تعيش الحيكومة تعيش الحيكومة و اهل النظام
دا كلو تمام
امورنا استقامة
في حكم الامامة
واكلنا حمام
اهو العيشة معدن وكلو انسجام
صحي بنصحا بدري
و اصبح ولادي ويا رب ليك شكري
واصبح كمان عليك ياحيكومة
واتادب واسال ايه عايزه حاقه
تحب ايه اجيبلك ايه محتاقة
حيكومة بلادي
اهم من ولادي
بصرف عليها كل اجتهادي
موش الموالي بتدفع فلوس؟
وكمان برضو جزية عن كل النفوس؟
بدلّع حكومتي زي العروس!
موش هيا اللي تسهر و تتعب عشاني؟
و تعلم ولادي و تحرس كياني؟
و تحرص عليا عشان ما اعاني؟
تعيش الحيكومة عشرين عام و تاني
حبيبتي الحيكومة ليك التهاني
انتا اللي هناك دائما تعارض
وعايش لوحدك وعايز مفاوض
مفيش حاجة تعجب في حيكومة بلادي؟
ولا حتي الطماطم و شوية الزبادي
ما تصبر شوية يوووه موش اعتيادي!!
عشرين عام كفاية ويكون في اقتصاد
وعشرين تاني مرة عشان الولاد
و عشرين برضو ياخي و يتم المراد
ما تصبر شوية مستعجل علاش
ماهو العيشة معدن و كلو ببلاش
مرادي ومناي تعيش الحيكومة
عشرين مرة اخري عشان الامومة
دي ماما بتهني و بابا كمان
بهنوا الحيكومة و البي السلطان
تعيش الحيكومة طول الزمان
ورأصني يا جدع!!
التعليقات
سوداننا 
شنو يا عمك بقيت في حزب ( قرفنا )
حصل يوك كضبنا عليكم ؟؟
هسه في زمتك رفاعه دي كنت بتمشيها كيف ؟؟؟
غايتو ناس أصلاً ما تحمد ربها
المهم الوصيه بالمهله يا ناس مدني أوعكم تدوا صوتكم لمرشح المؤتمر الوطني المدعو ( جمال الوالي )
ثمح
نيام كيف حالك :
أيوه يا أخي بس عايزين يعارضو . . يعارضو ، الحكومه جابت التفاح الإيراني والعنب اللبناني و الأرز الباكستاني وجابت الرغيف التركي ورفدت ليكم مدير سندس ، عايزنها تكسر ليكم رقبتها؟
ود الزبير والله حيرتنا يوم مع الشجره ويوم تحرش في الناس ما يدو المعجزه ، مش كولو مؤتمر ؟
كدى ثقفونا وادونا رموز الاحزاب فى الانتخابات انا عارف الشجرة بس الباقى ما عارفوا … احتمال نرشح لينا حاجة غير الشجرة
محنك
الشاكوش رمز عمك نقد الماقاعد يصلي (حاليا)
والنجمه رمز نادي المريخ ورمز ياسر قرمان
إسترايكر
ما تلم لنا بوستات الإخوه المعارضين ديل في حته وأحده بدل الزول يساسق بين البرنامج الإنتخابي وإن جاءك الأعمى وفضيحه كبرى للمفوضيه والحقيقه والمجاز وتعيش الحكومه المواضيع دي كلها بتتكلم عن نفس الحاجه فتقوم تعمل ليك صفحه زي الإجتماعيات أو منظمه زاد المسير ونقوم نقابل الناس ديل هناك ونناظرهم بدل ما نحن مشتحين كراع في مدني وكراع في الخرطوم ولا كيف يا شباب ؟؟
خالد مدني
أررحح
عايز ترقص يا نيام بقيقم ولا اللحو الكريه
بختنا يا نيام ناكل مما نستورد لا عندنا اراضي خصبة لا انهار لا ناس بتزرع……مش في دول صغيره زي الاردن بتزرع لينا؟؟؟؟؟؟؟؟؟؟؟ ربنا يزيد
——————————————
نيام ….بالله شوف المشير ده عايز يا كل بعقول المعاشيين حلااااوه قال يخاطب ضحاياه من ناس الصالح الخاص :
(إتخاذ قرار إحالة نفسه للمعاش كان صعبا عليه…الخ)
ولكن قرار إحالة الآلاف من الضباط للصالح الخاص من لجان ابراهيم شمس الدين والهادي النكاشةوتشريدهم كان هينا عليه!!!!
