اتابع منذ فترة اعلانات المحاكم بالصحف ولشد ما تاسفت لما فيها فهى تعكس حال البلد الذى وصل اليه الناس فى السودان ادناه مختصر مفيد والتعليق متروك لكم :
صحيفة الصحافه الصادرة الاثنين 7 اغسطس بها عدد 9 اعلانات محاكم كالاتى :
.. ضد … طلاق غيابى .
.. ضد .. نزاع حول ارض .
.. ضد .. نزاع حول ارض .
.. ضد … نزاع حول ارض .
.. ضد .. طلاق للغيبه .
.. ضد … نفقة زوجيةوعلاج ابناء وطعام ابناء .
.. ضد .. تنفيذ مديونية سداد .
.. ضد .. تنفيذ مديونية سداد .
.. ضد .. نزاع حول ارض .
دى جريدة واحده ليوم واحد بس ونموذج !!
فى شنو يا ناس ؟؟
يا ربى يكون مما كسبت ايدينا برضو يا ود الخلا ؟؟
التعليقات
سوداننا 
أفليقا سلام
الظاهر عليك ما قلبت الصفحة
ولد يقتل صديقه
رجل يخرم أذن زوجته
ابن يذبح والده
كمساري يطعن راكب والسبب الباقي
….
….
الله يجازي الكان السبب
اللهم ألطف بنا
عزت : سلام وتحية رمضانية .
والله بعد ما داير ابدا بالحوادث قلت ابدا بالمدنى بعدين الجنائى !!!! شكرا للمرور الراقى .
قرن شطه : مطلوب حضورك لهذا البوست فورا فهو يتعلق مباشرة بعلم الاجرام والدوافع التى تخلى :
الابن يقتل اباه
والزوج يمنع زوجته من النفقه
والزوج يغيب عن الزوجه
والاخ ياكل واطات اخوه
عزت تانى : رجل يخرم اذن زوجته دى حلوه تكون سماعه اذن شر ؟؟؟ اها قول وقف الاضان من السمع حيوقف الخشم من قول السمعتو الاضان فى الميمورى !! فى نسوان الشمار كان كتبو ليهن بى طريقة برايل ما بخلنو !!
افليقا سلامات
انت لسع بتسال من الحصل شنو فيك الخير الحاصل (لا عين رات ولااذن سمعت ولا خطر على قلب بشر )
اصلا مماممكن نتخيل في يوم ان يكون حال السودانين بالطريقه المشينه دي لكن نقول شنو الله يجازي الكان السبب
ياافليقا بقى السوداني المعروف بالامان والشهامه والرجوله ونصرة الضعيف من الماضي السحيق
وزى ما بقول المثل ( تدي حقك منبطح تشيلو بالنطح )
كنت اظن اني الدرويش ولكن اصبح كل من لاقرأ بين السطور معي في مركب الدهشة والتحديق، كيف لا يكثر بيننا كل هذا ونحن في ظل التمكين سنين عددا وهم يتطاولون في البنيان وينكحون مثني وثلاث ورباع .. و ما خفي كان اعظم وما خلا لنا كان اظلم
افليقا
انت البيهجمك شنو ؟ شوية القضايا والبلاغات اللى فى الجرايد دى — اصبر ياراجل ياما حتشوف بلاوى متلتلة اسوأ واضل من دى — وياقول جماعة الحفلات – مازال الليل طفلا يحبو –