أخيراً جات عروسة الشنباتى

Posted: السبت,29 أكتوبر, 2011 by طارق أب أحمد in اخرى
34

و حتنفك البوره (الليلتو)
الخبر إنو السلاوى بقا جدبعد أن من الله على الزميل رامى و الزميله وعد السلاوى بمولوده اموره حفظها الله وجعلها من البارات
ألف مبروك

التعليقات
  1. طارق أب أحمد كتب:
    السبت,29 أكتوبر, 2011 عند 12:15 م

    و التهنئه موصوله إلى بت الشناوى (حرم السلاوى ) و الزملاء رامى ووعد و بقية الأسره

    رد
  2. بت وراق كتب:
    السبت,29 أكتوبر, 2011 عند 12:48 م

    الف مبروك ياحاج احمد احلى الولد ولد الولد تتربه في عزكم
    بالمناسبه دى فعلا تنفع عروسة للشمباتي انا شايفه العائله السلاوى-الشناوي-الشمباتي كده جايه

    رد
  3. طارق أب أحمد كتب:
    السبت,29 أكتوبر, 2011 عند 12:56 م

    بت وراق
    أصلن ولدنا بورتو طولت و ممكن يستنى كم و عشرين سنه تانى

    رد
  4. بت وراق كتب:
    السبت,29 أكتوبر, 2011 عند 1:34 م

    ياخوي ياطارق كم وعشرين سنه دى بتسبب لي حساسيه عديل كده

    رد
  5. عزت كتب:
    السبت,29 أكتوبر, 2011 عند 3:52 م

    مبرك البنية يا جدو تتربي في عزك وعقبال ما ناس طارق وعزت (يتجددو) كمان

    والله فعلا يا بت وراق بتجيب الحساسية لمن الواحد يتذكر عيد ميلادو الكم وعشرين بعد العشرين والا ناس الانقاذ القاعدين كم وعشرين سنة والا والا … مافي داعي

    تحياتي انشاء الله قبال الكم وعشرين تكمل يكون الشباب كوووووولهم دخلو دنيا

    رد
  6. ياسين شمباتى كتب:
    السبت,29 أكتوبر, 2011 عند 4:21 م

    الحبيب طارق…سلام…
    اولا مبارك المولودة للعائلة السلاوية وربنا يجعلها بارة باهلها..
    ثاينا انا اشتكيت ليكم ولا بكيت ليكم ؟؟اممممممممم…
    كمان شايف مشاكل عامل ليهو بوست فى الفيسبوك!!

    بت وراق…سلام..
    ما تصدقيهم,,,انا صغير لسه,,اهئ اهئ اهئ اهئ…

    رد
  7. سهيل كتب:
    السبت,29 أكتوبر, 2011 عند 4:32 م

    الف مبروك جدو سلاوي .. بقيت جدو جدجد ..

    اب احمد : حسن ملافظك !!! شنو ( البارات ) دي ؟؟؟

    شمباتي : اخيرآ قيدك إنحلا

    رد
  8. ياسين شمباتى كتب:
    السبت,29 أكتوبر, 2011 عند 6:19 م

    هههههههههه,,انحل بى (بارة )!! ههههههههااى

    رد
  9. الغبشة كتب:
    السبت,29 أكتوبر, 2011 عند 7:44 م

    مباااااااااااااااارك تتربى فى عزكم ومبروووووووووووووووووووووووك شمباتى

    رد
  10. طارق أب أحمد كتب:
    السبت,29 أكتوبر, 2011 عند 11:06 م

    شنباتى
    أممممممممممممممم
    بارِ يبور فهو بايركس
    ـهههههههههههههههههاى
    كع كرع

    رد
  11. إسترايكر كتب:
    الأحد,30 أكتوبر, 2011 عند 9:25 ص

    الف مبارك حاج السلاوى وحمدلله على سلامة والدتها.

    شنباتى : وتانى لوووووووووووووووول.

    رد
  12. سهيل كتب:
    الأحد,30 أكتوبر, 2011 عند 9:55 ص

    شمباتي : خليك مع الزمن يا باير ..

    رد
  13. ياسين شمباتى كتب:
    الأحد,30 أكتوبر, 2011 عند 7:09 م

    ها,,هكوك وعوين ساى !!!

