المضحكات المبكيات

لا حولا

أتحداكم لو واحد قدر يشرح لبنته الفي السنة السادسة ذات الإحدي عشر ربيعا ( صيفا عندنا أو خريفا)

درس الفقه الوارد في كتاب جمههورية السودان وزارة التعليم العام المركز القومي للمناهج والبحث التربوي

التعليم الأساسي التربية الإسلامية كتاب الفقه والعقيدة للصف السادس الطبعة المنقحة 2005 م

جاءتني معلمة الصف المختلط عندنا هنا في الغربة وقالت لي خذ اشرح لأبنتك هذا الدرس فإني والله ما قدر على ذلك

أستحلفكم بالله أن تأتوا اليوم بكتاب الفقه السادس اساس صفحة خمسة وإذا رأيتم أن أنقله لكم لكي يرى الناس كيف تصل المعلومة الدينية للأطفال

وهل هنالك حدود كانت متبعة عندما كنا تلامذة تم إلغاؤها الآن

ومتي تم إتفاق أهل السودان على إدخال الجنس في المناهج للأطفال

هل هذا الأمر طبيعي عندالاأطفال في السودان أي الذين ولدوا وتربوا في السودان الآن

لأن اولادنا الذين ولدوا وتربوا هنا في الغربة والله لا يعرفون شيئا

بالأمس حكيت لي حكاية بأن طلبة الصف الثامن تغالطوا في ماهو التيس ( والله صحي) فقال أحدهم أنه أبن الغنماية

ورد عليه الآخر بشدة وأنكر عليه ذلك وقال بل هو أبوها

وأيد قصته بأنه وفي الإجازة الفاتت عندهم غنماية وكانت مزعجة فقاموا ناس البيت جابو أبوها التيس وأدخلوهم في غرفة

وتركوهم فترة فقال أنا فتحت الباب عشان أشوف الحاصل شنوا فقال والله أنا خشيت في فيلم رعب شديد جدا واسبوع ما نمت لأني لقيت التيس دا واقف وبدق في غنمايتنا !!!!!طبعا كل من كان بالفصل لم يفهم حاجة

وكمان أقول ليكم أنتو ذاتكم فيكم ناس ما فهموا حاجة

وإذا كان في أولادنا ناس الغنماية تاكل عشاهم

إنتو كمان فيكم ناس الغنماية تاكل عشاكم

والإنقاذ تاكل الوراكم والقدامكم بهكذا مقررات

وحسبنا الله ونعم الوكيل