لكل منا شخص مهم في حياته يعزه ويقدره ويفتقده ويضعه في مرتبة فوق الجميع اكثر من أي شخص آخر….قد يكون هذا الشخص احد الوالدين او كليهما او الزوجة او الحبيبة او احد الابناء او البنات او اخ شقيق او اخت او من الاقارب او صديق (ذكر او انثي) …تفتقده /ها عند الإحن وفي الشدائد وتتذكره عند الضيق والازمات والملمات ….ويخطر علي بالك عند السعد والفرح واللحظات الهنية….تامل وراجع روزنامة حياتك وفتش عن وجود مثل هذا الشخص حتما ستجده في الحنايا…وتأمل حياتك من دونه …! ستجد روحك هائمة وضائعه تبحث عنه …حدثونا يا رفاق عن مثل هذا الشخص في حياتكم….وتاملوا معي الرائع الشاعر عبد العال السيد عندما خاطب شخصه الأهم ، المهم …الشنو ماعارف بالجد كلمات هيام عميق وروعة تحير….
إنت المهم الناس جميع ما تهمني
إنت العزيز افرد شراعك ضمني
خايف تفوت والسكه بيك ما تلمني
انت الوداد
نبض الفؤاد
بستان نضير
وصفا وعبير
وجمال رهيب
ودلال عجيب
ريّح شقايا وجمّني
جاييك شعاع
نجمه وشراع
نسيني يا عمري الضياع
انا لسه تايه دلّني
قول ليا قول
يا احلى زول
خلي الحزن يرحل يزول
لو كنت جد بتعزّني
انا ليك وبيك
مداح عيونك ومشتهيك
مهما تجور بنزف واجيك
لا بقسى لا بزعل عليك
لانك انت تهمني
سوداننا 
العزيز أبكرون مالك جايب سيرة البكاء ، أتوقع بوستك دا يكون بيت بكاء عديل.
و جاييك راجع.
شكرا للفكى ابكرون على هذا البوست الجميل – والذى سوف يهيج الشوق والحنين لكثير من المساكين.
ولاشنو يا عمنا البشاوى ؟؟؟
—————————–
اما عن تجربتى – فوالله الذى لا اله الا هو – انى اتمنى جلسة واحدة ولو لدقيقة واحدة مع والدى ( عليه رحمة الله ) فقد رحل فى وقت كنت فى اشد الحاجة له وانا على اعتاب دخول الحياة العملية – فله الرحمة والمغفرة انشاء الله .
كان هو بمثابة الاخ الكبير لى – وقد تعودت على استشارته فى كل شئ وتعود هو على مناقشة كثير من الاشياء معى – من امور عامة وخاصة وعمليه بل وحتى امور تقنية بحتة – كان بمثابة الموسوعة الحية بالنسبة لى.
—————————
والله قصرتا معانا يا عمك , خليتنا نزكر فى حاجات حاولنا بقدر الامكان انو نقفل عليها ومانتسحضرا عشان ما نتعب ونتجرس .
حبيبنا أبكرون
إهي إهي إهي
اللهم أجعله خير 🙂
أنا ذاتي جاييك بالروووووووووووقة
استغفروا يا جماعة دا حال الدنيا في داعي يا أبكرون تغلب المواجع على الجماعة
استرايكر :شكرا علي فضفضتك ورحم الله الوالد فانت والصغير ابراهيم امتداد له ولمبادئه …وراجين منط حكاوي تاني وتاني……
سنكل :يا اروع من بكي كبو لينا هنا وان شاء الله تقول لينا وتغشنا ب : كان صديقي سين بكاي وفي مره من ذات المرارات …..الخ
الامير مخير :آآآآي غيب وتعال وبكي الفيس ده احكي لينا عنه هنا (آآآآي قدر ده)
سماسم : ما مني يا ست الحروف ما مني ما مني….الجماعه ديل كلهم علي الهبشه ….ونزلنا دفار مناديل ورق وصيوان جميل ومزركش وزينته مولعه وجبنا ليهم البكاي ترباس :
العزيز الفكي أبكرونا والسمار الكرام . .
كما تذكرون ( قروب A ) في أوائل سبعينيات القرن المنصرم ، كانت سائده موضة خطف المغتربين للبنات السمحات. وكان صديقي ( س ) في حالة من الشوق والريد مع زميلتنا في الجامعه ( ص ). و كان ما عندو ونسه معانا غير سيرتها ، وكنا نطلب منه التخفيف من الوجد ، لعلمنا التام بأنها ( شطه بس ) وحتكون هدف للمغتربين ، و هو يا دابو طالب طب و بدري عليهو.
و كلما طلبنا منه التخفيف إزداد عناده ولم يستبين النصح إلا صباح يوم جابت زميلاتها خبر خطوبتها لمهندس من المغتربين.
و بسرعه شديده جداً توالت الأحداث حتى كادت الأخبار عنها تتجدد كل يوم. وفي الختام جاتنا الدعوات لحضور حفل الزفاف. طبعاً صاحبنا رفص الحضور والمشاركه في الحفل. وقبل ما نمشي الحفله مرينا عليهو للتخفيف والمواساه ، ومشينا العرس ، بعدنا بي شويه جاء للمواساة أيضاً صديق آخر وجلس مع صاحبنا ، ثم سأله عننا فأجابه مشو العرس ( وكان هنالك عرسان في نفس الليله ). فسأله صاحبنا: ياتو عرس؟
أجابه : عرس الحسناء والوحش ( ولم يكن قد رأى أو عرف العريس ).
جاء الصديق التاني ده لاحقنا في بيت العرس . . وجلسنا نتسامر في إنتظار حضور العريس والعروس لنقوم بواجب التهاني.
في الونسه ذكر لنا الصديق إجابة صديقي ( س ) على سؤاله : يا تو عرس؟
و ضحكنا على الحساده.