    رد
  14. ابكرون كتب:
    الأحد,30 أكتوبر, 2011 عند 8:16 م

    الف مبرووووك المولوده ومبروووووك للجد المتصابي وان شاء الله ينفشخ يقعد في الواطه بعد ده ……..تحياتي شديد

    رد
  15. نيام كتب:
    الإثنين,31 أكتوبر, 2011 عند 9:09 ص

    مبروك السلاوي مبروك شمباتي

    رد
  16. الكناني كتب:
    الإثنين,31 أكتوبر, 2011 عند 10:17 ص

    الجد الجديد
    الف مبروك بارك الله في الموهوب وشكرتم الواهب
    الحمدلله شفت بي عينك ما قالو ليك
    ابكرون :
    اصبر شوية علي الراجل بعد التني نتدخل
    شمباتي:
    قصتك صعبة انت ما اشتكيت لكن جنس بكاك دا اخير منه الشكية
    سلام ختام

    رد
  17. AFLAIGA كتب:
    الإثنين,31 أكتوبر, 2011 عند 10:30 ص

    جدو السلاوى : مبروك الجدودية الجد جد .. زمان كانت ونسه ساى اسه مجدود بالبنية المباركة وعلامة جده الشيبه الظاهره والخبر الوقع على كاهله .
    شمباتى : معقوله بس تبيعنى سريع كده تجلى سروية الاقتنعت بيك بعد تعب بعد اكدنا ليها انو مستقبلو مضمون بعد 15 سنه وتمشى لى بت بت السلاوى الحترجاها اكتر من 17 سنه عمر الزهور عمر الهنا ؟؟؟؟ شينه منك نسبنا الابيتو ههههه

    رد
  18. ودالزبير كتب:
    الإثنين,31 أكتوبر, 2011 عند 1:27 م

    الف الف مبروك حاج السلاوي وتتربي في عزكم
    طارق
    شنباتي دي موبالغه لكن

    افليقا
    يازول انت لسه ما مشيت الحج اوع بس تكون من الحجاج البيقفول شارع المطار كل يوميين تلاته

    رد
  19. smukhayer كتب:
    الإثنين,31 أكتوبر, 2011 عند 1:46 م

    الحلوين في كل مكان
    سلام ومحبة واحترام
    حبيبنا الحاج أبو وضاح مبروك الحفيدة وتتربى في عزكم وعقبى ما تتسع دائرة العشيرة السلاوية بالمزيد من الحفدة والحفيدات بنين وبنات ولمن ترجع تترشح في دائرة وتفوز بالتزكية وتدخل البرلمان وتحل مشاكلنا يا كبير الكواشف الذي علمنا الكشفنة، وطبعاً هذا أول الغيث وشايف أبو عصمت بل رأسه، يعني الكتيبة (أ) جاهزة، والخبير أبكرون أول من دخل الجك هههههه

    رد
  20. عباس ركس كتب:
    الإثنين,31 أكتوبر, 2011 عند 3:55 م

    الف مبروك يا جدو سلاوي والتهنئة موصولة للاسرة , والله انا لما كتبت في الفيسبوك بي عيني دي ما شفت البوست دا -القلوب شواهد ( اها يا شمباتي انا كتبت حتة صغيرة ومدارية – شوف العملوا ليك بوست عديل كدة ديل ) .
    افلي مبروك الحجة مقدما وربنا يتقبلها منك , بعدين ولدنا دا يمكن ما خلاكم بس عاوز يجمع كل الزهور !!!!!!!!!!!!

    رد
  21. حنين كتب:
    الإثنين,31 أكتوبر, 2011 عند 4:48 م

    عمنا السلاوى .ألف مبروك البنية وحمدا لله على سلامة البنية وتربى فى عزكم .
    شمباتى .يا زول مبروك مقدما وبعد كدة شد حيلك عشان العروس ماتفوتكة .
    أفليقا .ربنا يتقبل منكم ويعيدكم سالمين .لكن سروية دى لورجت شمباتى دة مابتعنس .

    رد
  22. حاج أحمد السلاوى كتب:
    الإثنين,31 أكتوبر, 2011 عند 6:56 م

    غايتو يا شنباتى أب احمد بشع بيك تمام ..والجماعة ما خلو ليك صفحة ترقد عليها ..والعملتو كان بإيدك .. ألحق نفسك ..

    رد
  23. AFLAIGA كتب:
    الثلاثاء,1 نوفمبر, 2011 عند 11:06 ص

    الحلوين السمار سلامات :
    طبعا ما سافرنا لى الليلى واظنو النداء ده ما كان لينا بالتحديد وربنا ما سهل ( راجعو بيان الهيئة النقابية جريدة السودانى اول امبارح ) !!!!
    على كل النيه واصله والحج ندا ما قرعه .
    شكرا لكل المهنئين مقدما وفقنا الله واياكم السنه الجايه ..
    شمباتى : ما رديت على بيعة سروية لانها متاثره جدا وبتبكى من امبارح ( عليك ) هههههه

    رد
  24. حنين كتب:
    الثلاثاء,1 نوفمبر, 2011 عند 3:00 م

    أفليقا .
    بالله ديل إنتو الكنتو قافلين شارع المطار دة وعاملين غاغة .
    ياخى ربنا يكون فى عونكم .
    أنا بقترح عليكم تحرمو من شارع المطار وتمسكو فى (لبيك اللهم لبيك )من هسع ولو الطيران ماجا تتماسكو وتمشو المجسم بتاع الكعبة فى الساحة الخضراء والنية واصلة …

