نص النهار، أمام وزارة الخارجية السودانية إدارة التوثيقات .. صف ذو طيات ماشي وبنلوي،
شنو يا جماعة؟؟
الوزارة بصدد منع توثيق الشهادات، عشان كده الناس دي كووولها دايرة توثق
طبعاً الكلام دا حسب ظني وبعض الظن إثم للحد من الهجرة وطفِيش الناس من البلد … لكن يا حكومة ##### بدل تطعني الفيل شخصياً ولا حتى ضل الفيل تجي تطعني أُمحمد ود احمد، أكْـ سوا ليكي شنو هااا الممسوخة.
كسرة:-
في برنامج الثامنة على الـ ام بي سي وان، تقديم داؤود الشريان بخصوص إغلاق الجامعات الأهلية بالسعودية قدم بصورة فجة لأكاديمي سوداني يدرس في بعض الجامعات الأهلية ولكن إقامته بمسمى حداد إنشاءات معدنية .. أها الكلام دا لما كان مسموح بتوثيق الشهادات يا تري بعد إغلاق التوثيق وانعدام العمل في البلد بعد دا الخريجين ما يلقوا إقامة راعي إبل وللا ككيف؟؟
سوداننا 
عنوان البوست يناظر المثل “تعاين للفيل وتطعن في ضلو؟” – والمقصود هنا بالـ وُوُّ (الأسد) أي أن الجرح على الأسد وتقوم بكي الحمار المسكين، أنا دا غايتو نستغرب!!!!!!
ودي بي ياتو لهجة… يا عبدوز
عموما ناس الانقاذ ديل (عفيت منهم) جربو في الشعب السوداني أي شئ ممكن يخليهو يعمل ثورة…. لكين طوالي عامل أضان الحامل طرشا… وما هاميهو
ودائما بحاولو يعالجو الموضوع…. يقفل ليهم الباب بي جاي يجروا يحنسو غفير الباب البي غادي وما في زول بيسأل ليهو قفلتو والا يتلموا عشرة ويكسرو…
دحين يا الحمار المسكين غايتو استحمل
ههههههههههههههههههههههههههه,,جد انا مبسوطة من الحيكومة دى ياخ !
حُمرة عين ولماضة ما حصلت كلو كلو ,,, ودا الخلى الاكاديمى السودانى يطلع بى عقد عمل مضروب ا وتأشيرة بمسمى آخر ,
وقبل شهر فى اتنين اطباء ماتوا فى سمبك وهم متجهين على السعودية , ولك ان تعلم انهم داقين تأشيرة خروج رسميييية لكن تذاكرهم اتاخرت ! فمن شدة الغلب العليهم ما قدروا ينتظروا !
تقول لى (وُوو) يا لولو انت !
والله يا شمباتي بتاعة السمبك دي محزنة