المفاجأه الغير ساره كانت عند حضور العريس والعروس ، فعلاً العريس كان وحش.
حزنا أيما حزن ، ويبدو أن شكله هذا كان السبب في طلاقهما بعد فتره وجيزه ، وهي الآن زوجه لصديقنا ( س ) ، الذي أصبح بدوره مغترباً.
أخونا الكاشف الكبير أبكرونا ..
شوف هنايا ابكرونا ياخوى.. ..تقوم ..تقعد .. سجن سجن ..غرامة غرامة ..تكسير تلج ..تكسير خشب ..تقشير موز ..مسح جوخ ..مسح بنطلون ..الشخص هو عواطف ..
والعندو كلام يطالعنى الخلا ..يا البشاوى !
دقيقه هنا يا ابكرونا…الزول المهم ده منو……خليت كل زول يالف براه كده….. هي لكن دي اماكن بتتهبش …في داعي……الله يسامحك
مساكم سعيد كيفكم وكيف الجمع الطيب
ابكرون الراييييح ليك منو
صدقنى اهلنا عزازعلينا وترابنا عزيز علينا واماتنا حبيباتنا وزوجاتنا من ريحه اماتنا وتسلموا لى كلكم
لكن اولادى ياهم روحى وبشتاق ليهم كل وقت
السلاوى كيفنك حبابك الف سالتنى راعى شنو بحكى ليك حكوتى
انا راعى من الدرجه الاولى وراثه رعى بهايم وطيور وكله
كنت مبسوط عندى دجاج محل ماتقبل تشوفو يازول مبسوط قرشين ونص بعد شويه جا مرض الديوكسين والدجاج دخلوهو النار بدون ذنب ولقيت واطاطتى فاضيه اظنى رقدت المستفشى شهرين إلا وصحيت بترحم على روحى وقريشاتى الراحو
اها هاجرت للدنمارك واشتغلت ليك فى مزرعه ابقار لمن بقت حقتى وديك يالانبساطه تعال اظهر مرض جنون البقر وراحت على
جيت راجع تانى للوطن ودخلت بعد كده فى حق اهلى تاجر خرفان كبير ومبسوط ابيع ساكت جنب المطار بعد شويه قالوا ليك الحمى المالطيه وانقرضت الخراف ونفذوا فيها حكم الاعدام
وكان فكرت فى الخنازير هسع كان اكون مع انفلونزا عواطف قصدى الخنازير
شفتو كيف محل مااقبل تنفرج وتانى ترجع __________
اخيرا غيرت بقيت اشوف بهايم عندهم مخ ومابعيوا كتير وبدفعوا كتير عملت مشروع ( الخلاء الطلق )
ده مشروع جهنمى بسوق الناس للخلا فى نص الاسبوع اى زول بجى بقدم استمارته ويورى بالضبط عنده شنو وطبعا المشروع ده خاص بالناس العندها مشاكل بسبب وبدون سبب الزعلان من عواطف الغالباه قرايته الادوهو شاكوش كل الفئات __________
الرحله بتبد للخلا من بدرى بوصل الناس هناك وبدى التعليمات كل زول بتجه اتجاه براهو وهناك لازم يكون معاك مسجل ومناديل كل زول يمشى ابعد من التانى وتكورك وتبكى وتنطط وتسوى الدايراه تفك عن روحك
وتقش مناخيرك وعيونك وتصرخ قدر ماتقدر وتشاكل وده كل يتسجل عشان الواحد لمن يبقى طيب يشوف عوارته قدرشنو ___اها لمن يجى الليل الناس كلها تتلمى وكل زول يحكى مصيبته وعندى كمبارس مهمته يخفف عليك ويهون عليك مصايب الدنيا ويوريك الدنيا دى مافيها شى زهد يعنى ___
تانى يوم بنمشى لحته فيها حفر كتار كل زول يدخل راسه جوه حفره ويصرخ صرخه مدويه وبعدها بندفن الواطه كده الواحد بكون اتفشى لانه بعدها الواطه بتكون ماثابته بفعل الصوت والحسرة ________
اليوم اللى بعده كل الناس تتلمى واى زول عندك معاهو مشكله تكون شايل حاجه من حاجاته وتبدا تقطع ورق وتشرط صور والعجب البجوا ممغوصين من عواطف الشايل عده الجايب تياب الجايب دهب جنس ماسى _
اليوم الاخير كل زول لازم يتكتح بالرمله والناس كلها تلعب وبكونوا نوعا ما اتفشوا والغريبه اغلبيه الزوار بتاعنى جايين من طرف عواطف تراهاعواطف دى مادبه بلد
والطرف التانى داك اصلا ماعنده موضوع واخيرا شايف فى ناس من حكومه امازونيا مشرفين عندى____
واهو بقيت ادخل دخل كويس وحاليا داير اعمل منتجع للمتفشين
دى شغلتى ياحاج السلاوى اى زول حابى يقدم ممكن بعد تملا الفورم
الحبييب ابكرون..دايما تتحفنا بالروائع..
\عن نفسى احب الاغنية دى جدا بصوت المبدع(كمال ترباس),,وبالجد دايما بتمثل لى شخصية واحدة..الا وهى صديقى ورفيق دربى واخى العزيز جدا جدا (اشرف محمد مختار)..وهو زميل دراسة منذ المرحلة المتوسطة طيبة الذكر,,وترافقنا حتى تخرجنا فى جتمعة الجزيرة 2004,,وبالجد هو الوجه الآخر لى,,ولا يمر علينا يوم الا ونحن معا جسدا او بعدة اتصالات هاتفية..حتى اجازتى معظمها كنا سوية,,واظن انو (افليقا واسترايكر وسهيل قابلوهو)…واول ما سمعت الاغنية دى وانا فى المملكة لم اعى نفسى الا وانا ممسكا بجوالى مرسلا رسالة نصية تحوى مطلعها..وبالجد الحياة من غير صديق حقيقى لا تطاق..
