يسرني ان اعوكم جميعا بنوت واخوات ابناء واخوان الي زواج ابنتنا (سديم) وذلك يوم الاربعاء 21 ديسمبر الغداء والعقد بمنزلنا بالواحة شرق مربع 5 قرب مسجد الفرقان والعشاء مساء نفس اليوم بنادي الضباط صالة الفاتح بشارة….السمع يكلم الماسمع ….الجوة والبره………….حضوركم يسعدنا
(لا تقبل التهاني بالبوستات والتلفونات ….بالحضور السخصي بس)
التعليقات
سوداننا 
الأخ الكريم أبكرون
مبروك مقدماً للأسرة الكريمة وللعروسة و بيت مال و عيال.
و ربنا كان مد في الأيام و جعلنا من ناس جوه في يوم العرس سنكون من الحضور بإذنه تعالى.
و دامت الأفراح.
الحبيب ابكرون..سلام..
مبارك للبنية وربنا يعمرهم ويسعدهم وعقباااااااااااااااالك كدة !
لو مجمجت بكلللم !
يا جنابو الف مبروك وعقبال البكاري وتبقي جدو .اناشاء الله حاضريين معاكم
و انشااء تلله ربنا يدوم الأفراح. .
مشكورين سنكل وشمباتي وود المهدي ويا مرحبتين بيكم
اسعد الله العروسين معا و حباكم كلكم فضلا و منة
نصف دين تم يا خلي فمرحى
ثم فضل اخر في نصف جنة
وانشالة تكون زوجت لاتنين
و ضمنت جنة كاملة
بتلرفاء و البنين و جمع الله بينهما على خير
و نتطلع للحضور بعون الله
محمد حامد ادم
الزول البشوش بفرحة يلقا حبيبو
و الفرح البلم كل زول صديقو يجيبو
و ان شاء الله السعد يبراك و تبقا نصيبو
و لو سمحت ظروفنا بنحضرو بترتيبو
و يا جدو البكاري في حوشك و انتا رقيبو
ابكرون : مبروك وبيت مال وعيال وحضور باذن الله .
انما تعرف الكواشف بزواج الابناء ولا شنو ؟؟
شكرا يا عبد الرحمن وتسلم ،
جدو نيام شكرا يا شاعر الجزيرة شكرا علي الكلمات الطيبات ، البت حضرت تخريجها لازم تحضر زفافها …افليقا يا صغير يا محيرني وشنو ما عارف حضورك والمدامين يسعدنا
بالرفاء والبنين إن شاء الله وربنا يتم على خير
وإن شاء الله نكون معاكم
الخبير أبكرون
سلام ومحبة واحترام
ألف مبروك للبنية وربنا يتمم على خير ويبارك لهما وفيهما ويجمع بينهما بالخير وسوف نحضر ممثلين في شخوص الأحبة نيام وصحبه وربنا يديم المحبة
شكرا للحلوين الزهراء وود المخير مشاركتكم لنا ويا الف مراحب الدار داركم
المحترم ابكرون ( سيد شباب الاجداد )
دا باعتبار ما يكون طبعاً
لك وللعائلة الكريمة امنياتنا بالبركة والزيجة الطيبة وبيت مال وعيال وسعادة وتفاهم
ربنا يهون القواسي ويبعد عننا ال….. بنجي كان اللكريم سهل للعرس نحضر ونمتع انفسنا بلقاء احباب كرام
ربنا يتم علي خير
ودمتم
شكرا يا امير يا كناني نشيللك في العيون تشرفنا ومشكور جدا اخي
ربنا يسعدها ويهنيها وعقبااااااااااااااااااااااااااااال الباقين ناس هناى وهنايه هههههههههههههه
مشكورة بتنا عشوشة وعقبالك ان شاء الله وحاولي تصلينا اقلو بالنادي
الحمد لله الذي اتم كل شئ كما نود وسهل الامور
واغتنم السانحة لاشكر كثيرا الذين حضروا المناسبة ود الزبير وعزت وود المهدي ومحمد ساتي
ونيام الذي تكبد مشاق الحضور للمنزل
والشكر لكل من هاتف وكتب
الفين مليون مبروك(يبته سعيد وهناه مديد) ولك طول العمر وتشيل احفاد احفاده
نوينا الجيه وربنا ما سهل