مباركة وتهنئة

Posted: الأحد,17 جويلية, 2011 by Mo in إجتماعية
34

نزف التهانى للدينمو الوجيه افلايقا بمناسبة زواجه الميمون الذى كان يوم الجمعة الموافق 15 – 7 – 2011 , ونتمنى له فى سوداننا بحياة سعيدة ومستقرة.

وننتظر عودته كاتبا مبدعا كما عهدناه بعد انتهاء شهر العسل.

التعليقات
  1. استرايكر كتب:
    الأحد,17 جويلية, 2011 عند 3:04 م

    اهنئى فردتى وصديقى العزيز افلايقا واحد المؤسسين لسوداننا بالزواج السعيد ونتمنى له بحياة سعيدة وهانئة – مع انتظارنا له ليتحفنا بجديده بعد عودته من العسل 🙂

    رد
  2. ابكرون كتب:
    الأحد,17 جويلية, 2011 عند 4:06 م

    ما عارف ليه ترددت في كتابة هذا التعليق….. وافليقيا صديق تعرفنا به من خلال القمردينة الاولي ومن ثم ساخر سبيل وسوداننا وكذلك سيدته الاولي التي تعتبر زميلة في ماذكرت من منابر وما يسعدهما يسعدنا جميعا وما يحزنهما يحزننا جميعا وحياتهما الخاصة اكيد ملك لهما وحدهما…اما العام منها خاصة تلك التي كانت من خلال المنابر فكلنا شركاء فيها…نزف التهنئة لافليقا ونبارك له ونواسي سيدته الاولي ونطيب خاطرها ونطلب منها ان لا تحزن ، فقلب افليقا الكبير يسع الجميع وحكمته وعدله ستقود باذن الله سفينة اسرتيه الي مرافئ السعادة والهناء

    رد
  3. السعيد الزمان كتب:
    الأحد,17 جويلية, 2011 عند 4:25 م

    السلام عليكم العريس واسترايكر و ابكرون
    ازيكم كلكم بعد غربة وشوق
    والتهنئة موصولة للعزيز افليقا واضم صوتى للاخ ابكرون بالنسبة للاحساس الممزوج بين الفرح والترقب .

    تحياتى

    رد
  4. ابكرون كتب:
    الأحد,17 جويلية, 2011 عند 6:25 م

    استرايكر مراعاة لاشياء كثيرة ارجو سحب هذا البوست ولا حظ لزمن كتابة البوست وساعتة كتابة هذا الرجاء ….ده لوحده
    استفتاء واظن سحب البوست يعني الكثير ……سلام

    رد
  5. نيام كتب:
    الإثنين,18 جويلية, 2011 عند 11:23 ص

    قدر فتشت في الكلمات شان افرح
    لقيت باب الحزن واسع
    قدر فتشت في الكلمات شان احزن
    لقيت باب الفرح لامع
    دخلت اقولو ها المبروك لقيت باب الاسف واسع
    مرقت اقولو متاسف لقيت باب الفرح اوسع
    احتار بي اسف مشنوق علي الخاطر
    ضحك مني الفرح مخفي و ما ظاهر
    بكيت انسان علي الذكري
    ضحكت كمان من الفكرة
    قلب انسان بشريحتين يشيل حزن السنين كلو
    ويفرحوا في صباح بكرة

    رد
    • simsimaa كتب:
      الخميس,21 جويلية, 2011 عند 7:16 ص

      طال السفر

      المكان : صالة الوصول بمطار الخرطوم ………….. الزمان : 15 يوليو 2011 الساعة السادسة والنصف مساءاً

