قديما غنى مصطفى سيد احمد
يا بحر قم حرك تحرك او فعد
واليوم يكتب محمود شريف شاعر الغبش التعانى :
أو فانتظر!
لا إنتو جند الله
ولا جند الوطن
بل إنتو حقاً جندهم
وبعض من ما عندهم
سندة قفاهم وغمدهم
لكنهم هم
ما ح تسكن حيّهم
ولا ح تاكل زيهم
ولا ح تلبس إنت زي
زي زيهم
واذا عطشت،
بعيد بعيد،
ما تقترب من ريهم
هل شفتهم
ملأوا الشوارع
في الصباح،
عند الظهيرة مغبرين
طالعين من الوردية
والليل انتصف؟
باين على وجوهم تعب؟
وزمن صعب؟
القفة
والدكان
ودخان الفرن
ومرتبات حال الثبات
لا تحل وظيفة ولا نبات
هل شفتهم بين كر وفر
والدنيا حر
بين صف وصف
واحد وقف
هل شفت يوما هؤلاء؟
هل تذكرهم؟
زاروكا يوم أو زرتهم
بس إلاّ في شارع ظلط
ومظللاتهم مسرعة
كلا ولن ولا بالغلط
ما شفتهم
على إيه إذن
لي مين إذن
وانت بتشوف
غرقانة كم
في الدم
مفاتيح الخزن
هم دربوك على الأذى
تقتل تدوس
تحرق
ولا يهمك
كذا ولا كذا ولا كذا
كم فر طاغية من بلد
ما خلا غير كلب الحراسة
يئن وحيداً في القفص
متلك مصيرو
العزلة والخوف والجزع
إن متَ حتى ولا عزا
حكّم ضميرك يا ولد
أمشي استحمى واعتذر
واغسل يديك
من كل ما يخليك
أمام روحك قذر
ألبس عراريق الحياة اليوماتي
واقدل في الدرب
لا يدسو منك لو غشيت
ولا إنت أقرب زول إليك
منك حذر
أو فانتظر
أو فانتظر
أو فانتظر!
او فانتظر
يومك مسردب مستعد
اصلك مؤصل ود بلد
ماهناك حد
يقدر يلومك وينتقد
مفروز فرز معزول عزل
اصلك نبيل عز النبل
ماتطاطي وقف و انعدل
وافهم بانو اخوك معانا في السجل
واختك زغاريد الفرح كل يوم تهل
ماليك عذر
لو تنفزر
وجه سلاحك للي باعك و سخرك ما تستخر
ملعون ابو الذل اللي هدك و سخرك
ملعون ابو الكلب اللي بالجوع اخرك
اهي جات لعندك انتقم
اوعك تطاطي و تنهزم
ياااااا بحر قم , حرك وحرك لا تعد..
باذن الله ستضئ حياتنا من جديد يا حبيب,,,تحياتى لاهل مدنى الخضراء واخص منهم اهلى بالدرجة الذين استبقوا الآخرين…
السمار الكرام … ابدع محجوب شريف وخاواهو في الابداع شاعر الدانقا نيام ويا ليت نيام يخرج لنا كل ما عنده فسنندهش .
ما أحلاكم بنو وطني
يا ريت لو لينا في (القريض) لقرضناكم قرض
تحية كبيرة لمحجوب وأكبر منها لحبيبنا نيام وشمباتي وخالد
وأكبر وأحلى تحية لمن رموا الحجارة في المياه الساكنة
وحقو ترعو يا من تدافعون على المابيستاهلو ديل…
البوست جاب احلى الاحباب :
كتب صديقى س وهو رجل بسيط :
امن و سيادة وهيبة دوله
وايه الدوله ؟؟
الدوله رغيف وشرب نظيف
الدوله علاج وكمان حرية
الدوله رعاية وحكمة راعى
وشعبا ماكل فاهم وواعى
الدوله اساسا هو التعليم
وشعبا قارى وكلو فهيم
الدوله مساواه وحرية
الدوله عدالة حقوق مرعيه
الكضب الشال فى الناس من بدرى
الدوله سلاح وشعبا بيجرى
الدوله تواتشر وبمبانات
الدوله مدافع وعمارات
لكن الكضب الطول حبلو قصير
وشعبا صحى لا بد ما يغير
يورى الحاكم انو اجير
انتخبو الشعب لامورور يدير
وانو العكس الكان هو صحيح
طول وداير جد تصحيح
المره دى لا بنتغشا ولا بنترشا
ضقنا المر دايرين نتفشا
وحكم الظلم لا زم يتقشا
يظن الكثيرون ان ادبيات النضال ضد الظلم مرتبطة فقط بالقوى التقدمية متناسين ان الاسلاميين ايضا لديهم ادب فى النضال والحرية وان تناسوه بعد ان حكموا المقطع التالى لنشيد اخى انت حر :
نيام ، شمباتي ، أفليقا، عزت، خالد مدني ، الله يعطيكم ألف عاااافية
ويعطيك يا حبيب..
