كلللللهن وااحد !!! تتخيلو ؟؟؟

Posted: الأربعاء,1 فبراير, 2012 by aflaiga in اخرى

كنت اود ان اكتب عن تجربة العرس التانى منذ فترة لكن الواحد قال يديها صنه كده وبعدين يكتب حتى انو يكون جرب كويس واخذ الموضوع من كل جوانبو ( واوضاعو ! ) اها غايتو فى النهاية افليقا طلع بالاتى والاتى ده ما لازم يكون هو العنوان ذاتو بقدر ما انو العنوان بتاع اثارة ساااى:
وعشان نشارككم فى القصه حنعمل اسئلة تجاوبو عليها واكثر الاجابات ليست بالضرورة هى الصاح واقلها ليس هو الخطا:
1 – لا بديل لسمسمه الا سمسمه ؟؟
2 – الاثنين كويسات وذيادة الخير خيرين ؟؟
3 – المره الجديده مش حتقدر تغمض عينيك من الروعه ؟؟
4 – كلللهن واااحد ؟؟
5 – كل ما ذكر صحيح ؟؟
6 – لا ادرى ولدى ظروف خاصه تمنع التصويت ؟؟؟ هه
يلا نشوف رايكم شنو ؟؟

تعليقات
  1. كل ما ذكر صحيح حسب كل تجربة🙂

  2. AFLAIGA قال:

    ملاذ بت حسين خوجلى ذاااتو ولا ملاذ بت حسين خوجلى ما ذااتو ؟؟؟؟
    على كل حال كان ذاتو مرحبتين وكان ما ذاتو الف مرحب .
    مشكوره على المرور ..

  3. عباس ركس قال:

    غايتو يا افلي السواطة عندك !!!!!!!!!!
    الدخلك الحتة دي شنو ؟؟؟؟؟؟؟؟
    سطتها وجغمستها وجاي تسألني الدبارة ؟؟؟؟؟؟
    يا افلي , مافيش دبارة !
    عرٍس التالتة
    تأسيا بحديث المصطفى
    أو من باب أكان غلبك سدها …..

  4. سهيل قال:

    سلامات يا احباب ..
    عبدو مالك ؟؟

    خلينا في الموضوع .. كل ما ذكر خطأ .. والدليل آلولو ..

    يلا نمسكها من الكبري .. ( قصدي واحده واحده)
    1- لابديل ….. دا السؤال الوحيد المفروض تجاوبو إنت.
    2- الإتنين كويسات …. ياراجل حرام عليك .. بتجيب الكلام دا من وين ؟؟
    3- المره الجديده ….. يا فرده الروعه دي بس اول تلاته شهور و بعداك عينك ماتشوف إلا النور
    4- كللهن واحد … دي اسلم إجابه و إن إختلفت الأشكال و المداخل
    5- كل ماذكر صحيح .. دي انا جاوبت عليها في البدايه
    6- لا ادري … لا والله .. اخوك اسد الله البضرع … هههههههه

    ولنا عوده

  5. AFLAIGA قال:

    سهيل : معقول لى اسى اسد الله البضرع والله طولت خلاااس – هههه
    ركس يا معلم : يعنى اى زول يشربكا براهو يحلها براهو طيب نرجى الانقاذ تحلها لينا براها ولا شنو ؟؟ استعن بصديق احذف اجابه مافى ولا شنو يا مان ؟؟
    لحدى اسى 3 اجوبه ك
    ملاذ = كل ما ذكر صحيح .
    سهيل = اسد الله البضرع لحدى اسى
    ركس = بعاين بعيونى
    يلا ارح يا جماعه عشان نديكم الملخص فى النهاية

  6. عزت قال:

    غايتو أنا ما بتكلم في السياسة…. لكين حسب مشاهدتي لي ناس الانقاذ المدبلين…
    آخر قيافات…..
    العندوا جضوم جضوموا زادت وأب عربتين زادن عرباتو وعماراتو وأهو أبو كبير يقدل ويعرض ساكت بس ما يسمع النار ولعت

  7. سهيل قال:

    هسي ياعزت النار كان ولعت .. تطفيها بشنو ؟؟؟

  8. AFLAIGA قال:

    عزت : ديل لكين ناس الانقاذ اها الناس الفى بر لسه ما اتنقذو كييييف ؟؟
    يعنى والمدبلين من الرجال الذين لا يرجون انقاذا ديل وضعهم شنو ؟؟