      مع طول المسافات لهيب الاشواق يزيد ويتجدد
      تقيد اللهفة من الصين وفي الخرطوم تروح وتبدد
      اعاين في عيون الناس اتوق لزولي وين وين واتردد
      آآآآآ… معذور امكن ما اتذكر زمن الوصول بالضبط
      ولا المواعيد اتغيرت تاني ولا زمنا اتغير واتغير المهبط
      ولا بي وشاح مغطى ولا البوصلة خربت والاتجاهات جاطت
      ،،،،،،،،،،،،،،،،،
      آآآآآآآآه !! وجيتك يا بلد محزون وعلي فراق الجنوب قلبي مفرط
      وقايل انسى في حوشك خريطة ممزوقة وترسى السفن في الشط
      ،،،،،،،،،،،،،،،،،،
      علا وبدون انذار سال الدمع هطال خريفاً غير التيار
      سيول براكين حارقة وصواعق تعزف في عصب الاوتار
      وانا يا بلد جيتك بوجع وصار الوجع اتنين ضار وضرار
      مقالد نياشين الشوك بطل ممزق بنصل غادروسيف بتار
      لكن بكرة العيال تكبر والموجة مهما علت بتكسرها الامال
      يا الله .. يا الله اديني من صبر ايوب وزيد عليهو ستر الحال
      يا رب بصبر..صبراً ما قدر عليهو كليم الله موسى وكتر في السؤال
      حمودي سروية عبودي دوا الروح طيب الجروح و عشرة سنين ترحال

      رد
  6. ابكرون كتب:
    الإثنين,18 جويلية, 2011 عند 1:44 م

    العزيز استرايكر ارجو اعادة التعليق الذي سحبته امس والخاص بطلب سحب هذا البوست ….! بامكانك طبعا عدم سحب البوست ….لكن تعليقي يعبر عن رأي خاص بي…وما شايف اي منطق في سحبه…!

    رد
  7. حنين كتب:
    الإثنين,18 جويلية, 2011 عند 1:55 م

    إسترايكر كيف حالك والسمار ,
    بازول قول كلام غير دة .
    يا…

    رد
  8. AFLAIGA كتب:
    الإثنين,18 جويلية, 2011 عند 2:20 م

    تشكرووو علي الشعور النبيل____________________ عقبال عندكم قولو امين

    رد
  9. AFLAIGA كتب:
    الإثنين,18 جويلية, 2011 عند 2:31 م

    استرايكرتشكر ياامير الدور الجاي عليك …………و
    البشاوي ……الخ

    رد
  10. سهيل كتب:
    الإثنين,18 جويلية, 2011 عند 2:58 م

    لا املك غير اقول مبروك لأخونا افليقا و إنشاء الله ربنا يجعلها عليك بركه .. و لأختنا سمسمه اقول .. اصبري و احتسبي و ادعى لأفليقا بالثبات و الهناء .. و اتذكري كل شيء مكتوب عندالله .. وياريت تباركي ليهو .. اصلك زولة واجبات

    رد
  11. ودالخلا كتب:
    الإثنين,18 جويلية, 2011 عند 3:27 م

    سلام ياقبيلة،،
    الشيخ صالح والشيخ أبكرون، رواد الأصلاح وبقية العقد النضيد لو في أي طريقة للمراجعة فأن الثورة تراجع ولا تتراجع!!
    فالصديق أفليقا لسان حاله يقول: انو الطريق قدامو انقفل، ومافى قسمه ومافى يا جماعة الخير حتى بصيص امل!!!

    رد
    • ابكرون كتب:
      الخميس,21 جويلية, 2011 عند 9:47 ص

      الاخ ود الخلا : من قصيدة الاخت سمسمه واضح انه لا يوجد ما اشيع عن فراق نهائي
      :
      تقيد اللهفة من الصين وفي الخرطوم تروح وتبدد
      اعاين في عيون الناس اتوق لزولي وين وين واتردد
      آآآآآ… معذور امكن ما اتذكر زمن الوصول بالضبط
      ——–
      ارجو التواصل بالايميل فقط وخلينا من البوست المهبب ده