شكرا ابكرون على اتاحة المساحة دى للبوح عن اشياء واشياء..وباذن الله لى عودة..
الحبيب استرايكر..سلام..والله قبل يومين كتبت جزء من مقال عن الوالد_عليه رحمة الله_لكن فجأة طش منى..ربنا يجعل البركة فى الاخوان….
سنكل : حنتحقق من نيام عن شخصية صاحبك سين ده لانه هناك شك شدييييييد ….وجاييك لبهدلة المساخيط في الجامعات ايام زماااان ….
حاج سلولو : ليك حق ما قاعد جوه العرين تقدر تقول غير كده (عالم جبانات بشكل) لا نطالعك الخلا لا المريخ……الفيك معروفه……كدي احكي لينا قبل ما القاضي يحكم عليك بالتأبيده….أها وبعدين وقسما ما تحكي (اب اصابعين 6) ارسلو لكونتاكت المدونه كلووووووووو……
مستر راعي : يديك العافية والله نفذته سيناريو جبرا بتاع فش الخلق…وحاتك محتاجين لجنس الصريخ ده والتنفيس العلي اصولو …ما فضل ليك الا تستولي علي شركة (الم -راعي) السعوديه كانت ريحتك للآخر…
كمووون : بتتهبش ب 😦 سين وصاد )بتاعة سنكل وافليقا…..اوعه اكون هبشته محل (النقحيبة )….
ود شمباتي :الله يخليك لصديقك أشرف…ويخليه ليك واكيد ترباس اتقطع فيها بما يناسب كلماتها….تلفونك يسعد وما تنسي جهزوا ام دنقر جداويه للاخ فور عودته …لمنفاه الاختياري…وان شاء الله ناس افليقا والبشاوي يكونوا ودو ليه الجردل المعلوم …..قال عرس قال…
ابكرون : يا مبدع الروائع حبابك واسفين على الطوله ….
بالنسبه للحبايب والناس البتهمنا :
اولا بالتبادى الواحد حقيقة بيقول انكم انتو يا ناس الدانقا والحيشان اهم ناس بالنسبه للزول وكفى ..
تانيا بالتبادى اوافق ستريكر انو لو رجع الحنين عاود وليك من تانى ودانى ( ابى العزيز رحمه الله ) لكنت اخترت ان ارحل قبلك فلا عاد اشباه الرجال يشبهونكم فانتم اخر الرجال المحترمين ..
بعدين نجى للناس المهمه شديد وما بتتبدل ( امى العزيزه ) هى من تبقت لنا بشلوخها المطارق الخالده هى من تبقت لنا من ريحة الحبايب والزمن الجميل حفظكى الله ..
وبرضو ما ننسى عواطف المسافره الايامات وطبعا اديناها جزء من حقها فى بوست الصين .
بالنسبه للجردل وانا اقوم بجرد المخزن فى غياب المراجع الداخلى سمسمه وجدت جردل معتق من السبعينات وبما انو الايامات دى ما محتاجين ليهو وكده !! فقد قررنا التبرع به للحاج السلاوى وسيتم تسليمه له فى اقرب فرصة لقاء وما عارف كان جردل بيسوى شيئ لكن اهو نديهو الاول كان ما كفاهو نديهو التانى كما كفاهو ناشر ليهو عوده يمشى يلحق يجاور الحبيب الكبير …
وجاييكم للبكا الخاص ( طبعا ده بكا عام ) ..
خايفك تفوت والسكه بيك ما تلمني
وانت المهم
شكراً يا أبكرون يا شفاف
أولاً بالتبادي-مع الاعتذار لافليقا -عبدالعال مبدع وراجل احساسوا راقي
تانيا نحي فيك اختيار كلماته الجات في محلها وخشت القلب كوالي
ــــــــــــــــــــــــــــــــــــــــــــــــــــــــــــــــ
الناس الليهم معزه
الوالد والوالده
وناس الدفعه 25 بجامعة الجزيره
ودفعة الابتدائي
وناس الدانقا كلهم
جمعة مباركة : شايف نواعم الدانقا محجمااااات عدا سماسم …..ما حنزرزركن مادام قال لي : صديقي سين وزميلتي صاد موجودين ….وين ناس بوستات الريده وينكم يا الغبشة والزهراء وحكايةومشاهدة ولمي وسمسمة
افليقا : اعملوا ليه فحص طبي اولا زول جده ده لان الجردل بجيب اجله لان فيه زي 100 ميقاوات
سنكل : زي ما قلته ليك يا بروف بكي مساخيط الجامعات فيه وجه طراااافه محببه فصاحبنا( الممسوخ )الطيب الشيخ دخل في نفس سيناريو د . عمر خالد محمود لكن بعد سنين عددا وملخصه :ادارة الجامعه (اظنها الجزيرة – دي ياكدها لينا د.شمباتي او عبد الرحمن احمد حامد خريجين الجزيرة) فزوله المهم فصلوه من الجامعة رغم الحلا والجمال والغريبه اسمها بالسين (سهام) وزولة عمر خالد بالسين برضو (سيده)…نشوفوا بكي وقال شنو :
———————-
سهام
التاريخ يعيد نفسه
ويسجل مهزله
ويعيد إلى الأذهان
زمانك (يا سيده لا)
رفدت سهام
ما حاجه ساهله الإتحاد يتجاهلها
لا المؤتمر جايب خبر
لا الجبهة بتطلع بيان مُسْتنكره
وركن النقاش الكان بيحلل كل شيء
ليه رفدتك ما فسرها
وين التجمع والروابط؟
يلا قومو مظاهره
إضراب عدييييييل
أو اعتصام
ومحاضرات ما بنحضرها
وإدارة الأعمال وراك.. الجامعة حقو تقفلها
ما إنتي نوره وجوهره
ليمونها ما طاعم بلاك
ما كنتي نكهتها.. سُكره
