كان (عوض) الذى تزوج وهو فى المرحلة الثانوية من قريبته (علوية) انموذجا للرجل المطاوع غير الملاوع ! لكنه وبعد قبوله فى الجامعة-كلية (الفلسفة التطبيقية) وقضاءه اربعة الاشهر فى دراسة مصطلحات وكلمات مبهمة وفخيمة قرر ان يصير عوضا لا عوض عنه ,, ويوم ان وصل بيته فى قريته الوادعة ودخل على زوجه واجدا اياها فى حالة (خت حنة) , فما كان منه الا ان صرخ فيها مذبهلا :-
دا شنو يااااااا علوية !!؟
فرفعت راسها منزعجة ومستغربة : فى شنو يا العوض !!؟
عوض : اتلوثتى بى طين القاع !!؟
فما كان من (علوية) الا ان (كرضمت) بيدها (كرضمة كبيييييرة) من طين القاع وقذفت بها فى وجه صائحة هادرة : بلا قاع بلا بلاع !ّ اجرى الدكان جيب لى نشادر !
فما كان من صاحبنا الا ان استكان و(اتهان) ماسحا بيده ما لوثه من طين القاع وقائلا فى مذلة ووداعة : انا قصدى اتلوثتى من غير نشادر ولا اكسجين !!؟
وجع !!!
التعليقات
سوداننا 
احم احم الراجل رقد كراره (برفع الكاف وتشديد الراء الاولى وهو نوع من الملاح ال ما استايل )
هههههههههههه,,,
كرارة وعوارة واى حاجة شينة !
كُر ,,,,
احيييييييييييي قال طين قاع قال طلع هو طين القاع