البوست برعايه الغبشه وسترايكر
المعني في بطن الشاعر
قال ليك البنات الأيام دي عندهم قول ماثور في مواصفات بعل المستقبل ولخصنو في قولهن ( بيت ملك وعربيه كلك )
آها لو الزول سايق آتوس ما بينفع ولا سايق أمجاد كيف ولا ما سايق كلو كلو كيف ؟؟ ولو عنده بيت في الثوره الحاره مائتين وعشرين ولا في الجغيص ولا في عشوائي قاموا كتلوا ..!!ولو ما عنده بيت من أساسوا كيف ؟؟ أسئله ليست للإجابه في زمن العرس الصعب
سوداننا 
يعني يا ود الزبير كلام ناس (زكي عبد الكريم) دا الشباب يخللوهو…..
أميرة الشباب يا السمحة أنا جايك عريس
بي كتب الكتاب يا الملكة مهرك مو رخيص
عارفك جميله وزايده في البنوت حلا
المال عليك يا غالية أبداً ما غِلا
لكن ظروفنا القاسية كيف بنبدلا
فاضل وحاتك بس نفوس مدللا
من قلبي دايرك ليّ شريكه وأم عيال
لكنو قربك ليّ بعيد صعب المنال
يعجبني فيك لو قلتي أنا ما دايره مال
وأصلو العرس بالفاتحة يا ناس ما حلال
بت المدن يا الواعية يا الدارسة الكتاب
غلا المهور حاربيهو ما تخليلو باب
إتمنى خت الحنة وأعرض في السحاب
وأرقّص بنات حلتنا دايرات الشباب
عايش وحيد بلدي فيها الحور بنات
عاشق جمال بنوتنا سمحات الصفات
قولوا خير باركوا العرس يا الأمهات
على الشباب خايف يفوت فيهو الفوات
________________
كسرة:
على فكرة تصادف حضوري لزفاف بنت المغني (زكي) على واحد من أهل زوجتي ورأينا فيهو أكثر من الفاتحة….. ههههه ههههههه
يا عزت
الفاتحه ما كعبه لكن كمان لازم تساعدها بالكلك والكاش البيقلل النقاش
الكليك عندك والبيت الملك عاد الناقصك شنو؟ راجى شنو؟
راجي ثورة التغيير التي يقودها الشباب طبعا”،،
فقد مضي أمسه، ويرنو لتلك الثورات بأمل أن تشتعل في ضرام، فهو من غير الحكومة حطااااااام!!!!!
ياتو حكومه يا ود الخلا
أفرز ؟؟
الغبشه
راجي عبدالعاطي
ود الزبير والباقيين .
سلامات .
زمان الامانى دى الزول بيكتما فى قلبو لكن مع ثورة الانفتاح صار الناس يجهرون بأمانيهم (طاحونة ومرة مجنونة ). يعنى كانت الطاحونة أمان من الفقر بل وأكثر من زلك فهى مصدر ثراء سريع فى زمن الكسرة .أما المرة المجنونة مقصود بيها المرة المرحة المشوطنة وليست ذات المرض النفسى .فهذة قمة أمانى الشباب زمن النجمة أم ضنب
بيت ملك وعربية كلك تبرز فيها معانات الشباب فى الحصول على مأوى ولو بالايجار والعربية لزوم البكش .
مالك يااااااخ…
حنين يا حنين قلت لي طاحونه ومره مجنونه
آها رأيك شنو في يسكنك الصافيه ويديك مره دافيه ( ما عارف دي مرا ولا بوتجاز )
ههههههههههههه
دى فرن وبوتجاز وسخان كمان يا ولدنا.
بالله يا حنين أنت من زمن النجمة أم ضنب، وعمك دااااك من زمن السيدة لا فايتانا وين مستعجلا، كانت أياااااااااااام يا ولدنا!!!!!!!!!!!!
انت ياستاذ مسمعت قصة الغنماية دى جنت ولاشنو..؟
البنات ديل كانوا قبل شويه كانوا بقولوا راجل مره وتتطور الامر تعال تعال ابوى بملابسك ..
اسع ديرين كلك وبيت ملك .. حرم بعد شويه ضل راجل ماحيلقوا ..
فى العادة تجار الجملة عندما يكون لديهم كساد فى سلعة ما بقدموا تنازلات عفوا تخفيضات قد تصل الى 50% من قيمة البضاعة دا اذا ماكسروها.؟
دحين البنات ديل قدموا ليهن النصيحه كان اوعن حبه.
وربنا يكضب الشينه.!!!
شكسبير
يرتفع سقف المواصفات المطلوبه فى البعل إلى حد كلك وبيت ملك ثم يتهاوى إلى أى حاجه فيها شعر و ريحتها سجاير
كسره
بمناسبة ظهورك الميمون نسأل الله أن يرد غربة السلاوى (للموقع بس)
ودالزبير والمجوعه
الف تحيه وسلام
وين ناس الكريسدا السمحه وسمح سيدا
ويامغترب وياود غرب (بس ما يكون من الفصائل اياها)
الكورى حل محل اليابانى واتغيرت الامانى
سلام …
هوووووووووووي ،،، الكلام ده قولوهو لي زيو ما إندو هديده .
الكلام بكتبوهو في القسيمة ولا كلام
بس سقف المطالب للشباب غير كده …
البكر – االعاقل – الرشيد ووووووووووووو
العرس بالفاتحة يا ناس ما حلال حلللللللللللللللليل
نسيت حاجه فى مطالب الشباب
اهم شي تكون ذات مصدر دخل شغل ورثه اى شى يرقع حالتو وما يشيل الحمل براه ………………..الله يعنيهم الاتنيت,………………..
سلام
اذا سادت هذه الثقافة المطلبية سوف يبورن البنات ، لانو انا شايف العندو بيت ملك وعربية كلك من الشباب مابيعرس! مالو ومال كده ، انا بى كلكى وجنى كلكلى وبيننا محادثات آخر الليل الملح
طيب يا اخوانا انا عندي بيت ملك و جيتز ما بنفع؟؟؟