بلدا هيلى انا
اساها اساى انا
دموعها دموعى انا
ضميرها ضميرى انا
كل امالى انا … السلام يملاها يطلع من هنا
والحمام يتشابى
لا حديث لمجالس المدينه هذه الايام الا نية مدعى المحكمه الجنائيه لويس اوكامبو واعوانه من (القاضيات!!! ) اصدار مذكرة للقبض على الرئيس (السودانى ) عمر حسن البشير
لاتهامه بارتكاب (جرائم حرب ) و(فظائع ) بحق (مواطنيه ) فى اقليم دارفور .
الامر لا يبدو غريبا . والمتابع لحلقات التآ مر على الاسلام والمسلمين منذ سقوط نظام طالبان الافغانى وسقوط ونهاية الدوله العراقيه باعدام الرئيس صدام حسين الذى اختير له توقيتا غريبا لمزيد من الاهانه للمسلمين حيث تم قتله فى اول ايام عيد الاضحى المبارك الموافق ل30/12/2006 .
و غض المحكمه الجنائيه الدوليه والامم المتحده ومجلس الامن الدولى والاتحاد الاوروبى و…… و…… الطرف عن ما ارتكبته القوات الاسرائيليه من مجازر وفظائع وجرائم حرب بحق اهالى غزه الذين يدينون بالاسلام . وكذلك غض الطرف عما فعلته وتفعله الحركات المتمرده باهلنا فى دارفور بل وفى ام درمان . ومكافئة هؤلاء القتله بالدعم المالى والسياسى وتلميعهم للقيام بادوار الكرزنه والجلبنه كما فعل اشباههم فى افغانستان والعراق .
غير ان وجه الغرابه يكمن فى تصريحات بان كى مون الامين العام للامم المتحده والذى يفترض فيه ان يكون مدافعا عن حقوق المظلومين وحاميا للسلم والامن العالمى لكنه ويا للحسره اصبح وكأنه موظفا فى الحكومه الاميريكيه يأتمر بأمرها وينتهى بنهيها .
اقام الرجل مؤتمرا صحفيا فى نيويورك دعا فيه الحكومه السودانيه (انظر ) الى ضمان امن قوات حفظ السلام الدوليه وحماية حقوق الانسان لكل السكان .
وها انا اصالة عن نفسى ونيابة عن جماهير الشعب السودانى (البطل والفضل ) ابشره بان عسكره وجنوده فى الحفظ والصون وما بتجيهم الحبه سيتمتعون بمساحتهم التى احتلوها من مطار الخرطوم كما انهم سيتمتعون باحتساء البيرة والمشروبات( الروحيه) وكذلك سيتمتعون بالشقق المفروشة وما يدور فيها . وسنتجه كلنا للقبض على رئيسنا الذى تجمعنا به وشائج القربى وشهادة الا اله الا الله وان محمدا رسول الله والذى كان وما يزال جنديا من جنود امتنا دافع عن ترابها وحمل روحه على راحتيه وقذف بها فى مهاوى الردى قبل ان يصبح رئيسا للجمهوريه وهذا لا ينفى وقوعه فى جملة من الاخطاء بعد وصوله الى السلطه فى 30/6/1989 .
وقبل ان اختم اقول للمستبشرين بصدور القرار : انظروا ماذا حل بالعراق واهله بعد ان كانت الرابعه عالميا فى مجال القوه العسكريه وكانت من اكبر الاقتصاديات فى العالم صار اهلها يبحثون عن ابسط مقومات الحياة . كما اشارت تقارير اخباريه عن انتشار الفساد واكل النساء باثدائهن بعد ان فقدن العائل والحامى والنصير .
بل انظر الى افغانستان التى اصبحت ياتيها رزقها رغدا من كل مكان وعمها السلم ابان حكم الطالبان لكنها فقدت ذلك يوم اتاها ات من الغرب بدعوى القبض على اسامة بن لادن .وهاهم ياتوننا بدعوى القبض على عمر البشير .