  9. smukhayer قال:

    ولدنا الشفيف اللفيف أفليقا
    سلام ومحبة واحترام
    على قدر أهل العزم تأتي العزائم، وفي الوقت الذي ناس شنباتي ماشين حفيانين قررت ركوب الدبُل كبين، فيالك من مكين، جمهور الدانقا ينظر إلى تجربتك بعدة عيون، منها عين الاعجاب (ناس الزووووول وود الخلاء ومن لف لفهم)، وعين الإشفاق (ناس السلاوي ومن شاكلهمِ)، والمتضامنون (ناس البشاوي)، والممجمجون أي لا مع هؤلاء ولا هؤلاء (ديل ناس عزت)، والمنحازون إلى طرف (ناس سهيل)، والمتهورون الداعون إلى ثالثة (ركس براهو)، والفرقة الأخيرة المتحيرون وأنا أولهم ولم تزد أسئلتك إلا حيرتي: اسئلة تجاوبو عليها واكثر الاجابات ليست بالضرورة هى الصاح واقلها ليس هو الخطا:
    1 – لا بديل لسمسمه الا سمسمه ؟؟ دي لإرضاء مجموعة سهيل !!!
    2 – الاثنين كويسات وزيادة الخير خيرين ؟؟ دي لناس ود الشيخ والزووول
    3 – المره الجديده مش حتقدر تغمض عينيك من الروعه ؟؟ دي برضو دردقة لتوريط أنصار التعدد
    4 – كلللهن واااحد ؟؟ دي للممجمجين ناس أبو عصمت
    5 – كل ما ذكر صحيح ؟؟ دي الإجابة التي ترضي ضميرك وتزيدني حيرة
    6 – لا ادرى ولدى ظروف خاصه تمنع التصويت ؟؟؟ دي تغشيش وتشجيع للحصول على إجابة
    يلا نشوف رايكم شنو ؟؟
    رأيي إنك اتبلبلت وما عليك إلا أن تعوم وبما أنك وليد بحر وعوام فتقوم تمسك في الإجابة نمرة اتنين دي بيديك الأثنين وتعضي عليها بالنواجذ لحدي ما يقرر الله أمراً كان مفعولا ولتجنب أن تأتي يوم القيامة ملوش وشقك مايل .
    ودمت قوياً وعادلاً ورفيقاً بالقوارير ههههههههههههههههههه

  10. عزت قال:

    زي ما قال أخونا مخير… انت قرط على نمرة اتنين بس ما تقوم تحرق المكنة…. لأنو في التدبيلة عدة فوائد أقلها الحيوية التي تعم أرجاء المنزلين (المنازل) عندما يكثر مسح الجوخ والاهتمامات ويكون مرحبا بك في كل زمان ومكان يا (زين) انت…!!

  11. عبدالرحمن احمد قال:

    افليقا سلام يا حبيب
    الاجابة التي في منتصف الإجابات … إها كيف الرأي

  12. نيام قال:

    مستر افلي:
    طبعا يا فلقا الشايقية مشهورين بحب الشاي فيقال انو واحد شايقست اقلع عن شراب الشاي ..ليقنع اصحابه بانو الحكاية دي وهم ساكت و انو ادمان الشاي مسألة ممكن تركها..ففي يوم من ايامات الله كان في بكاء في قرية مجاورة و اتفقوا يركبو دوابهم و يمشو البكاء فكان صاحبنا اخر دابة و خرمان و هو يردد :
    ماقلتو الشاي دا ما بتخلا تراني خليتو اها شن سوالي..تراني دا ..
    فمر عليه واحد من الجماعة كان متاخر شوية فسمعوا و قال ليهو انتا آفلان الشاي دا اكتر من يخليك تنضم براك دايرو يسويلك شنو…هسع يافلقا انتا مالك بتهضرب!!!!