      رد
  12. حنين كتب:
    الإثنين,18 جويلية, 2011 عند 3:42 م

    يا جماعه العامل الرد دة هو فعلا أفليقا . ولا زول تانى ؟؟؟؟
    لأنو أفليقا مابرد فى سطر واحد .
    ولا إكتفا ؟؟؟
    يازول الف مبروك .
    وسمحة البتورى …

    رد
  13. ابكرون كتب:
    الإثنين,18 جويلية, 2011 عند 4:10 م

    حنييييييين ههههههههههه….ما فهمتهااااا؟ يكون افليقا نسي (اللوقو) بتاع تعليقاته …في الفندق هههههههه
    يااااخ واضحة….في زول عايز يقول لينا افليقا متابع ومبسوووووط (واكيد مبسوط)….لكن ده ما بغير من مشاعر الناس وانفعالاتها……وآراءها

    رد
  14. حاج أحمد السلاوى كتب:
    الثلاثاء,19 جويلية, 2011 عند 11:52 ص

    والله الواحد ما عارف يكتب يقول شنو ..!!!
    والحكاية دى ذكرتنى قصة واحد من أصحاب الخيال الواسع والفاقدين عقولهم بمحض إرادتهم ..جا ولقا صيوان كبير منصوب لاكين مافى زول قاعد وما عرف المناسبة شنو…عاين كدا وفكر ثم قدر ثم فكر وقال حسه الجماعة ديل نقول ليهم مبروك …ولا البركة فيكم ؟؟؟؟.
    وافهموها بأة .. ( بالمصرى )…

    رد
  15. البشاوى كتب:
    الثلاثاء,19 جويلية, 2011 عند 1:45 م

    سلولو + ابكرون
    اكيد مبروك وبالهنا والسعادة — لانو خيار رجل لوحده ومادام اختار بعد مشيئة الله التى قدرت ماحدث لانملك الا ان ندعو للجميع بالتوفيق والسعادة — ولا ماياهو ؟

    رد
    • simsimaa كتب:
      الثلاثاء,19 جويلية, 2011 عند 2:21 م

      يا هو يا بشاوي لكن اعتقد انهما يملكان شعور لايوجد لديك اتجاهي واتجاه اسرتي الصغيرة اعتقد ان من كان جارك لسنة وليس عشر سنوات تبادله السلام فقط تحس به
      تحزن لحزنه وتحس بشعوره ورغم ذلك انت لم تكن المأذون وهم لم يكون غير شهود علي ما كان من مشاعر نبيلة ولازالت ولولا الرضا بأمر الله وايماننا ان هذه مشيئة الله واحمد الله علي ذلك اي انني لم ارجع من الصين واجد احد عيالي مصاب او اجد ابو عيالي به علة فذلك لن يجعلني سعيدة برغم انني حزينة وكما ذكر غيري ان هذا شأن داخلي لكن احببت ان ارد لاخواني الذين احس انهم يحسوني بي ورغم غربتي ووجودي بعيدا عن اسرتي احمد الله انني وجدتهم بخير وسعادة

      رد
  16. ابكرون كتب:
    الثلاثاء,19 جويلية, 2011 عند 3:34 م

    تسلمي يا سمسمة ونسال الله ان يزيدك قوة ويخلي ليك عيالك ويخلي للعيال سمسمة ويخلي ليهم ابوهم

    رد
  17. nono كتب:
    الثلاثاء,19 جويلية, 2011 عند 4:57 م

    من منا لا يملك ذكريات سطرت على أطراف الحياة، ذابت أحزاننا وغفت تلك الذكريات الحلوة لتصبح بعد عقود من الزمن قصه لقد حزنت لسماع هذا الخبر الذي وقع بين الأخت سمسمة والأخ افليقا (حيران اسآئل نفسي إيه كان السبب أصل الخصــــام) بخروج قطار حياتهم عن مساره من منطقة هادئة وانقلابه والحمد لله بدون إصابات تذكر !!!??? وذلك بفضل الله عونه بظهور الأخت سمسمة ، وان كان غير متوقع ؟الحمد لله الذي كملك بعقلك بارك الله فيكي وبارك في أولادكم سروية وحمودي وعبودي وزادكم أيمانا وتقوى وأصلح حالكم ….