خير ختام :
قال تعالى ((الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل * فانقلبوا بنعمة من الله وفضل لم يمسسهم سوء واتبعوا رضوان الله والله ذو الفضل العظيم ))
سوداننا 
الزول النجيض الزووووووول.. تحيه و سلام .. ولكل الإخوه الأفاضل عظيم السلام..
لقد شملت و لم تترك مدخلآ أو ثغره تغري النفس و تدفعها في لحظات الجهل وغياب المنطق أن تسلم امرها للعقل الباطن كي يشرع في تنفيذ رغبات التشفي و السعي الأعمى للنيل من البشير .. ليس البشير صديقآ مقربآ لي ولا هو بالحاكم العادل ولا أوافق معظم سياساته و هو احد الذين ظلموا ابناء شعبي بطريقه مباشره أو غير مباشره..و أوردنا مورد الهالكين و لكن هذا لا يعني أن أوكامبو أو غيره من الغرباء أدرى بمصلحتنا و لا هم حادبين على امننا و لا سلامتنا ولا ما سيؤول اليه حالنا بعد البشير .. و كذلك ليس البشير هو المراد بل الهدف ابعد من ذلك و لكن شاءت الأقدار أن يكون هو المدخل لأعاده إحتلال الأمه ثقافيا وعسكريا و ماديا..
أيها المثقفون .. لا تحلموا بعالم سعيد يأتي من وراء تلك المؤامرات.. و لا يغرنكم الحديث عن الحريه و الديموقراطيه.. فأنتم لست بأعينهم سوى أغبياء مفيدون و ستأتي لحظه التخلص منهم حال إنتهاء اللعبه ..
لا يهم البشير أو غيره المهم هو السودان
الزووول : حياك الله .. وقبل ان تستعجل نقول لك :
* البشير ده ما كاتب شيك لاوكامبو عشان يمشى يفتح ليهو بلاغ فى الاوسط ويسوق بوليس ويجى يقبضو من بيتم فى كوبر حى عمر المختار !!!ويكون اليوم خميس ويقعد خميس وجمعه وسبت لمن يجى وكيل النيابه ويرحلو للانتظار !!!
* انى لا اخشى على السيد الرئيس من شعبه فشعبه بغض النظر عما يعانيه هو شعب ينتظر الان لحظة الوفاء مقابل (صبر وجوع وجهل ومرض ) . بل اخشى عليه من جماعتو البياعين ديل ذاتم ..
وجاييك مع اختلافى معك فى نصف ما سقته من كلام بس نصك التانى حلو ..
اوكامبو
والعالم
لا ينظرون الا بعين مصالحهم فقط ومصلحة الكيان الصهيونى … وتفكيك السودان بدا باتفاق نيفاشا ولم ينته ما لم ننتيه ونتوحد
والامل فى وحدة كبرى بين جميع المسلمين
الاخ الزووووووول…..
الاخوة الاعزاء…..
بان كى مون واسيادو ذى ما قلتو دايرين السمينة ومحاصرة الاسلام الاقتصادى والتكنلوجيا الاسلاميه فشان نفضل اسواق دائمة لمنتجات اجيالهم ومصدر رخيص للمواد الخام التى تستخرج بمعرفتهم وشركاتهم ودفع قيمه رمزيه لقادة البلد ينغنغوهم بالقصور والطيبات ويدفعوا للشعوب الفتات عبر المنظمات وافريقيا كانت وما زالت تعامل بهذه النظريه ويرفض الغرب صحوة الشعوب والتى بالتجربه اخطر الصحوات هى الصحوه ذات الطابع الاسلامى والايام اثبتت صحة مخاوفهم فى ايران وحزب الله وحماس وتركيا التى تسير بخطى محسوبه………
البشير يا الزووووووول عمل بالقوات المسلحه جنديا مخلصا وعانى بسبب تمسكه بنهجه الدينى وجاء للرئاسة من مناطق العمليات فى وقت فقدت القوات المسلحه ابسط المعدات (الذى العسكرى)وكانت ملابسهم العسكريه ممزقه والتمرد يتمدد حتى قيسان والكرمك وهم يناضلون بشرف العسكريه السودانيه ووفاء السودانى…..
