Global ( 3zabi ) Person

Posted: الإثنين,29 مارس, 2010 by mashakel in إجتماعية

نطلع شوية من جو ( ساس يسوس ) الدخلتنا فيه الإنتخابات و الصراع الدائر فيها ... التقول بعدين حيدونا وزارة الخيال العلمي … اخير نبطل شلاقة

ففي الأيام السابقة فقدت اتنين من أعز ( العزابة ) علي … و الاتنين ديل كانو دايما في الخطوط الأمامية لمواجهة أي مخطط ( زاموكي ) لصيد الشباب العزابي المتفرد النادر … كانو دايما في حائط صد دفاعي لمن تحصل هجمات مرتدة
و شكلو لازم نعمل مراجعات لي مشروع
Global ( 3zabi ) Person
أصلو المراجعات الأيام دي مدورة في صفوف الجماعات الإسلامية المتشددة .. نحن برضو كجماعة عزابية متشددة عايزين نعمل مراجعات و كدا

كان الشعار دائما

العزوبية كنز لا يفنى

لكن واضح حاليا إنها ( تزول بزوال المؤثر ) سواء كان المؤثر مادي أو معنوي … طبعا ما قاصد الشاكوش

و كانت صفوف الجماعة تتناقل الشعارات العزابية زي

العزوبية تاج على رؤوس العزابة .. لا يراه إلا المتزوجون

لكن ما عارف ليه .. مع أنه معظم الراقدين تحت التراب من المتزوجين .. لكن لا نكف عن الزواج ..أو كما قال الحكيم أنيس منصور نصير العزابة في كل زمان و مكان

من أميز ( أناشيدنا ) … انتو قايلين الكيزان براهم العندهم أناشيد

لا لن تخادعني أمور اللف و الدوران بي و الإلتواء

لما خلقت …خلقت حراً …..كيما أقول برغبتي أبداً

و أفعل

ما أشاء

هذا المسمى في قوانين اللغات الحب ثمة إدعاء

هذا كلام فارغ …هذا شعار ساذج

هذا هراء

ما الحب في نظري سوى حاء

قد إلتصقت ب باء

الله لا جاب عقابك يا تامر حسني … خربت لينا ( الجيل ) دا .. قال شنو

لولا الهوى
ما كنت جيت
حبيبتي حيت
الصبح من بدري
مسيطرة على
بالي على فكري

فعلا الرجال ماتو في تايتنك … من زمن سي السيد .. لي زمن .. أقول يمكن انا الماجيت
الواحد ياخد شاكوش و بدل ما يلملم باقي كرامتو و يشوف ليه شغلة يتخيل انو هو الما جا .. عالم عجيبة

و أخيرا مع قارئة الفنجان … إحتار دليلي معاي

جلست و الخوف بعينيها
تتأمل فنجاني المقلوب
قالت يا ولدي لا تحزن
فالحب عليك هو المكتوب

ستفتش عنها يا ولدي في كل مكان
وستسأل عنها موج البحر وستسأل فيروز الشطآن
وتجوب بحاراً وبحارا .. وتفيض دموعك أنهارا
وسيكبر حزنك حتى يصبح أشجارا
وسترجع يوماً يا ولدي
مهزوماً مكسور الوجدان
وستعرف بعد رحيل العمر
بأنك كنت تطارد خيط دخان
فحبيبة قلبك يا ولدي
ليس لها أرض أو وطن أو عنوان
ما أصعب أن تهوى امرأة يا ولدي
ليس لها عنوان

الصدمة كانت قوية علي
شكلو كدا …. لا بد مما ليس منه بد

Advertisements
تعليقات
  1. مشاكل كتب:

    الزاموك = الجكس = النساء أو البنات

    و مفردها زاموكة

    انت معاي يا حبيب ألبي حاج السلاوي ؟؟؟

  2. مشاكل كتب:

    3zabi = عزابي = Single = لسه ما دخل السجن الذهبي

  3. ودالخلا كتب:

    سديقي وأخي الصغير مشاكل،،
    كدي راجع بريدك الأليكتروني أولا” وادينا رأيك في الدراسة دي وبعدبن نجي نقعد سوا سوا علشان نشوف أيهما أجدي لبني الأنسان أن يظل هو كما هو فردة وفطسان ولا يبادر بالالتحاق بهيئة الشراكة الزوجية الفردية منها والمتعددة الطوابق!!!!!!!
    خير البر عاجله وكان أنت وأصحابك ديك العاملين فيها رايحين ديك ما قادرين زحوا كدا ولا كدا…
    هيييييييييييع تلب يالصقر خلي الرخم قاعدين!!!!
    سهييييييل!!!

  4. التلب كتب:

    هيييييييييييع يا ودالخلا طالما الشغلانة جابت ليها تليب اها التلب جاكم متلب..
    المشكلة يا مشاكل الجماعة المتزوجين ديل مؤمنين بمقولة العزوبية تاج على رؤوس العزابة!!

  5. أبوكلام كتب:

    موضوع في محلة نؤيدك ونشد من أزرك و ينصر دينك يا شيخة!

  6. أبوكلام كتب:

    نؤيدك ونشد من أزرك تعرف لو نزلت ألأنتخابات ح تكتسح ألجماعة 15/صفر!

