كل إنسان أمنية وحلم وهدف يطمح في تحقيقة ويبعث الامل في وصاله يكمل حياته علي اساس انه سوف يفوز بة.مثل المال-الصحه- الحب –الحرية- الاستقرار –الاولاد-الاهل وغير ذلك….
يري البعض الحياة من منظور المال.
وهو دستور الحياة إن تزخر حياتنا بالامال لتحقيق (احلامنا) يتاوة البعض (آه) لو عندي مال لفعلت كذا وكذا ؟؟
البعض يري الحياة من منظور الْمَالُ وَالْبَنُونَ…
قال الله تعالى: الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَاباً وَخَيْرٌ أَمَلاً {الكهف:46
لكن الحياة من منظور الصحة هي اهم شي يجب يفكر فية الانسان من يفتقد صحته يفقد لذة الحياة لان الملاين لن تفعل له شيئا لوامتلكها خسر وعن أبي الفضل العباس بن عبد المنطلب رضي الله عنة قال رسول الله علمني شيئا ….اسال الله تعالي العافية فمكثت اياما ثم جئت فقلت:يارسول الله علمني شيئا اساله الله تعالي قال لي يا عباس يا عم رسول الله سلوا الله العافية في الدنيا والاخرة( رواة الترمزي) فالعافية تؤمن الراحة الجسدية للانسان فينعم بصحة خالية من الامراض.. الصحة تهون المصائب يستمتع المرء بما توفرة له الحياة ..
الحياة من منظور الحرية هناك هوس لبعضهم ان الحرية(الاكسجين)انها اهم شي في الحياة من دونها لانستمتع بصحتنا او مالنا اوابنائنا لن يكون لحياتنا طعم او لون فهي بالنسبة لهم الكرامة العزة …
البعض يري الحياة من منظور محبة الاخرين يجب ان نتيقن أن كل من نعاملهم من أخ وأخت وابن وزوجة وقريب وصديق لا يخلو من عيب ، فنوطن أنفسنا على تقبل الجميع..
أهمية الأشياء في الحياة بالنسبة الي الانسان بمتغيرات وعوامل عدة منها الفرد نفسة وبيئة اودائرة المحيطة بة اومجتمعة علي اي اساس يختار المرء الاهم بالنسبة اليه؟
وأسال الله لي ولك سعادة أبدية في الدارين ,وفلاحاً دائماً …..
أهمية الأشياء في الحياة بالنسبة الي الانسان بمتغيرات وعوامل عدة منها الفرد نفسة وبيئة اودائرة المحيطة بة اومجتمعة علي اي اساس يختار المرء الاهم بالنسبة اليه؟
وأسال الله لي ولك سعادة أبدية في الدارين ,وفلاحاً دائماً …..
سوداننا 
شباب انشالله ………….
الاريل المرة دة يكون……………….
موزووووووووووووون في محلوا……………..؟
انشاالله الاجواء تكون تمام عشان مايتحرك كدة وله كدة؟؟؟
نونو ..
طبعن كل زول بينظر للموضوع دا من زاوية مختلفة غير البينظروا ليها الناس التانيين ..ففاقد المال يتمنى الفلوس وفاقد الولد والذرية يتمنى الذرية والسجين يتمنى الحرية..والمريض يتمنى الصحة والعافية ..وفى رأيى الشخصى ( المتواضع ) دى أهم حاجة ..لأنو فلوس من غير صحة وذرية وحرية لا قيمة لها لأنو بعض الأحايين بفلوسك ما تلقا الصحة .. طيب شن فايدة الفلوس ؟ نسأل الله الصحة والعفو والعافية والمعافاة الدائمة فى الدنيا والآخرة لنا ولكم جميعاً .
بس ..أجمل صورة فى الصور الفوق دى كلها .. الصورة الأخيرة .. بصراحة جميلة جداً ..ومعبرة ..القلم والوردةالحمراء ( إنتى حكايتك شنو مع اللون الأحمر دا ؟ … دستور يا أولاد ماما ..يكون دستورك حبشى ؟ )وكاسة الشاى ( الفاضية .. كان تخليها مليانة شوية )..الناس ليه دايماً أول ما يجيبوا سيرة الفلوس تلقا الصورة دولار ؟( سيد البلد والعالم كلو .. مش كدا )..
كلمة أخيرة .. الزول ما بيلقا كل شىء فى الدنيا دى ..عشان كدا قالوا القناعة كنز لا يفنى .. اللهم قنعنا بما رزقتنا .. يا قادر يا كريم .