البشير احتسب شقيقه عثمان وكثير من ابناء عمومته ورفقاءه ولم ياتى للحكم على دبابة الخيانه كما فعل كرزاى وغيره وتراس الحكومة بايمان وصدق (على ذمة منظرى حزبه) فهو صادق او نحسبه كذلك فان حاد الساسة لمطامعهم فذلك ليس العهد الذى قطعه معهم وظل صادقا شجاعا امينا واضحا وقد تغلبه احيانا معطيات الواقع فيناقض قول الدولة فعلها على لسانه ولكنه يميل حيث حيث العزةو الرفعة والسياده لوطنه……
علينا ان ندعو الله ان يهدى بطانته ويوفقهم لسواء الطريق اما البشير فهو سودانى سودانى ..وهذه سوف تحميه وتفديه…
الاخوه سهيل ود الخلا ابو المنذر سلااام
افليقا انت بجيك براك بعد ما تورينى الحاجه الما ظابطه معاك .وحمدا لله على سلامتك . تلفونك الليله مقفول والبارح ما بترد الظاهر مشقول(بالقاف) .
الجماعه التانين :
يجب ان نؤكد ان اوكامبو واعوانه ورؤسائه لا يريدون لنا وبنا خيرا وان البشير قبل ان يكون رئيسا هو مواطن سودانى واخو اخوان وطلاق ما نسلمو لاوكامبو وخليك من دا زى ما قال هو لن نسلمهم كديسا .
بعدين يا ابو المنذر برضو اذكرك انو قبل وصول البشير للسلطه اكل العسكر فى الجنوب اوراق الشجر حتى تقرحت اشداقهم .
ولا ننسى تهكم جون قرنق من الحكومه الديمقراطيه التى وصفها بانها مثل الشخص الذى لا اسنان له . ولا ننسى قصة حقارة الجيش الشعبى بسلاح المظلات و……. و…….
محنك :
تعتبراتفاقية نيفاشا هى اسوأ اتفاقيه منذ ان خلق الله الارض ومن عليها الى يوم التاسع من يناير المشؤوم ذلك انها اعطت الحركه الشعبيه عطاء لا تستحقه حيث جعلت كبار متمرديها وزراء بينما يجلس كثير من الوطنيين (ما ناس المؤتمر ) على الرصيف . كما اعطتهم اموالا من حر مال الشعب السودانى الذى قاسى وما يزال يقاسى .كما انها فتحت الباب امام الاتفاقيات من بعدها حيث عاد (المناضل ) منى اركو مناوى كبيرا لمساعدى الرئيس وهو غير مؤهل تماما للمنصب لولا نيفاشا .
حتى خليل ابراهيم يطالب فى الدوحه بان يصبح نائبا للرئيس ودا كوووولو من نيفاشا .
