تم بحمد الله و توفيقه ..نزول كتابي الاول كنسخة الكترونية مجانية
اسم الكتاب : امسح …متأكدة ..
التصنيف : يقال قصص قصيرة
المؤلف : ايمان ادريس (مشاهدة)
دار النشر : حمله مروه رخا للنشر المجانى .
مقدمة :
عندما تضغط Shift/Delete فإنك تقضى على الملف تماما ولا يعود حاسبك الآلى قادرا على استعادته … لن يذهب لسلة المهملات … حيث يمكنك التراجع …
إننا نمسح بنفس الطريقة فى حياتنا اليومية، نمسح هذا الآخر المختلف – المتخلف أو الأكثر تطورا – نمسح هذه الديانة، تلك الأماكن، المرض، الحزن، نسمح الذاكرة، أو نمسح الأشياء التى تستدعى الذكريات، قنبلة هنا، ورقة طلاق هناك، استقالة، وغيره. إنه الحل الأسرع – الأسهل – ولكنه للأسف نهائى.
تعلمت أن الحياة أسخف وأقل شأنا من هكذا قسوة، وأننا شئنا أم أبينا نتغير وتتغير ظروفنا، تعنتنا فى وجه التغيير هو حماقة غير مبررة.
فلنقل إننى أكتب عن ذلك … وبغض النظر عن التصانيف الأدبية هذه مجموعة متصلة ومنفصلة …
وجدت فى اتصال القصص طريقة لرؤية أوسع … لكننى أكتبها ليكون كل منها كائن منفصل فى الأساس … يحمل فكره وإحساسه الخاص المتعلق باللحظات التى يصورها.
قسمت المجموعة لقسمين ( من غير حب ) و (with love …)كى يتجه كل قارئ للقسم الأنسب لميوله – ولا تميلوا كل الميل. أتمنى تقرأوها كلها عشان تتضح الصوره.
أتمنى أن تنال المجموعة رضاكم.
————————————————————————————————-
Update
ساعدونى و اعملوا الاتى كل حسب قدرتوا و كرموا طبعا :
– اعمل share في الفيس بوك
-اعمل فوروردforward لايميل فيه الكتاب attached
thanx in advance
سوداننا 
السلام عليكم ورحمة الله وبركاته
يشرفني أن أكون أول المعلقين على الموضوع ألف ألف مليون مبروك
وقد بدأت في قراءته فعلاً وقد كانت القصة الأولى حلوة جد (يعني كنت بت مغتربين)
إلى الأمام وعقبال ما نشوفو مطبوع في المكتبات
في حاجه نسيت اقولها يا قوم ..انا عملت ليكم شكر في صفحة الشكر مع الاهل والاصحاب ..قلت المدونون في مدونة سودانا …(^_^)
و عليكم السلام و رحمه الله و بركاته ..
الصادق ..انا اشرف من شرفك دا زاتو ..الله يبارك فيك ..
مبسوطة انو بدا يعجبك من الاول كدا ..و تعال لى راجع بعد ما تكمل بالرأي النهائي اوكى
وزع وزع انشر و اعمل شيرنج مع اصحابك …ادعمونى انا السودانية الوحيدة في الحته ديك ..
http://moshahidah.wordpress.com
الزميلة / مشاهده
سلام…بديت أقرأ فعلاً وانتهيت من القصة الاولى…وكانت جيدة جدا..انتى بتكتبى من الواقع المر بيك وهذا اصدق انواع الكتابة واشرفها فى كلام القصص والحكايات…سوف نظل نقرأ ونكتب (ونحنك) رغم الداء والاعداء…دمتى
ما جايه اقول ليك زميل و ما عايزة أستذك ..فاكتفي بقرن شطة :
سلامين ..و الله اسي انا فرحانه شديد انو فعلا الناس بدت تقرأ و ما دام الموضوع حسيت بيه واقع فخلاص دا المطلوب ..طبعا لكن الزول زى على رأي الجميلة غادة السمان بكون عايز يعدل وينقح ويعيد كتابه ما كتب كل يوم ..