ويا للعجب!!!!!فالمخاطبون هم هؤلاء المحالون أنفسهم!!
إبراهيم شمس الدين له الرحمه بنعرفه لكن الهادي النكاشه ده منو ؟؟؟
معاش الموظف فى السودان 150 جنيه تصدقوا … والمحليات عاملة نفايات وجباية ماء وناس الكهربا مجتمعين فى اقل بيت عايزين 250 جنيه يعنى ما ياكل ولا يتعالج مويه ما بتسقيه …. ظلمهم باين ما دايرليه ضو
معاشييين الضباط عندهم اكراميات اراضى ومزارع وبرضو مظلومين يا ريت لو الشعب السودانى بقى كلو بالمعاش عشان نشوف بسووا شنو
طبعا الشعب كلو شباب وخوفا منهم والعطالة وكده تم تعيين كمية بولاية الخرطوم من زمان مالوا يا الخضر ويا الباسم الزرعان
وكميه فى الشرطة لتامين الانتخابات اها وبعد داك يمشوا وين
فعلا الصالح العام كان مجزرة واكبر خطأ
ود الزبير
قلت لى النجمة اللت الصهاينة وقعت لى عرمان …. واله المريخاب ديل مشكلتهم كبيرة كان ما الوالى ذاتو مؤتمر وطنى كان قالوا النجمة قد دنا عذابها
القبيله سلام…
نحمد الله شبعانين وتقيانين وحتى الطير يجينا جعان من اطراف تقينا شبع
اللمه والزحمه والعاالم يقوم ويقعد من عام 89 والامم المتحده بطلت شغله وبقت قصاد السودان دول الجوار من دون فرز كبيرهم وسغيرن خاصمونا وصالحونا وتانى خاصمونا وتانى جو يكوسونا فرادا وجماعات
من بات يملك قوت يومه امن فى سربه فقد ملك الدنيا(او كما قال) ..
ليه الضجه دى كلها ما من 56 حيكومات تجى وحيكومات تروح ورجل افريقيا المريض فى زوايا المهملين
لا لون ولا طعم ولا رائحه بس كان زمان وكان وكان ماهو كل الدنيا مازى زمان …
هيع يعجبنى الراجل وكتين ينجض شغلتو … ونجاضت الشغل شفناها فى هذا التنظيم العجيب صمد وصمد ويحكم شعب كلهم لا يقبلو اقل من رئيس ولايؤمن بغير فكرتو وان عاش ملايين السنين ولو مشكلتو شخصيه مع فرد فى ادنى تسلسل التنظيم تبقى عداوة للنظام وللوطن ياترى لماذا كل هذا؟؟؟؟؟؟؟؟؟
ودالزبير:
انتو البقيتو معانا يا ودالزبير من زمان انا بحب الشجر و زرعت لي كم شجرة كده بس ماتو من العطش..بعدين الوالي دا عايز ياكل بعقلنا حلاوة عشان نحنا مريخاب عايز نا نديه بس نحنا ناس واعين و بنميز و عارفين الغابة وين..يعني لو انعصرنا اكتر حنخش طوالي..
علي سنكل:
ياخي الناس دي دايرة شنو عملنا ليهم الكباري قالوا عايزين البنطون اكلناهم من كنانة و الرهد قالو عايزين مستورد…قفلنا مشروع الجزيرة و جبنا ليهم المستورد قالوا عايزين من بلدنا حيرتوووونا..
ابكرون:
ياخ انتو مفروسين اوي اوي اليومين دول و ما لو الرأص انما الامم الرقصات ما رقصو و ا ن همو ذهبت رقصاتهم ذهبو
و عشان نوسع الخيارات نبتدي بقيقم و نختم بالاحو و اهو كلو فلكلور..