الزووول : من حديثك الاخير يشتم ريحة عنصرية غريبه جدا لا تشبهك !! ولا بقت تشبهك ما عارف واقول ليك كيف :
الجنوبيين بقو وزراء بينما الوطنيين فى الرف !!!! الوطنيين ديل شماليين ولا جنوبيين ؟؟؟؟
حتى خليل يطالب بمنصب نائب رئيس !! انت مستكتر نائب دى على خليل ولا العرق البينتمى ليهو ؟؟؟
تعرف يا زووول انا اكتر حاجه باسطانى فى البيحصل ده شنو ؟؟؟
هى انو الناس بقت تعرف حقها وين وعند منو واتمنى ان نشهد احدى الحسنيين :
يا كل ناس اقليم يراسو اقليمم ولا كل ناس اقليم عندهم رئيس فى المركز
من هنا ستبدا المساواه التى نادى بها الاسلام – ولا المساواه هى ان يحكم الشمالى الجميع ويطيع الجميع الشمالى ؟؟ فى عدل ومساواه …
اما موضوع الجنائيه فانا قلت فيهو قولى زمان ولو داير اكرروا ليك هاك :
انا كمواطن صبرت وتحملت الجوع والمرض والجهل والاذى وتجاهل الحكام وقهرهم لشعبى بنفس اصالة النفس وكرم التربيه لن اقبل مش تسليم الرئيس لن اقبل لو جا ناطى حرامى فى بيتنا واستجار بى اسلمو لى ناس البوليس تعرف ليه عشان الحرامى ده يحس بى انو الناس البيسرقهم ديل ما بيستاهلو السرقه ويعرف حالم تعبان كيف !!! والمعنى واضح …
اما شخص البشير فما يربطنى شخصيا به لا يربط حتى اقرباءه من الحوش ولا اذيد …
الزووول : من حديثك الاخير يشتم ريحة عنصرية غريبه جدا لا تشبهك !! ولا بقت تشبهك ما عارف واقول ليك كيف :
الجنوبيين بقو وزراء بينما الوطنيين فى الرف !!!! الوطنيين ديل شماليين ولا جنوبيين ؟؟؟؟
افليقا :
ليس فى حديثى عنصريه بتاتا وما اعنيه ان مؤهلات مناوى وخليل هى ضرب قريه قريتين وقتل ميه ميتين نفر فقط ولا علاقة لحديثى باصولهم وقبائلهم .
قبل نيفاشا كنا لا نعرف من اى بلاد الله حاكمنا ووزيرنا او على الاقل لا نقيم لهذا وزنا . حكمنا جوزيف لاقو ابان حكومة نميرى وحاول الشيعيون الاستيلاء على السلطه فدفعوا بجوزيف قرنق واخوانه من الشماليين . ثم جائتنا الانقاذ وفى كابينة قيادتها جلس كاربينو كوانين ودومنيك كاسيانو ومارتن ملوال وابراهيم نايل ايدام ومحمد يوسف عبد الله وعثمان محمد يوسف كبر ونافع على نافع وعلى عثمان وغيرهم فلم يقل احدنا بغم ولم نقل سيك ولا ميك لكن ان يكون الوصول للسلطه على تخريب القرى وقتل الابرياء فهذا ما لا نرضاه حتى وان جاء من رجل ينتمى لقبيلتنا واعتقد ان افليقا يوافقنى الراى .
كسره : الوطنيين الذين اعنى لا قبيلة لهم ولا جهة لهم تميزهم غيرتهم على بلدهم ويفضل ان يدينوا بالاسلام .
((رف يا زووول انا اكتر حاجه باسطانى فى البيحصل ده شنو ؟؟؟
هى انو الناس بقت تعرف حقها وين وعند منو واتمنى ان نشهد احدى الحسنيين :
يا كل ناس اقليم يراسو اقليمم ولا كل ناس اقليم عندهم رئيس فى المركز
)).
لماذا الجهويات بدلا من المطالبه بالتنميه المتوازنه لجميع خلق الله استصحابا لقولة عمر بن الخطاب لو ان بغلة عثرت بالعراق لخشيت ان يسألنى الله عنها لم لم اعبد لها الطريق .
“الناس بقت تعرف حقها وين وعند منو واتمنى ان نشهد احدى الحسنيين”
إنت يا أفليقا .. الناس حقها دا وين ما مشكله .. لكن عند منو ؟ عند اولاد الشماليه؟ ..اي حاجه بتحصل في البلد دي سببها ناس الشمال و لا شنو .. طيب مدام كدا الناس برضو مفروض تحفظ لأهل الشمال الجميل من إستقلال و رفع العلم و السيادة و التعليم و العلاج .. ياخ الناس ديل ماكانو بعرفوا الرغيف.. و كانو حايمين عرايا.. و ما بيعرفوا يكتبوا أساميهم .. العلمهم منو ؟ أوكامبو ؟
على كل أهل السودان الوقوف إجلالآ و عرفانآ لأهل الشمال لأنهم هم من أوجد السودان بشكله الحالي بخيره و بشره.. و برضو نستاهل أنحن.. و زي ما قال المثل ( الحسنه في…………)
افليقا سلااام
سهيل سلاااام
اها يا افليقا اخير ليكا كدا .
