الإعلان ثقافه وذوق وفوق دا كوولو علم يدرس وبطبخه فنيه إخراجيه رائعه مع إضافة بعض المقبلات والتي تجعل من الماده المعلن عنها جاذبه يري الإعلان النور أو الضو قدم الخير الكلام دا كله في حاجه ما مفروض تتنسي وهي ثقافة المجتمع البنساوق ليهو مغنطيس السوق دا.مثلاً الإعلانات في بلاد العم سام جداً قد لاتقبل في الجمهوريه الأمازونيه وأنا أقول قد لأن مستر سام هذا عنده إعلانات كتييره غايه في الروعه ياناس الضفه الغربيه.
درج أصحاب البيوتات التجاريه والصناعيه في أمازونيا العظمي علي إستيراد ممثلين من الجوار البي جنبه ومضامين الاعلانات أقل وصف لها هو السطحيه سطحيتها-أي الإعلانات- وسطحيه ممثليها ليه !! بناتنا ديل مالن ..عيبهن شنو؟؟ أنا شمسياً أحسن لي أسمع -زيتنا صباح- من ما أسمع شنو!! قال خديجه وقعئت وهي بتبص علي الجيران وعن إذنك حابخر العماره ..أولن آآي العين حق لكن أنحنا ما بنخش الإمتحان ببخرات وتانين البصبصه دي ماعندنا …
بينما يسير الهايس أب سفه من جاكسون إلي أمبده محل الكلب نط وإذاعه S100 تزجينا وتشجينا بالطرب الأصيل …فاصل إعلاني
-رانجوو/كورال
-جربتوو/كورال
-أنا ضقتو/البت الكبيره
-وأنا كمان/الأب
-أنا داير أسرب عصير أسرب سنو/الشافع
-أشرب رانجو…../الأب
حسن صالح الذي يجلس علي جواري قال لي دي عائله واطـــ……. غايتو الحمد لله أحد ساخري السبيل قال الدعايه دي وقفوها .وعلي ذمة صحيفه الرأي العام هناك إتجاه لسودنة الإعلانات والرقابه عليها ..كونه تتسودن دي كويسه لكن بدون الرقابه تبقي القربه مقدوده عشان ما يطلع لينا بكره في الكفر إعلان من شاكلة رانجو إحدي منتجات مصنع إستيم….آآي
التعليقات
سوداننا 
عبد الرحمن
قد يلجأبعض المعلنين لأسلوب الأعلان شديد البتذال لأحداث أسلوب أشبه بالصدمه لترويج الأعلان و من ثم المنتج مثل أبو فيصل و جربتووه
يموت مثل هذا الأعلان سريعا ألا أن الأثر الذى يتركه لا يزول بنفس السهوله
تكرار ا الأعلان يجعله لا يزول من الذاكره مدى الحياه …و الأصدقاء من جيلنا قد يذكرون أعلان أبو داؤود و شرحبيل فى الراديو وبيبسى و أبو جمل فى السينما ورشه ترشك و أبو سمكه للتقليه و التحمير
عليه أتفق معك تمامن بأن الأعلان لا بد من أن يكون لائقا
لكن ستيم تفاح أوكامبو كلامك صاح
من أشراقات شعبنا اللماح
أب أحمد
هي لكن صدمه متل دي ناس إستيم ديل بالغو معانا عديييل كده
إلا المره ديك بااااااااالغ معاهم التلفزيون لما قطع كلام الراجل وجاب
ستيم ….تفااااااح!!
غايتو جنس فضايح
وإستيم تفاح
أوكامبو كلامك صاااح
والشعبي حقو راح
دي بالغ فيها أب أحمد
أنا قاصد الشعبي الحولوهو الميناء البري السفر بقي صعب خلاس
شامبيون ….. مباااااااالغة
عارف هسة مبالغة دي بالطريقة النطقا بيها الولد بقت شايعة و كمان ما ننسي الحب الفطري لمنتجات الشعير من زمااااااااااان خلت المشروب ينتشر و يجو كمان معاهو ثلاثة ثاني
كسرة:
…… أبو جمل و الشراب سكوب
كب يا علي بي كبابي الشب
ولدنا عبدالرحمن ..
( أنا قاصد الشعبي الحولوهو الميناء البري السفر بقي صعب خلاس .. )
أهو كدا إنت قربت عشان تعرف الحركة العملتها البنت قدام الرجال ..يا سلام عليك … يا واعى!!!