    رد
  18. البشاوى كتب:
    الأربعاء,20 جويلية, 2011 عند 10:16 ص

    الاخت الكريمة سمسمة — حمدا لله على سلامتك وبركة انك وجدتى اهلك وعيالك بالف خير – ربنا يديم عليكم نعمة الصحة والعافية — واهنئك على التحلى بالصبر والثبات — اعانك الله — اقدر تماما احساسك ايا كان – واعلمى ان كل الاشياء تبدأ صغيرة وتكبر إلا الحزن فإنه يبدأ كبيرا ويصغر وهذه من نعم الله علينا — وتوكلى على الله فهو نعم الوكيل ولن يضيعك الله – كنتى لوحدك ولم يضيعك — فكيف وانتى معك ابناءك –؟ مؤكد ان الله يحفظك ويحفظهم —

    رد
  19. ياسين شمباتى كتب:
    الأربعاء,20 جويلية, 2011 عند 12:41 م

    مبارك لافليقا وربنا يسعدو ويعمرو محل ما يقبل..

    العزيزة سمسمة..سلام..
    احييك واشد على يدك..وربنا يسعدك ويعمرك ويوفقك محل ما تقبلى ..

    رد
  20. ود المهدي كتب:
    الأربعاء,20 جويلية, 2011 عند 4:01 م

    لا اجد الا ان اعيد تعليقي علي بوست البشاوي هنا
    وخليط من الحزن والفرح لما حصل – فان الله يفرق ليجمع ويجمع ليفرق
    والخير فيما يختارة الله-
    يقول الحق عز وجل:(وَعَاشِرُوهُنَّ بِالْمَعْرُوفِ فَإِنْ كَرِهْتُمُوهُنَّ فَعَسَى
    أَنْ تَكْرَهُوا شَيْئاً وَيَجْعَلَ اللَّهُ فِيهِ خَيْراً كَثِيراً (19) النساء
    ويقول: (عسي ان تكرهو شئا وهو خير لكم وعسي ان تحبوا شئا
    وهو شر لكم والله يعلم وانت لا تعلمون)
    وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ فَلا تَمِيلُوا كُلَّ الْمَيْلِ
    فَتَذَرُوهَا كَالْمُعَلَّقَةِ وَإِنْ تُصْلِحُوا وَتَتَّقُوا فَإِنَّ اللَّهَ كَانَ غَفُوراً رَحِيماً (129)
    وَإِنْ يَتَفَرَّقَا يُغْنِ اللَّهُ كُلاًّ مِنْ سَعَتِهِ وَكَانَ اللَّهُ وَاسِعاً حَكِيماً (130)
    صدق الله العظيم
    نسأل الله ان يعيد المياه الي مجاريها وان يستفيد كل منهم من التجربة
    وكما قال الشاعر :
    نقل فؤادك حيث شئت من الهوي ما الحب الا للحبيب الاول
    كم منزل في الارض يسكنة الفتي وحنينه ابدا لاول منزل
    نحن والله لما حدث لمحزونون وربنا يلم الشمل ويجمع الشتات والله
    علي كل شئ قدير. امين

    رد
  21. simsimaa كتب:
    الخميس,21 جويلية, 2011 عند 7:54 ص

    طال السفر

    المكان : صالة الوصول بمطار الخرطوم ………….. الزمان : 15 يوليو 2011 الساعة السادسة والنصف مساءاً