وخليك قريييييب,,فما بدأ لابد ان يكتمل…
لينا العزة ومابتهزَ
شعبا طلع الشارع وهزَ
اركان الظلم الرازة
يحلم كيف يعيش بى عزة
وكيفا يرشف لبن العازة
اللهم انصرنا على هؤلاء الشياطين
الاخ افليقا والعقد الفريد تحيه ومحبه
ياخواني دايره اسالكم انتو شذاذ افاق يعني شنو
سوال تانى المجاهدين ينزلوا الشارع يجاهدوا فى منو
انتو عارفين البشير بى كلامه دا لخبطني عديل كده
ح اقرا عن الجهاد من الاول
بت وراق شايله قرعتك وحايمة بيت بيت بوست بوست زنقه زنقه … شذاذ الافافاق ديل ياهم زي حالتك دي حايمين ساي من مظاهرة لي مظاهرة … حأشيل التعليق ده وأشذ بيهو الافق التاني اشوفك بعد كده حتافقي وين .
ما قلت ليك ياخالد الكلام القالو عمل لي فاك والفاك فى اي لحظه ينط ليك
هههههههههههههههههههههههههههه,,,حامضة منك يا خالد,يا شاذ افقيا انت…
ذكرتني كاره ذاتك بتاعت ود الزبير … لكن والله ما عجبتني شماتك في بت وراق .
انا عازراهو من يوم خطفته منو البرنجيه هو متحسس شويه
الأخت بت وراق … سلام
شذاذ الآفاق أي الغرباء الّذين لا وطن لهم ولكن دي ما القصة .. القصة إنو القال ليهو الكلمة دي منو؟؟ لأنو ده والله ما كلامو النحنا بنعرفو !!!
المندهش سلام
لو اصلاً معناها كده اذاً كلامه صاح باقي ليك نحن هسع ما غرباء والوطن ضاع
المندهش..
ههههههههههههههههههههههههههاوو,يعنى ممكن نغنلا ليهو (دا ما سلامك,ولا الكلام الكان زمان بشبه كلامك)..
خالد…
حنضل القيزان انت ! وعلى سيرة ود الزبير,مالو اختفى!؟؟ ما يكون بعد فى نفسو ! وى وى وى
سبحانك ربي
بعد عقدين قال شذاذ
ماكنا لذاذ
لهطتو حقوقنا نشفتو عروقنا بالانقاذ
ولما فهمنا بعد عقدين بقينا شواذ
من اليوم حليل النوم
تنومو خزاز
شوفلك منفي اعزلو سريع
مع ناس زينم اوابو الجاز
شوف ماليزيا
أو قرغيزيا
أو مكناز
وسيبنا في حالنا نحنا شواذ
بنفهمها طائرة معني ومجاز
بس شعبنا طيب
اسمع مني حكاية قديمة للمعلومية
شعبنا راقي و مفهومية
بخلي الراعي لمان يحلب
حتين يحسب
بخلي اللص لما يتلب
حتي يشقلب
بخلي العوقة يريل فيهو و يعيد و يعقب
حتي يقولو ياخي تأدب
تقول شذاذ
يمكن تقصد تقولي شواذ
نهايتو يا اسطي
قرينا البوسطا
و عرفنا القبلك كيف اتكنسو
حسني و زين وين اتلحسو
قطرك صفر
بلبل راسك و قوم اتبشكر
و نحنا نقولك تشكر تشكر
شوف طيارتك و مما تتامر
علي ناس فلسانة
و عارفها حسابها موش راح تخسر
شكر لا ,, شذوذ آآه
أخواني بالمدونة
دائماً سطور الشكر تكون في غاية الصعوبة عند صياغتها
ربما لأنها تشعرنا دوماً بقصورها وعدم إيفائها حق من نهديه هذه الأسطر
واليوم تقف أمامنا الصعوبة ذاتها وأنا أحاول صياغة كلمات شكر إلى ينبوع عطاء تدفق بالخير الكثير
ليروي هذه المدونة ويدعم أسسها وقواعدها
واسأل الله الارتقاء بالمنتدى الغالي إلى عنان سماء الرقي والفكر الهادف وأمتعونا بالمزيد فأنا الآن في غاية النشوة
لكم حبي …
والله يا نيام كنا لذاذ ونتاكل حاف … اكلونا ما خلو فينا غير العضم … قاموا علي العضام مصوها لامن بقت زي كرورة اللالوبة المصاها حمار … نتفو ريشنا ومعطو صوفنا ولمن شكلنا بقى غرييييييب قالوا علينا شذاذ … زي ما قال المغني :
بعد دا كلو كمان تشذي … ما كفاية الشفتو منك والله اكتر من بشذي .