وخليتكم بعافية !!!
nono
السلام عليكم ورحمة الله وبركاته ،كل سطر يجهد سطر ،واعتقد كل السطور مهمة ،بس الانسان لوفط سطر الرماد كال حماد ، ده كلوا مابنفعو ،وقتها مابتلقالك أم سوايا .كما قال عمنا السلاوى أهم أهم أهم شى الصورة الاخيرة لانها تحمل كل هذه السطور فى كلمات وألوان .
نونو : لالالالالا عينى عليك باردة المرة دى بس كملى القهوة عشان يقرو ليك الفنجان ….. زى ماقال كبيرنا وفيلسوفنا الحاج الصحة مهمة جدا (دا كلام ناس فوق الاربعين طبعا) … اتذكرت (الصبانجى) من أغنى أغنياء تركيا ويقال انه كان بسلف الحكومة التركية ( احيانا) وبصات المرسيدس التركية الفى السودان دى كلها من مصنعه مرة فى مقابلة تلفزيونية قال أنا بس لو لقيت زول يخلى ولدى الوحيد دا يمشى ويجرى زى الأولاد التانين مستعد أتنازل ليهو عن نصف ثروتى (ولده مصاب بضعف فى العظام ولا يقوى على الوقوف حمانا الله واياكم) … يعنى لو عندك المال وماعندك الولد كأنك زرعت فى سفح جبل ولو عندك الولد وماعندك المال كأنك زرعت فى صحراء وحكمته بالغة … يعنى الضحاكات والضاحكين لازم يتلازمو … لك التقدير والاحترام
إبداع يا نونو والطبق ظابط تمام وكلام ما فيهو كلام وان شاء الله ربنا يديم علينا نعمة الصحة والباقي بجي كان مد الله في الآجال
نونو
بيقولوا الانساس ما بتملى عينوا الا التراب
وفعلا ناقص المال بيتمناه وناقص الولد بيتمناه وناقص الصحه ايضا بيتمناها
لكن اعتقد ان رأي الاغلبيه يصب في بحر سيادة الصحه لكل العوالمل الاخرى
لانها فعلا لا تقدر بثمن
والمال عرض زائل لكن للأسف كثيرون في هذا الزمان يمكن أن يبيعوا ضمائرهم
في سبيل كسب المال, وحقيقه انا اعتقد ان المال يمكن ان يتجه بالانسان نحو افاق عديده لكنه في نفس الوقت يمكن ان يغره بجاهه وسلطانه ويقع الانسان في براثن الاخطاء والعياذ بالله
وحتى لو حاولنا ترتيب كل هذه العوامل كل حسب اولويته
فأني ارتبها كالاتي:
الصحه…الاهل والولد…الصديق او الخل الوفي(نادر في هذه الايام)…الاستقرار…المااال
الموضوع له جوانب كثيره
وفقنا الله واياكم لفعل ما يرضيه من صالح الاعمال
الصحه ثم الصحه ثم الصحه
بعد دي ممكن تكتب أي حاجه
لو فقدت أي من حواسك مال الدنيا لن يعوضك ذلك الفقد
أقرأ لأي صاحب مال
تجده يبادل كل أمواله في مقابل لحظه عافيه
زي ما قال ود الزبير يا نونو
الصحة اولا وثانيا واخيرا وهي لا تشتري باموال الدنيا
يديك الصحه والعافية والريد الريد كمان
سلام يا نونو
منتى الروعة، و فعلن كما قالوا الصحة بلحيل مهمة عله “الدلالير” برضو مهمة و كمان ربي ما تحرم بيت من الأطفال…..
الخاتمة تمام علة بناتنا عشان ما يزعلوا أقترح وضع “و” قبل الأخوة في سوداننا و تبقى الزهرة دالة عليهم….. يا زهور انتو
عمنا حاج السلاوي
ود الفتيحاب……… التركي……………
ودالخلا ………سماسم…..ودالزيير………..الزهراء ……….. الفكي
ابكروووووووون …………..د/عزت
متعكم الله جميعا بالصحة العافية…..
كسرة/عمنا ود الخلا…….. ماهو أنتي شغالة كويس وماعندك أي عوجة
لييييه ناس سهيل والمعاهو ديل شايلين حالك كدا؟؟!!
انت عارف المشكلة كلها في الاريل مااااااااااااااماشي علي وتيرة وحدي
(الطششششان )
لكين بايناتنا تلفوووووووووووووووووون؟؟؟
الفكفك/ يديك الصحه والعافية والريد الريد كمان
البريدة تاااااااااااايه ياحليل البريدنا؟؟؟؟؟
تاني كسرة/ طبيعة الدنيا زي الموج تجيب وتودي؟
نونو سلاااام
ابدااااااااااااااااااااع حتى الامتاااااااااااااااااااااااااع لكن تبقى العافيه هى اعظم الامنيات كما قال حبيبنا صلى الله عليه وسلم (… سل الله العافيه …الخ ) ومن يتجول فى المستشفيات الخمسه نجوم منها والنجمه الواحده يعلم قيمة العافيه التى لا تشترى بالذهب كما قال صديقنا ابكروووووووون .