سهيل بالله اديهو تانى من الكيس ووريهو المكشن بلا بصل .
زووووووول لك التحية/
الشي الوحيد بعرفة في الموضوع دة انو البشير قال:____
أن أي قرار تصدره المحكمة الجنائية لا يعني السودان في شيء لان هذه المحكمة ليست لتحقيق العدالة وإنما هي آلية سياسية أوروبية أمريكية لإعادة الاستعمار إلى إفريقيا_____
كسرة / انا مابفهمش السياسة______
يا جماعة كدى روقوا المنقة شوية لأنو فى شوية لخبطة أنا ما قادر افهمها.. هل الزووووووول …والمدعو زوووووووول شخص واحد ولاّ فى شخص جديد أسمو زوووووول ..التعريف بالألف واللام عملوهو عشان نفرق بين النكرة والمعرفة .
إنتو لاحظتو الحكاية ولاّ أنا راكب غلط يا شباب ؟ أنا عارف حسه سهيل ينط لى فى حلقى ويطلعنى ما ناقش أى حاجة ( ألحقو عمكم السلاوى – معليش يا جدو ..وهلمجرا ..) .
أما فى موضوع أوكامبو دة المسألة واضحة جداً ومسيسة جداً والمستهدف هو السودان كلو ..ولو إعتقال ومحاكمة البشير بيحل مشكلة دارفور ..نحنا ما عندنا مانع إنو يمشى المحكمة .. لكن دة مش حيحل الشكلة بل حيزيدها تعقيد أكتر مما هى معقدة ..والإستعمار الناعم شايف شغلو تمام ..وربنا يستر من المسخبى فى الغيب ..وقولوا يا لطيف .
حاج السلاوى سلاااام
اولا بالتبادى قول كه
يا اخ الزوووووول وزووووووول دى زى سلاوى والسلاوى فما تعمل ليكا منخوليا .
كسره : يديك العافيه وكثر الله من (الوطنيين ) امثالك .
النونو سلااام
شكرا على المرور ويكفى ان تكونى مع السودان ضد اوكامبو ومعاوناته !
ياالزووووووول …ويا زووووووول
أها ..كه … فى حاجة نقولها تانى ؟
زووووووول/اليوم الغداء مكشن بلا بصل
المقادير/ زيت / يصل/ مكشن/ وتوابل
الطريقة/ نضع قليل من الزيت في الاناء يضع البصل المكشن في نار هادئة تم تضاف البهارات ثم بعد ذلك تخش في الموضوع تااااكل ماتدي الجنيك
بالهناااااااااااااااااااا…………….
كسره أولى : ياعمنا حاج احمدالسلاوي عشان الشغلانيه ما تكون مطوله في قصة الحقوا عمكم فقد تقرر الإختصار ل( ا ع س) حفاظآ على الزمن الماعارفين نكتلو كيف ( و لا نسلمو اوكامبو احسن)..
كسره في النص: حمدلله سلامه (عواطف) د. عزت و ربنا يطمنكم عليها فهي إحدى أمهات المدونين ” هسي ينط واحد يقول لي قاصد شنو “.. ربنا ينتعها بالسلامه لتعود الإبتسامه لآل ياسر ( ما قاصد حاجه) ياسر دا أخو محمد و عصمت.
كسره قبل الأخيره: إنتو يا أخواننا أفليقا دا الرفع ليهو السكري منو .. يكون ود الزبير ياربي.. غايتو ما أنا..