بعدين انت ما سمعتا رصاص قال ليهو “انتا فتهت 51 جامع ناس بقولو تلبا دا ما بارف يكتب اسمو ، اها انتا تسو ليهو سنو جدا ما جامع دا بديك مفتاه بادين انتا بمشي بشوف جوا في شنو؟”..بس انتو يا ابكرون ما عايزين تفتحوا تشوفوا جوه في شنو!!اي حاجة عايزنها فاتحه..
استرايكر:
اي والله يا ادمن المعارضين ديل اعمل ليهم نقابة زي احزاب جوبا خليهم نعمل ليهم دروس في التشجير!!يا قعدوا معانا تحت الشجرة يا دخلوا الغابة مرة واحدة…
محنك:
كيفك يا زعيم ..طبعا اهم رمز الشجرة و بعدو النجمة لكن كان قعدت تحت الشجرة معانا بكون اباطك و النجم…
ابوالمنذر:
وينك يا رجل …فعلا والله خاصمونا و صالحونا و رجعوا خاصمونا و تاني صالحونا حيرناهم حيره…هيع حرم انحنا العالم جت حيرناهو..
نيام نيام يا أبنودي السودان اليك هذه من أخيك أبنودي مصر والحال من بعضو :
عشب الربيع مهما اندهس
بالقدم
أو انتنى في الريح
بيشب تاني لفوق
يغني للخضره وطعم الألم
حبيبتي وإن يسألوكي
قولى مسافر بعيد
رايح يقابل العيد
على قلعة فوق الجبل
واللا في سجن جديد
في غرفة ضيقة في ساحة
الإعدام
يرمى الرصاص واللا
الخلاص
في خية المشنقة
مشوار بعيد المعنى
عالي الصوت
إذا مارحتوش أموت
وعالمي ينقفل
والشمس تسحب خيوطها وتنسحب في خجل
وسعيد كل ما قربت المواعيد
وهل فجر جديد
سعيد بكل اللى متألمه
كل الألم في الدنيا متعلمه
في زماننا ده ما أخيب اللى
الحزن يفطمه
تعبت أقرا الوجوه بحثا عن
الإنسان
وتعبت أقرا اليفط بحثا عن
العنوان
كل الخرايط ما توضح تبهت
الأوطان
لكن خلاص كتبت اسمي
بومض الرصاص
وفديت عيون الوطن وفديت
عيون الناس
ويا أمي إن يسألوكي لا
يترعش لك حضن
ولا تحسى بحزن وتقولي مات
في السجن
ساعتها يبقى الحزن بلا
موضوع
والسجن بلا موضوع والموت
بلا أكفان
وكفاية جربنا سنين الموت
بالمجان
والتافه المتهان أهانا
بالمجموع
الموت مجرد سفر
لاشواك ولا زعابين ولا عفر
ولا كلاب بتطل من جورنان
تخطب بألف لسان
تصبغ وجوهنا النيره بأصبغ
الألوان
ويا أمي كل ما يوهموا بموتي
اتذكري صوتي بذمتك مش
كان عظيم الآن
قالت له صوتك نشان
قالت موتك بيان
طالع يقول موجود يا أسمر يا أبو عيون سود
فكيت طلاسم سحرنا
المرصود
وعدلت وش الزمان
المشكله يا ود الزبير ومشاكل لو ما بتعرفوا الهادي نكاشه ما بتعرفوا تصفيات القوات المسلحه وبيوت الاشباح ولا سمع ساكت؟؟؟؟ لان الكلام ده كان قبل 20 سنه يعني اي زول عمرة نحو 40 سنه مفروض يكون شاهد علي ذلك (لكي لا ننسي) واي زول عمره اقل من كده يقرأ ويبحث ويعرف الحقائق حتي من ناس شاركوا زي كتاب المحبوب مثلا وشهد شاهد من اهلها او يتفرج ساكت ……
دي زي زول سنه 60 تقول ليه هتلر عمل وسوه والنازيه والفاشية(سنه 40) وهو كان في اللفه او لم يولد….لكن يا ود الزبير ما اظنك دون ال 20 لمن حصل الانقلاب المشئوم ده….!اسال عمك قوقل اكتب ليه الاسم بجاوبك باسهاب وبطلع ليك بلاوي
أبكرون
خلاص كويس
أبكرون : هو بالله اللحو البيدر الأسد النتر برضو تغنى بمآثر الإنغاز؟؟؟
بشار بن برد:
معلم بشار اشكرك علي الاطراء ايها الاديب الاريب هذه قامة لا نطالها و لكنها شهادة منك اعتز بها…
“بقيت اقرا الوجوه بحثا عن الانسان
وبقيت اقرا اليفط بحثا عن العنوان”
بالله يا بشار ما اشبه الليلة بالبارحة…
اما الاخير فهو ( اسد عليا و في الحروب … ) بالمناسبة في الامزونة مشروع مليون فنان و فنانة المشروع الوحيد الذي يمشي علي قدم و ساق…
ابكرون:
اعلان هام اليوم “من عزة السودان الاولي حتي عزة السودان الاخيرة عليهم التقدم لاقرب نقطة بوليس للعمل بمرتبات مجزية في الانتخابات”!!!!!!!!شفت كيف؟؟؟
ما فهمت انو عزة السودان الاولى وحتى قبل سسنة من حقهم التصويت الا العزة الاخيرة ودا معناه عايزين ادوهم شوية فلوس ويضمنوا اصواتهم …. بس
ده نوع من الارهاب للخصوم…هي دي اصلها انتخابات ولا حب البوير آلاف مؤلفه من الشرطة وتخريج كل يوم وعزة السودان غايتو جنس جقلبه
حرب البوير
نيام
ودالزبير:
انتو البقيتو معانا يا ودالزبير من زمان انا بحب الشجر و زرعت لي كم شجرة كده بس ماتو من العطش..
ماتووووووووووو من العطش لية نهر النيل ده لافي في ليبيا ياربي ولا نقلو مكان ونحن ماعارفين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سلامز
الحمد لله ما دخلت ولا أي ( عزة ) من عزات السودان .. فتصنيفي كان دال
فلنفس السبب الما دخلني عزة السودان .. أعتذر عن العمل في الإنتخابات
مساكم الله بالخير
زمااااااااااااااااااااااااااااااااااااااااان كان قطع الكهربا والمويه هسع الكهارب موجوده ومافى ترشيد بعد السد
وعندنا النيل ماشاء الله سمعتو حصل المويه قطعت ،،، بس سمعنا بقطعها عند جيرانا المصريين
سمعتو بالكهربا بتقطع نهائى يطرش اضانا ماسمعنا كل افتراء فى حق ثورة النضال الوطنى
ده كله من فضل ثورة الدمار الوطنى التى حققت اهداف الشعب الفضل الشعب اللقوه جيعان وكافر وارشدوه
بقى احنا شعب ناكر جميل يطعن فى ظل الحكومه
وقفه تبجيل مع ود الزبير ونيام من اجل رمز الشدره
الاسم :حكايه فى الزمن الضايع
فئة الترشيح :مرشحه لرئاسة الجمهوريه
(هو الموضوع ساى كده تترشحى ) اها
الرمز:الفرار والفاس
ليييييييييييييييييييييييه
لاقطع الشدرة من اصولها ويحيا الفرار ابوفاس
الهدف : من اجل تعطيل حركه النموء التى بداتها الانقاذ
جننتونا كل يوم واحد يشكر واحد يشتم شعب ما عنده كلمة بتعريفه
ود عرمان بالرغم من عيوناته الماراكزه لكن باين لى اخير قال زى الباقين ما بقولو كل سودانى يملك قطعه ارض ههههه الله يعوضنا
يا عمنا طريق مدنى وزعوه وانتهوا من كل الاراضى لكن باقى النيل ما وزعوه لانه قالوا وقف وحكر لهيئة مياه السودان
وقال كان عندكم ناس السبح عندنا ناس الكجور
اخرتها رئاسه بسبحه واخرى بكجور والله ماعارفين روحنا زاته بالضبط شنو
اوووووووووووووووووووووووووووووووووووووووووووووووو ده جنوبى قام زغرد
المهم
احنا عايزين زول يحكم بالعدل وبدون دقنه وعلامه صلاة زائفه وكل زول يورينا وشه الحقيقى ولا اقنعه
تحت تحت قالوا جايبين لينا رئيس من سوق مايرنو رايك شنو يا ابكرون اهو جماعتك وصلوا