بعد ما تخلص ادينى تعليقك النهائي استغله ..in my ad
الاخت الفاضلة مشاهدة والان ايمان – جهزت كل شيء ولكني لم اقرا شيئا ولكني احببت ان اكون من اوائل المباركين بهذا الانجاز الكبير وبعدين ح نديك راينا ولكن اعتقد انه كتاب جميل حيث قرات المقدمة فقط دمتي والى الامام .
اهلين يا دكتوره .. اتمنى يكون في تجهيزاتك مزيكا ..لانو انا بكتب بمزيكا وبقرأ بمزيكا .زكعامل مساعد ..الله يبارك فيك ..و يا رب يكون عند حسن ظنك ..في انتظار تعليقاتك
مبروووووك الوليد الأول يا مشاهدة… و زي ما قالوا ناس القريشات المشكلة بس في المليون الأول….
موعودون اذن بالثاني و الثالث باذن الله…
أنا برضو جهزت الملف الذي اتشح بالسواد بينما حملت اللون الأبيض مهمة اطلاعنا بفحوى الكتاب…
يا ربي كان طبعتو ما بكمل لي الحبر….
الله يبارك فيك يا عزت ..فعلا هو اهم شي التهور الاول ..
اخوانو قاعدين ..اخوهو البكر رواية من زمن كنت بكتب في الورق و صراحه ما قادرة اطبعا و تانى عندو اخوين صغار ..مستنينو يكبر شويا عشان يظهروأ
اهم شي الاسود اصريت عليه رغم نقه المدقق اللغوى المهذب جدا ..الكان معارض له
سلام يا مشاهدة
طبعا قريت المقدمة والقصة الأولى
كسّرتيني عديييييييييل كدة بكتابتك البتحمل طابع الأنثى
مزيد من العطاء والتوفيق
دمتى
سلام يا نواعم ..
اهو بنحاول ..اتمنى كل القصص تعجبك ..تسلمي
العزيزة إيمان
أبارك لك إصدارتك الأولى وعقبال المية بإذن الله .. لدينا قصور فى الأدب النسائى يمكن أن يملأ بمثل مساهماتك الرائعة هذه .. أتمنى لك من كل قلبى التوفيق والسداد .
العزيز ..استاذ جبرا ..
الله يبارك فيك الله يسلمك …الله يبارك فيك الله يسلمك …الخ
تسلم و اتمنى تقرا و تورينى رايك ..
بمناسبة النشر ..سبق و اتحدثنا عن النشر في مصر و رسلت ليك ايميل بس ما عارفه اتلقيتوا ولا لأ ..عموما تجربتى المجانية دى امكن ما تناسبك ..لانو عندك كتاب يباع ..و بالتوفيق يا رب في ليله التدشين
مبرووووك يا ايمان يا بت ادريس
كل يوم بنكتشف فيك شي جديد وجميل
ليه من زمان حارمانا من المتعه دي ؟ تسلمي
كتاباتك من الواقع السلس المحبب دون تعقيدات مملة …واصلي امتاعك وهذا النهج وباسم ايمان ادريس وتأكدي ان المستقبل قدامك مفتوح …..
الله يبارك فيك ..يا ابكرون .. يا ولد …اممممم..امي ..زي ما بقولوا
سعيدة انو عجبك
يلا انشر ووزع و اعمل شيييييييييرنج
الاخت مشاهده .. الف مبروك الكتاب و عقبال الكتاب ال100 .. انشاءالله دايمآ امورك مسهله و لنا عوده بعد قرآءة الكتاب
الله يبارك فيك ..في انتظار العوده
اختنا مشاهده سلاام
طالعت وبكل الفخر ما سطره يراعك الرائع فى المقدمه او صفحة الشكر كما اسميتيهاودعينى انابة عن كل الاخوه بمجلة سوداننا الالكترونيه ان اشكرك على ما ورد بحقنا هناك … كما طالعت القصة الاولى وقد الفيته عملا رائعا يستحق النشر الما مجانى ويستحق ايضا ان يباع باغلى الاثمان لان الغالى بغلاتو يضوقك حلاتو ……..شكرا وفقك الله والى الامام
العزيزة إيمان إدريس المُشاهدة
سلام ومودة وإحترام
ده أنتي طلعتي شاهدة وشفتي كل حاجة ومُش مشاهدة وبس كما تزعمين هههه
بداية لك الشكر على النسخة المجانية من سفرك الأول وهي في زمان الغلاء ألذ ملح نستمتع به إلى حين.