أخونا ابو عصمت المرطب جد جد ..
حسع عليك الله يا ابوعصمت فى زول بيتذكر الكبابى الشُب بتاعة زمان غير سنكل وبشار ونيام والفكى ابكرونا .. حقو تعملها مسابقة واللفائز تديه ابو جمل والشراب سكوب دى زااااتها .
عبد الرحمن سلااام
شوف يا معلم امبارح لقيت ليكا اعلان بتاع حاجه كدابشربوها وعاملين فيها ثور طاير وكاتبين تحتو مشروب الطاقه يخلى التور يطير . المهم اخوك بيت النيه يشطف منها شطفه عسى ولعل نلقا لينا طيره !! فى الهواء داواهو نحن اخف من التور.
بعدين يا عمك شوف بتاعين الطماطم على طول الطريق تلقا واحد رافع ليكا اصبعو فى الهواء تقوم انت تفهم انو الكيلو بى الف ولمان تجى تشترى يقول ليكا الكيلو بتلاته الف .وبرضو دعايه اعلانيه .الخازوق لقيت ليكا واحد بتاع خرفان مقبقب ليهو خروف ورافع ليكا اصبع واحد .طبعا ما مشيت عليهو لكن قدر ما فكرت ما فهمت الاصبع دا جنيه ولا مليون ولا مليار .
كسره :
لا مانع من سودنة الاعلانات لكن عليك الله يا عبدو بس مقارنه بسيطه كدا بين الزوول بتاع سودانى ابو صلعه والتانى الشايل الشافع فوقو مع اعلان لوزه تلقا المقارنه معدومه تماما .
بعدين السودنه دى شفناها فى اعلان حبال بنان على الطلاق تطمم البطن ولو الواحد عندو نيه يشتريها يخليها عشان ثقالة اعلانها .
د-عزت
شامبيون دا قريب للشربوت لكن الحب الفطري لمنتجات الشعير ليه ممكن نقول في نوايا مبيته وإحساس قوي داخلي للوزنه وكده
أبو الحجاج
تسلم كتييييييييييييييييييير دي شهاده أنا حاعلقها في الصالوووووووون
لكن
المؤتمر العملوهو الأولاد في الحله ما كلموني شكيتم علي الله
و زي ما قالو أنا ما بفسر وانت ما تقصر وحركة البت دي حتكون سر كامن ما قدرت احلو وخلي ناس الضفه والقطاع يغنو أغاني عبدالعظيم -حركه-
تسلم لي يا عمي السلاوي
الزول أبو 7 واوات
قلت لي وزن الريشه ولاّ شنو!!!
في إعلان ريد بووول بقول يعمل لك جوانح جربنا ولا طرنا ولا قام لي جناح شان نوصل هناك ونرتاح
كسره الكسره:
والله بيني وبينك ماف مقارنه -بتاع سوداني-وللا شوف إعلانات الراديو تخليك تحرد المنتج ظااتو وتحس بتكلف تكلف شديد من ممثل الاعلان – لكن الزول /بواو واحده/ العمل الاعلان بتاع حبال بنان المفروض يخنقوه بيها!!!!
عبدو (هذه بتلك زى ما اختسرت السبعه واوات نختسر اسمك )
قلتا ليا ما بطيرنا يعنى ندكليهو وكدا .
يا اخ ناس بنان ديل الما بايخ فيهم منو ؟ الولد البغمس ليك عينو ولا عمك بتاع الزدواى ولا عمتك بتاعة ياولدى نحن ناس كبار .