    مع طول المسافات لهيب الاشواق يزيد ويتجدد
    تقيد اللهفة من الصين وفي الخرطوم تروح وتبدد
    اعاين في عيون الناس اتاوق لزولي وين؟ وين؟ واتردد
    آآآآآ…. معذور امكن ما اتذكر زمن الوصول بالضبط
    ولا المواعيد اتغيرت تاني ولا زمنا اتغير واتغير المهبط
    ولا بي وشاح اسود مغطى ولا البوصلة خربت والاتجاهات جاطت
    ،،،،،،،،،،،،،،،،،
    آآآآآآآآه !! وجيتك يا بلد محزون وعلي فراق الجنوب قلبي مفرط
    وقايل انسى في حوشك خريطة ممزوقة وترسى السفن في الشط
    ،،،،،،،،،،،،،،،،،،
    علا وبدون انذار سال الدمع هطال خريفاً غير التيار
    سيول براكين حارقة وصواعق تعزف في عصب الاوتار
    وانا يا بلد جيتك بوجع وصار الوجع اتنين ضار وضرار
    مقالد نياشين الشوك بطل ممزق بنصل غادروسيف بتار
    لكن بكرة العيال تكبر والموجة مهما علت بتكسرها الامال
    يا الله .. يا الله اديني من صبر ايوب وزيد عليهو ستر الحال
    يا رب بصبر..صبراً ما قدر عليهو كليم الله موسى وكتر في السؤال
    حمودي سروية عبودي دوا الروح طيب الجروح و عشرة سنين ترحال

    رد
  22. سهيل كتب:
    الخميس,21 جويلية, 2011 عند 9:12 ص

    الله يصبرك و يعوضك خير .. ياهو حال الدنيا ” تسرق منيه في لحظه عشم”

    رد
  23. AMIN كتب:
    الأحد,24 جويلية, 2011 عند 8:16 ص

    في سنين الغربة والترحال سألت روحك عن الاحوال
    منو المقصر ومنو الروحو مارقة من التجوال
    منو العانا منو الذاق الامرين والاهوال
    منو الصبر واتصبر وقال استحمل عشان خاطر الاطفال
    منو الضحي ومنو البارا ام العيال
    صبر صبر ايوب على الحال وكان هو دايماً الميال
    مااصلوا الصبر ليهو حدود وكان لابد تتبدل الاحوال
    عشان تعرف من القصر ومنو اللازم يراجع الحال
    اخير نتذكر الايام الحلوه ونعيش في الواقع ونرضي بالاقسام

    رد
  24. افليقا كتب:
    الإثنين,25 جويلية, 2011 عند 8:16 م

    بسم الله الرحمن الرحيم
    يروى ان زوجات رسول الله الاولى والثانيه قد تحادثن يتباهين بعلاقتهن به افضل الخلق صلى الله عليه وسلم فقالت الثانية انها تتشرف بانه قد جعلها ثيبا بعد ان كانت بكرا فقالت الثانيه مفاخرة انها تتفاخر بانها من جعلته ثيبا بعد ان كان بكرا – صلى الله عليه وسلم ورضوان الله عليهن …
    فى البدء اؤكد ان هذا هو تعليقى الاول على الموضوع وان التعليق الذى نزل باسمى لا علاقة لى به
    ومن ثم اتقدم باسمى مشاعر الامتنان لكل من هنانا بمناسبة زواجى
    ومن ثم اعرج للاهم وهو التاكيد على اعزازى وتقديرى واحترامى لام العيال العزيزه سمسمه التى شاركتى الحلوه والمره ام حمودى وسروية وعبودى هى وهم من سكبت الدمع هنا على صفحات سوداننا شوقا وهياما بهم وبها ولا ازال بهم متيم وبها معتز ولها مقدر ومحترم ..
    حتى اعود بعد عودتى من الاجازة التى اتمنى ان نسعد فيها مع زوجنا العزيزه الغاليه نوسا والتى ستكون احدى عضوات هذا الموقع الكريم ..
    فى الختام اكرر شكرى وتقديرى لكل من تداخل مهنئا
    واكرر تقديرى واحترامى للعزيزه سمسمه والابناء
    وخالص تمنياتى للعزيزه نوسا بحياة زوجية سعيده
    انت تريد وانا اريد والله يفعل ما يريد
    وعسى ان تكرهو خيرا وعسى ان تحبو شرا
    افليقا – الخرطوم 25 يوليو 2011 م