آخر كسره : يالزووووووول عارف خليل إبراهيم قال شنو في المطالب بتاعته.. قال إن كل واحد من النازحين الفور يجب أن يتم تعويضه بمبلغ 10.000 يورو و كذلك أن تقوم الحكومه بتشيد منزل موصل بالغاز لكل فرد من الفور.. هلا هلا يا الغشيم البلد دي كان فيها قروش قدر دا … كان سمعنا بالزيك ديل من أصلو..
لك الله يا شمال الوادي
هديه لكل مناضلي الضل البارد
(
تل أبيب- د ب أ
زار زعيم إحدى الجماعات المتمردة في إقليم دارفور السوداني إسرائيل مؤخرا لحشد الدعم “لكفاحه ضد الحكومة السودانية”.
وذكرت صحيفة “هآرتس” الاسرائيلية على موقعها الإلكتروني، الاثنين 16-2-2009، أن زعيم حركة تحرير السودان عبد الواحد محمد أحمد نور، التقى خلال زيارته لإسرائيل برئيس مكتب الأمن السياسي في وزارة الدفاع الإسرائيلية الميجور جنرال احتياط عاموس جلعاد، إلا أنه لم يلتق بمسؤولين من وزارة الخارجية لأن زيارته ليست رسمية.
وكان نور وصل إلى إسرائيل في وقت سابق من الشهر الجاري، بناء على مبادرة شخصية منه للمشاركة في مؤتمر هيرتزليا، يرافقه مجموعة من اليهود الأوروبيين معظمهم فرنسيين مهتمون بقضية دارفور. لكنه لم يتحدث في أي من جلسات المؤتمر، وإن كان حضر العديد منها.
وخلال المؤتمر تم تقديم نور إلى جلعاد ورتب الاثنان للقاء عقد بعدها بأيام قليلة في وزارة الدفاع.
يذكر أن حركة التحرير تأسست عام 1992 كجماعة علمانية مناهضة للحكومة المسلمة للرئيس السوداني عمر البشير. وتقول إن هدفها الأساسي هو تحويل السودان إلى دولة ديمقراطية، تضمن حقوقاً متساوية لكافة مواطنيها. وللحركة جناح
عسكري يقاتل القوات الحكومية في دارفور منذ عام 2001.
وفرّ نور إلى فرنسا عام 2007 ولم يعد للسودان منذ ذلك الوقت. وسبق أن دعا إلى إقامة علاقات دبلوماسية بين السودان وإسرائيل، كما أعلن، العام الماضي، أن حركته ستفتح مكتبا في تل أبيب لمساعدة اللاجئين السودانيين الذين وجدوا في إسرائيل ملاذا يحميهم من العنف الدائر في دارفور.
وتستضيف إسرائيل حاليا أكثر من 600 لاجئ دارفوري، وقررت حكومة رئيس الوزراء إيهود أولمرت منحهم حق اللجوء وتصاريح بالعمل.
وذكرت “هآرتس” أن الحكومة السودانية اعتبرت، كل من تطأ قدمه أرض إسرائيل “عميلا للموساد”ومن ثم فسوف يقتل فور عودته أو عودتها إلى السودان.)
ود الزبير ثرو الزووول ثرو الجميع :
اسمحو لى ان اخرم بالحوار قليلا ما بعيد من الموضوع لكن فى نفس الاطار برؤية مختلفه :
اللجوء للعدو بين نظرية المستجير من الرمضاء بالجمر وبين الخيانه والعماله المسبقه .
بالنظر الى السودان ووضعيته كدوله ليست من دول المحور التى تجاور الكيان الصهيونى يمكن تصنيف السودان بالعدو المعنوى لليهود حيث نشطت على مر العهود منذ الاستقلال دعوات المناصره للقضيه الفلسطينيه من مختلف الجماعات والاحزاب ولن تجد حزبا سياسيا واحدا ليس ضمن اجندته الخارجيه نصرة القضية الفلسطينيه .
