تااانى جاب سيرة البحر ومفاجاة .

Posted: الثلاثاء,29 مايو, 2012 by aflaiga in اخرى

طبعا الواحد لو قام قال والله عدنا بعد غيبه . ممكن يجى واحد ناطى يقول ليهو هو بالله انت كنت مافى !!
وعشان كده حنبدا من محل ما وقفنا وهو موضوع كلللهن وااحد .
عكفت خلال الفترة الماضية على دراسة قصة انو الواحد يسوى مرتين وتاثيرات ذلك على النسيج الاجتماعى والبيئة وثقب الاوزون .
اها فى اول الدراسة وفى نتيجة اولية قلت انو كلللهن واااحد لكن طبعا النتائج الاولية للدراسات ما بتدى حقيقة والدليل انو الزول الاكتشف انو الارض كروية فى الاول جا مارق وقال انها بيضاوية وبعد داك دورا فى راسو لقاهو مدوره ( مدوره دى طبعا احد احجام بيع البنقو ) الذى ربما يكون احد اهم اسباب الاختراعات وعدم الاختراعات فى نفس الوقت !!!
اها فى النتائج النهائية للدراسة ممكن اقول انو ما كلهن واااحد بكل صراحه وانو الفرق هو انو دى اسمها سمسمه ودى اسمها نوسا وده فرق جوهرى جدا للناس البيعرفو خفايا دلالات الاسماء واثرها فى تحقيق النماء .
على كل انا كملت دراستى وجيت راجع وممكن اقول انو دى بمثابة الدبلوم فى التدبيل وما اعتقد انو حارفع للبكلاريوس الا كان فى مجال تانى غير الدبل !!
باختصار الواحد خلص قراية وداير العرس بعد ده …
هناك مفاجات كبرى تتعلق بموضوع الجريده الورقية سنعلن عنها فى حينها واحتمال تكون مجله كمان تابعونا ..

تعليقات
  1. بت وراق قال:

    اخي افليقا
    سلامات
    انت ياخوي ما تفتكر نفسك وصلته لنهاية الدراسه انت لسه فى المرحله البيضاويه واما المرحله المدوره دي هى الحتلف ليك راسك
    انت في مرحلة العرض والمشهد سيبدا

  2. سلامات يا احباب
    حمدلله على السلامة يا ولدنا وبركا الشوفناك طيب
    اها قبل البداية وقبل ما نستلم الجديد منك – الخبر شنو – عاوز ترفع للبكالوريس ولا ح تبقى على الدبلوما دى

  3. AFLAIGA قال:

    ستريكر الحبيب : اولا مشتاقييين .
    بكلاريوس شنو انا اقول ليك كرهت الدبلوم ظااطو !!
    بالمناسبة عاوزين نرتب لاجتماع فى شان ننوركم بالجديد المفيد .
    بالله البوست ده خلو كل العواطفات يقرورهو لانو حيدور حوار ظريف بينكم وبينن مفادو :
    هى : الحمد لله زولك نكر التانيه وقال ماهى سمحى .
    هو : يعنى انتو كنتو راجين النتيجه ولا شنو ؟؟
    هى : النصييييحه لى الله كنا راجين وبى سرنا بندعو نشاء الله يرجع للقديمى عشان ما يبقى قدوه ويبقى عبره !!!
    هو : اها لكن هو ما نكر القديمه والجديده الاتنين ما الجديده بس !!!؟؟
    هى : القديمه دى ما كلكم ناكرنها ما بتفرق انكرو ساااااى علا جديده لا !!!
    هو : لله فى خلقه شئون يعنى عارفين وساكتين وعاملين نايمين ؟؟؟!!!