ثانياً أتفق مع الخبير أبكرون أن تكتبي بأسمك الحقيقي فليس في الكون ما هو أقيم من الإيمان ومعنى إسم الوالد المُعلم ويا له من مُعلم وبالتالي حق له أن يسعد ويفخر ويزهو بإنتاجك الرفيع.
ثالثاً: أتمهل في الإستمتاع بإبداعك لهذا أقرأ على مهل وقيما تيسر ذلك وفرغت لتوي من القسم الأول،
ملاحظاتي كالتي:
أ) وجدتك ظالمة لنفسك في العنوان فما ضمته دفتي الكتاب لا يمكن أن يُمسح حتى ولو زعمت أنك متأكدة وربما لا يعكس هذا سوى هاجسك في أن ما كتبتينه قد لا يلقى الإهتمام، وهذا خطأ فهو عمل قيم جدير بالدراسة والنقد وليس القراءة فحسب.
ب) قصة “مستقبل مايا” قطعة أدبية رائعة وبالغة العمق تتفوقين فيها على ذاتك وسنك اليافعة ويمكن إسقاطها على واقع الوطن المبيوع، وبما أنك سبق وأن عبرت عن تأثير غادة السمان عليك فربما من أدبها إقتبست أو إستوحيت الإسم وعلى غرابته لن ينتقص من سودانوية النص، بل ربما يخرجه إلى فضاء إقليمي أرحب.
أكتفي بهذا القدر ولي عودة بعد الفراغ من الوجبة الدسمة برمتها.
بقيت لي كلمة أخيرة وهي:
سيري في درب الكتابة الوعر وعين الله ترعاك، فكما قال أستاذنا جبرا المكتبة السودانية تفتقر إلى أقلام نسائية هميمة وجادة مثلك تستحق أن يُقرأ لها ويسهم قراءها في تقييم وتقويم إنتاجها الرفيع.
سلام ايه المخير ..
طبعا اول مره اعرف معنى اسم ادريس و منكم نستفيد :))
بالنسبة لملاحظاتك ..
انا قصدت بامسح متأكدة نفس معنى Shift/Delete يعنى ممكن تعتبره الاسم العربي ..وهو تعبير عن حاله اقصاء الاخر و التطرف لاي فكره و رفض عكسها و مسح هذا المخالف بكل صوره .
بالنسبة لمستقبل مايا ..انا كتبت كالعاده بفكره بسيطه و كنت متأكده انو الناس حتقرأها كل حسب شواغله وخواطره و دى حاجه بتسعدنى انو القارئ يتبنى القصه و يضفى عليها من روحه و يصبغها بمعانى اعمق ..
تسلم و اتمنى القسم الثانى يعجبك كمان .
الاخت ايمان..سلام…
مبارك التدشين وراجين منك اكثر واكثر..للاسف ظروف تقنية منعتنى من الالطاع لكنى احمل شوق واشتياقا بعد ان قرات ما سطره الاخوة من المديح والتمليح للكتاب..موفقة دوما باذن الله..
الاخ شمباتى ..سلامين
الله يبارك فيك ..
اتمنى لو اقدر اساعدك ..ممكن توضح لى مشكلتك بالضبط ..التقنية دى حتتى ..خريجه حاسوب وكدا ..