    رد
  25. smukhayer كتب:
    الإثنين,25 جويلية, 2011 عند 9:31 م

    الحبان في كل مكان
    سلام وحبة واحترام
    العزيز أفليقا ألف مبروك وغني عن القول بأن الله قد أحل النكاح مثتى وحرم السفاح أبدا فهنيئاً لك وعبرك لزوجتك نوسا بارك الله لكما وفيكما وجمع بينكما بالخير،
    أما إلى أختنا النبيلة والفاضلة أم حمودي سمسمة نقول “على قدر أهل العزم تأتي العزائم” ونسأل الله لك الصبر والإيمان وأن يديم المودة ويبارك لكما في عيالكما ولقد أثبت بالفعل أنك كبيرة عقلاً وقلباً وديناً ربنا يحفظك ويبارك لك في ذريتك وأن يديم ما بينكما من وداد.

    رد
  26. استرايكر كتب:
    الثلاثاء,26 جويلية, 2011 عند 10:48 ص

    مشكور افلايقا لازالة الالتباس الذى حدث للاخوة بالنسبة للتعليقات التى ظهرت فى الاعلى – ونؤكد بانها لا تمت له باى صلة – بل صدرت من جهاز اخر – وكانت قيد الانتظار للوافقة عليها – وقمنا بنشرها على الفور .

    رد
  27. الصادق ود البركة كتب:
    الثلاثاء,2 أوت, 2011 عند 12:16 م

    السلام عليكم ورحمة الله للجميع
    ورمضان كريم وتصومون وتفطرون على خير
    حقيقة فوجئت بالخبر وكمان بالنشر من قبل استرايكر لأنو ده شأن داخلي جداً بين أعزاء لنا عرفناهم
    وزي ما قال الحاج سلولو أنا كمان بقول
    والفيها خير يسويها ربنا ودمتم

    رد
  28. استرايكر كتب:
    الأربعاء,3 أوت, 2011 عند 10:00 ص

    ود بركة رمضان كريم وتصوم وتفطر على خير
    مافاهم بالظبط شنو المشكلة فى نشر الخبر فى المدونة – مناسبة لزميل عزيز علينا واحد مؤسسى الموقع – نشاركو الافراح ولا شنو !!

    رد
  29. افليقا كتب:
    الأربعاء,3 أوت, 2011 عند 5:30 م

    ستريكر : لو كان ود البركه يعلم ما بيننا لما قال ما قال –
    ود البركه : ستريكر اخى الذى لم تلده امى وسوداننا كانت حلمنا سويا حققناه سويا وزنتموه بحضوركم فكيف لا تتم تهنئة صاحب الدار فى داره ؟؟؟
    اما سمسمه الغاليه فلها اقول :
    ياسمسمه يا بت الاصول يكفيكى قول زوج الرسول
    يا سمسمه يا بت الاصول لاعرسى بيصغر مقامك لا مقامى بيه بيطول
    ست المقام العالى ام حمودى شمسك قايده ما بتخشى الافول
    ام سروية رفقة مر حلو عمرى الحصل ما بنقصك
    كان قالو ليك افليقا كرهك كضبو وكان قالو ليك افليقا باعك كضبو
    القسمه يا بت الاصول لازول بيعرف بكره وين لا زول بيعرف قسمتو
    فليحفظك رب العباد ام للعيال
    وليحفظك رب العباد تاج راس وست كل البنات لا حدهن ..
    يا غاليه يا ام العيال …
    افليقا الخرطوم 3 اغسطس …

    رد

أضف تعليق