قرينا حروفك شربانة عشم
تريانة و نابضة زي نبض الدم
و قبال نفهم
طعم المكتوب
شفناك ملفوف بالتوب
متلك ما بقعد عارفك
تبروقتن منسوجة نسيج
طاقية مغزولة غزل
من يوم لاقيتك قنديلة معزولة عزل
مسقية موية النقاع
مركب ساربة لا ريس لا شراع
طعمك زي كتب الدين
فهمك ديمة فهم بعدين
لا عاينت تحت كرعيك
و لاك غشيم بالبيك و عليك
دايما مستعجل و عجول
فهمك دايرلو صبر
و فراقك دايرلو صبر
يا حميد
الزول بتمهل يا زول
من زمنا ممجوج و كسول
لي زمنا مجنون ضمة
مضروب في الذمة
لا فاهمين الزمن الروح
و لا الجايينا و همو مقرح
ما كان تشرح
في الحصة الفاتت قلت المسرح
دقن الباشا وسبحة قضيم
وقلت الحق بعنوهو عديل لا تدليس و لاهو هضيم
وهدا جبنا السبحة
و دقن الباشا سرب في لمحة
عمايرو يطاولن
بزناسو يقاولن
والمفتاح ملفوف في لفة
غفلنا و زاق كضاب الزفة
ولمن تاني رجعنا الحصة
وقلنا بنفهم باكر
لقينا اعلان في باب العنبر
الاستاذ حميد دا مغادر
حميد يا كمين بشر…صحى الموت سلام ما يغشاك شر….
احسن الله العزاء فى فقيد الغلابة التعابى…
ما حبب حميد للناس كلماته التي تنساب كالموية عذوبة وسلاسة وأجمل شئ أنها لامست ونالت اعجاب شباب الجامعات الما بيعجبم الصيام في رجب وخلتم يفتشو في دكشنري (نوري) لبعض مفرداتها
قلت لأولادي الصغار حميد قال
أمونة الصباح
قالتلو النعال والطرق انهرن
ما قالتو جيب
شيلن يالحبيب ودهن النقلتي
والترزي القريب
الكلام دا معناهو شنو…… غايتو قالو لي النعال دي بنعرفا…. وشرحت لهم الباقي
علقوا في هذا البيت وصاروا يتمازحو ويرددوا شعر حميد…..!!
لكن يا ام الحسن طقهن آآبفيد,,طقهن آآآ بفيد..
وانطقن زمن,,وان طق الزمن لازمك توب جديد وبى اى ايت تمن….
شان يا ام الرحوم ما تنكسفى يوم ,,لو جاراتنا جن,,مارقات لى صفاح,او بيريك نجاح,دا الواجب اذا…
واييييه الدنيا غيييييير,,لمة ناس فى خير او ساعة حزن……
هسة يا شمباتي باقي ليك (صفاح) دي في زول بيعرفا في الأيام دي…. يا حليل الصفاح وقطع الرحط…..
ما يروح فكركم لبعيد احنا قطع رحط زاتو ما استمتعنا بيهو ولا جابو فينا قون ولا حاجتين
شمباتي:
“واييييه الدنيا غيييييير,,لمة ناس فى خير او ساعة حزن……”
والله ما تسوا جناح بعوضة…
عزت ترطيبة:
انتا ما ياكا دا من صفاح لصفاح و البطاقة مجددة والحمدلله… قطع الرحط دا طبعا اولاد الخرتوم ديل بكونوا قايلنو
Cutting Btza
عزت…
هههههههههههههههههههههههههههههههههههههه,,,انت اظنك مشتهى ليك قطع رحط ساى تأسيا بى رئيسك ! كع…
نيام..
اى والله,,لكن الزمن دا لا ساعة الحزن لا ساعة الغدا ما بتلقى ليك رفيق ! كُر..
غايتو يا شمباتي رئيسنا دا حيرنا عديل… غايتو لو (الوشعات) دي طلعت صح يكون بالغ… ثلاثة……!!!
المشكلة (عبد الرحيم) يلم فيهو كيف تاني…!!
هههههههههههههههههههههههههههههههههههه,,هو الهطلة دا ما قالوا قاعد فى الدولاب ! كع..
لكن اكتشفت ليك انو المشير دا حسانى ما جعلى !
نيام وعزت وشمباتى
صحيح الناس السمحين دايما مستعجلين —— لهم الرحمة
البشاوى….سلام..
ورحل صوت (حميد) حزين..ولسه الصوت صراع زمنى..
ورهيف احساسو ما فرهد…
الشاعر حميد..
منبع الاصالة والنضال
وكل كلماته زينة فوق زينة