لكن برضو كمان منظر الطبله المقفوله دى يخوف عدييييل كدا وعليه نسال الله العفو والعافيه والحريه كمان والقريشات برضو ودى دايرا ليها شوية بنين وبنات وما تنسوا اننا نسأل الله تعالى وقد قال حبيبنا صلى الله عليه وسلم : اذا سألتم الله فاسالوه الفردوس الاعلى . نسال الله ان يجمع لنا الدنيا والاخره وان يجمعنا تحت ظل عرشه وفى جناته يوم لا ينفع مال ولا بنون الا من اتى الله بقلب سليم
ودالخلا
ماتنسي نحن ناس أدبي ساكت قاعدين معاكم هنا
هسه الجدول الدوري بتاعك الفوق ده والذبذبات والشنو مابعرفوا داك أخوك طلع منهم بقد القفه بالله لمن تكتبوا علمي تاني أكتبوا لينا معاني المفردات تحت
سعال صغير
معناة كلامك الفوق داك بالعربي إنو نونو حالتها ميؤس منها
ههههههههههههههههههههههههههههههههههههههههه
صديقى هدهد من اعز اصدقائى وحين افتتحنا اول محل اتصالات ايام التجاره ام دق نصحنى بان اسميه هدهد للاتصالات فكان الاسم تلبية لمعزة صديقى وبرضو ماشى مع المعنى .. وبعد داك تعرفت على صديقتى سبا وهى ايضا من اعز الصديقات وسمينا المحل التانى على اسمها سبا للاتصالات وكان ارضاء لاختنا سبا وفى نفس الوكت متماشى مع مملكة سبا والهدهد ولمن جات سمسمه طبعا المحلات كانت انتهت والتجاره وقفت ( دون ارتباط بين الاثنين ) فقلنا ليها عشان ما تزعل انو هدهد وسبا تيمنا بالاية الكريمه .. صديقى س اصر على ان يسمى محل الحلاقه بتاعو باسم ( مشاعر ) الحنان القديم بتاعو وطوالى المدام بتاعتو بتحكها معاهو فى الاسم وشابكا انا متاثر باغنية ود الامين سالت مشاعر الناس جداول – قامت قالت ليهو طيب ما تسميهو جداول ؟؟؟؟؟
غايتو يا نونو اريلك ده الا يتفك من الاول ويتربط فى النص بالزبط عشان يكون استقبال مزبوط بالملى لا فيهو وطى وعلى ولا شنو يا ابكرون ؟؟؟ هناك الله بالدار واعمرها بحسك ..
غطت عاصفة من الغبار الأحمر هبت من مناطق العاصمة(الخرطوم) وتسببت في حدوث فوضى في خلل في اريل( نونو ) وأثارت الرعب في نفوس السكان وتراجع معدل الرؤية البصرية بشكل كبير لدرجة أن مبنى( برج البركة) اختفى عن الأنظار ؟؟؟.
كسرة/اللهم اجعلووووو خير!!!!؟؟؟
اللهم حولينا لا علينا
سلااااام لاهلنا الكرام
نونو : سلامة العودة
طبعاً الطششششان ما معانا عشان الخطرفة بتكون كتيرة وما نقدر نقول ليك اي حاجة تقومي تجهجهي طشششانك يزيد اصلك علي الهبشة ولا شنو. برج البركة قاعد في مكانو وحافظين الاتجاهات البتودي ليهو بس اثبتي انتي ما تخلي برج من دماغك يطير علي قول المصارنة وتاني يحلها الشبكها .