والله زولك العمل الاعلان دا حقو يدوهو سجن وغرامه ونفى من البلد لانو الخنق ما ببرد البطن فيهو
سلامز
توبيك قديم كنت نزلتو قبل مدة في المدونة ايام زمان و ما شايف مشكلة لو عملت ليه كوبي بيست مرة تانية
في يوم مهبب من بدايتو و انا راجع للبيت ما تعرف الخلاني اشغل واحدة من إذاعات الأف أم السودانية دي شنو , بعد ما سمعت الغنية البايخة الخمج طوااالي جا الإعلان القنبلة
جربتوووو .. أنا ضقتوووو … عصير رانجوووو
في البداية انا قلت سمعي بقى كعب زي فهم صاحبي ( أ ) و كلو كمونية و كوارع لكن البيسأل ما يتهش سألت الزول الجنبي انت الناس دي جادة في الكلام دا
قال لي و الله دا الحاصل و البلد كوووولها بتتكلم عن الاعلان دا ,, طيب يا اخوانا الناس البيغنو في الاعلان دا موقفهم كييف في الأمم المتحدة ,, ولد شافع و بت و ولد شاب ,, يعني كل ألوان الطيف السياحي و الما سياحي ,, طيب يا جماعة فهونا حاجة ,, يا فيها يا نطفيها
شكلنا اتغيرنا من دولة المشروع ( الحضاري ) لي دولة المشروع الثقافي
رجعت البيت و طبعا الهجمة المرتدة السريعة من كتاحات و غبار عملت للستلايت انزلاق وجداني و شايفو الايام دي حردان .. قلت ما مشكلة احضر تلفزيون السودان نشوف الجديد شنو مع التغيير و الوزاري الجديد ولا القديم بقينا ما عارفين .. اصلهم كم واحد كدا بيلعبو بيهم اتنين زي الشطرنج .. من هنا لي هنا .. الموهيم خلونا في موضوعنا لانو الموضوع دا بجيب كتاحات و كم قزازة لتر كدا بنلحق الشافو خلو
مش ح تقدر تفتح عينيك
شكلو القناة دي ما بتتفتح على مستوى السودان الا لمن يكون في هلال مريخ لانو كل البرامج الفيها أبيض من بعض و بتحاول جاهدا انك تفتح عيونك و انت بتحضرو
بسسسسس
جابو ليك الاعلان الضجة التاني
سوداني سوداني
ما كتير ح ادفع
رصيدي ما ح يقطع
نجمة صفر مربع
يا اخوانا انتو العلاقة بين الناس الشينة و العباطة و التلفزيون المحترم بتاعنا شنو
واحد شييييين شناتو مرة و التاني لابس برتقالي و قال بيرقص .. لا حولتن ولا قوتن
يا كافي البلا يا حايد المحن الفي الدعاية التقول معزلنهم من سوق الفردة بي قرش و الشين بي نص و أفهموني غلط ياخ
انتو يا جماعة الناس دي ما شافت دعايات فودافون في مصر
خليييك منها
ما شافو دعاية البيبسي و هنري و هيفاء وهبي
اوووووه
خليييييك منها
دعاية الكولا و نانسي عجرم
الفي آخرها تمص شفايفها و تدينا ضحكة تخلي يومك كلو باسطة
ياخ في دعاية لي جهاز الكاتل ( الليييل ) سوداني و الله فيها مره كدا تقطع الخميرة من البيت ما عارف واسطتها منو في التلفزيون
مشاكل
سلاااامز
وقع الحافر علي الحافر
إنت وأخوك عبدالرحمن بتاعين مشاكل جد جد
بعد دا أنا حاطالب بمناصفه إسم //مشاكل// ويااااك بتحيه تبدأ بسلامـ ظ
زوووووووول-التامنه دي من عندي /عشان ما تجي تقول لي هذه بتلك / هو أنا اتسابقت معاك
علي العموم يا أبو الزولات في تقنيه جديده وهي الزحمه الخلاقه ……كيف؟
-التاجر وقومه… يلم أصحابه وأصحاب أحبابه وقرايبه ويحاوطوه ليك في نص السوق وهو يبيع في -مثلاً عطر ضارب.. حلق فالصو.. ملابس …الخ- ويلم ليك في يده كنجالات دبشه أها أي زول يشوف الزحمه يجي والما يشتري يشتري مش يتفرج
الحبيب عبدالرحمن..سلام..
والله اعلانات زمان كانت مقبولة وجاية من عمق الشارع السودانى,,لكن ناس الشامبيون ديل وعباطة البت المعصعصة دى!! كمان هى بتسبق الحركة,,يعنى تناسق مافى..
اسه عليك الله فى احسن من نايل باور!!؟؟؟ وستيم تفاح نفعت يوم الحوبة!!!
لدنا شمباتى .. حمدللالك بالسلامة .
شمباتي حمدن ع السلامه ……التفاح نفع يوم الحوبه والله أكضب عليك لكن أنا جابوه لي ما سمعت
الوالد السلاوى..الله يسلمك..يا دابى طلعت من تحت قبتى!!!
عبدوز..الله يسلمك,,زى دا ما بنحضر,,بنسمع بس..زى لما الترابى كان على سدة الحكم واتصل واحد على البرنامج واهدى ليهو اغنية (ما دوامة)!!! وستيم تفاح ما كانت موجودة اياميها..