التحليل الفلسفى لعبور الدجاجة !!

Posted: الأحد,12 مايو, 2013 by ياسين شمباتى in سياسية

اذا تم طرح سؤال فلسفى عن سبب (عبور الدجاجة للطريق) ,, فلننظر الى كيفية الاجابة لبعض الشخصيات المشهورة:-

*افلاطون : بالنسبة لها الحقيقة موجودة فى الجانب الآخر , وربما كانت ذاهبة للعالم الفاضل ..

*ارسطو : انها طبيعة الدجاج , وبما انها دجاجة والطريق قد كان مفتوحا فان العبور نتيجة منطقية !!

*ماركس : هذه حتمية تاريخية تحددت منذ الازل , ويتساوى فى ذلك جميع الدجاج !

*فرويد : ان الاهتمام بعبور الدجاجة للطريق يدل على وجود اضطراب فى المشاعر الدفينة (جابها صح)..

*اينشتاين : هل الدجاجة هى التى عبرت الطريق ام ان الطريق هو الذى تحرك تحت اقدام الدجاجة ؟ فهذا الامر يعتمد على نسبية الاشياء ! فاضى طبعا عمكم دا..

*نيوتن : يجب ان نقيس المسافة بين اول الطريق وآخره ومقدار سرعة الدجاجة لنعرف درجة اتجاه الرياح ! فاضى برضو ..

*الترابى : هئ هئ ,,نعلم ان الله سبحانه وتعالى قد خلق الزويجن الذكر والاثنى وجعل بينهما مودة ورحمة ,, وجرغ ورجغ ورجغ ورجغ ورجغ ورجغ ورجغ ورجغ ,, هئ هئ هئ ,, وجرغ ورجغ ورجغ ورجغ ورجغ ورجغ ورجغ ,, هئ هئ ,, وجرغ ورجغ ورجغ ورجغ ,, هئ هئ هئ ,, ايتها الدجاجة الشعبية , ارجعى الى حضنى راضية مرضية …عفن الراجل دا..

*نافع : الدجاجة حقتنا وشارع الزلط ذاتو حقنا ,, والكوبرى البودى ليهو وبجيب منو ذاتو حقنا ! والما عاجبو يلحس كوعو ّ! والزارعنا غير الله اليجى يقلعنا ! وولدى بركبو برادو حقارة بس ! وامريكا هى السبب ورا العبور الحقير دا ! انعل ابوكم لابو اهلكم ذاتو ! الراجل دا الزعلو منو يا ناس !؟

*اللمبى : طبعا طبعا طبعا (منديل) الدجاجة دى عبرت الطريق بصورة مفاجئة فى وقت متأخر , الساعة تمانية الا خمسة , وقت صلاة العشا بالضبط وماكانت مركبة عاكس ! آيييي , ,شفت كيف (منديل) اها ما لقطناها بالنظر ,,, لكن جارى رفع درجة الخطورة (منديل)…

*الصادق المهدى : نحن ندين ونستنكر ونشجب عبور الدجاجة للطريق دون ميثاق عبور او خارطة طريق او اتباع طرثقة التراضى ! ونلخص الميثاق فى النقاط الثلاث التالية ,,,, وحيث ان النقطة دى ممكن تتفسر فى النقاط الاربع التالية ! وهذه النقطة تتبلور فى شقين (الشق اليبلعك) , وهذا الشق يتمحور حول ثلاثة قضايا ,, والقضية الثالثة لابد لها من ايدلوجيات ثنائية ,, 4 مليار !! نحن نوافق على التراضى !! مساعد رئيس ,, الله اكبر ولله الحمد ..

*فلانة : الدجاجة دى شاذة افقيا ! وهى فى الاصل حشرة ! ابشر ,, هييع ,, انا حصلت كذبت عليكم ؟؟ صدقونى الدجاجة دى جاية من كافورى وعلى بالطلاق تانى ما تعبر الطريق دا !! ابشر بالخير , وسمعنى سلام (النار ولعت وما بطفيها) …

*السيد الحسب النسب الميرغنى : الدجاجة دى شردت من مرزعة ابوى ! رجعوها لى ! وليس لدى ما اقوله الآن ! وا حلاتى دى يا ناس !! اعسل واحد انت واروقهم كمان ..

*ياسين شمباتى : الفوق ديل كوووولهم عبارة عن دجاج داجن مهجن !! والدجاجة الحمراء هى الواعية ,, والحمار حمارى من العين بضارى يااااا ناس حمارى …

ونلتقى ………

Advertisements
تعليقات
  1. هههههههههههههههههههه – والله يا ولدنا مابراك من غيرت الاستاتيس بتاعك وبقيت ماااا ياكا

    مقال جميل ويسرد الحقيقة المرة بشكل درامى بحت
    مشكور ويا ريت تكتر من الطلة يا حبيب.

  2. neiam كتب:

    الدجاجة:
    لقد سمعت أرائكم جميعا و لم تسمعوا رأيي في عبور الطريق ببساطة لانو شفتكم جايين بالشارع دا قلت اغير الشارع من الفارغين ديل …بعدين انتو مالكم و مالي ..ابحت هنا ابحت بهناك الارض ارض الله و الحب حبو…و الماعاجبو زي قول الاطرش اليجي يقلعنا….

  3. ياسين شمباتى كتب:

    استرايكر…
    ههههههههههههههههه,,,انا مو انا وانا عازب !! وى…
    بعدين للامانة الادبية المقال اصلا متداول على الواتس اب وانا بهرتو وشمرتو ونجضتو !
    وانا دايما موجود بس انتو المشغولين ,, احححححححح…
    نيام..
    حب حب حب حب العنب ,,
    والاطرش دا نعلو الجخيس شبه التيس ؟؟ وى وى وى

  4. abushagrod2 كتب:

    الأخ يس الف تحية ليك
    والله أبداع مصفى وأسقاط لواقعنا المضحك المبكي
    ورأي ان انو الجدادة دي خريجة روضة الناس العسل في حي الرياض في الخرتوم وقاطعه الزلط عشان تكمل دراستها في لندن وتجي هنا عشان أنحنا خاتين ليها شغلانة مابطالة وياهو تساعد أخونا عشان تحل لينا مشاكل الفقر ولبلاوي العلينا البقت ما بتتعد
    المهم

  5. ياسين شمباتى كتب:

    المهم ظهورك يا حبيب ,,,
    ياخ الجداد المشى برة وجا راجع ما ريحنا كلو كلو !
    لا حل مشاكل لا جاب حُجار !
    يكون جداد (عقيم) فكر وانتاج ؟؟؟
    اى لا حولااااااا ان بقى كدى !
    وجرى كدى وجرى كدى ,,,

  6. التركــــي كتب:

    دجاجي يلقط الحب ويجري وهو فرحان ….. عودا حميدا ياأحباب … ان شاء الله نواصل

  7. ياسين شمباتى كتب:

    قصدك منو بالدجاجة دى ؟؟
    لووووووووول ,,
    هههههههههه,
    مرحبنبك يا حبيب ,,

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s