وخليك حاضرة واوعك من الطششششان والغياب وخالد شقوري بيقول خليك حاضرة طوالي عشان يبقى بعد الحضور دا لسان حالك وتلمي في الاريل الثابت
،،،،،،،،،،،،،،،،،،،،،،،
تعال يا العمرو ما غبا
تعال أنا وأنت في عينيك من عينيك نتخبا
تعال أشواقي ما قدرت تقاوم نسمك الهبا
كان جيتك تكون أروع زمن دابو الحرف تبا
زاهية الدنيا بالأفراح ولسة أساي ما تبا
وكنت دخرتلك غنوات عشان أحلامنا تتربا
كفاك طول الأمـل يا ليـل
أخير تديني باقي الحيــل
قبل يجرف هواي السـيل
وألم في العمــرو ما غبــا
معاك ببني المشاعر بيت
معاك بحلف بقـول غنيت
ولا بندم وأقول يــــاريت
ولا بالجــــــــاي بتنبـــــا
سمسة كيفك بركه الفي الطلة
يااااااااااااا هليتي فرحتي قلوبناااااااااااااااااا؟؟؟
خلااااااااص ياناس الوصااااااااااااايا العشرة؟؟؟
القاة منكم وله من الاريل؟؟
سمسمة/خليك حاضرة طوالي عشان يبقى بعد الحضور دا لسان حالك وتلمي في
الاريل الثابت؟؟
هسع خالد شقوري بيقول الشعر دة بناء علي طلب افليقا ونونو؟؟؟؟!!!
العزيزه نونو
حقيقه انتي محظوظه فقد جاء تشخيص حالتك من كل التخصصات
من النواحي الكهربائيه ومن النواحي الشبكيه والتردديه الاتصالاتيه البحته
والنواحي الميكانيكيه واخيرا سمسمه جابت ليك علاج ناجع بابيات من الرائع شقوري
تبقى تشخيص الدكتور شمباتي وفي النهايه الناس توصل لنقطه مشتركه لعلاج حالة الطششان دي
الى دلك الوقت كل ما تحسي بزغلله في العيون اديها جرعة ريده شويه ماااكتير وبقول ليك يانونو
وحياة الأحلام القلبي سقاها
وحياة أجمل بسمة عرف معناها
وحياة سمر اللون وحاة محياها
وحياتك
وحياتي عندك
وحياة حبي
النهار صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
انتي يا نونو مشكلتك دي مشكلة power
نونو :اها دا شنو ياحبيبة القصة ما واضحة لي امكن من الكتاحة الفي الخرطوم
ما اصلو الريدقسمة ونصيب ولابد يصيب و خالد شقوري شاعر من الشوايقة وهو بيقولوا لي كل الناس والناس البتفهم بزيدم فهم ودا البخلي الطششششان يزيد وتزيدي اهات وحنين وتبقى الذكري للقلب الحزين اجراس محبة مع كل دقة ترن تزكرني الحبيب حبة حبة ويشعل لهيب قليب الما خبا ولو عرفتي طعم الريد يبقي الريد حلو و مر ويبقي مشروبك المفضل الحلومر وبتحبي التقلية
التقلية ؟؟
وله النعيميه؟؟
ازيك يا سمسمه
ما عملتي فينا خير جبتي ليها كلام خالد شقورى تاني رجعتيييها لبوست الريد الريد المفروض…. كان تعملي ليها غسيل مخ من الحكايات دي
سمسمة
نونو :اها دا شنو ياحبيبة القصة ما واضحة لي امكن من الكتاحة الفي الخرطوم؟
انتي عارفة ياسمسمة الطشششششششششششان بيبدأ كدة من عدم الوضوح انعدام الرايا؟
الشغلة بعد داااك بتجر؟؟
الحقي نفسك؟
نونو : دا تعبير عن حالتك انت لانو الطقس عندك دايما معكر
نحنا الحمد لله كان عكرت بتصفا اصلو من ريدنا بنحب الدنيا ونريييدا للالام فتحنا دروووب ولاحلامنا كم ساااحة
ود الخلا
نون دي كان استعملت عنصر واحد ما حتكون في معادله كيميائيه وبالتالي حتقل النواتج
انا بقترح نديها عنصر ان شاء الله من اللافلزات وبالتالي نعمل على تحسين الموجه ممكن تكون FM ؟
المهم لايزم يكون في كود عشان الطششان دا ما يشوفوه غير المشتركين بالخدمه
وبقترح نديها band width زياده عشان الموجه حقتا ما تتداخل مع الشبكات التاني
استرايكر ألحقنا بي كرت شبكه زياده
شكسبير: في درس عصر بعد المغرب ممكن نشرح ليك
سمسمة ياختي!!
والجو صفا وغاب الأتر؟
بعدين يا الزهراء
وبطاقة الشبكة تتعامل مع طبقتين من طبقات OSI
نظام (الاتصال المتبادل بين الأنظمة المفتوحة)
في طبقة المادي .
طبقة ربط البيانات .
انا محتاجة لية ياااتاة!!
كسرة/بعدين يااختي الكود دة مااااعجبني؟
برسل ليكم رقم الكود في الايميلات تورنا ريكم !!
الزهراء/
شكسبير: في درس عصر بعد المغرب ممكن نشرح ليك
الليله وين اناااااااااااا البعصر مرورووووووووووو!!
