ما تترشح كيف سجمنا !!

Posted: الإثنين,12 مارس, 2012 by aflaiga in اخرى

نقلت الاخبار الوارده امس ان الرئيس عمر البشير ينوى عدم الترشح وان الحزب سيبحث عن مرشح جديد … انتهى الخبر ..
سجمنا الفوق دى ما تفهمومها غلت يا جماعه طبعا عباس ركس حيقول انا كنت عارفو بيحبو لكن ما للدرجة دى !!! وابكرون حيقول اسى العاجبو فيهو شنو ؟؟ وود الخلا حيقول اب الله من احبنا !!! ههه حلوه دى مش ؟؟
اها يا جماعه عاوزين نشوف السجم ده سجمى براى ولا سجمنا كلنا وليييه ؟؟؟
دعونا نناقش ماالات عدم الترشح والبدائل واثار ذلك على حزب المؤتمر الذى يقول الكثيرون انه فاز بالجلاله باسم البشير وان ذهاب البشير يعنى سجم خشم الحزب !!!

تعليقات
  1. التركي قال:

    سسسسسسسلام افلي الحبيب …. أعتقد انو العبرة مش فى ترشيحه ولا عدمه أتمنى انو يترشح مع فتح الباب للجميع من غير (دغمسة) ولا تزوير وطبعا حرية التعبير وتكوين أحزاب بالبرامج اللى فعلا عايزة تنفذها وتطرح أفكارها بطريقة ديمقراطية ونزيهة بعدين (الحشاش يملا شبكته) … والا (فسجم) السودان

  2. عزت قال:

    يعني يترشح كيف يعني…… الزول دا ما بيزهج والا عيالنا العمرهم هسة عشرين سنة ما يتهنو ليهم برئيس جديد في حياتهم….. بعدين الزول دا شمسون… مرتين، وثلاث مكاتب وعبد الرحيم…..

    عموما نتطلع للربيع وكان ما جا التجينا كتاحة انشاءالله تكنس الورا والقدام…… بلا لمة

  3. بت وراق قال:

    انت ماتقول البشير قول على عثمان اصلو البشير دل كومبارس

  4. زووووووول قال:

    انت صدقت يا افليقا ؟؟؟
    البشير سيترشح وسيفوز واولاد د. عزت لو دايرين ليهم رئيس تانى حقو يمشوا تشاد يجربوا نسيبنا دبى ولا يمشوا ان شاء الله افريقيا الوسطى ولا النيجر اقول ليك يا عزت : وديهم امريكا يقعدوا تمانيه سنوات ويجربوا رئيسين ويجوا يلحقوا معانا اخر البليله هههههه . حسب تحليلاتى الرئيس حايترشح لدوره قادمه وحايجى يقول لينا انو هو ما عندو رغبه لكن نزل بناء على توجيهات الحزب وكا والداير ليهو رئيس تانى يشوف لا غرابا يجزا

  5. أب أحمد قال:

    يا حبايب ما .. مشتاقين وكدا !!
    السجمي الصاح لو قالوا لنافع (النبي كان تبقى لينا رئيس !!!) في البلد المافيها زول عندو ليها وجيع … هنا فقط يكون الرحيل فرض عين على كل أمازوني حر … ولا نامت أعين الجبناء … أحييييييي أنا من نافع دا … السوتو الحكومة دا كلو كوم … ونافع دا كوم براهو … الله يقطع أترهم واحد واحد قبال يجي يوم ترشيحو …. آمين

  6. AFLAIGA قال:

    الاحبة الكرام :
    صديقى س قال لى بعد قرا المقال : ايه رايكم نحن كشعب نعمل حزب وننزل البشير مرشحنا ونصيع المؤتمر الوطنى ؟؟؟
    ايه رايكم فى رايو ؟؟

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s