يا الضي عليك طلت سهام
بي مسكها وكل عنبره
ما شفت لون الشامة ديك
زي الفريع في المنضره
الاقتصاد من غير سهام
كليه جدعت جوكره
يمكن تكون القصة عين.. سحروها ناس البيطرة
كان ليها ناس شمبات تحِج.. والتربية وناس صيدله
دكتور منو البديني صاح ويديك غلط
ما يمكن الورق اختلط
أو يمكن المرجع غلط
دكتور بليد دكتوراه في إيه حضرها
دكتوراه كيف في الاقتصاد
وقيمة الجمال ما يقدرها
قيمة الجمال مافي عملة تعادلها
ما قالو ما شرط امتحان
والقصة ماها مذاكرة
كم ناس كتير الجامعة بالحظ تدخلها
أو بخرة لو ضربت معاك.. دكتوراه ذاتها تحضرها
ما ليها حق كان البلد في الاقتصاد متدهوره
وكل الموارد مهدرة
وين زيها نلقى تاني نقابلها
كانت رقيقة وساحره كيف .. زي نسمة حلوة معطرة
السمحة ست المقدره
عند الجميع هي مقدره
كانت أنيقة كما الفراش.. كل البنات ما بتقدرها
كانت لطيفة مع الجميع.. بي بسمة روحنا بتسحرها
ومن أي مدخل تدخلها.. تلقاهو زايد سُكْرها
——————————-
هههههههه اجمل ما فيها (دكتور منو البديني صاح ويديك غلط ……) .وجاييك يا سنكلوني بقصيدة البكاي عمر خالد
الجزء ده من القصيده يا أبكرون يدل على أن الرفديه كانت من جامعة الخرطوم، حيث كلية البيطره في شمبات.
يمكن تكون القصة عين.. سحروها ناس البيطرة
كان ليها ناس شمبات تحِج.. والتربية وناس صيدله
قمه في الروعه و تنافس قصيدة سيده لا.
وممكن تكون القصه عين سحروها ناس الصيدله
كان ليها ناس النش تحج…والتربيه وناس بيطره
كده يا ابوعلوه القصيده بقت تابعه لجامعة الجزيره
ـــــــــــــــــــــــــ
بالمناسبه يا دكتور شمباتي في ناس من مجمع النش لكن وقتها كله في الاعداديه
غايتو انا واحد منهم لكن كنت بجي ابوالهول عشان القرايه ام دق وكده….
ـــــــــــــــــــــــــــــــــ
لكن أقولك يا أبكرون ليها حق
كان البلد في الاقتصاد متدهوره
وكل الموارد مهدرة
صحبك دا ساخط وساخر زي صاحبنا داك الاخد شاكوش وقال شنو…نحن كما المسامير لاتزيدنا الشواكيش الا ثباتا
جمعه سعيدة على الكل وربنا يحقق الامانى
الناس كتار اليهم ذكرى وبنتذكرهم اكيد اهلنا واصدقاءنا واحبابنا واحنا شعب طيب بنبكى لاى شئ محزن ومفرح
ياجماعه شفت لى شعب غريب مافى حنيه بينهم لكن اول ماتجى مسافر العيله دى كلها تمشى معاك المطار ويفتحوا بيت بكى لمن حيرونى
بس الزمن العلينا ده بقى فيه الجفا والجفاف من الوضع الاقتصادى يا ابكرون حقو تشوف لينا عروق المحبه وتوزعها والدفع على
لكن ياجماعه المحنه زاتها مراتب حقت والدينا براها وحقت اخوانا– اما حقت الحبيبه ديك عندها مكان مخصص وممنوع الاقتراب بالجد مكان جميل حقو العندهم تجربه هنايكنبوا لينا عنها حق الاهل عارفنو لكن حق الناس البحبوا ديل دايرين ليهو قعده وماتخافوا القهوه على
هسع يا افليقا الوضع شنو الامن مستتب فى غياب حرمكم وياريت تورينا الفرق لانه دى تجربه حيه وكمان بختوها ليك للزمن المهم اكتب لينا قدم السبت
سمعت يا ابكرون ناس واحد خاتنه فى الكف وواحد فى الرف وواحد مابعرف وين عليك الله ديل ناس محنه ولا تجار —–والعجب ناس دايرنها شغاله وعربيه الخ معقول الحب اختفى وبقى كله فلوس ففى فلوس
كسرة
ابكرون امبارح دخلت اول زول وكتبت ولمن انتهيت دايره ارسل —قطعت الكهربا يقطع راسهم
عبدالرحمن..سلام..قراية برضك!!؟؟؟ ما بعصر عليك غايتو,,وما تنسى حبيبنا (محمود الجيلى محمدسرور) الشاعر الشفيف الطلع (منقة تكنو) وجماعة (ريحة البن) وابداعات النش..الله يرحم هاتيك الايام وجماعاتها..اظهر يا ولدنا..
ابكرون..تبقى العلاقات الاجتماعية وتواصل الناس هو ترياق الهموم والسموم التى نكتوى بها يوميا..عن العلاقات الاسرية اكيد الترابط مافى احلى منو وعندها مكانتها,ودى اكيد بجكم صلة الدم والنسب..اما الاجمل فهو الصداقات التى تنشأ من خارج نطاق الاسرة,المدارس والجامعات واماكن العمل,,وحقيقى الخل الوفى شئ مستحيل,فاذا عثرت عليه ف(كنكش) فيهو بكل ما اوتيت من قوة..وما اجمل ان تجد من يحمل معك العهم ويقاسمك الفرح والحزن ويمسح على راسك ويربت عل ىكتفك بيد حانية وانت فى قمة الالم,شئ ولا اروع..اللهم ادم المعرفة والاخوة والصداقة الحقة…
بعدين الحاج دا دايرين تشيلوهو جردل شنو!!؟؟ غايتو انا عندى نص فيهو,,ايا كان,,ان شاءالله هناى ذاتو..