( من أنتم )؟؟؟؟ !!!!!!
نحنو من فاتهم القطار
نيام ياشاذ = شذذتنا خالص
عارف يا مندهش اجمل تعليق على الكلمة دى كان شنو ؟
عشان لما يقولوا ليكم (من انتم ) تكونوا عارفين الاجابة وتقولوا : نحن شذاذ الافاق !!
عليك الله بعد ما كملوا قلة ادبهم يصفونا احنا بى كدة !
خيبهم الله…
شذاااااااااااااذ و لذاذ
وكمان سحرة وفي السحرة شواذ
بس بي ميتين
اهو شوف عايشين
وانتو تخمو بالملايين
و قعدتو تصرخو فلسانين
ما مستكفين ما مستكفين
آه طولو بالكم
بخمستاشر مليون تتبكي
ونحنا ولادنا خمستاشر
و الدين الفوقنا خمستاشر
و الجوع استوطن و عاشر
و المرض الساكنا مباشر
تبكي تسرخ في التفلزيون
كأنك مديون
بالله منو الشذاذ
واحد عايش بالعاقزاز
ساحر ماهر مستور الحال
وولدو الاسد الصارم
فطورو شخارم
عشاه بخارم
وبالجائزة فاز
وواحد من بطر النعمة عليه يتعشي بمليون
ويجينا يسرخ في التفلزيون
زي المجنون
اها قولي مين الشذاذ
بصراحة نحنا شوااااااااذ و ما شذاذ
والبحكمنا لازم من نفس الطينة
ولدن ضكران و قلبو علينا
مارق من نفس الحوش
نفس القطية ام رقراق
وما سراق
راضع من صبر امو لبن
واقف راجينا زمن
ينقنق زعلان
والله محن و الله محن
الله أكبر بتاعت زمااااااان
ايييييييه يا زمن,,لا فض فوك نيام الحبيب…
والجمعة جمعة السرور…
نفسى اعرف منو اللحس كوعه ومنو اللحس بوعه انا كنت مسافر بالله ورونا ؟؟
افلي:
كدي ورينا انتا اول لحست في عبري و لا مورة..بعدين نحنا طبعا سقنا العائلة و مشينا هيلتون لحسنا كوع مثلج و بوع دافئ تحت ظلال الزيزفون…بالمناسبة الجمعة الجاية لاحسين عندكو كوع شذاذ الافاق…دا طبعا بكون مر شديد فحضر لينا الليمون البارد…
الحبيب نيمو كير :
احىىىىىيا من عبرى وحلفا وكريمه ومروى وجنة الارض القرير ودنقلا تعرف يا نيام البلاد ديك كوعم ذاتو ما عارفنو من بوعم ولا فاضين للكلام ده
شيئ نخل خدر وشيئ ضرا ( ذرة ) اتحش وشيئ بامية طلعت وشيئ بحر قايم وشيئ الفول جاب سبعميه وشيئ تجهيز للعرس بعد بيع الفول والقمح وشيئ خياتة كم سروال لعرس فلان وشيئ تجهيز الزريبه لبهائم العيد الكبير .
الكوع ده بنلحسو نحنا بس فى خرتوم السجم والرماد .
نعتبر تجهيز الليمون دعوه لظلال الزيزفون ولا ليمون ساى .
لانو لو دعوه معناتا الرحله الجمعه الجايه !!
بالمناسبة يا نيمو ما عارف لى بالله الوزراءوالمستشارين النزلوهم ديل مشو وين نفسى من زمان اشغل لى مستشار متقاعد معانا فى البيت على الاقل يطفش لينا النسوان ديل هههه
باقى قالو بقو يشتغلو باى شيئ وبالساهله
وبرضو شوف لى بشاوى وزير دوله يكون ما طلو كده فى الوزاره وما تهنى قال داير بيهو شغله خاصه ما عرفتها باقى بشاوى ده مستواه اتطور بقى وزراء متقاعدين .