    • بشاوى قال:

      سلام يا أحبة
      اولا نحيى ابننا افيقا انه مازال لديه روح بتناتل وتمرق منو بين الحين والحين بعض الانات — بالاشارة للدراسة موضوع البوست الاول بعنوان( كللللهن واحد) والاخيرة هذه (تانى جاب سيرة البحر– ومفجأة ) —
      نلاحظ ان كاتب البوست حاول فى تجربته الاثناوية ان يقارن بين شبيهين — وهنا تكمن العلة اذلاوجه مقارنة بين الشبيهين وان كانا مختلفين فى الاسم والشكل لكن يبقى الشبه الاكبر والاهم يكمن فى ان كلا العنصرين ينظر للعنصر الاخر بنفس النظرة التى ينظرها الاخر له من حيث انهن (ضرات ) والكاتب حين يقارن لابد ان يخلص نتيجة ان كلللللهن واحد من ناحية النظرة الكلية – وهنا يأتى رأى الموحدين بقيادةالاميرلاى سلاوى والقائم مقام عزت والبكباشى نيام — يأتى رأيهم يتبختر متهاديا معلنا انتصاره بالضربة القاضية على فكرة التعددية – وبما انه شهد شاهد من اهله (افليقا مثالا) لامجال لتعارك الافكار وليهنأ كل سعيد بعواطفه – وليمعن مكسروا الثلج ( ابكرون وسنكل ومن شايعهما ) فى جلب ماأمكن من المعينات – طواحين وخلاطات لمقابلة الطلب اللذى سيتزايد على كسير التلج والضلوع كمان —
      كسرة ؛–
      فى بوست سابق بعنوان ( فزاعة عواطف ) شمرنا السواعد وحرقنا البخور للفارس حينها (أفليقا ) واعتقدنا ان الزمن قيض لنا من يقود ثورتنا من اجل الحرية والديقراطية والساواة فاذا بالزمان يقول لنا وبالفم المليان ارجع يازمان ورجعنا لى محل ماقدتنا – نسأل الله ان يكون فى عوننا ويحنن علينا قلوب العواطف وان يباركهن لنا ويباعد بيننا وبين ضراتهن انه ولى ذلك والقادر عليه والحمد لله من قبل ومن بعد واللهم لاتجعل مصيبتنا فى افكارنا ولا قادتنا —

  4. AFLAIGA قال:

    بشه الجرسه :
    اولا امين ولا الضالين .
    ثانيا انت قامو منك ولا شنو بقيت تخش بركة القامو مش فى مدحه بتقول نعم القامو انا بهديها ليك وللعليك .
    النتائج التى يخرجها الباحثون فى مخرجات بحوثهم ليست بالضرورة نتائج علمية بقدر ما تعبر عن اجاه تحليل وبحث الكاتب والذى كثيرا ما يكون قابلا للخطا … كيتا فيك ..
    فبالله ركز شوية وما تفرح بالنتائج الهوائية ( الهوائية يعنى اللى على هواك ) .
    والمثل بيقول اسال العاوز يجرب ما تسال المجرب وامشو الاتنين الطبيب هههه

  5. عزت قال:

    أفليقا وسماره سلام
    بس العايز يجرب يا أفلي سوف تكون افادته وردية مفعمة بالحيوية والترقب والأمل…باقي لي حقو نستعين بمجرب شان ما تبقى علينا قصة الراجل العرس بعد فترة ووليداتو كانو كبار… واحد فيهم لمن مارق معاهو من المستشفى بعد وعكة طارئة ألمت به في ياتو بيت ما معروف… (ظااااهرة)

    قال ليهو يا أبوي
    أوديك بيت المرا الجديدة والا أوديك بيت أمي

    قال ليهو بي حسرة كدا: وديني لي بيت أمي أنا

  6. بت وراق قال:

    عزت سلامات
    حلوووووووووووووووووووووووووووووووووووووووه

  7. المندهش قال:

    أحبائي … تحية وسلاما
    والله أخشى ما أخشاه أن ينطبق عليكم قول الإعرابي الذي تزوّج على كبر سنه، فعوتب على مصير أولاده القادمين، فقال: أبادرهم باليتم قبل أن يبادروني بالعقوق.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s