د.شمباتي سلامات والشوق كتيير لامن غلط ….محمود الجيلي رجل لا ينسي ومتواصلين معاه عبر الفيس بوك وكل قصايده الصوتيه والمقرؤوه تتحفنا يوماتي …منقه تكنو..وهناي..ويا مساح الهم الساح
وكل الحاجات الجميله بتاعت ريحه البن
وما ننسي كل اعمده جامعة الجزيره …عمك عوض …معصوم …حامد بتاع الجبنه..خاله حواء-الاعداديه- خاله زهراء وكل الحلويين حقيقه ايام لاتنسي لاتنسي لاتنسي
ـــــــــــــــــــــــــــــــــــــــــ
كسره
د.ياسين بالنسبه لموضوع الايميلات والتلفونات الادمن ولا اشتغل بينا شغله انشاء الله المانع خير يا استرايكر
ـــــــــــــــــــــــــــــــــــــــــــــ
كسره تانيه
برلوم يسأل برلومه
في اليوم الاول للجامعه
هل انت اساسا من مدني
لما كنت بجي الاعداديه يا شمباتي بسأل ابو الهول لكن ما برد السبب شنو ؟؟؟؟ ثرو فكي ابكرون رقاد خيرات معلوم اسباب—عربي خليجي هندي أردو—
شباب : سلام عليكم :
فى سيرة البكا الواحد بيتذكر بدرى كان فى جارتو فى الحله بنيه زى اللكومه بتذاكر معاهو ايام المذاكره مختلطه بريئه قبل الاسلام السياسى وقبل امتلاء دار المايقوما بثمرة المذاكرة المختلطه !!! اها قمت فى يوم كتبت ليها قصيده سغنتوتيه كده من وحى الملكه الفى الزمن داك قامت القصيده وقعت فى يد اخوها والحمد لله اخوكم من زمان بتاع تشفير واكواد والزول ما فهم شيئ من القصيده وما قدر يفرزا مدح بما يشبه الذم ولا رثاء بما يشبه البكاء ولا فى تعظيم المصطفى المهم زولنا راسو لفى شديد قام جانى وقال لى ياخى الورقه دى نسيتا فى كتاب اختى عليك الله تانى ما تنسى ورقك فى كتبنا !!! ومن اليوم داك وانا بنسى كتبى فى ورق الناس !!!
صديقى س خريج حاسوب ادبى كتب فى محبوبته قصيده مطلعها :
بفتش مده لى فى جهاز اجمع فيو بعد حددت لى صفاتو
انقى فى سرعتو وسعتو عشان تسعدنى راماتو
افتش كيس يكون اسود يكون مستور وماها كتيره فتحاتو
انزل فيو مضاد فيروس عشان يحمينا من هكرا وسوءاتو
يكون متناسق الابعاد وشاشتو موافقه كيبادو
واوت بتو ما يطلع مشاتر وشينه قسماتو
القصيده طويله حننزلا فى بوست خاص لو الله هون ..
شمباتي :فعلا الصديق للضيق…بعدين ياخ وصلتنا اخبار نحيب مكتوم مدسوس فتو ما تتفقع …جاتنا طراطيش….ياااخ جردل افليقا لي سلولو ما بنفع معاك انت السي فود قرب يجيب اجلك ….إحترز كلو بوقتو اولا اعمل ليك (لباس) اقصداعمل هن.. (هن لباس لكم) بعدين يا ولد ده حق الناس الكبار الله ….!
عبد الرحمن البرلوم ع يبالغ…ما عندو موضوع كان تقول ليه شهاده عربية من (التوحة)…
شكيتك يا افليقا …انت من زمان كده اسه خلينا من سين وصاد ،حاسوب وخريج ادبي ! قول الحقيقة ده ما انت (سمسمه بعيده وما متابعه)
معقول تكون حافظ قصيده طويله من الزمن داااااك
عبدالرحمن..ابوالهول دا برد على ناس معينين بس!! الادمن دا بجضمو ليك..وخليك قريب..
ابكرون..ما بسالك,,ان شاءالله يحصل ليك زى الزول الفى الايميل الانتحر!! لكن بس ما تموت علينا..
أبكرووووووون
دى لزوم الرجفه ، الوداك تهبش القصيدة دى شنو ، قومت علينا النفس والكحه والروماتزم زاتو .
القصيدة دى ليها كلام تانى عندنا أهل البيت . متعكم الله بالاطايب بعيدا وقريبا غريبا .فسرها انت براك . بس بجد أسعدتنا هذه القصيدة والمتألق كمال ترباس وهو يعطها البعد الرهيب .
ود الفتيحاب : لكن بالغته ما قايل رجفيبتك قدر ده تعرف كلام (عب عال) ده فعلا بهبش وترا حساس وبخلي حتات مدفونه تنقح تاني …لكن نسوي شنو (الماضي اسمه الكان) ….وفي اشياء لا تنسي…….تعال هنا انا زي الشايفك قدام العشي الثانوية …..هههههههههههه استغفرك يا الله….
(متعكم الله …الخ فهمتها وفسرتها بمفهوم …. آميييييييين….بفهمها طايره)
حكاية 😦 سمعت يا ابكرون ناس واحد خاتنه فى الكف وواحد فى الرف وواحد مابعرف وين عليك الله ديل ناس محنه ولا تجار —–والعجب ناس دايرنها شغاله وعربيه الخ معقول الحب اختفى وبقى كله فلوس ففى فلوس)
تعرفي يا حكاية ده زمن المفارقات ….والضمانات كان طاااار بتاع الكف يرك الفي الرف وكان طاروا الاتنين يجيبوا اخينا الماعارفاهو وين ده …..وهكذا دواليب…..