لكن القارئ الحصيف يجد ان الحكومات التى تعاقبت على البلاد لم يرد منفسو اى منها تصنيفا وطنيا واضحا للعماله وحدودها وشواهدها حيث برتبط العماله فى عرف اى حزب من احزابنا السودانيه بالخروج على ثوابت الحزب فقط وبما اننا لم نستقر سياسيا ونتواثق منذ استقرلنا على مبدا ثابت يعرف العماله ويوصف حدودها ظلت مسالة العماله والارتزاق رهنا لمبادئ الحاكم .
وبما ان مناهجنا الدراسي لم تستصحب مسالة التربيه الوطنيه المختصه بما هو قومى وما يمثل امنا للوطن فى مصالحه العليا ظلت هناك ضبابية فى تعريف الوطنيه والخيانه ..
ان الاقرار بان جهة ما لا تربطها علاقات بالعدو الصهيونى امر لا بمكن البت فيه فى زمن تغيرت فيه واجهات العدو وصار العدو يمشى بيننا يتنفس هواءنا ولا نحس به . بل ربما تدعمه يوميا فى حركاتنا وسكناتنا دون ان ندرى !!!
عليه قبل ان يتم التوافق عل ما هو وطنى وما هو شخصى ودون التوافق على حدود لامننا القومى الذى هو بالاساس رهن لمتغيرات الساحه السياسية التى تتشكل كل صباح بمتغير جديد وقبل الخروج برؤية واضحه تحدد ما يهدد امننا القومى كشعب ومكتسباتنا كامه تشمل مختلف العقائد والاثنيات والانتماءات لن يكون هناك مطلق فى دنيا العماله او الوطنيه ..
فما نراه اليوم عماله قد نراه غدا نضالا ودونكم ما تغير منذ الاستقلال وحتى الان انتهاء بالحركه الشعبيه فى الخرطوم وغدا عبد الواحد فى القصر !!!
دعونا كشعب لا نتعجل الحكم على الاشياء فالجاهل من ظن الاشياء هى الاشياء …
وجاييكم ..
اها جيتكم تانى :
دعونا نتفق على الاتى اولا :
حين يحس النوبى بحوجته الماسه لدولة كوش وعظمة اجداده الذين فقأوا عيون الصحابه حتى سميو برماة الحدق فهو بالتاكيد لا يحن لفقئ اعين الصحابة الجدد بقدر ما يتذمر من عهد الصحابة الجدد الذين ذكروه بمقاومته للصحابه القدام رضوان الله عليهم .
وحين يبحث الزغاوى عن دولة الفور القديمه ويلجا الى اسرائيل لتحميه من اهله فهو بالتاكيد لا يبحث عن هيكل سليمان المفقود بقدر ما يبحث عن لقمة عيش هانئه وامن وسلام فى ظل الحيكومه الحاليه .
وحين يبحث من يبحث عن ماضيه فهو بالتاكيد قد كفر بحاضره وقنط من مستقبله القادم .
الاصل فى الاشياء هو رعاية الدولة لمواطنيها بحيث يتمتعون بكامل حقوقهم غير منقوصه وبحيث تسد الدوله كل الثغرات التى من الممكن ان ينفذ برها من يريد بالبلاد سوءا ..
اها اتفقنا على ديل اول عشان نواصل ولا لا ؟؟
افجخ ابنص صاجه.. اها و بعدين ؟؟
ود الزبير سلااام
الله يخدر ضراعك يا ود الزبير وعمالة هؤلاء يعرفها القاصى والدانى .
افليقا سلااااام
يقول افلى (اسم الدلع حسب اب احمد ) ((دعونا نتفق على الاتى اولا :
حين يحس النوبى بحوجته الماسه لدولة كوش وعظمة اجداده الذين فقأوا عيون الصحابه حتى سميو برماة الحدق فهو بالتاكيد لا يحن لفقئ اعين الصحابة الجدد بقدر ما يتذمر من عهد الصحابة الجدد الذين ذكروه بمقاومته للصحابه القدام رضوان الله عليهم .))
