يدعوكم الاستاذ الفاتح جبرا سيد الحيشان لحضور افطار الحيشان الثلاثه والذى مقترح له يوم 15 رمضان القادم .
نرجو من الاخوه المدونين التصويت على اليوم المقترح او التفاكر لتحديد يوم مناسب لا يتعدى منتصف الشهر الكريم .
تقبل الله صيامكم وقيامكم .
التعليقات
الزملاء الأكارم
سلام
معقولة منتصف الشهر حتى لا يفكر ناس الزول وبقية ناس الأقاليم في مغادرة العاصمة…. ونفتقدهم….
يوم الجمعة كويس باللحيل ولو انو جايز يكون يوم النسابة للبعض…
المهم طبعا المكان…. برجاء الاقتراحات
عزت سلامات ورمضان كريم :
اسى انا قلت عزت عاوز يقول لينا تعالو دشنو البيت البستانى معاى فى رمضان ونخلط ( نخلط يالخلاطه عشان ما تسرحو ) ليكم من منقة الشجرة وبرتقان الشتله الجديده وانتو ماشين تشيلو مورينقا !!
الجمعه انا بثنيها ومع المطره البدت دى احسن محل مقفول ..
والله يا أفليقا يا ريت بس لسة مشروع (فلسطين) دا لسة….. غايتو الشجر قام والموية والكهرباء تمام …و الأيام دي لمينا لينا شويت قريشات كمان دايرين نسوي البير… غايتو لو مشينا بالريت دا يمكن نفطر فيهو رمضان الجاي…..
تحياتي
رمضان كرييييييييييييم عليكم و تصومو وتفطرو على خير
انا باقترح اةل يوم في العيد … ويكون تركين ني او نجيض ما مشكلة في بيت افليقا البعيد داك … ويا ريت يكون حر اول يوم في العيد البتعرفو داك … وانتو مارقين تلاقيكم كتاحة الا ترقد في الواطة حتي تشوف اصبعك … في زول بثني غير شمباتي ؟؟؟
ههههههههههههههههههههههه,,تشمها عفنة انت !
والله ذكرتنى يوم رحلة الجريف الاووووولى ودعواتك ديك !
وكمان كان معاك طيب الذكر الخندقاوى بدعوات سيئات قبيحات !
سُب عليكم….
بعدين عليكم الله اطردوا السعيد دا برة !!
ياجماعه سلام
انتو الافطار دا رجااااااااااااااااله بس ولا ممكن حريمات
بارك الله فيك
الافطار حريم قبل الحريم !! بعد داك رجال .
خالد مدنى : شايفك اتعلمت حقد المغتربين !1
شمباتى : لقيتك اشد ريحة من التركين .
يا جماعه نقول الجمعه حدائق النيل قصاد قدروة البوش عشان العشا يكون اون لاين ؟؟
هههههههههههههههههههههههههههاااااى,,عايزة كدة !!!
حريمات ياااااااااااااااا
شمباتى معلم المغتربين الحقد على مدونى الداخل : المغترب القديم لمن يطول بيقلب شنو وووووو ؟
اها حنعمل افطارنا وحناكل ونشرب الكريستالات وكيتا ليك نصورا فيديو وننزلا فى اليوتيوب !!
اها يا جماعه الجمعه شارع النيل
ولا ناكل باسطه ؟؟
بقلب روب ؟؟؟
روب حمام !!؟ هييي يكا
ههههههههههههههههههههههههههههههههاااى,,
الزلبية,حلاوة لبن يا سلام,,,عليييكم الله ادونى !
يا شباب : الليله لا مؤاخذه الخميس !! وبكره الجمعه عملتو لينا شنو فى المودوء ؟؟
العزومه دي مدغمسه وما واضحه المعالم
عجبنى وسر بالى !!!
شمباتى : كان ما الخميس ده البعدو وكان ما البعدو البعدو وكان ما البعدو العيد كيتا فيك
ههههههههههههههههههههههههههههههههههههههههاااى,,ألعيد فى المشمش !!
شمباتى
تحت تحت قالو شمباتى قاطع الرحط فى العيد دة هعهعهعهعهعهعهعهع ؛ الكلام دة صاح ؟
شمباتى : لقيييتك كعب عديييل كده ؟؟ قلنا الغربه تغيرك وبيت الله يغيرك لكن مرمى الله ما بترفع كلو كلو مش لو اقامتك فى المملكه لو اقامتك وظيفتا بى امام الحرم يا كا شمباتى !! هههههه اها كيتا فيك فى رمضان افطار وفى العيد رحلة اها موووت بى مغستك .
كان عندك شطارة اعمل افطار مدونى السعودية وامغسنا بالصور هههههه
على….
جنى وجن القطع انا !! آيييييي..
افليقا…
اها كيتا عليك الليلة كان عندنا افطار مدونين فى بيت اخونا نادوس بجدة ولن نتحفكم بالصور !
اضافة حامضة : صاحبى اتغاظ من (طعميتى) وصاجها الملهلهب فكتب : انت التقول مقيم فى طاشقند ما مكة ! وى وى وى
تشوف براك ياشمباتي ح نعمل لينا فطور كارب عصيده بملاح تقليه وقراصه بالدمعه الضاني وابري بااااااااااااااااارد
وخليك انت مع الطعميه بتاعتك نامن تعمل ليك نشاف فى المصران
حاقدة !!!
الآبرى ذاااااتو بهيج القولون والدمعة بتتعب المعدة والقراصة بتعمل تخمة !
ههههههههههههههههههههههههههههههه
وما شفته كمان القنقليز والكركدي وملاح الروب وكييييييييييييييييتا فيك الشارع مرشوش والبرش مفروش
القنقليز بعمل امساك والكركدى بجيب هبوط والروب حااااااااااااااامض!!
وشحدت ربى البرش دا يشيلوا فوقو فلانة الماذيانا..
لا لا قبل ما تمشي لاهاي
هههههههههههههههههههههههههههههههههاااى,,,
آيي آآآآآييي
شمباتى : قدر ده ؟؟
لا ,, قدر دااااااااااااااااااااااااك ! كع
شباب : تقرر ان يكون افطار المدونه كالاتى :
الزمان : الثلاثاء بعد غد .
المكان : منتزه الرياض .
البرنامج : الافطار – العشاء – السحور
يعنى المالحق الفطور بلحق العشاء والما لحق العشا بلحق السحور
كل زول بجيب فطورو العادة بتاع البيت دلفرى ويجى
المويات والعصاير جاهزة
البلح والبليلة جاهزات .
حبابكم التلات منتزه الرياض .
دا كوووووووووووله وأنا ماكنت موجود خخخخخخخ طيب اها نلم تاني قبلما عمنا السلاوي يرجع