الحبيب ابكرونا والااخوة الاعزاء سسلام …. الناس دى قاعدة على الهبشة بس مايشوفو صيوان الا يتجمعو ويجيبو مناديلهم معاهم غايتو جنس كبكبة …
بالنسبة لي … قد تكون كترة الترحال ماخلت لى شئ من الزمن الماضى لكن أذكر بكل حب وتقدير معلمى بالمدرسة الابتدائية (مش الأساس) الأستاذ عوض الكريم الزبير (لاعب الموردة سابقا) وفى الغربة هناك أناس اتمنى لو يعود الزمن الى الوراء لمواكبتهم مرة أخرى بالرغم من حلو ومر الذكريات معهم … وفى التاريخ الحديث جدا أعتبر بل أجزم بأن معرفتى بهذه المجموعة الخيرة النيرة محطة لا يستهان بها آملا أن يستمر التواصل والالفة …. لكم الود
الحبيب التركي : شكرا علي المرور الصيوان خلاص عايزين نرفع بعد صلاة المغرب وما تخاف عليهم اخوك كان (انا يا المساح دمع البكي)….
سنكل : حسب الوعد دي جرسة د.عمر محمود تخيل الممسوخ كان في اولي طب وهي في رابعة آداب لكن السماحة بهدلتو :
——————————–
يا سيدة لا *** فايتانا وين مستعجلة
شرط امتحان ما انت كملت الحلا
لازم علوم ما بالسماحة مؤهلة
يا ساحرة نايرة ومذهلة
دار النشاط الليلة صبحت قاحلة
حزنت لياليها وصبيحاتها وتبكي اصائلة
ما كنت نورها ونسيمها وبلبلة
وكنت الضياء البرشح سناها مجملة
وكنت الندي الحاضن زهورها مدللة
فايتانا وين مستعجلة ؟
فوتك منو العاد بيقبله
كل القلوب تخضع تجيك متوسلة
تتبع خطاك في ابتهال
وتزرع دروبك وتشتلها
فايتانا وين مستعجلة ؟
السلة (1 ) تبكي مولولة
الليلة صبحت ارملة
جفت درويها وبهجته
وبنت العناكب مدخله
ما كان عشانك يا ملاك
نحن بنجيبها وندخله
وكنا بنصفق للحلا
لكن يمين حالفين وراك
لا نجيها يوم لا ندخله
حادين عليك يا مذهلة
فايتان وين مستعجلة ؟
القمر وقتين خنقت
روحنا ليها بنسالها
قلنا لها ايه سبب الغياب
ساعات ظلامنا الطولا
قالت خلاص بارضكم ما لي صله
انا كنت مشتاق للعيون البطبيعة مكحله
يفدي الديار واجمله
فايتانا وين مستعجلة ؟
غلطات كتيرة الكمبيوتر يعمله
يمكن سهي يمكن نسي جاط النمر باكملها
ما قالوا يعرف كل شئ
ليه ما عرف ست الحلا
لو كان عرف كان النتائج عدله
وعشان عيونك يا قمر كان خت اسمك اوله
الجامعة بعدك كوم رماد
لا تنفع آداب لا اقتصاد
لا فيها طب لا صيدلة
وحقوق كمان حقوق شنو
والله اكبر مهزله
مالو العميد مالو البليد
مالو لو رفد المصحح والمعيد
لو خلا ست الناس تعيد
نوم الضهر تبقي له ضر الجاهلة كيفن ما بتمر؟
———
(1) كانت تحب لعبة كرة السلة
أبكرون و انصاف الكواشف و الكواشف سلام شديد
ما قصرتوا عصرتوا البرش تمام…. اعذرونا دابنا سمعنا …
انتو برضو عندكم الدانقا قاعدة ترجف و قاعدا تنزل في الدمعات من الهابي نيو يير الفوق و الا دا كبيوتري براي و الا يمكن دا من مقال ابكرون…
سأل (الجابري) رحمه الله و استغرب…
تولى العام يا دناياي … لم تعطف و لم تسأل
و ما زودتنا حتى القليل… لعامنا المقبل…….
نظل نسال نحن و العام الهجري الحالي انصرم و بعد أيام ينصرم الميلادي أيضا و الجمعة الجاية أول يوم في الميلادي … كيف كان الجرد للعام المنصرم، كم كسبنا و كم خسرنا… و كم من الدمعات و من الآهات نزلن من عوينات المحبين و كم شاكشوش نزل بردا و سلاما على أصحابه و من توفقوا و من حصدوا قمحا و وعدا و تمني……………………….
عام سعيد للكل و عقبال ما يسحبوا من رصيدهم من العام المقبل كل الخير و الود و يرجع كان في طريقة كل ما يساهم في
ريّح شقايا وجمّني….!!