    رد
  25. زووووووول كتب:
    الثلاثاء,1 نوفمبر, 2011 عند 3:30 م

    مبروك يا شمباتى فكة بورتك وربنا يتمم على خير ………….
    وحمدا لله على سلامة والدتها وجعلها الله صالحة وقر بها اعين والديها واجدادها القدماء …. ربنا يخليك ليهم جدنا السلاوى ويحفظهم ليك يا رب

    رد
  26. ياسين شمباتى كتب:
    الثلاثاء,1 نوفمبر, 2011 عند 5:11 م

    هاا,هكوك وعوين بس !!
    انا بس نفسى اعرف الناس مقومين نفسهم فى شنو !!!؟
    وما عافى ليكم كلو كلو,,آييييييييييييييييي.

    رد
  27. طارق أب أحمد كتب:
    الأربعاء,2 نوفمبر, 2011 عند 8:40 ص

    هاا,هكوك وعوين بس !!………………………………………………….
    دى يعنى شنو

    رد
  28. smukhayer كتب:
    الأربعاء,2 نوفمبر, 2011 عند 9:28 ص

    الأخيار النوار
    صباح الخيرات
    د. ياسين والقرآن الحكيم بالله عليك أعفي للحبان المُلاكزة، ياخي القصة وما فيها أنهم مشفقون عليك ويريدون أن يضعوا حداً لشرور عزوبيتك وأنت تأبى إلا أن تدور على حل شعرك ونثرك ههههه
    بالله باركها قبل ما يتم تشكيل لجنة برئاسة الأخ أب أحمد ويقوم أبوك السلاوي بإعطاء طلب اليد لولي الأمر ويقوم أبوعصمت يلف عمته ويجيب بطاقته ويجوا ناس الفاتح جبرا ونيام واسترايكر وحنين وآخرين يعملوا ليك عقد الجلاد بالجبر (غيابياً) وتقوم اللجنة الموقرة بتشكيل لجنة فرعية تضم أبو الأفلاق والزووول ومشاكل وما شاكل ويعملوا ما يلزم للمة والعضة وربما السكسكة و/أو الجبجبة ويتم إرسال “ذات الدين” تربت يداك طرداً على متن الإماراتية إلى “حفر الباطن ” ولا أياً كان أسمها حفرتك بالمملكة، بعدها لا تلومن إلا نفسك وعشان كدة ما تلاوي أخوانك الكُبار وأعمامك وخت الكورة في الواطة وسارع بالإستجابة إلى النداءات المتكررة ودعم الأمر يتم بيدك ومعرفتك وليس وفق مقررات اللجنة، ولا منتظر أبكرون يحرك ليك إمكانية عقد جولة تفاوضية في الدوحة هههههههههه

    رد
  29. عباس ركس كتب:
    الأربعاء,2 نوفمبر, 2011 عند 11:05 ص

    غايتو يا مخير ما خليت ليهو حاجة – يقصر الملح .
    زي ما قلت يمكن قافل على فنادق الدوحة وما يصاحبها من راحات ونثريات واللذي منو – ابكرون go ahead

    رد
  30. سهيل كتب:
    الأربعاء,2 نوفمبر, 2011 عند 2:42 م

    ايها الثوار الأشرار ..
    يس دا عامل زي اسلافو القذافي و صدام .. مقوي راسو و رافض الفكره لمن نجي نمرقك من الحفره زي العلج / الجرذ ..

    نسوي شنو عاد ؟؟؟ مرمي الله

    رد
  31. MINO كتب:
    الأربعاء,2 نوفمبر, 2011 عند 3:16 م

    سهيل مرفوع الله وكل الاحبه :
    اخوى شمباتى ( لو عرس سريوة بتى طبعا ) زول صبور ومحترم وراجى من الله فدحين دعوه فانه مامور اينما حل نفع كان سروية كان بت السلاوى كان بت ابليس ههههه خلوهو النومه بتريحو ..

    رد
  32. ياسين شمباتى كتب:
    الأربعاء,2 نوفمبر, 2011 عند 7:08 م

    مخير..
    هههههههههههههههههههههههههااااى,اصلى ما بقع ليكم فى فخكم دا ! آييييي..

    ركس..
    اجيك ولا تجى براك؟

    رد
  33. ياسين شمباتى كتب:
    الأربعاء,2 نوفمبر, 2011 عند 7:17 م

    سهيل…
    يحفرك شنواقول ليك !!؟

    مينو..
    صديقة قديمة فى ثوب قشيب ! بختى كان بتدونى سروية,,باكر تنطوا ! وى..

    رد

أضف تعليق