى مكان الاجابه !!!!!!! ههههه

تعليقات
  1. زووووووول قال:

    ياااااااااااا انت ((وضحك حتى سمعه الجيران ههههههههههههههههه))

  2. بت وراق قال:

    مارايت فى الكون يا لشعب السودانى….. افسد منك
    الادله على ذلك قول اخونا ود الخلاء
    السبب نحن ذاتو كما قال اخونا ود الخلاء
    الوصفه عند اخونا ود الخلاء
    وبهذا اكون وضحته زولى البجيب ليكم الحل السريع
    تحياتى لود الخلاء

  3. حنين قال:

    أفليقا الاستاز والاخوة الممتحنين .
    سلامات .
    داير أسأئل قبل ماأجاوب لأن فهم السؤال نصف الاجابة .
    (أفسد ) المقصود بيها الفعل الافساد أم شخص فاسد ؟
    وعلية بعتبر الاجابة هى :
    مارأيت فى الكون يالبترول أفسد منك …
    شفناها فى الخليجيين قبلينا أفسدهم البترول .
    ونحن كذلك أفسدنا البترول وطفرتة ومشاكله …

    ((يارب النجاح …فى كل صباح …))

  4. نيام قال:

    مارايت في الكون يا حبيبي افسد منك
    بترولك السارقو او قطنك السارقنك
    هيئات كمان الية و برضو ما خايفنك
    لانك انت و ناسك برضو انت كأنك
    و الحرامي في راسو ريشة ديمة تبينلك
    متي اشرت يمين تلقا يسارو يدلك
    و الدليل في الكضبة اذا اردت لعلك

  5. Dakeen قال:

    سللام ودبل لام عشان يختلف عن سلام النظام .
    اولا : الكلمة او الجملة المناسبة حسب عدد النقاط : النقطة الاولى ،،، النقاط كثيرة جدا ،،نقطة بوليس ولا نقطة تفتيش ولا نقطة تحصيل (نقطة نفط تجي ماشة بي جاي مافي). وآخر نقطة دم فضلت في عروقنا شفطوها ….
    الدليل : هو نحن ذاتنا دايرين دليل يورينا الطريق.
    السبب بسيط: الضحية ابسط منو واذا عرف السبب بطل العجب والعجيب في الامر ان الفاسد عارف نفسو وما داسيها (كان ما عاجبكم تعالو حاسبوني عشان ندق الصفايح ونطلع الفضائح).

    ونمتنع عن الاجابات لان عنوان المراسلة خطأ.

  6. Dakeen قال:

    تعليقك في انتظار الموافقة بالنشر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  7. حاج أحمد السلاوى قال:

    الودود .. عبد الودود بن أفليقا ..
    أول حاجة نعتذر عن الإنقطاع الذى دام فترة ليست بالقصيرة .. والعود أحمد ..
    السؤال هو ثم ماذا بعد ان نعرف هناك أفسد بلد .. افسد شخصية إعتبارية .. أفسد …. أفسد …افسد .؟واقصد بذلك مداخلة السيد ماجد فى لقائه مع على محمود حسنين فى تلفاز قناة الجزيرة عندما قال أن يكشف المراجع العام عن الفساد يحسب للنظام وليس ضده وتعتبر نقطة فى صالح النظام ..ولكن السؤال هو : ماذا تم بعد ان كشف السيد المراجع العام الفساد والإختلاسات ؟ هل تمت تسوية وأعاد المال السائب للخزينة العامة ؟ هل تمت محاسبة المختلسين والمفسدين.. ماذا عن التمويلات البنكية التى راحت شمار فى مرقة ؟ وماذا ….وما ذا …وما ذا …
    عاوز إجابة ..عشان ما ننفخ فى قربة مقدودة ..
    وتحياتى ..

  8. السلام عليكم يا حاج السلاوي

    ليس امامنا سوي قول :
    اللهم اصلح ولاة امورنا
    اللهم اقضي علي المفسدين في بلادنا وجميع بلادي المسلمين.

  9. AFLAIGA قال:

    الاحباب الاعزاء :
    حسب علمى البسيط هناك لجان محاكمات وتحقيق تعمل تحت الارض لتحقيق :
    الحفاظ على سمعة النظام اولا فربما يجرجر التجقيق اسماء لها ايقاع – هههه
    محاولة عمل تسويات لاعادة المنهوب دون شوشره ولو بنظرية سارق مليار حنشيل منك مزرعة سوبا ومن دخلها نسدد – !!!!
    محاولة اعادة اكبر مبالغ ممكنه للخزينه التعبانه الايامات دى – تقول فى ايامات ما تعبانه ؟؟!!
    تحفيز اللجنه حسب النسبه زى ايصالات المرور وانشاء الله اللجنه ما تجى تقول والله يادوب قدرت اطلع نسبتى !!!!
    على كل حال ما هو موثوق منه ان بالانقاذ من لم تصل الفساد اليهم وهم متورطون فقط من باب الشيطان الاخرس

  10. عزت قال:

    أبشر يا أفليقا غايتو الليلة في الجريدة حاكمو ليهم (فقير) بالاعتداء على المال العام…. لكين زي ناس (الشريف) بيكون مبسوط بما نهبو وقشة ما تعتر ليهو …. أهو دا نوع الكلام البيشجع الشريف تاااااني ياكل

  11. AFLAIGA قال:

    د عزت :
    صحيح من امن العقوبة ساء الادب
    لكن حتة تشجيع الاخرين على النهب دى تعرف لو ما عملو ميدان الخليفه مكانا لتنفيذ القصاص
    يعنى مثلا :
    الاحد قصاص سرقات التموين
    الاثنين قصاص استغلال السلطه للمحسوبية
    الثلاثاء قصاص الثراء الفاحش
    الاربعاء قصاص اموال الدوله والاختلاسات
    الخميس ده لانو يوم خاص يكون لقصاص الجرائم الاخلاقية واهو منه االناس تملا بطاطيرا – ههههه
    الجمعه والسبت اجازة لتسنين العده وتجهيزها .
    يمكن السماح لقصاص خاص الجمعه بعد الصلاة فى قضايا ازهاق الارواح فى التظاهرات والانقلابات ….

  12. mashakel قال:

    سلامز
    حاج احمد السلاوي .. سؤالك جاوب عليه الريس في اللقاء التلفزيوني .. و بالأرقام .. 5 مليون حجم الاختلاسات .. يعني قيمة منزل وااااحد لأي وزير او مسعور
    تحمدو ربكم .. شفافية زي الورد

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s