انا غايتو يا افليقا ما موافقك على الحته دى لانو عندما يحس النوبى بحوجته لدولة كوش ((الكلام القلتو بخصوص فقع العيون دا انا ما اقدر اعيدو اى زول عندوا رغبه يقراه يرجه لتعليق افليقااو الكوبى بيست فى تعليقنا ) .
طيب اى نوبى يحس بحوجته لدولة كوش واى فوراوى ولا زغاوى يمش اسرائيل دا عندو رغبه فى السلطه وما عارف يصل ليها كيف وعندو رغبه فى شئ من الثروه وما عارف ليها درب . وفشان كدا يروح يقلب دفاتره ودفاتر اجداده .
اها يا افليقا ال نقول الاجداد ديل رجال وحمشين تب بس هم عملوا (مجدهم ) دا بمجهوداتهم الفرديه وما مشوا للدوله البيزنطيه وكدا . وعشان كدا مفروض يكون هذا الشبل من ذاك الاسد ولا شنو يا سهيل ؟
تانى حاجه العماله لا علاقة لها بمخالفة ثوابت هذا الحزب او ذاك وارجع الى تاريخ السودان حيث لم يوصم بالعماله الا من ثبت تنسيقه مع جهات خارجيه لضرب مصالح البلد التى لا يفرق الكثيرون بينها وبين مصالح الحزب الحاكم .فماذا تقول يا افليقا عن رجل يحرض الاميركان على ضرب مصنع الشفاء والجديد الثوره والمسعوديه وجياد وهى مصالح للبلد الطيبه ولشعبها الفقير ؟ هل تجد وصفا غير العماله يناسب هذا الرجل ؟
وماذا تقول عن رجل ضرب ام درمان وقتل اهلها وضرب مآذنها ومكاتب الكهرباء فيها ؟
بماذا تصفه يا افليقا ان لم يكن عميلا ؟
كسره : لا علاقة لوصف هؤلاء بمخالفتهم لثوابت الحزب الحاكم على مدار تاريخ السودان . فمخالفوا ثوابت الحزب الحاكم كانوا وما زالوا يعيشون امنين مطمئنين فى بلدهم وفى وظائفهم وفى متاجرهم منذ الازهرى وحتى البشير .
وجاييك تانى يا افلى
الزووووووول وافلى..سلامات..
والله يا زوووووول يا اخوى انا مع افليقا فى كل كلمة قالها,,الجماعة ديل ما بستاهلوا الزول يقيف معاهم,,لانهم ناكرين جميل وما قدروا الشعب الوقف معاهم عشرين سنة..ياخى هو فى رئيس فى بلد يدعى الديمقراطية بيقعد 20 سنة!!! وهم ما قالوا عندهم دفوعات قانونية,,ليه ما قدموها؟؟ ولا هى جعجعة على الفاضى !!!
انا ما مع او ضد التسليم,,بس البفتح خشمو ويتفشخر يبقى قدر كلامو,,والما عندو شعر ما يمد رأسو للشبال..
سهيل..روق المنقة يا حبيب..
قلت لي امريكا عدو السودان اللدود؟
http://articles.latimes.com/2007/jun/11/world/fg-ussudan11
ودي كانت ايام بوش، مابالك ايام اوباما :]
مسحت ردي ليه؟
نور بيتعامل مع الاسرائيليين .. ناس صلاح قوش قعدين يتعاملو مع الامريكان.. فرقت يعني؟
قبل كم يوم في الجرايد اتنشر كلام للاهبل نائب رئيس المؤتمر الوطني، نسيت اسمو .. المهم.. قال انو “تلاتة نساوين” مستحيل يأثروا على امة كاملة.. بالله شوف العباطة.. طبعا هو قاصد التلاتة قاضيات الوكلتهم المحكمة الدولية بخصوص عمر.. كانو التلاتة نساوين ديل حيتصرفوا كده من نفسهم ويحكموا.. الناس ديل بقوا سياسيين كيف يا ربي؟