ود الخلا
نونو قالت شغاله ب: OSI REFRENCE MODEL
هههههههه
نونو يابتي طبقتين ما بحلنك انتي قايله نفسك HUB?
انتي دايره اكثر من طبقتين واهمهم NETWORK LAYER
استرايكر الريده قلبت شبكااااات
نونو: قلت لي الصحه ثم المال ثم الولد ولا ترتيبك كيف لاحتياجاتك
يا الزهراء جيبى لينا ال Info structure بتاعتا – وبعد كدا ح نشوف ال NETWORK LAYER بتاعتا محتاجا لــــ upgrading ولا لا.
لكن يالريدة لقيتك طاشا Signal وانحنا نقول مالا !!
استرايكر
دي مش محتاجه up grading دي محتاجه network planning من الاول ,ويتعمل ليها nstallation
وبعد كده نجيب ليها server كااارب كده ونظبط ال switches و ال routers وبعدين نرفع لل antenna الماخمج
أها رايك شنو؟
البوست ده كان عن شنو؟؟
أيوه إتذكرت كان عن الإحتباس الحراري
ما دام جات سيرة الاحتباس الحراري
أذن بكره موعودون بمعلومات عن ظاهرة البيت الزجاجي وثقب الاوزون
الحقنا يا دكتور عزت
السَلامُ على الأحباب
وَ خـَاطرٌ جَميلٌ ـ ما شاء الله ـ مُعبِّرٌ يا نـُونـُو ؛
وَ إليكـُمُ ( استعِيرُ )
خـَاطرَ [ زهير بن أبي سَلمى ] وَ مُنظـُورَهُ عَن الحَياةِ وَ فيهـَا ،
وَ طَبَعَا كان عِندَ الشــَاعِر الكبير أسَبَابٌ مُقنِعَة 😉
:
سَئِمتُ تـــَكاليفَ الحَيَاةِ وَ مَن يَــعِش .. ثــَمَانِــينَ عَامَا لا أبالكَ يَـسأم
رأيتُ المَنــَايَا خــَبط عَشــَواءَ مَن تـُصِب .. تـــُمِتــهُ وَ مَن تــُخطِيء يُعَمَّر فـَيهرُم
وَ مَن لمْ يُصَانِع في أمُور كثيرَة .. يُضـَرَّس بأنيَاب وَ يُوطأ بمَنسِم
وَ مَن يُكُ ذا فـضل فيـَبخــَل بفضلِهِ .. عَلى قـَومِهِ يُستــَغنى عَنهُ وَ يُذمَم
وَ مَن هَابَ أسبَابَ المَنايَا يَنلنــَهُ .. وَ إن يَرقَ أسبَابَ السَمَاء بسُلــَّم
وَ مَن يَجعَل المَعرُوفَ في غــَير أهلِهِ .. يَكــُن حَمدُهُ ذمَّا عَليهِ وَ يَندَم
وَ مَن لـَم يَزُد عَن حَوضِهِ بسِلاحِهِ .. يُهدَم وَ مَن لا يَظلِم النــَاسَ يُظلــَم
وَ مَن يَغتــَرب يَحسَب عَدُوَّا صَديقــَهُ .. وَ مَن لا يُكرِّم نــَفسَهُ لا يُكــَّرم
وَ مَهمَا تـكــُن عِندَ امريءٍ مِن خـَليقــَةٍ
.. وَ إن خالها تـَخفى عَلى النـَاس تــُعلــَم
^
===> رَأيك شـُنـُو في ( المَنظـُور الأسوَد الرَمَادِي ) دَا يا نـُونـُو 😯
والله يالنونو براك تكوسى الكتاحة البتطشش الشبكة – الناس دى فرمتتك من اول وجديد – وانتى تلفى ويضربك فايروس الريد يرمى ليك الاريل –
البشاوي انا اتصلت بي شركة دلوني علي
برنامج قوى جدا
و فعال فى مكافحة الفيروسات
و اسمه Bit defender البرنامج تفوق على باقى منافسيه
بقوة ادائه و سرعت تحميله و سهولة التعامل معه
ولقد أحتل كل من برنامج Norton و Macafee المركز السادس و السابع,
كما ان برنامج Kaspersky الروسى الصنع قد احتل المرتبة الثانية
و جاء من بعده برنامج F-secure
اهاااااااااا دعواتكم !!!
حاجة نونو..سلام..
هدفنا ارضاء الله ووالدة بكل السبل..كدة كيف؟؟
هل تصدقى انى شغال بى (بت دفايندر )دا !!؟؟bit defender