الانقاذ 20 سنه بتربى ليها فى شعب عشان فى النهايه يطلع متخلف ومنقولى ده كلام لكن التسويه بايدك يغلب اجاويدك ودى تربيتك يا حيكومه
عرمان قال ابيار على جنب جدة بحرموا منها السودانيين للحج والعمره … ياخ لما ما عارف اخير كان تسكت
السلام عليكم
اليوم عندى شمار من مصدر موثوق بقولوا ان بوشدره مهدي له جان متابعو محل ما يمشي اهداهو له فكي اسمو بله الغايب
جديد أحمد فؤاد نجم للرئيس مبارك
نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده فى ايده الخلاص
نبايع سيادته ولا حد غيره
كفايا علينا نبرطع في خيره
ونوم شعب مصر العظيمة و شخيره
يقول للحرامي ما تسرق كمان
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي ! نضيع
دي مصر بتاعتك واحنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر واحنا نطيع
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
لكن يعني ما دمنا شعب انتساب
و دايما وأبدا فى حالة غياب
متعملش لينا ياريس حساب
دي عزبة سيادتك وفيها أنت حر
و دستور ما دستورشى مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش وضارب جذوره
و ايه يعني تهري جتتنا البلاوي
يوماتي كوارث، فضايح، رشاوي
كفايا علينا القعاد في القهاوي
بنستنى لما الوريث ييجي دوره
أشعار أحمد فؤاد نجم
11/12/2009
عباس:
كيفنك..اولا انا معاكم وطن واحد حدادي مدادي .. سعدت بمرورك..ونهر النيل دا قاعد ما في زول بقدر ينقلو..انت يانيل يا سليل الفراديس .. لكن يمكن انا الغلطان اخترت شجر ما مناسب لارضي..
مشاكل:
سلامز…حالتك بتعتذر عن شغل الانتخابات … فيك الخير المقدم ما موصل…
حكاية:
حكاية في الزمن الضائع ..ما انتو الضيعتو الزمن هسع فرارك و فاسك ديل لاماهم لليوم الاسود..بعدين المفوضية اشتغلت معاك بنظرية التشتيت هسع نحنا ندي الفاس و لا الفرار..
طارق اب احمد:
ياخ انت عزّال خلاص في الصور في الشعر في الارشفة…شكرا ليك و شكرنين لاحمد فؤاد نجم..
“”خرابك يا مالطة حيحصل بايده
ومين فيكي يعني بيسمع آذان
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان”
mon amie:
بلة الغائب في الركائب …دا الانطون بتاعنا ..لكن شايفو لحدي هسي قال فيفتي فيفتي عشان كده حنغيروا لازم فيفتي ون…
المذيع سأل والدة الرئيس عن طفولة عمر البشير
..السيده والدته تحدثت عنه بما من شأنه أن يسقط أي مرشح رئاسي
قالت انه من يومو (شرّاني), وانه كان بيضرب أخوهو الأكبر منه,
وكان بيقول ليها انه ماحيضربه بيده بس حيضربوا (بالهون)
وانه كان دايما بيضرب أولاد الحله وبيهددهم عشان ما يكلموا أهلهم,
وانه لما أبهاتهم عرفوا جوا ضربوهو,
وانه دايما كان عامل مشاكل وجايب ليها الأهل يشتكوا منو,
يعني كان شرّاني وبتاع مشاكل وضرب,
هذا حرفيا ما قالته السيده والدة الرئيس.
الاديب نيام..سلام وشوق واحترام..
والله باركت ليهم مباركة جد!!! احييك واحيى قلمك الواعى..وعبرك ببعث رسالة باسم الشعب المطحون للمشير البشير : (ما كفاية الشفتو منك,,والله اكتر من ببكى)..