افلي:
شوف يا افلي يا خوي المستشارين و الوزراء القواعد ديل اخير تختاهم وتكلم صاحبك بشاوي يفارق دربهم ديل صقطو حجر بلد بحالها لمان انتا و بشاوي ..والله بعد شوية تكوسو لوضعكم الراهن ما تلقوهو اخير اسمعوا كلامي و اقصروا الحديث…ثم تانيا انتا و بشاوي جبتو القدرات المالية دي من وين لمان تكوسو في المستوشرين و المستوزرين…والله كلام ياعوض شمباتي…قال خمستاشر مليون ما مكفيه كرهتونا الاسبقتي بملاح ام دقوقا…
نيمو :
انا شخصيا مستعد ادفع فى المستشار قدر الكان بدوهو ليهو مرتين بعدين انت عارف انا عاوز بيهو شنو ؟؟
عاوز اعلقو فى خشم بابنا والكف بى جنيه اها باقيلك بجيب حقو وبربح ولا لا ؟؟
بعدين انحنا غير سقيط حجر النسوان دايرين بيهم شنو !! هههههه انحنا حجرنا اصلا ساقط .
فى مستشارين الشعب مستعد يدفع فى الكف 5 جنيه وفى حاجات تانيه بالدولار !! بس كدى خليهم يدونا واحد بس نعوض بيهو خساراتنا كلها . اسى انت شخصيا لو لقيت واحد بتدفع كم عشان تسوى ليهو اى حاجه فى بالك ؟؟؟!!!
اها رايكم شنو ؟؟ الموضوع شكلو استحما ولا الامريكان بيراهنو علينا وعليهم منو البدى اكتر ؟؟؟
سوداني نت – وكالات: اعتبرت صحيفة “لوس انجلوس تايمز” الأمريكية في سياق عددها الصادر أمس، أن آمال الشعب السوداني في نيل “ربيع عربي” كما حدث في العديد من الدول العربية، أمر بعيد المنال .
وقالت الصحيفة الأمريكية في سياق تعليق أوردته على موقعها الإلكتروني، إن بعض المظاهرات عززت الآمال من أجل إطلاق “ربيع السودان” في موازاة للمظاهرات التي أطاحت الأنظمة الديكتاتورية في كل من مصر وتونس .
افلي:
والله يا افلي دي فاتت علي..ياخ دي عملية بتجيب دخل خيالي ندفع للوزير المقعد و المستشار المخرد في الكف 3 جنيه و نشيل من المواطن القرفان خمسة و البرتيتة نديها بشاوي اوفر تاين عشان يتابع و يتاكد انو الكف معتبروقانوني و خاضع للوائح حقوق الانسان …
تانيا الموضوع لازم يستحما و يتشيك و الجمعة الجاية يطلع علي سنجة عشرة …يعني عايزنا نلحس وسخانين كمان بعد الصبر دا كووووولو الله…
نيمو :
الحيتشيك ويطلع على سنجة عشرة ناس الرحله كلهم مش ؟
راجع بوست الرحله
للشمس النايره قطعنا بحور حلفنا نموت او نلقي النور
هل تحتاج إلى قرض؟
نحن نقدم حاليا خطة قرض عائم بسعر فائدة 2 ٪ مع بطاقة هوية صالحة صالحة للتحقق.
يمكنك إرسال طلب قرضك لأي مبلغ تحتاجه من القرض.
نحن نقدم قروضا تتراوح قيمتها بين 5،000.00 دولار أمريكي كحد أدنى. $ 50،000،000.00 USD Max.
نعطي ائتمان طويل الأجل من واحد (1) إلى خمسين (50) سنة كحد أقصى.
نقدم أنواع القروض التالية: قرض المشروع ، قرض إعادة تمويل ، قروض استثمار ، قروض السيارات أو السيارات ، قروض الطلاب ، توحيد الديون ، قروض الإسكان ، القروض الشخصية ، قروض السفر والإجازات ، قروض الكريسماس ورأس السنة الجديدة.
اتصل بنا في مكتب QUICK ASSESS LOAN FIRM عبر البريد الإلكتروني: quickassessloanfirm@financier.com
أشكركم على رعايتكم!
تحياتي الحارة،
Kathleen Williams.