السلام اهلي الكرام
الاخ ابكرون : اخترتا عنوان عجيب يحفر في الذاكرة ليخرج كوامنها ويتمنى يكون وسط الاهل في بلد كل شئ فيها ينبض بالحياة صحي المدنية في كل شئ هنا في الصين لكن بلا حياة نابضة نحنا موجودين كلنا شوق لبلدنا ولسان حالنا زي ما بقول حميد
البيت دا بيتك يـاحبيب
أدخـل.. مخـير وماك غريب
اتمـدا في اقـرب عنقـريب
مبهـول في حـوضو الهمبريب
النيمه يا العنـابه ضُل
أغشى التُكُل
خـرمان في شـاي
جيعـان أكُل
وداك التمـر
والزير قريب
بايت من البارح ملان
راقـد في صـدر الهمبريب
دُر تقـرا ديك كتب الولاد
قلقت أو طـال الرِجي
كورك. نقول لك… هـوي…
بُعـاد
رسل لنا المُرسـال نجـي
يـا… روق
بإحساس المحـب
سيـد بيت
وعننـا مـاضِهِب
الهيلنا هـيلك شِن نـدس
مـاطال عُمـراً يتحسب
في ياتو بنك
وياتو عِب
يـات خزنه غير
خِزن النفوس المــــاهله
مفتاحهــا القلب
……………………
قول لابن آدم
في بلد
طـالت معاناتو وتِعِب
سكانو دايشين بالشرق
وحكامو طـاشين بالغرب
“”””””””””””””””””””””””””””””””
إحنا اللي فاقديـن
أي شي في الدنيا
مـــالكين كل شي
بالفينا بالحيل ودا الدرب
والتابع الصــاح ماضِهِب
ابكرون : انحنا متابعين خلينا في شوق البلد احسن !!
افليقا : الذكريات صادقة ونبيلة
د. عزت :ما قصرته يا شفيف وكل سنه وانت والاسرة بالف خير ..
سمسمة : شوق البلد من شوق افليقا….يا حليلو فاض بيه…..
حميد كان يقول:
———
قلقت أو طـال الرِجي
كورك. يا افليقا… هـوي…
نحن بُعـاد
رسل لنا المُرسـال نجـي
يـا… ابو سروية
بإحساس المحـب
سيـد بيت
وعننـا مـاضِهِب
ابكرون : عشان كدا قلنا العنوان خطيييير وغلبنا التعبير لكن خليتنا نرجع بالكتير بس يكون لينا العذر و غيرنا بالاحرف يعبر وووو
معذور لو قلبي اشتهاك ما إنت عارف فرقتك ما بيحملا القلب الهواك …
معذور…
دا مناه يوم ما نتفرق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني ألحق بيك سريع نتلاقى والأشواق هناك
جاييك هارب من سنين جاييك واقع في حواك
“””””””””””””””””””””””””””””””
وما كان قدر ذكراك صِبح يومها التزور مُره ووجع
معذور… لو قلبي اشتهاك
“”””””
اهئ اهئ اهئ
علبة المناديل كملت النجيب واحدة تانية
افليقا : تفضل حبيب الروح وابو عيالي وكل خطوة بخطوها بتكون سايقاني خطواتك ورغم البعد بيناتنا في حنايا الروح انت بس ساكن
…………………………………………………………..
لانك ياحبيب الروح موطن جوة وجداني
متكن في الشعور الحي براك والله وحداني
معاك ما اجمل الايام وكت القاك وتلقاني
يفرهد وعدنا المشتول علي درب الوصال تاني
انا الشايلك معاي احساس محل قبلت في ذاتي
بحبك في هجير الصيف وفي الليل البكون شاتي
بحبك انت شلة خير بتهدي تملي غنواتي
“””””””””””””””””””””””””””””””””””””””””””””
خلاص بعد دا النقوم عصرت الفراش لامن بقت علي قصة اهل البكا غفروا والجيران كفروا
اهئ اهئ اهئ
يا عيوني ابكي دمع الدم……
الزمان بفراقي حكم
——————
والله لكن يا سمسمة اصيله
يا هوييييييي يا ناس سهيل
يا استرايكر
يا عزت
شوفوا الزول المغبي ده وين فازي
اقطعوا ليه تذكره للصين
ولا جيبوا الصين ذاتها عندكم
لومكم علي انا لمن تجي الصين طايره فوق الدوحة ادفرها عليكم دفر…….
الفكى ابكرونا ..
سؤال سغيروووونى كدا ( زى كل مرة )..
حلال عواطف تكسر التلج لسعيد ..لاكين لامن سعيد يكسر التلج لعواطف القيامة تقوم …السبب شنو؟ ..هى المشاعر بتختلف ؟ .
غايتو عليكم جنس حالة يا ..ابناء سعيد !!!
غايتو علبة المناديل لسه ما خلست .. .
– ويا سمسمة ربنا يرجعك بالسلامة لوليداتك …………وافليقا كمان ..ما قصرتى تب !!
الفكفك أبكرونا ..
أها الليلة خلاس مغادرين ديار عبلة وليلى …وكل قرد راجع لشدرته ..
سلولو : ياااخ ما قلنا ليك ما دوامه ……خلاص العرجا لي مراحا ….
—————————–
هاردلك لسان حالك يا كبير يقول وانطوت في القلب حسرة ….ابكي علي الاطلال يا طرفة بن العبد معليش الاجازة الكبيرة قربت :
——
فى ربيع الحب كنا نتساقى ونغنى
نتناجى ونناجى الطير من غصن لغصن
ثم ضاع الأمس منى
وانطوى بالقلب حسرة..
اننا طيفان فى حلم سماوى سرينا
واعتصرنا نشوة العمر ولكن ما ارتوينا
انه الحب فلا تسأل ولا تعتب علينا
كانت الجنة مأوانا فضاعت من يدينا
ثم ضاع الامس منى
وانطوى بالقلب حسرة ..
أطلقت روحى من الأشجان ما كان سجينا
أنا ذوبت فؤادى لك لحنا وأنينا
فارحم العود اذا غنوا به لحنا حزينا
ثم ضاع الامس منى
وانطوى بالقلب حسرة ..
ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوى بالقلب حسرة..
ابكر؟
الفكفك ؟؟
ابكروننننننا؟؟
مااابسالك ؟؟
ريّح !!
شقايا!!!
وجمّني (وجمّني) عاصمه تشاد !!
وله ديييييييييك (إنجمينا )!!