  13. سلامز
    يا افليقا .. شنو الرفاهية الانت فيها دي
    عندك اتنين و كمان بتتخير و بتسأل .. ياخ راعي مشاعر اخوي ( شمباتي ) دا بالله
    و النصيحة و كام قالتها الاستاذ حمادة الرحيمه
    رجال نسوان غلابة
    مفلسين و تعابة
    نصيحتي بقولها ليكم
    اخير عيشة العزابة

  14. بت وراق قال:

    اخي افليقا تحيه واحترام
    اخونا شمباتى مر على جحا فوجده زعلان زعل شديد فساله عن السبب فقال(انا زعلان من الناس العرسوا قبالنا والعرسوا ورانا)
    فقال لهو شمباتى ورينا كيف يعنى فقال جحا (العرسوا قبالنا ما كلمونا والعرسوا بعدينا ما سمعو كلامنا )

  15. مشاكل وبت وراق..
    ما بسالكم لكن !!!
    لييييه بس كدة يعنى !؟؟

    مشاكل..
    الاستاذة حمادة بت الرحيمة دى كيف !!؟

    بت وراق..
    اممممممم,,انتى اظنك فى البر سااااااكت !؟؟ عومى عومى وسكتى الخشامة..

  16. الغبشة قال:

    1-يبدو انك حسيت بانك ارتكبته خطأ……….شيل شيلتك برااااااك.
    2-هههههه بتدردق لمنو عاوز تدخلو نفسه الخانه؟؟؟……..يا المقصود اعمل حسابك.
    3-شكلو افلى اتمقلب………مره ولا باعوضه حمتك النوم.
    4-ماعرفتا تميز وطلع قرع ود العباس كلو واحد………خطأك فى التغير دون دراسه.
    5-كل ماذكر انطبق عليك………حننتنى بالجد.
    6-ممتنع عن التصويت لظروف ياربى شنو؟………تون طشيت شبكه بسبهن ؟؟؟؟؟؟.

  17. التركي قال:

    الحبيب أفلي ياخ حيرتنى معاك …. للآن مافهمت انت قاصد تقول الرووووووووب ولا قاصد توصل رسالة مفادها (نقل فؤادك من الهوى حيث شئت وما الحب الا للحبيب الأول كم من منزل يطرقه الفتى لكن حنينة دوما لأول منزل ) …. غايتو أسمع كلام المجرب ماتسمع كلام الطبيب (خاصة الطبيب فلان داك) معقولة يكونن كلهن واااااااحد … الطحنية وحلاوة المولد كلهن من السمسم بس مستحيل يكون لذتهم واحدة ولا شنو ياغالى … الآخرون يمتنعون

  18. لمى هلول قال:

    سلامات اهلى وغيابنا طال لكن نعود مكان الظل والبسمة والطرفة واللطافة
    واله انا زاتى لى مدة ياااخ لى سنوات بفكر اكتب فى المووضع دا ….لكن توقعت حيكون فى كلام كتير كدا
    يااخ بصراحة الزواج التانى اى التعدد عندو ستمية حته يتكتب بيها ويترد عليها
    الخيار الاول الا بديل لسمسة بينقال لمن تكون الزيجة التانية لحسة عقل كدا وسمسة مظلومة او طلعت ملاك فجاة بالمقارنة او …
    او الحالة المادية قرصت شوييتن…او المره حملت طوالى….
    الخيار التانى..بيتقال فى النهاية زى نهاية الفيلم زيادة الخير خيرين وكدا بعد الالم و الماسى ان وجدت او لم توجد…اخاك مجبرا وليس بطل
    الخيار الثاثلث اكيد الجديدة مش حتقدر تغمض عينك فاهمة ومفهمة وعارفه عندها ضره تخسر لى دى كان ما كسبت تكون عويرة وما بتفهم ….تكون روعة وتعيش احلى مايكون والبينغض العيشة فى الزواج الاول دى تديهوا باص وقووون وتكون الرقة ذاتها والدعة والسكون ….هو الاول زى التانى عليكم الله وهو القارى زى الماقارى ولا خش الكتاتيب…احى انا
    الخيار الرابع يحدث حينما الزيجة تكون مش ولا بد يعنى صاحبنا العتب عليهو ما فهم الاولى وحدد مواقفوا قام غلط نفس الغلطة وجاب طبق الاصل من الاولى ياخى هناك فرق على الاقل الرجال لازما يلاحظوه ويتفلهوا شويتين كل شىء بالغصب الا الزواج بالاتفاق خخخ
    الخيار كل م ازكر صححي بلى حيكون شنو يعنى حتفتح المصحف وتفتش ليك تعليق التعملوا بايدك يغلب اجاويدك بلى كلهن واحد ..
    لا ادرى شنو على مين هه..؟؟؟؟
    كل اناء بما فيه ينضخ …
    سعدت جدا بانى كنت هنا بحضرة هذه القامة ا لشامخة التى تجلعنا نكتب بعضا من حروفنا المهترئة …

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s