  7. ودالزبير كتب:

    مشاكلز

    خليك بعيد من المزز يا فرده حتى بالأماره أسأل أفليقا

    مزز:: جمع مزه والمزه هي الحسس

    شرح المفردات لحاج السلاوي ومن لف لفه هاهاهاهاها

  8. حاج أحمد السلاوى كتب:

    شكراً صديقى شكسبير على التوضيحات ..وما بتقصر أبداً ..يا حبيب .
    الشكر موصول أيضاً لولدنا ابو ابراهيم ( سترايكر ) لتجاوبه مع إقتراحات الإخوة الأعضاء ..وتجزئة الإجتماعيات كانت صائبة وفى محلها تمام ..يديك العافية …يا …ولدنا ..!!
    أهو ..دا.. الشغل ..!!

  9. ابوالمنذر كتب:

    مشاكلز …
    وين حاتهرب منو وين
    الهوى البعث الليالى العامره بى ذات الشجون
    مبنقاوم كيف حنقدر
    وين حا تهرب منو وين
    الزاموك وراك لامن يرموك … وحتى راجل مره ما بتفيدك وتبقى حلو حلاه للزاموكه
    وتغنى ليك راجل المره حلو حلا .. وكان عندك صلعه برضو بقولو ليك اريت ابقجه طاير وكان مفلس عشه صغيره كفايه علينا …
    والموت وكتين يجى كترت البتابت عيب

  10. الصادق ود البركة كتب:

    السلام عليكم وصباحكم خير
    مشاكل الماقاعد يسوي مشاكل لكن الآن قاعد تسوي مشاكل
    منو القال ليك العزوبية تاج على روؤس العزابة لايراه الا المتزوجين أصلك ماجربت الزواج عشان تقول كلام زي ده أيام العزوبية دي الله لا عادها
    ونسأل الله أن يرزقك بت الحلال التي تجعلك أيام العزوبية وسنينها

  11. الصادق ود البركة كتب:

    تصويب
    نسأل الله أن يرزقك نت الحلال التي تجعلك تلعن أيام العزوبية وسنينها ودمتم

  12. الصادق ود البركة كتب:

    تصويب
    نسأل الله أن يرزقك بت الحلال التي تجعلك تلعن أيام العزوبية وسنينها
    وين أنتو يا حزب المتزوجين
    ودمتم

  13. مشاكل كتب:

    سلامز

    الشايفو قدامي دا يا حاج الصادق يأكد لي انو اخير العزوبية

    تصويب تلات مرات ؟؟؟؟ بت … نت … بت …. لا لا لا لا

    صعبتها عديييل كدا

    بعدين يا حبيبنا ود الخلا … الايميل من القلب الى القلب … قلت لي شنو .. من استطاع شنو .. يتوزج منو .. يا حبيبنا … هي وينها في البداية .. و بتتباع في السوق بي كم ؟؟؟

  14. ودالخلا كتب:

    سلام ياقبيلة،،
    مشاكل يا صديقي ما أحلي واجمل الكلام ما كان صادقا” ومن القلب للقلب تووووووووووش من غير أحم ولا دستور،،،،
    وفي البداية يا سديقي العزيز أنت توافقني علي أمكانية الزواج بالأستطاعة وهذه الأستطاعة تتم بين اطراف العقد كافة ، ونحن في السودان تعرف عاداتنا الجميلة في أعانة وتشهيل من أراد الزواج، والثانية (يا فردة!!) هي موجودة فلم تعقم حواء السودانية عن أنجاب ذات الدين والأخلاق الرفيعة، ونحن زمان أهلنا قالوا لينا كان داير تعرف (فاطمة) في البيت شوف (محمد) في السوق، وهذا هو عين العقل والحِكمة التي لم أتدبرها حقيقة الا في هذا الزمان الأغبر عندما ذهبت (نجلاء) للسوق وقعد (أمجد) في البيت يلوك الحديث والشمارات مع أمه وجاراتها، وذهبت (نجولة) للبحث عن المعايش والمصائب، وآه يازمن أغبر.. دنيا عجيبة!!!
    طبعا” لو بحثت عن هذه المعاني الجميلة والحكيمة في رؤية محمد في السوق وهو يبيع ويشتري وكيف يكون تعامله صدقا” وسماحة وأخلاقا” ستتأكد من أن أخته أو بنته فاطمة كيف ستكون ، وما عليك الا وأنت مغمض العينين واثق الخُطي متقدما” لطلب يدها فلن تخيب أبدا” فبالتاكيد ستكون هي ذات الدين التي حض عليها رسولنا وحبيبنا عليه أفضل الصلاة وأتم التسليم…
    ولا شنو يا حبيبنا وكبير العيلة حاج أحمد السلاوي ما تدفع معانا في (أتجاه واحد دا!!) 

  15. حاج أحمد السلاوى كتب:

    أخونا الكاشف الصغير وعمدة المدونة ودالخلا .. الما بيقودو زمام ..وبقية صفوة الأخيار ..سلام
    أنا أدفع معاك فى كل الإتجاهات ..مش فى إتجاه واحد بس !!
    وما ذكرته أعلاه هو عين العقل والصواب …بس مين يسمع ومين ينفذ ..يا سديقى اللدود ؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s