الله ______بااااالغتوو؟؟
التلفون ____ عندكم..؟
الفاااااااااااااكس ____ عندكم؟؟
الاميل_________ عندكم؟؟
اهااااا ____كمان التلغراف عندكم __؟؟؟
مااالكم ماكلمتونا__ البنيات ديل مابيجن بعصرن الفرااااش؟؟
هسع في زمتكم الطلق البكااااء منوو ؟؟؟
طلقتووو (((روووراااااااااااي ))) ؟؟!!!
وله طلقتوو ____ برااااااك ؟؟
نونو :
يا جماعة الخير زووول يمشي البرج يشوف البت دي مالها …موررررروده ولا عندها زهايمر …..الفراش رفعناااااهو زماااااان (ولا عزاء للبنااااااات)….عربات المتعافي المكعكعه جات وشاااالت المناديل ……سمسمة وسماسم وحكايه ما قصروا عصروه الفراش لمن جاب زيت…..
الطششششان عرفنااااهوو ؟؟!!
كمان جابت ززززززززززززز هههههههههههه ااااااايييييمر يافكفك ؟؟؟؟؟؟؟؟
بركه ….
الفي الزيت….
المرق!!!
لانوو انحنا لو جينا الفراش كااان مرقنا بلاوووووي؟
انا الليله ما فاقد لي زول بس ……! فاقد امدرماااااان وعايز اتنخج برااااي في زول عنده اعترااااااض …خلوني ما في زول يمسكني:
————————————
من ليل ملتخ بالكوابيس والسهر
فجيت رؤاي
قالدت سوق الشجرة وأب روف والبنات
الزنكي
سوق الناقة
والناس والخدار
وقطعت حي البوستة مرفوع الكلام
ودمي ينبح ويندهك
…تاوقت بي عيني اليمين
جوه الشمال
من قلبي كان نازل مطر
لون المطر كان بشبهك
عبيت مشاعري من النسيم
وزفرت طلعت الوحيح
خفت النسيم ما يجرحك
الله اذا ما ارتاح شجاي
صِبح الحزن مليان ضحك
وجاني المنادي ينادي بيك
وسرت زي الضو عليك
وصرخت ياجنة بلال
عالجني ياعابدين شرف
سامحني يا استاد الهلال
الليلة يا ام درمان بشوف
كل المدن في توب سماحتك تنهجك
زهت الفتيحاب بالشمش
واتبسمت بانت على وش أب كدوك
والعرضة غنت من مطامير الحقيبة الصادحة
هم ما بشبهوك
من يوم ولدتي العاشقين
ما شفتي يوم بيت ناس ابوك
وعشق المدن توّر علىّ جرح الغرام
غرامي ليك
خايف … بي جمالك يشدهك
واتلملمن بنوت فريق القلعة
غنن من شعر ناس ابو صلاح
يا الله لزمني الجراح
انا ما حبيس سجن التلج
لكني مطلوق السراح
أبكرونا ..
شايفك وصلت لحد ابوروف وسوق الشِدرة وما عرجت ولو ثوانى على وادنوباوى وحى العمدة..
كنت مستعجل ولاّ شنو؟ نحن صرتنا ما مقطوعة بيغادى ..
كدى أديها لفة تانية وتعال ..
الزول خلووووه ما فى زول يمسكو ..خلوهو يفك عن نفسه شوية ..
ما أصلها دى أعراض الشيخوخة بتبدا كدا !!
سلولو :ياخ ودنوباوي والعمدة والركابية في الراس …..خلاص بكلم محجوب شريف يعرج بيغادي …ولا تزعل…سامحني يا استاد الهلال……\ي شيخوخه مبكره يا سلو…..آآآآآآي بالله خليني وزح مني وخليني ابكي واتدردق زي ما عايز
————————
كسيرة عند صينية الازهري :
التحية للدكتورة /ناهد محمد الحسن وهي مضربة عن الطعام في منزل الزعيم تضامنا مع الاطباء ومشكلتهم….
والله كلنا عايزين نتنخج ونتدردق ونتمردغ,,لكن كمان لطم الخدود وشق الجيوب حرام!!! وعبرتنا ما بتروح بالساهل لانو الغباين كتييييرة..
واضم صمتى الى صوتك وانت تتضامن مع الدكتورة ناهد الانسانة الواعية وهى تجاهد من اجل نصرة وطن..وصباحك زين يا وطنى..
وريح شقاى وجمنى يا حاج…..
أيمانن مننا بمبدأ المشاركه فى النخيج هاك كتفى دا و بلوا أنا شايل معاى قميص أزبير
عازة في هواك
عازة في هواك عازا نحن الجبال
وللبخوض صفاك عازا نحن النبال
عازة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عازا ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عازة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عازة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عازة ما أشتهيت نوم الحجال
ولا السوار بكي في يمينا جال
وعازة في الفريق لي ضيق مجال
قبيلة بت قبيل ملأ الكون رجال
***
عازة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عازة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
***
عازة في حذا الخرطوم قبال
وعازة من جنان شمبات حبال
وعازة لي ربوع ام در جبال
وعازة في الفؤاد دوا يشفي الوبال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال
————–
بالله شوف العظمه دي يا ابواحمد
و الله يا أبكرون عازه فى هواك د أنا كنت خاليها لليوم الأسود لكن بعد لقيت محنتك المن الصباح دى قلت أنتفضلك بيها و أن شاء الله أيامنا كلها بيض
معليش يا ابواحمد اخوك فاض بيه وفكيت حيرتو ….وبعوضك ان شاء الله يوم نخيجك بس ادينا خبر….بنديك درر ولآلي تنزل مع الدموع تف تف ……الله لا جاب يوم نخيجك ….مشكور
جنس نخجى وانبراشة!! ان شاءالله يوم نخيجكم ما يجى..