الاخت العزيزة ايمان ادريس (ميمووو)
اولا اقدم اعتزاري في التاخير عدم المباااااركة ودشليوووون مبرووووووووووك باكورة كتابك الاكتروني عقبااااااااال تدشين كتاب يحمل في اليد حقيقة الواحد في قمة السعاده وجود (عنصر -نسائي) في الكتابات الادبية ( الكتاب ممتع شدييييييييييد غير معقد )… ده بمثابة دعوة لكل الاخوات للاتجاة في نفس المنوال مزيد من العطاااء …..التقدم
كسسسسسسسسسسسرة/
اسرة سوداننا ماقصروووووووو معااااااااااااك طلعتي بي حااااااااااااااااااافز يغطي ليك الصناديق الداخلها كلها ؟؟؟؟؟؟؟؟؟
نونووووو
مافى داعى للاعتذار ..وكدا
الله يبارك فيك و يخليك
ااتمنى يعجبك ..
و اعملوا شيرنج و ساعدونى على النشر يا ناس سودانا ..ما قصرتو طبعا لكن انا طماعه ..
الف مبروك الكتاب
بالجد الكتاب جميل قريت فيه كم قصه
وهو اتضافه حقيقيه لي ناس اسكول اوف ماس
علي فكره عنك ناشر تمام (الصادق) هو الكلمني عنه
العزيز منهل ..
الله يبارك فيك ..مبسوطة انو عجبك
اسي انا راسي مشطوب انتا من ناسي ناس سكول ؟ و ان كنت فمن هو الصادق المشار اليه ؟؟؟؟
على العموم يشكر الصادق ههههه
السلام عليكم مشاهده السودانيه
انا جديده على المدونه لنج ولا اعرف عن كتاباتك لكن اسم الكتاب والاهداء والمقدمه وحتى وصلت الى غطى وجهك يا بت وانا مشدوده كلى ولااااحمه سلك معاك شدييييييييد واسفه للغه الدارجه تماما لكن عجبتينى شديد وانا متحيزة لنون النسوة وفرحانه بيك شديد ..سيرى وواصلى وامتعى
و عليكم السلام والرحمة يا نضار ..
اهلن بيك في المدونة و عالم التدوين الجميل ..
سعييييييييييييدة انو عجبك الكتاب حتى الان واتمنى يستمر عاجبك حتى اخر سطر ..
و مرسي على التشجيع الله (^_^)
الكاتبة إيمان إدريس ( فى رواية أخرى مشاهدة ) .
طبعن اول مرة نعرف إسمك الحقيقى حيث كنتى متخفية تحت إسم مشاهدة ..
فى الحقيقة لم افاجأ بالكتاب أو المحتويات لأنى كنت من المتابعين للمدونة ( مدونة مشاهدة) وفوق ذلك تصلنى كتاباتك على البريد الإلكترونى ..وأعرف أسلوبك أسلوب السهل الممتنع فى السرد للأحداث والوقائع.
فى رأيى المتواضع وشهادتى المجروحة أقول إنها بداية موفقة لمشروع كاتب من الجنس النسائى ( منتهى الجندرة .. مش كدا ) إفتقدناه كثيراً فى مجتمعنا السودانى المعاصر .
بداية تدفعك للمزيد من العطاء ويكفيك شهادة أخونا ابو ناجى ( شيخ كتاب الكلمة الساخرة .. الفاتح جبرا ) قبل شهادات الآخرين ..ولكنها قد تثقل كاهلك بمسئولية تقديم الأفضل ويضعك فى حالة إختبار .
أتمنى لك المزيد من التقدم .. وفى إنتظار ما يجود به يراعك منقصص ومقالات .
حاج أحمد السلاوى…
اولا وينك و حشتنى تعليقاتك في مدونتى ..
ثانيا الحمد لله انو نال اعجابك ..و يكفينى بالجد دعمكم وتشجيعكم …
موضوع الجندره دا شايفاهو منتشر العديد من المعلقين اعلاه ..مجندرنى ..هههه
thanx in advance