لا ادرى لماذا وانا اتامل حالنا الراهن تذكرت الاستاذ الفنان الراحل محمد كرم الله وبالتحديد اغنية حتى الطيف رحل خلانى دعونا نتلمس بابا اخر من ابواب مواساة النفس واوع يا بشاوى تقول لى انت قاصد طير تانى :
دعونا نستمع ونستمتع ونتنخج على الحال :
التعليقات
سوداننا 
افليقا سلام
قبل ان اقرا هذا البوست كنت متخيله ان اسم هذهالاغنيه حتى (الطير )رحل خلاني
وكل ما اسمع تلك الاغنيه يخيل لى انه يقول الطير لماذا لا ادري وعلى كل حال اذا كان رحيل الطير او الطيف فحالنا وخاطرنا يحن الى البقاء معنا لتطيب خواطرنا المكسوره فى بلد فيه ظلم وجور الاقربا والاخوه مر كا لعلقم
هههههههههههههههههههههههه
سبحان الله انا برضو كنت مفتكر بيقول حتى الطير وكنت مستغرب هو الطير وقت رحل منو داير بيهو شنو … الناس بتعمل فزاعات عشان تطرد الطير….
لكن أرجع وأقول وأنا بيئي بأن كل مخلوقات الله حقو تكون حوالينا يمكن يوم نحتاج ليها ….
مش وردي رسل الطير المهاجر
بالله يا الطير قبل ما تشرب تمر على بيت صغير
تلقى الحبيبة بتشتغل منديل حرير
لي حبيب بعيد
تقيف لديها
وتبوس يديها
وتنقل اليها وصايا ليها
وحبي الكبير
(شوف كمان جابت ليه بوس كمان)
أكيد الطير حيكون متكيف
الاخ عزت سلامات
ولاحظ كمان انو رسل الطير قبل ما يشرب يعني ح يصل للمحبوب وهو ظمان
شفته الشعر الزمان دا كيف
افليقا وعزت وبت وراق وبقية السادة الكرام …
بما انو الموضوع اتحول من طيف الى طير فتأملوا الابيات التحت دي … عشان تشوفو الشعر الزمان ده كيف بالجد
رب ورقاء هتوف في الضحى ذات شجو صدحت في فنن
ذكرت إلفاً ودهراً صالحاً فبكت حزناً وهاجت حزني
فبكائي ربما أرقها وبكاها ربما أرقني
ولقد تشكو فما أفهمها ولقد أشكو فما تفهمني
غير أني بالجوى أعرفها وهي أيضا بالجوى تعرفني
أتراها بالبكا مولعة أم سقاها البين ما جرعني
بس يا أخوي خالد .. جات بعدها طيري يا قمرية وركي في الزنكية … انا ببقى ليك محامي وأفشل القضية … أها رأيك شنو في كدي ؟؟؟